文記車仔麵 (福榮街)

Open Now

Now Closed

深水埗文記有4間 我最中意食最後個一間 感覺平較好食同埋乾淨d不過依家有一間為左外賣而設 平時文記個個都知係大排長龍🤣要食就真係要等不過我就唔建議外賣入去食 唔太衛生難得今日唔洗排隊 同男朋友就標左入去枱面會有好多唔同醬汁 任君選擇我十級推薦一定一定一定要叫瑞士雞翼好好味真係會好似上左癮咁日本糖心蛋都好正姐 諗番起都流口水🤤西洋菜餃就真係要碰下運氣 成日都冇貨 今次都冇就轉左韮菜餃我男朋友就中意食豬大腸🤣不過紅腸就偏硬同乾 下次都係唔叫🤣

嚟到深水埗覓食，當然唔少得文記車仔麵啦！已經有一年多冇嚟食文記啦～ 係我個印象就係好多人排隊，同埋啲食材好豐富。文記喺同一條街有三間分店，見到其中一間冇咩人就即刻入咗去食啦。我今次叫咗幼麵，配牛腩、麵筋、瑞士雞翼同蘿蔔，配埋招牌辣汁。-首先，真係要讚下佢哋嘅牛腩炆得好琳，啲肉係入口即溶嗰隻，份量都幾多，啱晒我口味。試埋佢哋嘅瑞士雞翼更加係一試難忘，同樣炆得好入味，裏面嘅肉仲幾嫩滑添。蘿蔔都真係有幾多舊，炆得超級琳，入口即化，味道仲好鮮甜。全部配料都好出色，配埋招牌辣汁就更加惹味。但提一提怕辣嘅朋友可能真係要小辣啦，事關佢哋嘅辣汁都真係幾辣㗎～

天氣熱，又到下午茶時間，又響深水埗，所以去左食米芝蓮推介既餐廳，就係文記車仔麵。呢間車仔麵我覺得好好食，佢個湯底，餸都夠入味，唔會太咸或者太辣，好岩我好味，如果大家覺得唔夠辣，佢枱上有好多種類既調味料俾大家落，同埋要加埋個咸檸七簡直一流😂😂😋咸檸七點解會提佢？因為一來天氣熱，二來性價比高，普通野飲要加9蚊，但飲咸檸七，都係加$10又有冰底，又一整罐汽水，又有一粒咸檸，如果喜歡咸檸既話，必點，抵飲👍🏻👍🏻

去深水埗必食文記車仔麵😋😋平日下午茶時間去唔洗等位，如果假日去，起碼要等半小時以上，因為實左太多人等。文記個湯底秘製辣汁真係好正，仲有炸墨魚餅，即叫即炸，又大粒，外脆內熱，必食👍🏻👍🏻因為叫左小食墨魚餅既關係，所以我只叫左唔多餸食，叫得太多食唔哂，留返下次再叫文記既豬大腸好入味，鍾意食大腸既朋友一定要試，辣尤魚都好好食，但如果可以辣多少少就正好多，好彩唔夠辣既話，可以再免費加多啲秘製辣汁，加埋正好多👍🏻👍🏻👍🏻

星期六中午同舖兩間分店都要排隊原先想到第一間的分店 感覺乾淨點不過第一間店還要多等十張枱 最後還是排這間好了.朋友第一次食 提醒她要加瑞士汁但其實加與不加 味道好像沒有什麼分別車仔麵的精髓是可有與朋友交換餸我點了酸齋、花膠、墨魚粒油麵，加瑞士汁及加辣朋友點豬紅、八爪魚卷及辣汁魷魚鬚花膠要浸多點湯吸多點味再食，爽口點，不像平時家中的燉花膠酸齋不太適合放湯食，味道加入湯汁怪怪地魷魚鬚不錯，放湯後仍然有本身的辣味，份量都多小心外加的辣汁一次過放落湯會太辣

今日小編放工要去深水埗黃金買嘢，買完先至有得食飯，好肚餓呀🥱！買完之後，已經唔想再周圍搵嘢食，決定食深水埗出名麵檔《文記車仔麵》😳，個個嚟到深水埗必要一試，整係一條街都已經有三間店💪，真係好誇張呀，唔理咁多，嚟到就入去坐底試下啦🏃‍♂️。入到去坐底就畀檯面上嘅調味料嚇左一跳😯，因為就咁睇都有十幾款，可以揀自己鐘意嘅調味料落，咁多款實有一款係中你口味🤤。點餐嘅方式係用水性筆圈你想食嘅嘢，又慳紙而且餐牌大大塊好方便去睇🗒。睇到餐牌上面麵類、醬料、湯底、食物好多選擇，真係好難得👏。就單單係麵類都有14款，真係見都未見過🤩。我最後就簡單咁嗌咗🍜麵:蕃薯粉🍗食物:爽脆豬耳、自制爽滑墨魚角🥣湯底:腩汁 🧂 醬汁:秘制辣汁 微辣 $49🎈蕃薯粉係幼身嗰隻，易夾入口彈牙，半透明嘅麵身，好似水晶咁靚✨。🎈爽脆豬耳份量好多，而且又大件，食落"索索"聲，爽脆又有咬口，讚👍。🎈自制爽滑墨魚角就包到好似水餃咁，第一次食呢種水餃型但咬入去煙韌彈牙嘅膠質💦。特別要提湯底，通常食麵我都會第一時間試下個湯底先🥣，而飲落啲腩汁好濃郁😋，唔知點解特別想飲咗一啖又飲多啖。另外凍飲係用啤酒杯裝住🍺，令小編我從心入面笑出嚟，因為.

