麥奀雲吞麵世家 (威靈頓街)

Open Now

Now Closed

週末想說去中環新景點--大館逛逛, 沿路走上來看到最明顯的其實是麥奀對面的某記, 人龍超長...麥奀也基本滿座，但起碼不用排隊。老實講我也猶豫了一下到底吃哪家, 觀察了一下, 排某記的多數是內地和韓國遊客，而走入麥奀的就多數是歐美遊客和香港本地人；可能這就是網紅名店和馳名老店的對比吧。懶得排隊的我們最後選擇了麥奀，簡單點了個雲吞麺和一個牛腩撈麺。雲吞麺湯底鮮美，雲吞有料，麺底彈牙，最喜歡的是麺的鹼水味不重，只是。。。太小碗了點，估計一個人吃兩碗才是個正常份量。柱侯牛腩撈麺，牛腩軟腍，汁醬豐富，撈麺充滿風味。份量有比雲吞麺大一點，但也是感覺需要再吃多點才會飽。埋單平均每人HKD53, 好吃是好吃, 不過感覺還沒吃飽。

雲吞麵 -麵質彈牙，鹼水味少，雲吞的的骰骰， 蝦同肉比例平均， 唔會一啲多一啲少，個湯有韭黃，冇腥味， 飲落順喉唔渴雲吞水餃麵- 水餃馅料爽口、有咬口食完好空虚，只夠頂頂肚，不能夠說飽要飽，起碼食三碗

想係Happy Hour 前食少少嘢打底，唔知想食咩，經過幾間雲吞麵舖，就是但入左一架食。入到去八成客人都唔似本地人，好多都係遊客，心諗一定好出名，專做遊客生意嘅，不安。其實餐牌都顯示出，多國語言連日文都有。先嚟一杯熱茶，雖然我識分係咩茶，但真係水滾茶靚，好好飲。鮮蝦雲吞皮薄滑身，蝦夠鮮，細細粒夠爽口毫無腥味及霉味。個湯少少鹹。鮮蝦水餃，正常水餃皮比雲吞厚少少。味道上多元化少少。保持傳統文化，不收加一服務費。

中午第一次跟朋友來吃麵！店裡面裝修漂亮，坐著也舒服。特別有香港風情特色。上菜速度快，菜品美。份量適中，蝦子麵湯🥣特別鮮美。絕對是中午吃麵的首選。今後跟同時朋友，記得光顧。

· 週末黃昏去咗中上環遊中途肚仔有啲餓入黎食碗麵見到原來都係米芝蓮食店之一😍食左一碗雲吞麵唔夠喉, 叫多碗剩水餃😛職員超nice! 對食物環境有咩意見都可以發表~當然呢度嘅環境服務同食物質素都很贊👍清淡嘅一餐都食得超級飽!雲吞同水餃好足料啖啖蝦肉好正!仲有蝦子湯好香甜, 連湯咁食好好味😍😋牛腩筋撈麵都好好食! 油菜好新鮮!😋茶杯餐具都好精緻!環境好有香港嘅味道👍

近日胃口麻麻地可能因為中秋節過後食滯咗！又到食晏時間總應該食啲野。來到中環見客大把美食。本來心思思好想食印度野但係約咗客人飲嘢，就唯有來一個快食。見到「麥奀」，就知道唔使check都會有信心保證。唔知係唔係心理作用我覺得中環呢一間特別好味。如果我在第二區我就未必食雲吞麵，可能因為呢度嘅老員工服務態度殷切。見到佢哋兩文三語招呼客人，我覺得佢哋仍然發揮咗香港嘅吸引力。同平時一樣，呢間鋪頭都會有老外特登嚟呢度食，仲見到有人同煮麵師傅影相打卡。雖然$42一碗小小的雲吞麵對於其他人來講未必夠飽，對於我來講就已經好滿足。仍然冇變嘅係麵質彈牙爽口、蝦夠鮮味且大小適中、湯底夠濃。本來想叫多一碗但係已經食唔落。

