民華魚蛋粉麵

Open Now

Now Closed

一直喜愛茶餐的我,見到茶餐一定要試試,我同老公一人叫一份,佢食炸菜肉絲出前一丁,我食义燒米粉,我覺得味道好好,店員亦好醒目,所以要為佢平反,當然我心中仍是牛奶公司第一,但這店絕不相差好多,而且多士很脆,但又不會濃,蛋又好滑,仲好大隻,唔駛去到咁遠,就可以嘗到好味茶餐,絕對值得推薦,而且我觀察到,今日好多食客叫茶餐呢!

我叫了一個茶餐, 而老公叫了一個煎蛋蒸牛肉飯見到其他人d餐賣相唔錯, 以為有好嘢食!來了凍奶茶和凍檸茶, 茶味唔錯再等了一會, 來了多士炒蛋餐肉, 一試, 還是澳洲牛奶的好(這時, 我們問了第一個阿姐個蒸飯得未, 個阿姐看完單就行了, 我們以為她會幫手跟跟)跟著, 叉燒湯意來了, 一試, 令我更掛著澳洲牛奶, 這茶餐是"東施效颦"之作!(見第一個阿姐原來沒有幫我們跟蒸飯, 再問另一個阿姐, 她說就有, 再過一陣再問, 再一個阿姐又係望下張單就行咗)到我們已經食完那個茶餐, 蒸飯還沒有來, 我們極之, 最後我們無等到個蒸飯, 成半個鐘都可以比唔到個飯比個客食! 重有, 因為沒有那個蒸飯, 個檸茶要計正價結果因為兩個人食一個茶餐, 老公唔夠飽,我們再轉到海達食魚蛋粉! 浪費時間和金錢!老實說, 食物ok, 但我們有更好的選擇,這樣的服務: 原來沒有蒸飯的, 就早d同客講, 另作選擇; 又或者蒸飯要時間, 問客等唔等,總之, 我地唔會再花時間和金錢再去呢間

新年過後首次幫襯, 人不多都覺奇, 原來吃開的荼餐由過往$22加到$25, 足足13%, 財爺個$6,000未用到就要面對奇高的通脹, 慘慘慘.味道雖然跟以往一樣, 多士烘得不錯, 最為滿意, 奶茶亦是水準之作, 但加得多, 實在...

最近旺角民華人氣好勁,我就去試下大埔呢間民華,不過其實我吾知兩間有冇關係. 點了以下食物:1)排骨飯 : 排骨好入味,飯粒也很乾身,好好味.常餐2)火腿炒蛋&厚多士 : 個炒蛋ok,但不算太滑溜,件厚多士就好香,而且外脆內軟, 3)薑絲牛肉公仔麵 : 個湯底幾好,牛肉也算新鮮,帶點薑味好醒胃4)凍奶茶- 一般,叫了小甜但仍甜了一點.

間中小弟都會走到大埔一帶尋找美食。聽說在廣福里內有一間茶記的炒蛋做得出色，可與佐敦澳牛互相輝映云云。自己當然有興趣去試試...中午十二時前已抵達，人已多得插針也插不入，是許多大埔內茶記的特色。為了吃炒蛋，本應叫一個茶餐就最正路，但最近食得太多相類的東西，有點生厭了，故此便只叫了份蛋治烘底，希望從此亦可略見其真章吧....烘過的三文治包不見特別出色，乃緣於包身烘得不夠脆及鬆軟。不過那傳說中的炒蛋是的確很滑，蛋汁豐盈，而且蛋白部份仍呈semi-fluid的狀態，是貨真價實的好吃。若果在炒的時候能下多一點鹽吊味，那就更完美....不知何解居住於大埔的朋友對盅頭飯是有一份大愛的，由茶樓以至茶記都能看到它的踪影，開在此店旁邊的"新明發"已是一個好例子。這兒的鳳爪排骨飯，飯粒夠乾身分明；排骨鮮甜有肉汁，帶點半肥瘦的就更好吃；鳳爪相對起來較失色，不挺身的甚為爛patpat；豉油有些師傅味，總覺有點浪費了如此新鮮的材料了....想不到奶茶的水準亦不賴 ---- 的確是奶及茶香兼備，頗夠滑.....下次等回復對茶餐的興趣之後，再來吃份真真正正的炒滑蛋，才能與澳牛的出品比較，這樣較公平一些....

