肥姐麻辣餐廳

Open Now

Now Closed

晚上7:30，店內已坐滿3分2，每枱客人店家都會送上餐前小食，酸辣木耳同埋香脆花生，我好鐘意木耳汁既泡椒味，食落酸酸辣辣，好開胃☺️點餐既時候，肥姐第一句就用好貼地既口吻問”食得幾辣”😆，之後就向我推介店內嘅招牌菜，過程中，你會感覺到肥姐既豪氣同埋親切感，完全有別於出面機械式嘅服務😆肥姐唔係只係坐定定收銀，而係真係會親手落手落腳去做，由廚房做到樓面，聽電話接外賣，所有嘢都親力親為，佢哋除咗做堂食之外，外賣都好多order，見佢接電話接唔停，但係堂食嘅order都唔需要等好耐。肥姐仲有自家製嘅辣椒油，只係28$，買來做涼伴一流！👍🏻用餐後，見倒肥姐終於得閒，佢行過嚟我張枱度，問我啲嘢食啱唔啱口味，再同我閒談左一陣，言談之間，我再次感覺到肥姐既親切感，今餐除咗食到美食之外仲食到濃濃既人情味🥰

位置：📍荃灣沙咀道169號滿樂大廈地舖📍食後感：酸菜魚酸菜魚好大份呀，魚塊好大塊，起碼有15塊魚塊，魚好夠滑（新鮮魚塊冇包粉），又新鮮，完全冇魚腥味。配料重有大量酸菜，大豆芽，椰菜等等。食一份都好夠飽。今次叫左BB辣，BB辣都已經好辣啦，我平時食開十小辣，BB辣應該係五小辣左右。雖然佢辣，不過真係辣得好過癮。口水雞口水雞份量都唔細，雞好滑好入味，加上蒜粒蔥粒，底重有手拍青瓜，索曬D汁，青瓜爽脆好解膩。調味唔會過咸，雞重有咬口，近骨位唔會有紅色，我好怕食雞個陣近骨位紅嫁。呢個冇得揀辣度，我諗都有小辣，雖然我唔食得辣不過都清曬酸辣土豆絲土豆絲夠曬脆，甜甜酸酸好開胃，加上岩岩炒出黎熱辣辣好有鑊氣，第一次試炒薯絲，果然夠驚喜。薯絲炒量都多，我諗有兩至三個大薯仔份量，唔鍾意食飯既朋友可以叫黎試下。

肥姐堪稱其中一間我最愛的川菜小店。貪佢夠麻夠辣。記得第一次嚟叫大辣，差啲胃痛，自此之後最多只敢叫中辣。有些朋友食完覺得太濃味，太咸，有時都真係幾重手。不過剛剛去完，發現她們轉了㕑師，好像輕手了些，可以再試。座低會先冇份前菜小食，讓你感受一下這裡的辣味。我很喜歡這裡的辣子牛肉，夠乾身，牛肉不會「乸」到過晒火。雖然有朋友覺得太乾太咸，反而喜歡辣子排骨，但我覺得兩種肉不同口感，各有滋味，都很好吃。另外花甲也不錯，我覺得最好吃的是野山椒錫紙花甲＋粉絲，不過食過幾次，今次試下老干媽炒花甲，同樣惹味但略比野山椒差少少。最後還有鷄煲，這裡的鷄煲有幾款不同的味道。這次我選了藤椒鷄煲，微微的辣味，用火爐興住 ，越煮越豐富。不過我不太喜歡鷄切得太細粒，變了鷄丁。對愛麻辣的我而言，這裡的麻辣味道還是不錯的～

荃灣吃喝玩樂都係有好多選擇，同朋友喺荃灣玩完一啲活動之後，就周圍去搵食。如果想食川菜的話，有一間好吃而又貼地的選擇！👍👍👍🤩酸菜魚魚肉鮮嫩，搭配酸菜和香料的味道，讓人感到非常開胃。此外，菜品的色澤也非常漂亮，讓人一看就有食欲🤤🤤🤤🤩口水雞以嫩滑的雞肉和麻辣的調味料為主要食材，味道非常獨特。我喜歡這道菜的口感，雞肉非常滑嫩，搭配上麻辣的調味料，讓人感到非常開胃。此外，菜品的裝飾也非常精美，讓人一看就有食欲😋😋😋🤩酸辣土豆絲口感非常爽口，搭配上酸辣的調味料，讓人感到非常開胃。此外，菜品的色澤也非常光亮，讓人一看就有食欲🥰🥰🥰

好耐無食辣啦🌶️朋友就推介荃灣附近嘅一間幾地道嘅川菜～老闆娘叫肥姐，超好客，同枱枱都好frd，會問下有咩食有咩唔食，再根客人喜好推介特色菜😙啱晒選擇困難症嘅大家！🌟辣子肥腸 $138見呢個寫住霸氣辣子系列，一於試試佢夠唔夠霸氣😈肥腸細心切成方便食嘅一口大細，先炸過再加入特製辣椒醬、海量辣椒及炸蒜片炒香，上枱視覺極震撼！食落口感豐富又香口🤤🌟口水雞 $88口水汁加入辣椒、花椒、蔥等調味，食落有層次唔係死辣！🐥雞肉超嫩滑，另外仲有啲青瓜喺底～當雞肉同青瓜都索晒口水汁，一啖餸一啖飯就最perfect🤤大推呢個攞嚟送飯啊！！🌟手撕包菜 $88呢個咁簡單嘅菜最容易試出廚師係咩功架😈炒包菜份量好多😙唔會太淋，食落甜&爽口🩷調味都有誠意！唔單止加咗蒜片辣椒去炒，仲食得出有少少雞湯味～🌟陳檸 & 五花茶信我🤪食辣嘢一定要跟涼茶！罪惡感會大減⬇️飲落似媽媽煲嘅味道👅無添加無防腐劑，連我平時飲開走甜嘅人都唔覺太甜就知咩料啦🥰