如果外國朋友問到，香港有什麼地道美食，我想我一定會答雲吞麵。今日去中環威靈頓街麥奀食雲吞麵$42（又叫細蓉）同牛腩河 $46。佢嘅雪吞麵，碗底放上小雲吞，蓋上麵條的。麵條用上全蛋麵，麵質彈牙。麵量不多，是正常麵家1/2的量，每一碗雲吞麵有四粒小雲吞，一口一粒雲吞剛剛好，蝦肉粒新鮮味美，湯底也不錯。牛腩河，份量也是不大，腩汁好香濃，牛腩亦炆得好淋，加上滑滑的河粉，五六口就可以清一碗。加上一杯清茶，好滿足的一餐。雖然佢與同行相比是價錢偏高，但與現在的拉麵、米缐相比之下，其實也算價廉味美。＊不同地區店鋪價錢可能有差異，以店鋪餐牌為準。

中環麥奀，好耐冇尼食喇，小時候食的已經細細碗，好好味，估唔到依加都係咁，keep得好好，但價錢就貴左好多。難得今日出尼就去食下。一如既往叫細蓉，其實中環麥奀係食細蓉係佢的招牌菜。4粒鮮蝦餛飩，皮薄足料，雖然係小蝦，但係都有兩隻，而且冇雪味。因為佢地係主張用鮮蝦，湯底唔係用上湯，係新鮮熬製而成，好鮮，以前已經係咁的味道的而且餛飩係放底，可以保到溫，唔會好快凍晒，麵係一整個，唔會有好多碎麵。韭黃都好新鮮好香，唔會變一pat。係推介！！！！店員仲會好貼心會送上紙巾

中環麥奀，老字號，正宗，清新鮮製湯底，足料鮮雲吞，就是令我想尼的原因。小時候尼食的時候已經咁細碗，現在也是，味道不變，變的是價錢，記得小時候食的是$25，現在要$42雲吞4粒，全放麵底，每粒雲吞2隻鮮蝦，蝦冇雪味，而且冇腸的，雲吞皮薄。麵咬落去彈牙，亦唔會有鹼水味，湯底係新鮮淆製，絕不用上湯，所以食落鮮甜，唔會太鹹，韭黃亦好新鮮，好香，平時食麵唔飲湯的我食麥奀係會飲晒整碗湯，因為真係好鮮甜，好好味！！！！雖然麥奀細蓉份量真係真係好細，麵一口可以食晒，但一分錢一分貨，$42食高質細蓉還可以接受。但還是要小吃

劣食指數: ★★☆☆☆如果有人說：一定來這間餐廳吃港式雲吞麵。你就會知道他不是香港人。環顧店內四周，中式裝潢配合精緻餐具的糖衣陷阱，使這華衣下充斥着不少自投羅網的遊客。先來一個雲吞水餃麵，雲吞以鮮蝦及大地魚末為餡料，皮薄，略嫌肉餡偏少。然而水餃簡直就是加大碼的雲吞，味道差不多，只是餡料較豐富。湯底的味道不是特別出色，慶幸的是沒有加入味精，吃完不會感到口渴。麵條比較幼身、爽滑有彈性，可惜這主角的戲份極少，兩口就吃清光。眼看着空空的麵碗，跟仍像空腹的反差，帶來極大的感官衝擊！連忙喝一口如清水般的茶，把味覺一同戲弄起來。再來一個牛腩撈麵，牛腩比我們預期好吃，沒有太多的肥膏，但又不會韌。腩汁比其他一般麵店的那些「杰」，能夠黏在每一條麵條上，吃上來每一「啖」都充滿腩汁，但這又不足以令它從其他麵店中突圍而出。餐廳的價格比其他麵店貴一倍，卻只有三分之一的份量，而食物的味道亦未能帶給我們驚喜。要知道我們舌頭品嚐到的不是歷史或名氣，而是食物實實在在的味道。Come on James，請不要再把這間餐廳與雲吞麵畫上等號。連本地人都不推薦的餐廳，你還會吃嗎？

