麥文記麵家

Open Now

Now Closed

一個人去到佐敦搵好嘢食，就發現突然好想食雲吞麵。佐敦有兩間很出名的雲吞麵，而呢一間就係比較好食嘅一間，大家千祈唔好去錯！今日唔知點解特別肚餓，所以嗌咗一碗雲吞麵同埋一個豬手撈麵。食完真係感覺好滿足！先講雲吞麵，食得出麵本身非常彈牙，湯底亦有淡淡的香味。呢度嘅雲吞出名係用全部下去製作所以食落去特別鮮甜整體來講呢一個雲吞麵係非常出色！最後講埋豬手撈麵，個南乳醬汁非常好味，成功令到豬手撈麵更加有層次，我成功一個人食咗兩碗麵😋

<麥文記除左細蓉 牛腩都好正>😍麥文記呢間食細蓉既老字號 好耐冇黎過 但今次食多 d肉 就點左牛腩撈麵 都好正🐮🍴牛腩撈麵 48 蚊🐮🍜枝裝可樂 11 蚊🥤牛腩都幾多下 肥瘦適中 應該係用類似柱候汁黎醃 牛腩味濃 而且有口感 而且用左好多腩汁 感覺到牛肥膏同腩汁撈埋一齊好有膠質既口感 😆好正 撈麵 比較幼身 盡吸腩汁😈間中點下佢個湯可以減少黏稠感 雖然呢 d粉麵 鍾意點乜醬都各有喜好 但我都係比較鍾意傳統食法 用辣椒醬 撈 撈麵 辣辣地又有口感🌶好襯 正 加埋冰凍可樂 成個人 gur哂😈#牛腩 #撈麵 #牛腩撈麵 Score 平均分 <7.1/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#麥文記麵家佐敦白加士街51 號地下~~~~~~~~~~~~

我細細個就食麥文記，曾經佢係我最愛麵店之一，真係會成日去食。以前都有人話有兩個職員無乜禮貌，但係無咁對過我，我以前覺得佢地都好好人㗎。但宜家人多左，佢哋可能都燥燥地，會態度唔好。對住小朋友老人家都無乜耐性，拎住好大個鐵桶d姐姐，真係好趕時間，橫衝直撞，嚇到個老人家差d跌，唉，好彩有人扶得切咋！但店員可以零反應！上菜都係呀，好危險！我知多人好忙，但安全要緊呀！雲吞唔需要講，以前係超好食，雲吞d蝦好彈牙好好味，但宜家係越來越咸，好咸，個湯超咸。例叫牛腩撈，炸醬麵，豬手，全部近年嚟都好咸下，唔止我覺得，其他人都覺得。好想繼續支持，但無奈食物真係越來越差，而且有d店員真係要留意吓安全！

麥文記嘅雲吞麵香港都好出名，歷史悠久，係正宗懷舊店舖嘅細蓉：雲吞直頭擺底， 被麵條完全覆蓋👍🏻我哋先食一個冇加任何調味嘅嘅麵條、湯、同雲吞。麵條彈牙，冇鹼水味；湯係清甜嘅，唔會頸渴或有味精；雲吞有新鮮蝦，食得出鮮味。😼然後我哋試咗用少少紅醋做點綴，味覺會好唔同，但一啲都冇衝突，好快食晒，正～🤤BTW，同其他雲吞麵店比， 呢度嘅份量比較細，男士未必夠食，可能要叫多啲小食👀。-上湯雲吞麵 | $36

由於趕住落街去順豐攞件，之後又要同阿B去公園玩，所以快快脆中午去食個麵，見麥文記無人排隊就入去。未坐低就叫伙記寫個牛腩撈，麵未到、湯先上，今次啲湯幾濃，有時會淡左😅，麵到，由於肚餓加上腩汁野味，10分鐘內連湯、麵、牛腩全部食晒。

麥文記麵家一間我已經鍾意食咗好多年嘅鋪頭 叫咗三樣麵食 豬手撈麵豬手味道很不錯夠入味而且彈牙有冇咩毛豬手係其中一樣必試嘅嘢 淨雲吞蝦肉夠彈牙 雲吞又夠大粒而且入邊嘅豬肉唔會太肥食落好香口 牛腩撈麵牛腩汁味道濃又唔會太咸牛腩唔會太韌 咁多嘢來講我係最推介蠔油撈嘅蠔油撈嘅蠔油真係超好味有機會又未飽真係要一試

聽聞系一間好出名既老字號今日行過路過一定要黎食下好近地鐵站，成條街都系食店。成間野裝修好普通。正常港式粉麵舖的間局，睇餐牌先知原來冇得隻併，仲想試埋佢個牛腩添。咁以為叫最出面的雲吞黎食下啦，有睇其他網友的留言都話佢好細碗，所以都做好哂心理準備，哇，點知一上枱哇同我手掌一樣大聽說正宗雲吞麵的擺法系雲吞系下面，麵系上面，咁就唔會浸淋哂d麵麵冇咩鹼水味，好幼身也好爽口，好味啵連我本身食開米線/米粉既人都覺得好易入口。雲吞先系重頭戲有4粒，正！個皮都唔會好爛，內面既蝦好完整好鮮甜，連湯飲埋都唔會口渴真系正野啵（唔計佢細碗外）

Mak Man Kee is a small store located at Jordan. Their Won Ton Noodles are definitely one of my favourites. The egg noodles are firm, chewy, and yet soft. The prawn wontons are also really fresh. And most importantly, the soup is very delicious which adds flavour to both the wontons and egg noodles. Highly recommended to those who are craving a simple yet delicious wonton noodle in Hong Kong! 😊😋

I’m in love with this place! Highly recommend to try tiger shrimp wonton noodle. This place one of not too many who provides you that quality of wonton. The size is big, the taste is excellent. Frankly speaking couple times I’ve got overcooked vegi. But it was fixed by the next visit. I always go to this noodle shop if I have happened to be in Jordan.

