孖沙茶餐廳 (Closed)

再一次嚟到孖沙，目的當然係要試一試呢度嘅至尊頹飯(3眼仔飯)，睇吓究竟有咩特別，我當日去到孖沙嗰陣時，仲差大約10分鐘先至到上午11:00點，但店內已經坐滿客人，嘩……唔係吖嘛？所有真係有理由相信3眼仔飯到中午12:00前可能就會賣哂，幸好我趕得切埋位，然後即刻叫阿姐幫我落單要個腸仔煎蛋飯，阿姐同我講，話3眼仔飯最少要等20分鐘，我話冇問題，等咗廿分鐘之後，碟飯終於嚟度枱面，3隻蛋真係煎得好靚，而且帶有燶邊，腸仔炸過非常香口，再加埋秘製甜豉油及煙韌嘅飯粒，將蛋黃篤穿，蛋汁+甜豉油+飯粒嚟一次大兜亂，即刻產生咗化學作用，真係好味！喺我食緊飯嘅同時，我聽到老闆向客人係第3次同客人講煎蛋飯暫停(短短15分鐘內第3次叫暫停)，認真誇張，而且呢度嘅用餐環境真係非常擠迫，一張好細嘅圓枱，但同時要坐7個人一齊用膳，所以要嚟孖沙開飯嘅朋友就要有心理準備，食飯嘅動作真係唔好過大，否則會好容易撞親隔離

上環~基本上每個星期我都會去兩三次，而孖沙茶餐廳我亦曾經路過呢間小店嘅門口好多次，不過每次喺午飯嘅時間，我都因為睇到孖沙門口嗰條不死嘅人龍而令我却步，但今日終於都有幸入嚟一試，因為係下午茶時間，比較冇咁多人，我目測所見，呢度就係地方比較細，有4張大圓枱同門口兩張嘅小方枱，基本上可以容納大概廿幾人同時用餐，呢度雖然麻雀雖少，但五臟俱全，真係乜嘢餐都有，原本嚟呢度想試三眼仔飯，但深知係下午茶時間，根本冇可能食到，唯有明天請早，我叫咗個孖沙餐A~沙嗲牛肉炒意粉+凍奶茶，total：$28蚊，碟意粉嚟到枱，真係聞到好香嘅沙嗲味，未食都已經覺得好吸引，雖然牛肉同意粉嘅份量係比較少，但真係好好味，意粉食落好juicy，牛肉軟淋有牛味，再加埋杯凍奶茶真係冇得頂，奶茶~茶味夠，奶嘅份量恰到好處，最重要係夠凍，甜度適中，合格！(註：三眼仔飯嘅供應時間係每日嘅中午11:00點-下午嘅2:00點，但我個人認為，如果真係要嚟呢度食三眼仔飯嘅話，最好都係中午11:00點左右嚟食就最好，因為再晏d接近中午嘅時間就會開始出現人龍，人潮直撲埋嚟，令到用餐氣氛相當緊張，另外一提~孖沙每日一到下午3:30分，所有廚房炒粉

Random入左間平平地既茶記食早餐🥣上環區仲有廿幾蚊既早餐都算係咁呢間係傳統懷舊茶餐廳，冇乜野特別裝修，勝在夠懷舊我叫左吉列魚柳早餐，都只係$28🤤好耐冇食過廿幾蚊既早餐🙈而且都幾多野食架！有吉列魚柳，煎雙蛋，火腿，牛油多士加一杯野飲☺️💕味道如何？1. 吉列魚柳有啲油膩，size有啲細2. 雙蛋，我叫左反蛋，不過個蛋黃熟左😭😭😭3. 牛油多士，烘底唔洗加錢架👍🏼4. 茶走就有啲澀塊火腿好似係俾多左我🙈唔知係咪因為塊吉列魚柳比較細咁平都冇得要求咁多🤣

一直都想幫襯孖沙嘅名物:三眼仔叉燒煎蛋飯(連OL都唔怕胆固醇超標)今日終於有時間去會一會佢！去到嘅時候都差不多係放飯時間，但見到入面都坐無虛席，咁梗係喺門口排隊等入坐啦！😆好在今日天氣清爽，如果喺夏天我一定唔等費事熱死！🤯(我最怕太曬😎太熱)又好彩喎我唔使等太耐😚入坐後就急不及待即叫名物📣叉燒煎蛋飯啦！再加杯凍奶茶同一塊煎豬扒🤤落咗order後呀姐千叮萬囑話名物需要等15分鐘🤔唔使等幾耐件煎豬扒嚟咗(留意返喺淨喺件豬扒，叉都無俾我唔通我要用隻手攞住食咩！)🙄。奶茶都到埋！🤩⭐⭐😊飯嚟喇！👏👏👏果然名不虛傳👍三隻煎蛋煎得好靚有燶邊得嚟又見到啲蛋黃震滕滕！好juicy！叉燒就瘦咗啲(交嚟嘅貨、係咁尚吓啦！唔太其待)蛋上面嘅甜黑豉油先至係靈魂🤤當蛋黃液同黑油+叉燒+飯呢四樣嘢撈埋一齊！嘩！簡直不得了！奶茶都冲得唔錯！豬扒都ok嘅！超標就超標啦🤔有時間可再去試多次！😁👍