今日想食雲吞麵，行下行下見到麥奀，就諗住試下。叫左一份世家雲吞麵拎走。外賣+$2 total$44。 先講雲吞，雲吞係底麵係上面，可以幫雲呑保温。total 4粒小雲吞。蝦彈牙，味道吾錯。但真係細粒。不過都算得上係皮薄涵靚ge。 麵都ok。不過都係少。少到幾啖就食曬。。。。。雖然幾好食但真係好少。。。。。 湯就夠熱。係真係好熱下。清清地又吾會好大陣鹼水味 ，比外面ge味精湯好好多。 整體而言，尼間野ge味道係吾錯ge，但係分量就好少而且價錢較貴，所以入面都係遊客居多。。。個人認為cp值低，除非你係小鳥胃or只想試下味，否則吾太suggest。至於抵唔抵食就見人見智啦 。

中區老字號美食店：麥奀雲吞麵世家😋店舖的名字聽起來頗有趣，上網查看了一下，麥奀這人大有來頭，是香港雲吞麵的鼻祖，對香港的麵食文化有著深遠的影響🤓「麥奀」的食物物價偏貴，比起曾獲米其林推薦的「沾仔記」貴，而且份量較精緻🙊✔️蠔油蝦子撈麵 $58蝦子份量不吝嗇，色、香、味俱全不過蠔油略嫌咸了點，蠔油另上會更好🙆麵質爽脆，不帶苦澀的梘水味❤️👍✔️炸醬撈麵 $58廣州風味的炸醬光澤感十足，帶上一點點的辣味更令人食指大動✔️鮮蝦雲吞 $40主角雲吞終於出場啦雲吞皮滑精緻，小小的如散尾金魚般，一口一隻，嘴巴充分感受到滑溜感一口咬下去，鮮蝦和豬肉的鮮甜隨即湧出🤤原來這就是正宗的雲吞：精緻、美味！如果大家想為求飽肚的，請另選食店；想品嚐骨子的雲吞麵，不妨到麥奀試試吧😉

猶豫緊要細蓉定鮮蝦蝦籽撈，由於眼見全場都係雲吞麵，所以我就跟左大隊。師傅送上雲吞麵，未食果陣香味已經叫人急不及待每條麵晶瑩剔透，細緻分明，睇到已經想食！先是一啖湯，濃郁而清新，湯底值得比多$23淨order一碗！麵質真係無得輸，爽/滑/彈牙；雲吞當然無令人失望！$42買左一個快樂，非常值得！

慢活系列之《細蓉 x  細蓉》帶移民美國既中學同學兼好朋友來PMQ慢活一下，順路緊係要帶她來一轉麥奀雲吞麵世家，嘆下《細蓉》啦！行完PMQ都差唔多5點半了，好朋友話要返屋企食飯，唔可以食太飽，所以就 ...... 伙記，唔該黎兩碗《細蓉》啊！雲吞雖然細細粒，但食到裡面既餡料有好彈牙新鮮蝦同好香既大地魚味，湯底話係用大地魚及蝦子餚製而成，味道好鮮甜，而麵條都好彈牙同索晒湯個種魚鮮味。美中不足既係好細碗，但又好配合朋友話食完仲要返屋企食飯。朋友食完都大讚好味，最後埋單兩碗細蓉就$84。貴唔貴見人見智啦！最緊要係朋友讚好食！

今日在中環店要叫了一碗雲吞麵，一如既往佢地既湯好夠熱，麺也煮得剛好，誰知道一口咬落粒雲吞，D蝦肉好淋，再食第二粒又係，於是食第三粒，呢粒蝦肉好彈牙，於是同伙記講，呢兩粒雲吞D蝦肉食落去好淋，回答是：「唔係啩」。佢都好叻，即刻叫收銀同我處理，我都係講返同一番說話，哈哈，竟然答案都係「唔係啩」，我答佢，「我唔會特登冤枉你地」，我即時將兩粒有問題既雲吞放在台面。一間老字號，去到下幾代傳人，真的很難維持當日晚水準，同對客人的態度，可惜。