○de▽ 鯛白湯らーめん

Open Now

Now Closed

The soup is refreshing, which is rare in Hong Kong, where pork-based soups are all the norm.The noodles themselves are not bad.The restaurant is bright and clean.Unfortunately, the shop's concept of sea bream meat ruins the harmony of the ramen as a whole.After all, it smells very fishy. This is where likes and dislikes differ.It might be good to try it out for once.However, $138 for a bowl of ramen and $88 for a small beer is too expensive as a ramen shop prices. 

大隻仔今次覓食嘅店舖就係💥 ○de▽ 鯛白湯らーめん 💥 「Ode 鯛白湯」喺日本大阪過江龍，主打鮮甜濃郁鯛魚湯底拉麵，大隻仔去日本大阪旅行都未食過「Ode 鯛白湯」，反而第一次食鯛魚白湯拉麵就喺香港，今日落微微雨，估唔到都有咁多人排隊。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️⭐️抵食 ⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 鯛白湯 $138配料：鯛魚碎，三角形＆圓形竹筍（logo)，紫洋蔥碎，叉燒薄片，柚子皮，紅辣椒粉，碗邊有黃芥辣醬。鯛白湯極之濃郁，鯛魚味極鮮甜，而唔會腥，店員將湯底打起少少泡沫，飲落更加creamy順滑，將少量湯底加入洋蔥碎、鯛魚碎一齊食，味道更加鮮甜，叉燒軟冧，不會乾柴。麵條用上傳統日本幼身拉麵，不過麵質輕微過冧。🔥 鯛清湯 $138配料：鯛魚碎，三角形＆圓形竹筍（logo)，紫洋蔥碎，叉燒薄片，炸魚皮，蜆芥醬。相比鯛白湯，大隻仔更加鍾意鯛清湯，鯛清湯冇咁濃烈，唔會太咸，飲落順口，但仍然保留鯛魚鮮甜味，加入蜆芥醬後，湯底又有另一種味道，炸魚皮炸得十分脆口，浸入鯛白湯

天氣開始轉涼，自然想要一碗熱呼呼的湯，咁食一碗熱騰騰的拉麵，就好溫暖滿足了😋😋今次食依間大阪過江龍拉麵#○de▽ 鯛白湯らーめん 🍜🐟。佢主打魚湯拉麵及沾面湯麵，而魚湯有分鯛白湯麵及鯛清湯麵，我就推介鯛白湯麵😌🔸 鯛白湯｜$138 ⭐⭐⭐⭐鯛白湯底用真鯛🐟加各種貝類，一齊熬製超過八個鐘先完成，所以味道比一般拉麵湯底嘅濃味得多🥹🥹奶白嘅魚湯稠至起泡，可想而知係幾濃郁，而且師傅更加上了鯛魚碎塊，讓湯喝起來更有口感😝😝若果怕太濃味嘅，可以把碗邊嘅柚子蓉落魚湯混和，會令魚湯更清新😊😊🔸 鯛沾麵｜$148 ⭐⭐⭐這款賣相一流😍麵上檯時配有煙霧效果，好有氣勢，仙氣飄飄般好啱打卡!!!😎😎店家原創的波浪麵，其實好似中式刀削麵，好彈牙但同時有嚼勁，而且好掛汁，個麵係好嘅。而沾麵湯底無鯛白湯底咁重魚味😆😆***重點: 可惜沾麵湯係上檯時唔夠熱，加上仙氣麵條本身係凍，所以當凍的麵沾上唔夠熱得湯時，就變得涼，依個位扣好多分!!🤦🏻‍♂️🤦🏻‍♂️總括來說，這間過江龍拉麵的味道唔差，但我就未必會回頭😊😊因為我個人更喜歡Ode同集團旗下的座銀及NEXT Shikaku🤭🤭○de▽ 鯛白湯らーめん📍中環鴨巴甸街13號