商業區一到午飯就人頭湧湧，任何鋪頭都企著人群排隊等候入座食嘢，我自己一個去食就較容易搵到位，而且習慣會去一些去開的食店，就好似呢間孖沙餐廳， 雖然入面好迫，不過因為價廉物美，我都唔會特別太過苛求什麼了，今次我叫了這個豉椒牛肉炒麵，保持水準，面仍是很脆口，而豉椒及牛肉也很惹味， 我習慣 會加點辣椒油， 辣上加辣令我精神為之一振，另外，配的一杯熱鴛鴦是推動我下午做嘢嘅動力來源，一碟飯加一杯嘢飲，盛惠46元，合理，無話可說。

呢間餐廳我試過幾次，每次入去都見到啲人問有冇叉燒蛋飯，而答案通常都係冇嘅，原來呢度嘅叉燒蛋飯已經食到出曬名，好多遊客都會慕名而來，今次特登早啲去食個晏晝，所以好輕鬆就叫到這個飯，最大特別之處係份量十足，有幾隻蛋蓋住叉燒，面頭嘅豉油係畫龍點晴之作，叉燒不硬好啃，論味道是街坊口味，論價錢亦係街坊價錢，對我哋呢啲打工仔嚟講真係好受歡迎，只係稍為不滿是晏晝太多人，要排一陣先入到去，但總的來說整體是不錯的。

好彩唔洗排隊，最後一張枱立即衝入去。 舊式裝修 摺枱圓凳，幾張枱但人頭湧湧入得呢個門口點會唔識孖沙三眼仔，「叉燒煎蛋飯今日仲有冇」， 冇錯...一碟咁"簡單"嘅飯唔係"我要"就有， 如果你認為簡單你更加之錯!!我都忘了食咗幾多次閉門羹，先有機會食到呢味飯。唓，有乜咁特別?! 堆頭夠 、叉燒煎過、 三隻立體連體太陽蛋重點在豉油，唔喜歡豉油撈飯/未食過就唔會明豉油最強作用。 情意結吧！名為男人的浪漫， 當然由男人食， 他低著頭密密食密密食，嗯…好味好味。 應該只有男人才明白的味道😐油占多是小時的回憶，每一次嚟都會叫， 喺等飯嘅時間可以攝攝牙罅!! 就係鍾意果堆果占一啲都唔孤寒，烘底要見到金黃色，外脆內軟，食落先夠爽!溫馨提示 :賣曬就冇，唔好太晏去。

上環雖然食肆眾多，但是一到了工作日的午飯時間，寥寥幾間的既較為經濟又質素不俗的食店，通常都是人滿為患，有時甚至要大排長龍。以前到了月尾必定會金太陽見，但是近來發現金太陽已經結業，早餐未有著落，只好沖杯咖啡吃個麵包，午餐則選擇要排隊的孖沙。午膳時間只有一小時，而如果辦公室又可以飲食，買外賣較為方便，可以預先打電話落單，老闆娘會告知領取時間，省卻大熱天時在街上排隊半小時以上。來到取餐時看到一眾打工仔大汗疊細汗排隊便知道在這區食個午飯其實不易。很久未吃過，點了經典的叉燒煎蛋飯，雖然覺得還是餐肉較配煎蛋。三隻蛋黃無需再介紹，雖然算是頹飯，卻令人覺得簡單而滿足。

之前見電視介紹即管嚟試下三眼仔飯，叫了三個茶餐同埋腿蛋飯，因為叉燒賣晒，茶餐冇特別，麵包好求其，雞翼炒意粉有咖哩味，好明顯唔會洗鑊，沙爹牛肉麵沙爹味夠濃唔錯。至於火腿蛋飯有三隻蛋(三眼仔飯)，火腿超細塊，雞蛋味算香濃，味道都ok, 可能期望太高所以有點失望，凍奶茶好飲推介茶味夠香濃唔會太過奶味，凍檸檬茶和紅豆冰味道一般冇特別，舖頭雖然細細坐得迫但店員姐姐也有禮物，但在港島區收咁平價錢真係好少有。^ ^ 😋😁😀