個個都話去深水埗一定要食文記，而我住左係度咁耐都未食過，因為次次都要排隊，但最近疫症蔓延，飲食業大受影響，連文記都無乜人，既然係咁就比左個機會我入去食到人稱車仔麵no.1既文記。有低消$30蚊，但餸方面唔算平嫁，所以30蚊以上就必然嫁喇，我平時最少都要2個餸啦。唔想食車仔麵為左陪朋友又唔想白白比30蚊都可以考慮下小食既。。講真個湯食完就好鬼口渴，咸中帶甜，無乜油清清地，有無味精自己諗啦，麵質唔係爽口既幼麵，比較淋身，個人喜歡鹼水幼麵多d,紫菜都係咁無話咩特別甜呀鮮呀果d...蟹子丸街市賣果d,而個豬紅就一般般，唔係好實淨。。豬手唔夠淋同埋唔係好入味，滷水雞翼就非常唔錯，雖然浸左湯但滷水味都未沖走，雞翼都無雪櫃味，好夠淋而且唔會太鹹，魚蛋又彈牙又實淨，好香魚味仲有啲醉魚骨個辣菜寶加少少吊味好啦，勁鹹嫁，呢度岀色在調味料應有盡有，而我認為人人話佢無得彈唔多唔少係佢既配料，連乾蒜都有：而食材真係唔見得有幾岀色，唔係唔好食，好食係有6-7分既，但平平無奇無乜特別囉。

講到車仔麵～其中一間會諗起既一定係深水埗文記🤫麵底最平$10有交易～雖然麵底平但都唔會比少少你就算！算係足料架。餸就$9-$14不等～第一次黎食就可以參考下十大必食推介🤤一定無伏！第一碗揀左瑞士汁雞翼尖，西洋菜餃，同埋滷水蛋。（❤️❤️必加辣汁😋配埋甜甜地既瑞士汁😍個湯頭超好飲❤️❤️）雞翼尖個味就偏甜～唔係個個接受到😂。而西洋菜餃個餡都好新鮮～啖啖西洋菜味😋推介👍🏻👍🏻見個menu講到明用日本蛋，當然要試試😆隻蛋堅係會流心！！超好食～入味到連個流心都好有味🤩$11一隻都抵比呀～第二碗揀左豆卜，瑞士汁雞翼同蘿蔔。豆卜索湯一流🤩蘿蔔超甜又軟淋！推👍🏻👍🏻而雞翼同雞尖個味一樣🤣偏甜西洋菜超新鮮！加腩汁無得輸😍（$16）TOTAL埋單$105，大大碗～性價比不錯😆已經諗好下次order咩餸 哈哈

今日去既這間是新舖，係度等緊既時候，佢地就會比個菜牌我地先下單，入到去就唔洗等咁耐。與鄰舖舊舖不同，要先排隊買左麵，先搵位坐。第一次食，其實經過好多次，不過每次都比長長既人龍，擊退我想食既沖動。今次見人少少，就試一試。個人覺得，佢係幾好食，是選擇都算多，由於我去係新舖，我覺得佢整得幾有特式，用左好多唔同既醬料可以裝飾之餘又可以比唔同客人有一個醬料選擇。其實係銅鑼灣我會選擇榮記，尖沙咀會選擇永年，深水埗就一定係文記。我點了馳名玻璃辣魷魚，酸齋，花膠，花菇，河粉，配以腩汁和秘制辣汁。另外叫左凍咖啡(大約$70)

想簡單點食個粉麵，車仔麵可以按自己口味揀不同餸菜，原本簡單快餐，應該30分鐘內完成；可惜外賣訂單太多，落單等候超過30分鐘才有得食。不過服務員態度真係好，先送上飲品享用；坐咗半個鐘真係有熱呼呼的車仔麵，瑞士汁雞翼$14=2隻，雞翼頗大隻，好入味、$13=3件自家制墨魚角，細細粒好特別；$14=豬耳都有5-6件。最開心好多不同醬料，我喜歡辣蘿蔔、麻油，任君選擇😃不過我略嫌價錢相對較高，但質量相抵都是可以接受；飲品跟餐+$11大大杯都ok.真心講太多外賣送遞，堂食客戶只可乾等，聽到客戶入座後等45分鐘仲未用餐，顧此失彼😖