Maru de Sankaku鯛清湯價錢💲: $138好味程度😋: 3.7/5服務🍴: 3.7/5環境🗾: 3.7/5性價比🥢: 3.3/5回頭率😚: 3.7/5-鯛魚湯拉麵今年已經係天后開埋分店，我終於試到啦🥹 平日2點幾已經有店員係門口話賣曬沾麵…可能因為過左lunch hour! 一場去到都試下湯麵啦！好好彩呢個時間係唔洗等位！-✅鯛清湯。廚師係面前一上枱，摸到個碗係好熱，可以要來保持下拉麵的溫度，抵讚😆 湯底清澈帶小小油，飲落好順喉。慢火烤製真鯛提煉出清甜的魚味，係口腔到試真啲，魚味香而唔腥👍🏻 配埋牡蠣油帶出整個湯的鮮味。已個人重口味來說，飲左大半都唔口渴，呢個湯係特別的☺️ 上面仲有啲烤過的鯛魚碎，撈勻一齊食就啖啖都有鮮魚味。-可惜其他部分都好一般，麵條偏軟，冇韌性，食唔到小麥的香氣☹️ 豚肉只係薄薄一片，普通無炙燒過帶粉色的叉燒🥺 但個人鍾意佢的炸魚皮！原塊炸得香脆而唔油膩，超薄一塊，浸一浸湯，口感啱啱好😛-呢碗的質素有d失望，唔洗排隊還好，如果要排隊唔係好值😩 整體個人整係覺得湯底同魚皮不錯…-

男朋友一向鍾意食拉麵呢日難得兩個人都喺香港島放工就決定陪佢落中環試吓呢個鯛白湯🤤🤤同一個集團喺呢個轉角位都已經有三間出名嘅拉麵我哋之前已經試過雞白湯出名嘅座銀三間都係成日要排隊先入得嘅舖好彩嘅係呢次唔使排直接就可以入座🤭🤭門口先點餐俾錢我地揀咗鯛沾麵同鯛白湯再加多隻糖心蛋如果係平時嘅話一定會加埋魚皮但係呢幾日食得太多熱氣嘢所以就無加到🤭鯛沾麵☺️ 7.5/10 一嚟到就有一陣仙氣伴碟除咗麵同湯之外，仲有半個青檸同炸蒜麵係闊身啲嘅，隔水隔得幾好👍🏻有水份得嚟唔係水浸咁樣湯夠濃嘅，亦冇太過鹹，但係唔算太有魚味配搭埋少少青檸汁絕對可以提出成個湯底嘅鮮味如果都係用沾麵比較嘅話，會鍾意座銀嘅雞白湯多啲宜家呢個係好味，但係以鯛魚主題嘅話佢就唔夠出色亦可能係兼顧返怕腥味嘅朋友鯛魚白湯拉麵 8.5/10 🥰🥰相對之下比較出色麵係屬於比較幼身嘅麵一嚟到已經聞到湯底有滿滿嘅鯛魚味碗邊有柚子膏俾客入自己選擇撩幾多落去中和魚味除咗有叉燒之外仲有少少鯛魚碎、洋蔥同筍雖然我唔係特別鍾意洋蔥但係加咗喺個湯底入邊成個口感都唔同晒飲落去好有幸福嘅感覺如果下次再嚟嘅話應該都會叫返呢個👍🏻煙燻蛋 8/10 🤤同一個集團應該每

今次講服務舖頭細，每次都要排隊先可入座某中午，熱天，排咗半小時左右在我後面的一家四口，女人見有張枱剛準備好，忽然衝入座，並示意男人及1少男1少女入座 (並沒見任何一個職員上前阻止，亦沒有告知排喺佢地前面嘅我發生緊咩事)入餐廳問職員甲(男)，佢只係講咗2個字 “傷者……”因玻璃設計，那家打尖的人裡面並沒有明顯係“傷者的感覺”於是，氣憤地望住人地打尖就可以食先(仲要坐喺我排隊位置隔離張枱)再等5分鐘左右，入座因為好唔公平，同埋目測對方一家並無任看似“傷者”的徵狀，而且“傷者”一家的胃口都真係好唔錯由於氣憤難平，再問負責帶位的職員乙(女)“係咪話自己“傷者”就可以唔駛排隊?”職員乙話“佢自己衝入黎……”(面有難色)“唔好意思……”其實，要唔好意思嘅係果一家人，加上幫手造成不公平的職員甲，卻由職員乙道歉d唔公平嘅安排，唔問都唔講(擠牙膏式交待，咁熟口面嘅，陳生又係你呀?)整餐已沒有味道可言，因為服務已蓋一切*沾麵上枱時仲要主動問，職員丙(男)先遞上湯一 肚 氣！！！ 飽晒！服務大不如前！

