肥姐麻辣餐廳

Open Now

Now Closed

同爸爸食左間超有鑊嘅餐廳，由肉類去到菜都好香口，夠的，夠鑊氣。辣子雞 $138職員話呢款真係好受歡迎，好多熟客食完返轉頭再食。不得不說雞切得細細粒方便食，更重要係炸得夠透脆卜卜，部分仲連住少少雞皮，咬得到的油香，大推。都比較辣，好惹果。手撕包菜 $78菜來講呢個好香✨✨✨火喉剛好，上枱時仲熱到出煙🫣😎食得出個獲氣，有少少辣椒🌶️但不會太辣，可放心食！但油左啲啲，但一餐半餐都ok ga!!!雞翼尖 $43雞翼尖來講真係幾正，好夠辣之餘，仲煮得好淋，唔洗咬得好辛苦，已經可以食到成隻雞翼尖。

今日去了荃灣接朋友收工 佢表示有間餐廳成日lunch經過想試但未食到 今晚終於同我去試吓😋正如餐廳其名 呢到既麻辣真係做得好出色！我地所有美食都叫了bb 辣 🌶唔會辣得好辛苦 但佢個麻香味已好香好重😚真心推介比鐘意辣既朋友仔😗我地食了1. 泡椒雞腳 🐓呢個係個唔錯既涼拌小菜👏 當啜個雞腳時 啲麻辣汁同埋椒香味真的好香 😍同埋一啲都唔嗆喉嚨！越食就越上癮咁☺️☺️2. Bb辣土豆絲 🥔呢個土豆絲好有屋企既味道🏡啲土豆絲好爽脆😍同埋辣椒一齊炒別有一番風味😋 好似食緊健康版既薯條咁！係一個幾健康既菜式 😚非常推介😉3. 酸菜魚🐟呢到既酸菜魚係完整一條新鮮魚即煮咁樣呈上 😍所以其鮮味都特別多😇 不過就要小心多骨 要慢慢咀嚼😚 除了魚外 仲有啲酸菜同埋芽菜 餸飯一流呀4. 飲品飲品選擇都不少 仲有清酒tim 我叫了竹蓆茅根😌而朋友則叫了汽水🥤聽老闆娘講 嚟緊仲會推出一人麻辣小火鍋餐 聽到都流哂口水呀😍

辣得起勁🔥🔥今次來到 肥姐麻辣餐廳 挑戰麻辣底線～本身以為自己都算食得辣🤣叫咗三個菜式都係小辣，結果好似高估咗自己～ 想挑戰辣度嘅一定要來😙✪ 泡椒蘿蔔 ⌫ 💲48呢款開胃涼拌菜係三道菜之中最辣！泡椒蘿蔔口感好爽脆，有醋香。✪ 招牌辣子鷄 ⌫ 💲148海量嘅辣椒!! 辣度十足，帶花椒香氣。雞粒好香口。✪ 椰菜花炒四川臘肉 ⌫ 💲128椰菜花炒得好爽脆。臘肉鹹香。.【 肥姐麻辣餐廳 】📌 荃灣沙咀道169號滿樂大廈地舖

今日要出荃灣廣場開工，收工時雨紛紛，咁同同事食埋晚餐先回家，行出沙咀道球場附近見到有間肥姐川菜餐廳，一於食辣辣川菜暖下身！入到餐廳見到枱面員工正在切辣椒！嘩，未食已經吞口水！商量食咩時，員工遞上小食一碟！一邊係辣辣花生，一邊係雲耳！好醒胃！每張枱都有個小盆景，我哋張枱個小擺設！清炒土豆絲，𣎴油膩，啖啖爽口！份量都好多，抵食！叫咗手抓餅，有兩大塊，仲剪好一小塊上，方便食，好多葱，而且葱味好濃，好味道！叫咗個細份量酸菜魚，魚片係鯇魚，魚骨不多！酸菜不是碎濕濕！叫咗B B辣，都好夠味！酸同辣配得剛好，雙方不會搶咗大家的味道！碟底仲有大量芽菜同海帶墊底，索咗魚汁，好入味！泡椒雞腳，雞皮好爽口！伴啤酒一流！干扁四季豆，辣得來正！兩個人食下傾下飲下啤酒，不經不覺清哂所有食物，食飽覺得暖笠笠，好滿足！下次再來可以試下其他款式！店舖環境乾淨，員工態度又有善，值得一讚！

