文記火鍋

Open Now

Now Closed

突然間想打邊爐🍲就諗住去試下，睇到餐牌都知價錢有返咁上下，不過見佢賣材料新鮮所以諗住貴少少都唔緊要，最緊要好食！入到去叫左2個湯底要隔煱，一個芫茜皮蛋一個胡椒豬肚，食落都係一般湯底無咩特別！但淨係個胡椒豬肚湯都價值$98，隔煱加$20配料叫左牛脊肉，生蠔🦪，炸魚皮，冰豆腐，炸支竹，響鈴，西洋菜響鈴佢上枱既時候話係即炸的，咬落係好熱，但真心似返炸或者再氣炸，完唔似新鮮炸，食落去完全唔新鮮至於冰豆腐同炸支竹就更加唔新鮮，食落去有少少酸味，應該開始變變地至於肉類就正常，全晚最好食係個西洋菜飲品叫左竹蓆茅根，味道好假..一d都唔好飲最後埋單2個人食左$9xx埋單..真係一d都唔抵咁既價錢咁既質素真心認真麻麻

同朋友打邊爐聚會，而且鍾意食牛嘅朋友係一個唔錯嘅選擇！以前同朋友喺大圍打邊爐聚會去小肥牛，但近呢一兩年小肥牛嘅價錢越嚟越貴，質素亦下降，少咗去。早排同朋友諗住再食嘅時候發覺已經執咗笠。參考Oper rice見到呢間文記。主要係同朋友都鍾意食牛，見食評同餐牌都唔錯就去試吓！而且做優惠仲有折。當晚六個人都食咗幾多野下，折咗都每人大概$400多d，但覺得質素唔錯，係值呢個價嗰本雪花牛係最好食而且員工都好有禮貌，服務態度好好

我地一班老友齊聚當然要去打邊爐啦，由於大家費事行咁遠，又唔中意等位，所以就揀咗呢間。湯底就揀咗 川穹白芷魚頭鍋 $228，都幾港式風味，魚頭湯底係第一次見，有大大隻魚頭都好足料。味道都幾清甜。牛肉識揀就一定揀本地肥牛，唔係間間火鍋店都有本地牛食。我就就揀咗脊位 大份($288)，牛肉分量都幾多，唔係得幾塊果啲。食得出係靚牛，肉味濃，口感嫩。蟹籽鮮蝦滑$78，好中意蟹籽嘅口感，咔咔聲，爽彈又過癮。黃沙豬潤$32 新鮮滑嫩野生田雞$68 好耐無食過田雞，嚟過下口癮鵝腸$78 口感脆爽雜菜$38 正常雖然環境就一般，但勝在食物質素唔錯。

成班友仔踩上一個朋友屋企探個初生B女，俾B女玩完大家都肚餓就決定係朋友屋企樓下既文記火鍋打個邊爐繼續吹下水先食物多選擇，坐得舒服都幾多唔同類型既海鮮可以揀仲有好多款刺身可以食...真係估唔到我地叫左個椰子雞鍋椰子味超香，拍得住我係深圳食個啲雞肉嫩滑好食好新鮮叫左碟手切牛，食完真係明白咩叫做入口即溶肉唔韌同埋完全無筋鬼馬油條、脆鯇片都唔錯海鮮方面叫左蟶子，真係大大隻，肉質爽脆同埋好鮮甜見佢海鮮咁正，我地再加單叫埋鮑魚、海蝦、花甲....都係鮮到一個點相比其他火鍋店，佢地既海鮮都唔算係貴...可以放心喪食!!

阿婆生日我地去咗打邊爐，佢一向都鍾意打邊爐嘅，有時喺屋企都會打。本來話去D比較有特色嘅火鍋店，不過討論完覺得費事食完會難搭車返屋企，所以都係揀喺附近嘅餐廳食。阿媽話行幾個街口就有間火鍋店，我上網search就發現係文記啦。阿婆鍾意味道較清淡嘅湯底，特別係今日諗住叫活魚刺身打邊爐，所以揀咗胡椒花甲鍋，費事蓋過咗食物特別係海鮮嘅原味。活魚刺身真係好新鮮，D肉係光亮嘅，肉質晶瑩剔透，我地有點豉油食，阿婆就會打邊爐，味道一樣鮮美。再order咗雲吞同埋魚皮餃、墨魚滑、手打蝦丸、金菇、豬紅、唐生菜同埋本地手切肥牛等，都係非常美味。