以前在深水埗返工，冇飯帶的日子就會外出食粉麵，而「文記車仔麵」就是其中一間最常光顧的食店。早前出深水埗買嘢，當然要去幫襯。原想到舊店，但見門外的人龍，還是到隔離的分店取籌，很快就安排入座。因為要留肚食糖水，故只選了車仔餸。魷魚+酸齋+牛肚+通菜辣魷魚煮得很淋，牛肚就很入味，酸齋就有齋鋪的水準，而通菜就吸咗牛腩汁既湯底，份外好味。豬大腸+魚角+雞腎+菜心+鮮枝竹下單時，豬腸可以揀瘦腸，但始終有少許肥膏的較可口，同牛肚一樣鹵得很入味，墨魚角就是魚皮餃的皮包着墨魚丸，都幾彈牙，而炸過既枝竹，又係一款很索湯汁的車仔餸。記憶中，這裡的辣菜脯很惹味，但光顧那天，略嫌酸了一點。雖然沒有點麵，但剩餸加菜的份量都很足夠。

一路勁想食呢間車仔麵好耐 知道好出名 但係冇特登過嚟深水埗食 今次終於試到喇🤩其實我係一見到條隊就排 但係排到咁上下先發覺原來同隔籬新啲嗰間係分開兩條隊黎😂我最後係入咗舊啲嗰間 但有冇人可以話我知 除咗裝修新啲靚啲同埋有公雞碗用之外其實實質上嘢食兩間係有冇分別🤔😂😂-然後又嚟到選擇困難症嘅人最大嘅難題就係要自選配料 因為太多嘢想食而且當日都好肚餓 所以一次過叫咗勁多😎〰️✏️牛肚/蘿蔔/紫菜/豬紅/玻璃辣魷魚/米粉 ($68)每樣配料嘅份量都唔少 而且所有餸都好入味 尤其係蘿蔔同牛肚索晒車仔麵嘅湯汁好正 牛肚好遠諗而且蘿蔔係超清甜!!唯一比較冇咁索汁嘅就係好推介嘅玻璃辣魷魚 但我覺得可能因為唔索汁嘅關係 味道就比我想像中淡啲 但係質感就好唔錯嘅 鍾意食魷魚嘅不妨一試🐙湯底好濃郁 不過就有少少偏油咗啲 加咗辣命更惹味 但我覺得食到後期就有太鹹嘅感覺 會搞到勁口渴😂但整體而言呢間車仔麵都係令我食得好滿足 下次一於去試下隔籬新啲靚啲嗰間🤣

講到車仔麵，文記可以話係一哥👍👍,用料上乘，食物乾淨又企理，飲品選擇又多，員工做嘢又爽快👌雞翼入味，豬手夠淋，牛孖筋有口感綠色嗰啲係西洋菜餃子，自家製的，牛膀入味，豬大腸洗得好乾淨完全冇異味👍連飲品才130元，吃得好滿足，加上大電視居然轉了RTHK頻道，令心情更加愉快，精神上完全冇壓迫感🥳🥳🥳🥳

今日經過深水埗，就好想食車仔麵因為記得中學時期有間車仔麵好好食但系就唔太記得叫咩名啦，但點都有人排隊果間就系啦~排左陣隊，叫完野食，比完錢，啲姐姐會幫你拎去你位嘅雖然店鋪入面唔算好大，但一條街有三間分店而且間間都大排長龍，完全感受到好好味嘅感覺雖然價錢比起之前都有貴左但質素依然好有水準仲多左好多其他野食（相比於想當年嘅讀書時期）我叫左雞翼/魷魚/韭菜餃/豬腸/豬紅至緊要鍾意食辣嘅朋友仔一定要試下佢地個辣汁（自家製嘅）

去親深水埗，諗都唔駛諗，一定要去食文記車仔麵，因為無乜車仔麵有銀針粉可以揀😬去到會見到同一條街有三間文記車仔麵，我自己就中意去呢間多啲，情意結無得解🤗豬腸、魚肉、瑞士雞翼、豬紅豬腸：個人黎講非常中意食內臟，但食得多膽固醇過高亦對身體唔好，所以好食先會食🙊魚肉：唔腥又彈牙瑞士雞翼：大隻入味豬紅：唔會一夾就散我唔食得太辣，叫小辣佢會用匙羹另上（好貼心）叫埋野飲，大概要$60左右如果唔想排隊得太耐，盡量6:30pm前去到啦😉