放工係荃灣睇完戲未食嘢，就寶行呢個見到乜就食乜概念，入左呢間四川餐廳醫肚～咁入面唔多人嘅 得一枱 所以姐姐都有好好咁serve我地✨招牌水煮魚 $168 | 1.5/5嗱呢個係佢烹調嘅時候已經有陣臭味傳出嚟，因為得我地叫嘢食咁所以一定係煮緊我哋嗰份啦。我哋好希望呢個只係過程啦，點知上菜都有呢陣臭味呀 有啲似未淨乾淨嘅大小腸 食落去質感係好正常嘅，但一路食就要一路聞住呢陣味，哇呢種感受真係令我揮之不去✨招牌辣子雞 $138 | 2/5其實味道唔算差，辣味十足，花椒味香。不過成碟雞好似要尋寶咁搵啲雞粒出嚟，辣椒好多雞肉好少，食落去雞粒八成都有骨✨涼拌粉皮 $48 | 3.5/5粉皮溫度適中，軟硬度適中，味道唔會太辣，但係都有好香嘅辣油味~呢個幾好食❤️❤️希望只係我嗰日咁唔好彩食到呢種質素嘅水煮魚😂試完一次就好

係附近行街等睇戲 search到呢間川菜咁多好評就來個quick dinner😆餐廳唔多位置 都坐滿曬 裝修係一般餐廳風格 落單前會問下每台平時食開咩辣 話佢地啲菜偏辣😍正啊！見到佢擺係一邊一箱箱乾辣椒好地道家庭式經營咁😂時間唔多 叫左幾個小菜 泡椒雞腳真係幾辣下🤣🤣算係幾唔錯嘅雞腳 好入味 肉質彈牙酸辣土豆絲新鮮滾熱辣 酸辣平衡得唔錯 好開胃惹味 食完一啖接一啖 幾正宗🤣好送飯😝招牌辣子雞好香😍見到有好多款唔同辣椒香料 配埋好多原粒蒜 配搭好好 雞肉味道唔錯 略嫌炸得有啲柴 見到隔離檯大家都食酸菜魚 好吸引 見等得比較耐 我地今次趕時間 唯有下次再戰！餐牌仲有好多選擇都幾吸引😝

今日返工好大壓力，放工決定食餐好😃喺福來邨附近發現呢間肥姐麻辣餐廳，就入咗去叫咗幾樣嘢試吓✨餐廳環境幾舒服，入面有卡位，有圓枱，而且有一啲中國山水畫作點綴，一個人來又有電視睇唔會悶。我叫咗泡椒雞腳 （$43）招牌水煮魚-細 （$168）清炒土豆絲 （$78）泡椒雞腳入味，雞腳唔會硬繃繃咬唔到個皮，泡椒味幾香，都幾開胃，一碗入邊大概有差唔多10隻雞腳，都幾抵食。招牌水煮魚入邊有足料魚塊，魚係食得出新鮮嘅，唔係急凍魚柳，而且魚係厚身，唔係魚片來嘅，入邊有花椒粒、豆芽，海帶。如果兩個女仔黎食都夠。清炒土豆絲係最驚喜。土豆絲吵到唔會太林，又唔會太爽。土豆絲有少少酸味，幾開胃。如果下次食水煮魚或者酸菜魚，唔想配飯，其實配呢個土豆絲都唔錯。我覺得呢間餐廳，幾適合幾個朋友坐低傾吓計、食吓嘢。地方寬敞，環境比一般打冷舖頭更乾淨、衛生。

今日收工約左個老友食飯，知佢鐘意食辣就睇下荃灣附近有咩辣嘅餐廳，咁岩見到呢間肥姐麻辣餐廳咁多人讚好就試試佢啦入到去環境都舒服，坐底之後肚仔餓都即刻睇睇有咩食啦一定要！餐牌都好多選擇，最後我地叫左三個餸泡椒雞腳 $48呢個前菜酸酸辣辣非常野味，雞腳清爽得黎啖啖肉再加埋肥姐自制嘅泡椒，十分開胃，同老友食到唔停口酸菜魚 $168 細之後就叫左食辣野都要叫嘅酸菜魚！我地兩個人叫左細份本身驚太細唔夠食！點知都相當大份兩個大男人食都夠曬，魚肉新鮮酸度都足夠！辣味方便可以選擇，唔食得辣嘅朋友叫小辣就可以因為都辣的，推薦大家嘗試酸辣土豆絲 $88最後叫左個碳水因為冇叫飯，平淡中見神奇果然係真！土豆絲酸酸辣辣個味反而非常突出，令人一啖接著一啖，每一條土豆絲都入曬味見到大廚嘅功力推薦黎荃灣而又鐘意食辣嘅朋友要來試試！唔會令你失望！