今天的工作要體力勞動，並且起碼下午三時才有午餐食，所以晨早未夠七點已經去食早餐，沒有嘗過這里的早餐，今天的幫趁是因為它很早營業，所以就揀這店。早餐的量真的不少，厚身多士半份，加上煎蛋及煎餐肉，其實都已經夠飽，加多上一碗炸菜肉絲麵，麵身幾爽口，味精味不重，清清地，配上一杯香濃的凍咖啡，這個早餐真的可以由七點頂到三點呀！$22，抵食！

友人見我經常為了澳牛的多士炒蛋而去佐敦找吃，最近佢就去過大埔這間民華，話這裡的多士夠厚，同my favorite差不多，炒蛋仲要係即炒，不像澳牛般炒定一大堆。我就星期曰早上跟了佢車找吃，入到去民華d位full哂，好在有比飛等位，有三pair人在等近，不出三分鐘左右便可入坐，都ok快。入座即叫二個早餐，我揀了餐肉配炒蛋，多士小火健康d，再選薑絲牛肉通粉，及熱奶茶。5分鐘有得食，餐肉都係即煎夠熱有誠意，炒蛋見到有蛋白混在當中，味道算適中，不老身，應該沒有加牛油，亦沒有油立立咁，唔錯，牛肉通都可以，d肉冇話醃過籠。奶茶屬一般水平。食完19分鐘行人，飽飽咁走成為$20位，友人冇介紹錯。

原本諗住去群記食午餐，點知大頭蝦冇睇到開舖時間，太早去到...唔打算等兩個鐘，所以諗住响附近搵食算數。由於冇睇過食評，都唔知邊間好，見呢度人山人海，應該唔會太差啩~~！叫咗個鳯爪排骨蒸飯套餐，包油菜同凍熱飲品，於是叫咗菜心同凍檸茶。太太食唔到群記清湯腩，所以叫咗呢度o既清湯腩米粉，同樣加咗杯凍檸茶。蒸飯飯底係粒粒飯，唔會蒸到"爛pat pat"，值得一讚。排骨幾瘦同幾有肉味，鳯爪味道都ok但就細隻咗啲(可能係自己貪心咗啲)。清湯腩米，腩肉肥瘦適中，米粉份量比較少，而湯底亦油咗啲。油菜o既菜心好甜，而且以套餐嚟話，都算幾大碟，又要讚一讚。凍檸茶合格，唔澀！不過，冇乜茶味，個人覺得偏淡。早、午餐中間時段都咁多人，都幾得人驚。坐就真係唔係幾舒服，好迫吓。好在落單、上菜都好快手，服務攞返啲分！

公司內的同事對飲食，都有濃厚的興趣。自從搬入大埔工業邨之後，大家都花了不少時間去搜羅區內的茶餐廳。較早前有位同事報告，大埔墟民華魚蛋粉麵的早餐，只需要20蚊就有交易。我聽完之後，攪到個人蘿蘿孿。結果趁著星期三返10:00am，前往民華"朝聖"。食肆內的環境雖然狹窄，但是整個架步亦比較骨子，和一些舊式茶餐廳完全不同。了解過現場環境之後，也是落單的好時候，就是廿蚊雞早餐。這份早餐包括了牛油厚多士、火腿通粉、餐肉炒滑蛋及熱飲。轉凍飲或特飲的話，分別加兩蚊和六蚊。小弟留意到當食客落單之後，侍應會輸入電腦並列印一張點菜紙，用以到收銀處付款之用。在這張點菜紙上，詳細列明了檯號、食客的人數、柯打和收費等等。其實現時有不少的食肆，都早已經沿用這個方式，目的是方便計算及便於管理。我這份早餐的上檯次序，為牛油厚多士拼餐肉炒滑蛋 -> 火腿通粉 -> 熱奶茶。牛油厚多士拼餐肉炒滑蛋 - 見到眼前的厚多士，我差點說不出話來。因為小弟出外食早餐以來，從未吃過厚多士的。多士入口甘香而鬆軟，薄薄的一層牛油已經溶化在多士內。再看看那份炒蛋，感覺非常滑溜。餐肉雖然是罐頭貨色，但是水吧師傅在煎餐肉時，火候

個人認為民華炒蛋多士ga水準已經好過澳洲牛奶,因為澳洲牛奶水準下降了很多,對比價錢服務嚟講我會選擇嚟民華食炒蛋多士low 這店除了炒蛋多士出位外,盅頭飯同魚蛋河都值得一試呢 炒蛋多士-炒蛋有蛋香又幼滑,多士夠熱夠脆 生滾薑絲牛肉通粉-湯底淡淡ga並非味精湯,薑絲牛肉即叫即整夠誠意又好味 凍檸茶 - 茶味適中唔錯