今日順路去上環做野，但又無食早餐，所以未夠11點就搵地方食個 早午餐。行過見到平時排隊的老店門口無人，立即跳身其中。之前一直無試就係因為要排隊，今日終於可以一試三眼仔飯。落單後，姐姐好快就將三眼仔飯送上，有效率。三仔眼將底下的叉燒完全覆蓋，一見到大大的三隻眼我就急不及待將佢破壞。蛋汁伴飯從來都係由細食到大的 簡單美食，更何況有三隻蛋。但食到叉燒時，我就覺得伏左。叉燒又乾又咸，同我想像的有好大出入。 乾都唔緊要，係健康D (廋D) 者，但咸我就頂唔住。食到一半，我都頂唔住，唔再食。如果唔係有蛋汁，我估我食唔到一半的飯。可能我以為佢係蜜汁叉燒，所以先有落差，但就算係咸，都唔好 咸到連打淡食都食唔到。總結，見面不如聞名，可取的是其性價比，因為$41 有飯有飲品，在上環是唔錯的選擇。

今日去開上環同老婆經過孖沙茶餐廳，兩點鐘都排晒人龍一場黎到點都要試吓佢嘅三眼叉燒飯，另外加多杯紅豆冰，飯送到面前就已經俾佢三隻蛋吸引住，最面頭的是荷包蛋水汪汪咁，下層是叉燒我用匙羹吉穿隻蛋黃，蛋汁流落去飯面，白飯加蛋汁一食落口非常之香口，加埋叉燒林林的，所以我明白點解咁多人排隊食呢間餐廳，大熱天時飲杯紅豆冰透心涼，紅豆浸透不太硬有口感軟綿綿，紅豆也不太甜十分適合我，這餐我非常滿足，會有下次但是要預返時間來排隊

I’ve been eating breakfast here regularly for the past few years. Yes, there are days when the service is not good and the food is a bit disappointing, but in general, I’d say this place is a good place to eat.For first-timers, you may be shocked by the seemingly rude attitudes of some of the staff, but it is definitely something you shouldn’t take personally. I was shocked, even a bit unhappy when I first tried the place out for breakfast, but Ma Sa Restaurant really grew on me.Today I finally

本身見到叉燒煎蛋飯好似幾吸引，又近近地，決定lunch去試下。坐低之後嗌野食，個呀姐話無哂叉燒煎蛋飯啦喎，咁我就叫左個干炒牛河，唔夠5分鐘個牛河已經到左，但完全非常失望。個牛河完全唔熱，係少少暖都無，好明顯唔係即刻炒出黎，好似炒左好耐放係到咁，點解堂食都可以咁差，其他茶餐廳都唔會咁之後食食下聽到有人嗌外賣又有叉燒蛋，又點解話無哂叉燒呢？再之後有人想嗌叉燒又話無，完全一時一樣，諗唔明，服務又差，不過唔會再去了。

有一種女人有陣時鍾意食港女fancy嘢，有陣時又鍾意食「麻甩野」，好似被稱之為「吃貨」🤣 我就絕對係吃貨嘅其中一員。最近嘅天氣極度炎熱，新聞都報道話係因為全球暖化嘅影響，今個五月係有史以來最炎熱嘅五月，已經連續多日都係超過30度嘅高溫，呢個時候去冇冷氣嘅地方食飯，同自殺冇乜分別。但作為一個專業嘅吃貨，我又點會因為太熱而唔去我鍾意食嘅餐廳呢？今日返工喺上環附近，就拉咗朋友陪我去呢間茶餐廳度食。好彩唔使等位，如果唔係咁熱嘅天氣底下仲要排隊，朋友一定鬧死我。呢間茶餐廳係我嘅bucket list入面好耐，今日終於有機會試吓呢度好出名嘅「黯然銷魂飯」。有睇周星馳嘅都知道呢個飯其實就係叉燒煎蛋飯。我同朋友要咗一人一份，等咗大概15分鐘先有得食。一嚟到嘅時候，我都好疑惑。叉燒呢？原來係收埋咗係三隻煎蛋下面。(三隻煎蛋成日都俾人稱為三眼仔。)吉破蛋黃，用蛋漿撈飯，就係我嘅至愛。除咗「三眼仔」之外，叉燒都唔錯，夠嫩滑！不過如果外層可以窿多少少就正嘞！

冇諗過今日去上環食lunch，平平哋都可以食到好好味嘅人氣「三眼仔飯」。「三眼仔飯」，又名為暗然銷魂飯，簡單啲來講就係叉燒煎蛋飯。因為面頭嘅煎蛋有三隻蛋黃，所以好多人都叫佢三眼仔。落單嘅時候，店員都同我地講要等一陣。呢個飯大概要等10分鐘，一嚟到嘅時候我哋都好興奮。煎蛋下面有好多好多嘅叉燒，每一舊叉燒都好嫩滑，肥瘦適中，超級香口。吉開雞蛋黃，仲可以有蛋漿送飯，而且面頭諗左好多豉油，係一個超級邪惡又好好食嘅碟頭飯！