火鍋小店黎講佢都算多野食揀湯底都有十幾款，最估唔到仲有幾款刺身食，老闆推介我地叫象拔蚌刺身，又唔貴喎價錢都幾抵象拔蚌刺身果然CP值高，爽口彈牙又鮮甜，貪玩夾左幾塊打邊爐又OK喎哈哈~另外我地仲叫左好幾款海鮮，打邊爐除左個爐同肥牛之外，最緊要梗係要有海鮮啦!!餐廳提供既海鮮都有好多款，例如番薯蜆、波士頓龍蝦、花甲、蟶子、油貝、刀貝、貴妃蚌等等我地就叫左其中幾款，元貝堅正夠哂鮮甜，粒肉仲大大粒仲有花甲同蕃薯蜆都好出色，除左好多年前係西貢試過之外，都未曾食過蕃薯蜆係爆汁話左打邊爐最緊要除左個爐之外，就梗係要有肥牛啦我地叫左碟手切肥牛, 今次梗左脊位肉質鬆軟重牛味，點埋辣椒豉油食，好食過日本和牛!記得叫埋佢地既文記水餃，一樣係爆汁好食架!!

大圍就真係少嚟嘅，呢排見大圍都開咗幾多新嘢食，我就過去大圍搵朋友食嘢。本身係唸住食日本嘢嘅，但由於我地無book位，太多人等緊，所以就轉咗打邊爐。豆腐芫茜魚湯鍋：有大大個魚頭，仲有好多豆腐，堅係足料。打邊爐專家係擺嘢落去煮之前試係個湯底先嘅。 飲落幾清甜，唔會有腥味，清清地幾好飲。三個人叫咗8樣嘢，都食得好飽。我就比較鐘意黑松露墨魚滑，日式芝士魚卷，西班牙黑毛豚肉呢三樣配料。黑松露墨魚滑好香口彈牙，日式芝士魚卷味道濃郁，西班牙黑毛豚肉口感鬆軟。叫嘅幾樣配料我地都覺得唔錯嘅。

天氣真係開始轉涼啦~又黎到日日都想打邊爐既日子lu雖然依家周街都有火鍋專門店或者連鎖店但我自己就鐘意周圍捐窿捐罅幫襯下啲小店或者大排檔今次就黎到試文記火鍋住係呢頭既朋友話佢係區內出哂名，咁梗係要試下啦湯底有十幾款選擇，火鍋料都勁多選擇，連刺身都有鍋底我地就揀左胡椒花甲鍋，湯底呈奶香色，有好香濃既胡椒味，仲有好多花甲，隻隻都大大隻打邊爐點可以唔叫牛肉呀?! 我地就叫左碟本地手切牛(頸位)，真係勁正! 牛肉味濃，雪花紋靚，拍得住專門店質素!仲有其他火鍋料，例如響鈴、炸魚皮、手打丸等等手打丸粒粒新鮮彈牙，入面仲好多汁，堅係好食!見到隔離枱叫左象拔蚌刺身又幾靚仔下，我地又唔執輸叫埋一份先真係大碟夾抵食，每一片都好爽甜，仲食到原汁原味既鮮味好彩我地有叫到啫~成晚最抵食就係呢份刺身~大家有機會去食一定要叫象拔蚌刺身，無介紹錯嫁!

天氣涼涼地，又有想打邊爐嘅感覺，同阿媽講不如夜晚唔好煮飯，出去打邊爐。好彩佢無買定餸，不過佢話唔好去咁遠，近近地喺大圍食。之前食開嘅火鍋店食過幾次，所以上網搵下有冇其他新選擇，就發現呢間好似幾抵，試一試啦。湯底我地點左椰子雞鍋，味道清香，飲半碗先開始打邊爐。配料有多款選擇，我地點左3寶丸，餃子拼盤，炸魚皮，豬紅，唐生菜，同埋重點牛魔王3拼。最推介係手切牛，牛肉味道濃郁，夠新鮮，唔會過肥或有筋。埋單加埋每位都唔使$200蚊，都好抵食，份量同質素都唔錯，下次打邊爐又有多一個選擇。

近排涼咗好多，屋企話想去打邊爐，我地就近揀咗呢間文記火鍋試下。湯底叫咗花甲鍋，味道清甜，唔會太咸（最驚就係湯底鹹噶啦），花甲分量都好多！配料叫咗田雞，牛魔王三併，三寶丸，溫室皇帝菜，鮮腐竹，雜菇，即炸魚皮。我地樣樣都覺得幾滿意，味道都幾新鮮，尤其是牛肉，味道濃郁滑嫩，同埋田雞真係唔係度度都有得食，新鮮彈牙。三寶丸都係手打嘅，肉質緊實。即炸魚皮真係熱辣辣，焦脆可口，覺得熱氣就點啲湯食，就咁當小食又得。食物質素都幾好，環境都坐得幾舒適，地點都算易搵。如果住附近不妨一試嘅。