大病初癒什麼都不能吃,醫生叮囑要不再肚瀉才能進食固體食物吃了幾天藥好了點又出來覓食了要食得清淡,還是只要湯粉可以選擇吧!經過上次,海達已被我們拋棄了,不會再去記得媽媽之前已經來過這兒吃,說什麼東西咸得要命,不過現在又改進了哪句才是真的??我就要來看看她說的是真還是假!我就例牌要片頭河,而媽媽就說要試飯片頭河湯底算清,吃不出太大味精味河粉煮得過火了一點點,再煮短時間一點應該會不錯片頭不過咸,有魚鮮味,同樣過關失手處在於附送的魚皮!不鬆化,而且又油又咸而飯我就沒有試,媽媽說味道不錯沒有過咸,而且他們的飯賣得很快!所以都十分新鮮最後看到別人吃鵪鶉蛋燒賣我們又心思思叫了一碟燒賣上檯已經不太夠熱,而且比較乾身不過裡面的豬肉都有鮮味就算了吧!這兒都最值得一讚的就是他們的點心由早上開始已經有售了比起其餘幾家要等到下午才有的同類店鋪的確是佔了優勢呢!

唔洗多講, 外觀吸引, 食落都好味厚多士有2片, 做午餐好夠飽早餐茶餐全日供應一日訓夜左都可以有早餐食果度地方好逼, 長期滿人, 多人去食難搵位見到人地叫"魚蛋米"有晒魚片 魚蛋 片頭 魚皮 同菜仔2條好似好吸引去左十次都未試過叫早餐/茶餐($20/$22))以外的食物...

又係一個人係大埔搵食既日子,雖然睇住佢開,但一直都無時間光顧,難得可以,又知幾多好評,點都要試試.唔知係咪自己怪,呢間明明出名盅頭飯,我就偏唔食,想試下其他野得唔得.下午茶時段都有好多選擇,就選取以鮮牛肉通作主打的茶餐好了,牛油多士配雙蛋 : 真係估唔到用上厚切方包,雖然邊位因放置得太耐而變得偏硬,不過中心位依然軟熟,是有點驚喜,而雙蛋是大路貨色,不用提.鮮牛肉通粉 : 一上檯便見湯面浮有血絲,証明是即叫即煮,對辦,呷一口湯,跟上水廣成差不多,但稍為欠了少許肉味,牛肉給醃得發白,咬落去不夠柔韌,是過了火位,通粉其實可以好一些,但處理人太心急,明明汆水未夠,食落去是有點粉.埋單$22,感覺是有誠意,但在細節處粗疏,期待下一次試盅頭飯.

11月2日天氣突然涼左好多, 放工行過民華, 師父又剛剛打開熱騰騰的蒸籠, 聞到好香噴噴的飯味, 即時個肚作出回應 " 不斷打鼓"　所以速使我要食飯, 我行入鋪內, 地方也算乾淨, 隨便坐下便有個服務員問我食咩了, 也算快手腳喎 !! 我當然要食 熱辣辣的排骨飯啦, 不夠 1分鐘己有得食, 好開心, 見到排骨舖滿飯面, 基本上唔撥開排骨, 你係見唔到飯, 好多排骨, 排骨粒粒有點肥有D廋肉, 食落又ok喎, 味道同以前食果種差不多, 飯又一粒粒, 係好喜歡的質感, 我最討厭D飯太濕, 只係$17.00 這打救我了, 加埋杯凍 檸茶, 實太幸福了,真要再試一次, 因今次我實太肚餓了, 我見都有好多款, 要試多幾款才知此民華是否有心個飯呢 ?? 原來我望其他人不只食飯喎, 還有魚旦粉添 ..... etc我估我近期飯堂都係呢間民華, 價錢合理, 地方都乾淨, D亞姐算快手, 比起好多茶餐廳這間算是好衛生了

八月六日有時候吃完過夜飯不久再次肚子響起警號,再吃多少許才回家,路經此地,不妨入去試一試,老實說外面雖寫粉麵,但內裏賣的則有飯,茶餐等的食物.是不是粉麵要開紿轉型呢.入內竟然沒有吃粉麵,大多是盅頭飯,看似盅頭好一點,最後選擇排骨飯一各以及凍檸茶一杯.這裏的排骨被梳打粉蝕食過火了,吃落口沒有爽口之感,還觀變得軟得過頭,不知道自己是否正在食緊豬肉.但是那飯的水份又來得不俗,一盅很快清光,喝完杯飲品也不能解決剛才梳打粉問題.聽著坐在後邊的人說一輪問候語後.看著時間也晚,早點回家