今日嚟到荃灣探親友，之後經沙咀道沿途一帶，發覺周圍已有好多嘢食！因為我和老公今晚想食辣嘢及惹味晚餐~所以就揀左間肥姐麻辣餐廳！❤️‍🔥❤️‍🔥❤️‍🔥環境❤️‍🔥❤️‍🔥❤️‍🔥❤️‍🔥/5舒服！有卡位及圓枱！加上有些壁畫及小擺設，令餐廳增添不少氣氛！服務❤️‍🔥❤️‍🔥❤️‍🔥❤️‍🔥❤️‍🔥/5職員全女班~肥姐態度好好！敬業樂業！成晚見佢冇停過，出出入入好勤力的員工！前菜❤️‍🔥❤️‍🔥❤️‍🔥/5花生及酸辣蘿蔔！下單前，肥姐會為客人預備前菜！酸菜魚❤️‍🔥❤️‍🔥❤️‍🔥❤️‍🔥❤️‍🔥/5🪙$168嚟到肥姐店舖當然點個酸菜魚食下啦，兩人份量都好大碗，有酸菜、芽菜、一片一片的薄魚片及魚骨！魚片非常新鮮嫩滑，好滋味，酸菜及湯汁煮得剛剛好，入曬味！好嘢味！泡椒雞腳❤️‍🔥❤️‍🔥❤️‍🔥❤️‍🔥/5🪙$43/份雞腳係我老公至愛~ 原來咬咬下都幾好食、幾爽~浸得好入味！是不錯的凍小食！蒜香炒土豆絲❤️‍🔥❤️‍🔥❤️‍🔥❤️‍🔥/5🪙$78唔好睇小呢碟菜式！土豆絲炒得好香蒜味，每條土豆絲切得剛剛好！好有咬口及爽脆！感覺好健康，亦好飽肚！總括： 鍾意食麻辣嘢一定要搵肥姐麻辣餐廳試下！❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥

今日同老公去荃灣逛逛，行完商場就去左D小街度搵食。近來都想食D比較刺激嘅嘢，見到呢間店名寫住麻辣，不如就去睇吓。呢間餐廳裝都花左D心思，牆上有中式擺設，連枱旁邊都有木製中式亭園模型，都幾特別。餐牌上大多數都係辣嘅菜式，有分大中小同BB辣等，當然亦有唔辣嘅菜式。因為老公唔太食得辣，所以先叫左個涼伴食吓個辣度係點，然後叫左個唔辣嘅小炒，最後就係酸菜魚。前菜：有兩款，白蘿蔔都幾辣，花生就唔辣，入口香。黃金皮蛋：先熱吓身，叫左個BB辣。黃金皮蛋個樣幾靚，我都係第一次見皮蛋咁透明。BB辣都已經非常辣，黃金皮蛋好入味，口感好綿，下面仲有青瓜，爽口同甜，同樣入味，呢個涼伴幾好食。清炒土豆絲：呢個係比唔食得辣嘅老公，薯仔絲同洋蔥絲一齊炒，入口甜，爽爽地，有D蒜味，老公話幾好。酸菜魚：份量足，呢個係BB辣，但其實佢都係辣架。鯇魚都多，大大片，厚薄適中。裡面有芽菜，海帶同酸菜等配菜，整體味道唔錯，唔太酸，辣辣地幾惹味。

呢排放假同屋企人周圍搵野食，上openrice見到呢間荃灣四川菜餐廳，用openrice訂座可以用優惠價享用二人套餐，套餐包括頭盤、水煮魚、小菜、白飯同甜品，兩個人食都好豐富頭盤: 口水雞 (例) 佢地既口水雞可以自選辣度，我地就揀左小辣，麻香後勁都幾勁，雞肉嫩滑多汁，配上多款特色香料醃製，非常惹味招牌水煮魚四川菜必點既水煮魚，可以揀鯇魚或者桂花魚，我地就揀左前者，魚肉嫩滑細骨唔多，用上新鮮魚唔會食到雪味，揀左小辣，湯底好多四川香料，辣得過癮小菜: 酸辣土豆絲土豆絲炒到好爽口，酸酸辣辣好開胃，送飯一流

6人$14xx 野食太咸 質素要改善 毛血旺（用料唔得，唔係用水魷，魷魚縮到一粒粒，牛柏葉碎濕濕）酸菜魚味道好一般辣子厚切牛（又咸又勒）水煮田雞和雞油荳苗幾好 堂食座位幾舒服，但食物材料真係要改善否則趕客