今日下午要陪細妹出佐敦買野。中午少不了要找一個食午餐的地方，又不想吃太飽，諗住食個麵，便在麥文記食。午飯時間到達, 門外有人在等位。但好快就有人離座, 可以立即進內。對上一次幫襯, 已經係兩年前。 每次都叫碗細蓉加油菜。今次亦唔例外⋯⋯雲吞大小剛好，內裡充滿了蝦，而且蝦肉彈牙。皮薄及滑！ 湯頭也很清。至於麵條，麵餅放在頂部。以免被湯浸淋！麵條真係好彈牙，是有嚼勁的那種，絕對好吃。湯有大地魚香而沒有梘水味，只係真係好少份量！菜心鮮綠，菜心葉算是好吃，莖則較硬！依間麵店雖然環境一般, 也坐得比較迫, 但食物相當有水準, 可以一試

今日中午食得唔太飽，未食晚飯就肚餓，結果落樓下食碗麵，選擇左麥文記，今次試下牛腩麵。牛腩麵感覺上比雲吞麵大碗，佢係柱候牛腩，仲要有2舊牛根，唔係清湯腩，已經好多地方都無得食。牛腩入晒味又夠淋，牛根有少少爽，都好入味，麵就唔洗講啦，夠晒爽彈，連湯都正😋👍🏼👍🏼

久仰大名嘅麥文記 ，終於今日食到。來到佐敦，咁啱覆診都撞到個朋友，佢又想食雲吞面🤪就一於來試一試 。 google 話開12點，但11:45 去到已見8-9成滿座。試了水餃面，細細碗，有三大粒水餃。面條做得好出色，好幼好爽滑。至於水餃，啲肉唔係咁新鮮，有啲失望，但味道都唔算差。如果下次來 ，會試雲吞，因為見餐牌寫住「全蝦雲吞」....可能係招牌菜特別啲。

難得黎到佐敦上堂，一起身已經諗今日一定要回一回麥文記！今日終於試到，一口氣連食兩碗評一評佢！份量只要做過research ge都知道，麥文記ge麵一定係細細碗，基本上一個大男人要食兩碗先夠飽。呢個同預期中一樣，兩碗ge份量等於出面ge一碗半。湯底好明顯同外面ge好同！佢係好淡味，但係又完全唔似出面果D無味湯。當你嗒真D，就會發現佢有一種清甜清香係入面，而且完全唔涸喉，好飲。麵底小弟唔係咩金舌頭，老實講就唔太食到同外面ge麵的分別。不過，雖然食唔出，但睇得見，麵底明顯唔似出面果d咁黃咁白，而係近似雞蛋面咁ge顏色！戲肉雲吞麵雲吞好得，一碗有4粒。完全食得出係用新鮮蝦去整，而且調味方面亦係好高水準！牛腩麵呢個係我食過最好食ge牛腩麵！佢ge五香牛腩完全係用清甜黎易容，食落唔會過咸，唔會蓋過牛肉味，而且燜得好淋，完全唔起渣！牛筋簡直係正到不得之了，可惜得一舊。呢碗麵ge水準係超級高！

港式食物之中，雲吞麵係我其一個最愛，每當去左外地回港，都一定會掛住港式雲吞麵。由於今日早左食飯，故此到下午茶時間就出去搵食，麥文記雲吞麵勝在唔係好大碗，食完仲有位置返屋企食晚飯⋯⋯過左農歷年加左$2蚊，但好在無減少份量。最愛佢啲湯仲有韭黃係啲麵底，加少少醋，更加好食，啲雲吞入面蝦又大隻又爽口，雖然湯底有時濃有時淡，似乎人多會比較淡，但勝在雲吞比佢隔離嗰間大粒，麵又比佢隔離間大碗，所以我多數會食麥文，除非星期六、日要排長龍啦。

今日午餐時段唔覺得肚餓，遲咗出去食。行到去麥文記先記得原來無攞銀包。咁我見門口有貼微信支付，但我都係無，問收銀員有冇支付寶，佢話有。正，叫我坐低。由於唔係好肚餓關係叫咗個細蓉。味道：✮✮✮✮雲吞大大粒，蝦肉爽口。麵質彈牙，水準keep到！環境：✮✮✮✮典型茶餐廳格局，座位細細。服務：✮✮✮✮服務唔錯，重點係支付寶，估唔到傳統老舖有支付寶，有驚喜。抵食：✮✮✮✮味道好食嘅，但抵唔抵就見人見智 =P。