之前都食過座銀soba雞白湯拉麵，覺得好正又唔貴，於是今次試埋佢嘅姊妹店試鯛魚湯拉麵！🔸鯛白湯拉麵 $138湯底係將新鮮嘅日本真鯛魚同幾種貝類熬製八小時而成嘅濃湯，充滿鮮味！鍾意魚湯嘅人一定會超鍾意！碗邊有少量柚子醬，如果覺得鯛白湯太濃味嘅話，可以根據自己嘅口味加配柚子醬，中和返魚湯嘅味道～想清新啲又得，想濃郁都得，得咗！😆拉麵幾算掛湯，略為偏軟身一啲～配料方面有一塊薄切叉燒，口感軟稔，調味偏淡，唔會蓋過咗魚湯嘅鮮味～另外仲有略為煎香咗嘅真鯛魚粒粒，味道唔錯！仲有啲紫洋蔥碎(幾甜，唔會太辣太搶味)同埋筍(有別於一般切成條狀嘅味筍，佢係一舊三角形、一舊圓形，配合返舖頭個logo)總括嚟講個湯底好有驚喜好有層次！唔係普通平淡嘅魚湯！食完拉麵差唔多飲哂啲湯😆✨🔸炸鯛魚皮 $48新鮮炸起，都幾脆～比一般潮州粉麵店嘅魚皮薄啲🤣🔸櫻木煙薰糖芯蛋 $15同座銀soba一樣，糖芯蛋真係超級出色！無論係蛋白定流心嘅蛋黄都一樣咁入味！淡淡嘅煙薰味好香，味道層次好豐富！✨🔸日式炸雞 $48炸雞都係即場炸，炸粉好薄，外表金黄香脆，肉質細嫩多汁而且都夠入味！正呀～本身想試鯛沾麵多啲，不過太晏過嚟已經賣哂～好彩拉

成日行上PMQ 都見呢間拉麵店排長龍，原來是人氣過江龍，以濃郁的鯛白湯見稱；今天就到店拜訪，試試它的拉麵。我們已預早出發，到達的時間只是開店後的半小時，我們已需排到轉角位了；因為需齊人入座，前面很多人都仍在等朋友，所以我大概不足30分鐘便安排入座了，店內位置不多，我和朋友被安排到吧枱，真好！可以看到師傅的煮食工作～我們各點了一份鯛清湯：師傅遞上麵後便建議我們盡快食用，因為始終魚湯攤涼了就會變味，所以我沒有拍太多照片變享用了。湯頭的確非常鮮甜，每啖都是魚湯香味，幾乎把成碗湯都喝光呢！

最近星期日終於一嚐日本大阪過江龍人氣鯛魚湯拉麵店「 〇de▽鯛白湯らーめん」，佢位於姊妹店——食雞白湯好出名嘅座銀附近，大概12點半到達，前面有4-5個人排緊隊，大概都係等咗10分鐘就能入座😆.順帶一提，排隊時要先落單同比錢，仲有當我哋入座後，見到排隊嘅人多咗同時見到店家好貼心，會提供紙包飲料比排隊等候嘅人💓.▫️鯛白湯 $138（7.5/10）拉麵偏幼身同軟腍，但我自己鍾意硬身及粗少少嘅麵條🤏🏻湯底由日本真鯛魚熬製而成，充滿濃郁魚味；另外湯碗上有柚子膏，加入湯底感覺清新啲；拉麵中除咗有薄切叉燒，仲有紫洋蔥碎及切成圓形同三角形狀(配合店名logo)嘅筍，以及幾好食但份量偏少嘅真鯛魚碎，整體唔錯但都未去到令人驚喜嘅地步🙈.▫️鯛清湯 $138（6.5/10）拉麵質感同上，我哋都覺得清湯失色少少，冇好香濃嘅魚味，變相多咗陣鹹味，不過佢另外附上一小碟自家製嘅牡蠣油，加入拉麵後令湯底更清甜鮮美，挽回唔少分數😝清湯亦有兩片炸魚皮，比起同平時粉麵店嘅地道炸魚皮薄身同硬，值得讚嘅係少咗份油膩感，不過個人會鍾意粉麵店炸魚皮多啲，因為比較脆身香口🤣.▫️溏心蛋$15.❥…由於姊妹店座銀雞白湯太正，令我哋對鯛白

第一次食鯛魚湯底拉麵🐟估唔到勁有驚喜，係我近期最難忘拉麵😍由於坐bar枱嘅關係，可以睇到成個製作過程。廚房乾淨企理，再忙員工都做得井井有條👨🏻‍🍳師傅首先將預先煲好湯底連魚肉滾翻熱，之後用攪拌棒將魚湯變成奶白色，所以鯛魚白湯底特別濃郁🤤拉麵嚟到熱辣辣，魚味鮮甜，但唔會有腥味。麵質偏幼細唔算彈牙，勝在夠掛汁👍🏻食到膩時，可以將碗邊柚子醬混入湯中，別有一番風味🍊沾麵就相比鯛魚湯拉麵稍微失色🤭不過啱哂打卡😆事關上碟時乾冰營造煙霧效果✨麵質似刀削麵，可惜少許覺得唔太夾，掛湯度一般。同埋我嫌沾湯唔夠熱，而麵底又凍，食到一半所有野都凍哂🥺小食方面，糖芯蛋的確與別不同🥚蛋黃流心之餘，煙燻味道突出，真心高質😍炸魚皮就試一次無妨，但未必會再散叫🤔炸魚皮就同普通粉面檔食到嘅差唔多，反而焦點會放係牡蠣油🦪沾咗嚟食非常提鮮，加唔少分😗