今日收工之後睇緊有咩食嘅時候，發現原來公司附近有一間評價唔錯嘅川菜，所以就同朋友去試下！餐廳唔算大，但係入面光猛企理，位置之間都相當闊落。最重要嘅係冷氣好夠猛，唔使擔心食辣食到成身汗！老闆娘肥姐超級Nice，會主動介紹每個餸菜，同埋問你食唔食得辣，呢度有大中小辣同BB辣，所以食辣嘅初哥都唔怕！✨黃金皮蛋皮蛋既蛋白部分晶瑩剔透，似軟身啫喱，滑嘟嘟，而蛋黃部份就有流心效果。佢既阿摩尼亞味沒一般皮蛋強烈，比較容易入口，而且蛋香味比一般皮蛋濃好多，留係口中久久不散。醬汁用左啲花椒油、醋、辣油等，整成酸酸辣辣靚口味，再配上青瓜粒，刺激過癮！✨辣子蒜香排骨呢一碟喺廚房炒緊嘅時候已經聞到香味，一拎出嚟真係嚇親，唔單止大碟，而且仲有好多辣椒乾！原來好多排骨都收埋晒喺個底，排骨醃得夠味，而且先炸過再炒，食落香口之餘，又唔油膩。配上香辣嘅辣椒，非常惹味，餸飯一流！✨酸辣土豆絲土豆絲嘅顏色鮮艷，色澤光亮，而且口感非常爽脆，冇糊化嘅跡象。土豆絲唔算辣，但係酸味夠勁、爽脆又開胃，令人有種人上癮既感覺，極易餸飯～

近日開始入冬 , 氣溫驟降 , 之前睇岩此 肥姐麻辣餐廳 因當時大熱天時費事食到滿頭大汗所以今日係試試佢既好機會其位置在荃灣沙咀道球場旁, 交通相當方便外觀是一般中式餐館門面內裡裝修預期之外 , 行休閒風 , 不錯牆上都有些竹籮工藝品 , 酒架 , 簡約山水畫等添加中式氛圍環境乾淨企理 , 店員阿姐亦殷勤有禮 , 店家預左D客食辣 當然冷氣充足餐牌簡而精order左唔夠10分鐘便有野陸續上枱酸辣土豆絲 $78 - 醬汁做得不錯  酸中帶開胃  辣椒,蒜片碎 食落好有層次感 , 爆炒熱辣辣邊有得輸 , 此味已經不算很辣 , 屬入門級辣子蒜香排骨(細) $138 - 擺盤靚, 影相一流, 嗌左中辣 ,剛剛好頂得住, 有各款辣度任君選擇 , 排骨超級鬆脆, 入面嘅肉汁都依然鎖得住 , 內裡蒜蓉提升口感層次 , 爆香至極泡椒雞腳 $43 - 鳳爪有少少泡椒汁浸住，爽口惹味食落好濃椒味同蒜香味 , 鳳爪基本入晒味辣度大致適中份量ok，隻隻都有返咁上下因為係下午茶時段黎, 唔算多人, 自己同朋友又打左少少底先黎所以食得唔多唯有期望下次試下其他菜式

今日約咗朋友去愉景新城行街，嚟到晚飯時間又去咗附近搵好嘢食，經過見到呢間肥姐麻辣餐廳，招牌好sharp好搶眼，餐牌選擇都好豐富，所以我哋都諗住試吓，反正我哋都好鍾意食辣嘢🤪🤪辣子蒜香排骨 $138細 $198大呢碟餸一上枱真係嚇親！一眼望落去全部都係辣椒乾，見到已經都流晒口水，好似好辣咁！不過其實食落又唔算好辣，係好香口好好味，送飯真係一流！而排骨係有炸過再一齊炒，食落唔會好油膩但係好卜卜脆，排骨嘅份量都唔少，食落肉質都唔會好鞋好韌，真係好惹味，鍾意食辣嘅朋友一定要叫嚟試吓🤤酸辣土豆絲 $88每次食四川嘢真係必嗌土豆絲，今次呢個係用酸辣做調味，味道偏酸多啲，就食落唔會話好辣，炒過嘅土豆絲依然好爽脆，份量都好多，好似食極都食唔完咁，完全係食到停唔到口，真係值得叫😍😍秘製雞翼尖 $43小食嚟講今次叫咗呢個秘製雞翼尖，係店員推介嚟嘅！果然真係冇介紹錯，秘製汁偏向麻辣，食落都有啲辣辣地，同平時喺街食到嘅味道好唔同，雞翼尖都整到好入味，食落口已經離晒骨，真係食到停唔到，超級惹味，好開胃！👍🏻👍🏻😋📍 肥姐麻辣餐廳 (荃灣)荃灣沙咀道169號滿樂大廈地舖