三個女仔嚟食飯，入到去香氣四溢，點了個豬肚窩，閒落好香個湯底好淡，除左胡椒食唔到其他味。最欣賞係田雞，超新鮮。點了個牛小排，沒有宣傳單張的入口即溶，食落似脊位，牛味幾重，鬼馬花枝幾好食，牛骨髓味道正常，超甜粟米唔算甜，但都幾香，花甲嚟到已被強行打開哂，仲好多沙，算係最難食嘅。等到21:00全單單點75折,酒水加一另計，望住張單計左陣，先知佢個75折唔包個湯底，但係包括人頭醬15蚊位，再唔包個餐前小食，再包哂單點嘅食物，以鋪頭地理位置距離火車站唔算近，食物質素一般，同人頭收費埋單238一位（醬油人頭15蚊再加個十蚊小食仲有加一，普通酒吧人頭nuts25蚊個），有男仔一齊食一定遠唔止哩個數，性價比算低。不如果真係想試哩間，我見到佢門口有個龍蝦海鮮餐258蚊（但唔知佢人頭醬油小食加一果啲點計㗎），應該至少食得飽的。食物份量係大店份量，收費係大店收費，質素係小店質素，但味道又唔係隱世小店果啲食物新鮮，湯底濃郁果啲，味道實在係一般。。

龍蝦海鲜套餐每位$258龍蝦超级大隻貝殼類、蝦好新鮮北寄貝大大隻(鲜甜)元貝好大粒(厚肉)蜆類(好鲜甜)蝦(爽口)魚片(好新鲜……無奈有细骨〈個人少食>)牛肉(好鲜嫩)生瑚蚌(好爽口)青口(鲜甜)湯底胡椒花甲鍋$108好鲜甜(輕微胡椒味)牛肉雪花分佈平均三文魚刺身厚切(好新鲜)什雜丸和餃子餃子皮薄(餡多)丸子(有爆漿丸)厚切午餐肉(额外加單)響鈴炸得好香脆整體海鲜大隻新鲜坐位不算太多(預先訂位)服務有禮p.s海鲜套餐需2位起(訂座)限時2小時:

上個月月尾諗緊同個女仔friend 慶祝生日，實在太耐冇打邊爐，於是就想OpenRice睇吓有咩好建議，大圍火鍋係其中一個推介，原來禮拜一同禮拜二如果用OpenRice做預約有七五折，咁就一於試吓啦，佢亦都唔收切餅費啊朋友買咗個細細地嘅蛋糕，夥計幫我地收埋好叫咗佢最出名嘅手切肥牛大碟，揀咗胡椒豬肚湯底同埋蕃茄薯仔湯底，仲有一對魚皮餃，手打三色丸，我覺得佢啲牛肉係好食嘅，不過如果可以大碟啲就好啦，因為所有份量偏小，三色手打丸都唔錯，都幾彈牙，佢所有嘅蔬菜同埋菇類都好新鮮同埋洗得幾乾淨，加上夥計服務效率都幾快，佢個牛筋竹蓆水都幾好飲，清甜，下次可以再去食👻

約左班中同一齊打邊爐喔☺️🍲我地五丁友叫左都唔少野的😀😄食物嘅份量其實都真係好少下 質素都係好的 但價錢真係偏貴的🙈🙊牛肩頸 叫左大碟的 質素都真係幾高下 不過好似又唔係好值得咁貴喎😅😅肉質非常好 好有牛肉嘅味道喔👍🏽👍🏽牛脷托 小妹真係第一次食 又真係幾okay架 下次可以再encore‼️‼️三寶丸 係有手打墨魚丸 手打蝦丸 同埋牛丸 每款🈶️三粒 仲要係細細粒架咋 真係好珍貴的啊 味道都係正常 不過不失吧 但都幾彈牙嘅🦷🙂餃子係個餃子拼盤🥟🥟 🈶️幾款餃子的 包括🈶️韮菜餃 雲吞 魚皮餃 同埋水餃 每款份量都係得三粒 而且都係幾細粒嘅 味道都係普普通通 不過不失喔黑栢葉 都幾新鮮的🙂☺️淥廿秒就食得了嘿嘿 珊瑚蚌 都好大碟的 都係淥一淥就得的了 質感都幾爽口的😄😀粟米 🌽都幾好味幾鮮甜喔 小妹最愛😍🤩湯底係椰子雞煲 味道超級香耶 又好濃郁啵🥥🥥👍🏽👍🏽啲雞肉仲有椰漿浸住 所以都有啲味架 整體嚟講 食物質素都幾好 但份量較少左啲😅😅不過係OpenRice book位有7️⃣折優惠喔😊☺️

係大圍站附近，開咗勁多間火鍋店，有啲價錢貴但不好吃，但文記火鍋店價錢公道，食物質素高，係區內都出晒名，所以一定會推介比朋友，特別冬天，一季都會幫襯四五次，十個讚呀