鯛魚湯底既拉麵，香港真係唔多，呢間真心好食排左一陣隊，2個人叫左1鯛清湯，1鯛白湯，1鯛魚薑飯拉麵既麵質彈牙，同喺日本食既拉麵一樣，湯底我個人就鍾意清湯多D，比較清甜，另一半就兩款都鍾意，因為白湯都好香濃，旁邊塊炸魚皮超好味，浸好耐都唔會淋晒，碗鯛魚薑飯就咁食已經好好食，食完拉麵D湯，可以加入飯變湯飯仲好食

由於白湯同沾都麵賣晒，只能order清湯！食嗰陣仲真心覺得味道唔錯，presentation 亦相當精緻！當時心諗一定要再返嚟點知食完大約一個鐘，返到屋企口渴到一個點…連續罐左兩大杯水都仲覺得口渴！一定吾係味精囉而一齊去既朋友亦都有呢個同感！我哋大家都超級吾朋食完要灌水既拉麵… 竟然有咁多人要排隊去食!??!??!???????!??!??!??唔通大家真係食譚仔多，對味精已經免疫??????????? 從來唔寫食評嘅我都忍唔住要講兩句真心失望

中環超高質人氣過江龍鯛魚湯拉麵🍜de▽ 鯛白湯らーめん 係位於中環嘅一間隱世拉麵店，同上一條街嘅座銀雞白湯拉麵係同一個集團，食物質素一定有保證😍星期六中午12點30分黎到，餐廳已經滿座，炎炎夏日等左約10分鐘就可以入座，等候期間店員會比餐牌你順便落單，一入座好快就會有嘢食👍🏻🍜餐牌食物選擇唔多，主打三款拉麵包括鯛白湯、鯛清湯、鯛沾麵鯛白湯拉麵($138)🍜🐟鯛魚湯底好新鮮，好鮮甜好濃㴟creamy嘅魚香味🐟。拉麵上面仲放咗洋蔥同鯛魚肉粒，同拉麵一齊食更有口感！炸魚皮 $48另外仲加左一塊炸鯛魚皮，超脆超香！

中環出名既過江龍拉麵！對於唔中意食魚既我黎講係最高既評價。湯頭保留到魚既鮮度而唔腥，同柚子醬意外地夾，但係又未去到清新既感覺，幾特別。注意座位比較少要排隊留意返時間。

中環食盡各款拉麵之旅 繼續講番中環掃高價拉麵嘅故事 呢間主打鯛魚湯 大概下午三點嚟到 都幾多人排隊 鯛～只係賣淨鯛清湯 呢家門口俾咗錢先入座 冇加一 明明第一站同集團 但又有加一 小奇怪.今次呢間店面細好多 今次坐係吧枱錢同樣有提供冰水 上位價錢來講服務合理呢次點左⭐️鯛清湯$138 師傅出餐好快先講湯底 第一啖既味道 同上一碗蠔湯好似🤦🏻‍♀️但呢碗後勁好重鹹味 食多2啖會明顯想飲水相比之下 我鐘意後勁鮮甜味既蠔湯😋表面有2塊炸鯛魚皮 🤦🏻‍♀️食落唔特別 車仔麵feel👎🏻仲有極少魚肉碎 同2細塊日式酸筍🤔酸筍跟返佢哋招牌 做返圓形三角形 形狀🤦🏻‍♀️呢碗份量 配料都眼見地少 男仔食完唔會飽表面同樣有洋蔥粒 旁邊跟咗個牡蠣油（果然同上一間係同集團 出品都好似）.整體係好食 但食落唔特別 同十分唔抵食佢嗰咸鮮味 同九龍塘間蜆湯好似個湯咸 唔係d飲完會想繼續飲嘅味道平時食拉麵會想飲湯飲到底 呢碗就做唔到啦.#hkfunfoodrecord窮遊香港#hkfunfoodrecord_中環.#○de▽ 鯛白湯らーめん (中環)地址：中環鴨巴甸街13號地舖.⭐️評分：味道：3/5環境：3.5/5 台唔