好耐冇返大陸食過川菜，尤其是對烤魚念念不忘，經過發現到荃灣有間川式小菜仲有埋烤魚，所以今次就同朋友一齊嚟回憶下川式味道🤪前菜有雲耳同埋花生，雲耳係用醋嚟醃過，好開胃～花生嘅調味粉都幾特別～明爐香辣烤魚 💰HK$268今次叫咗個明爐香辣烤魚🙈因為職員溫馨提示咗我地呢到嘅菜式係偏辣，所以我地叫咗bb辣🙈睇得出條魚好用心整，食得出係煎過之後再放落烤爐，然後再用好多麻辣汁浸住條魚！食落去啲魚肉嘅肉質係比較結實，點埋啲麻辣汁辣辣地，好滋味！旁邊嘅豆腐都好味好滑，配埋麻辣汁一流🤤仲要勁大兜，兩個人食份量啱啱好！餐廳內部裝修都好精緻，每張枱旁邊都有啲小植物，座位都好濶落幾好坐，都好多卡位！多人一齊嚟嘅話，坐圓枱食亦得，仲可以試多幾味餸添😜

📍肥姐麻辣餐廳 (荃灣)⭐️明爐香辣烤魚 ($268)今日試左明爐香辣魚，叫左香辣味小辣。有時出面食烤魚小辣都偏辣，呢隻就正正常常，唔會話好辣嘅。擔心唔食得太辣都可以叫小辣。烤魚除左中間條魚骨，全條都係啖啖肉，完全無魚骨，去到後尾都好放心大啖啖食。入面配菜就有豆腐，但啲豆腐放落左仲有小小微煎咁嘅樣。成個煲都係滿滿嘅香料，啲汁都無出面咁油。⭐️口水雞🐥 ($88 例牌)推介指數滿分🥰友人食完烤魚都仲覺得唔夠喉，叫左例牌口水雞過下麻辣癮。口水雞下面仲有啲青瓜放底，青瓜同雞都索晒啲汁嘅精華。肥姐好熱情介紹左正宗口水雞應該係點，正宗口水雞上菜個時應該係好多口水汁浸住嘅，同出面嘅係有啲唔同架。🍹飲品分別試左咸檸7($26)同埋飲原味香港製造嘅五花茶($26)。五花茶個味唔似出面有啲一枝枝好甜咁樣，係平時涼茶舖飲個種。我見到其他荃灣餐廳都有呢隻牌子嘅涼茶飲。一坐低仲有小吃送，左面係菜脯，右面係麻辣雞爪。💓入到去覺得環境擺設都唔錯, 每張枱都有個3個小盤栽🌱Menu:

相就唔洗影啦因為食果刻冇問題仲好好味好有鑊氣添但食過咁多間呢啲內地美食外賣又好堂食又好 我係第一次覺得要寫食評…係差到要寫啊一行5人琴晚食晚飯菜式有酸菜魚黃金皮蛋手撕包菜蒜泥白肉食完餐飯冇20分鐘我已經好口渴味精勁到我今朝口渴到醒左咁大個人食過咁多間酸菜魚今次係第一次咁差既經歷。我諗起之前有人同我講過大陸有一隻呢啲酸菜魚湯膏筆出黎開水就可以變成酸菜魚湯諗起都極懷疑呢間野都係咁做大家想試下可以去。但我唔會再去

我最近到了肥姐麻辣餐廳，我點了他們的招牌菜，口水雞，這是一道非常有名的菜，肉質鮮嫩，辣味十足。口感非常好，辣度也非常適中，即使我點的是bb辣，但是還是有一點挑戰。這道菜只需要$88。接下來，我點了酸菜魚，這是一道我非常喜歡的菜。魚肉非常新鮮，味道非常美味，酸菜和辣椒的味道完美地融合在一起。這道菜的價格是$168，我覺得這個價格非常合理。最後，我點了手撕包菜，這是一道簡單但又美味的菜。這道菜看起來非常普通，但是味道卻非常好。包菜非常軟嫩，配上一些香料和辣椒，味道更加豐富。這道菜的價格是$88。總的來說，我非常推薦肥姐麻辣餐廳，他們的食物非常美味，價格也非常合理。如果你喜歡辣味，一定要去嚐嚐他們的口水雞和酸菜魚，這兩道菜真的非常棒。如果你喜歡清淡一些的口味，手撕包菜也是一個不錯的選擇。此外，他們的服務也非常好，服務員非常友善，讓我們感到非常舒適。

幫襯咗好幾年，諗起肥姐就只有一句 一直被模仿從未被超越！ 呢試過你就知佢配唔配！ 一間我會帶四川朋友嚟食嘅四川菜可以選擇嘅辣度有bb辣，小辣中辣同大辣 沒有QRCode 落單，而係由老闆肥姐人腦落單 ，不得不佩服佢嘅記憶 前菜 ：少辣黑木耳 + 小辣菜脯黃金皮蛋，淨係個汁都可以畀你送兩碗飯酸菜魚，肉質嫩滑酸酸辣辣啱曬夏天食引起食慾 必食手撕包菜，未試過一餐會食咁多菜😂我懷疑佢係用豬油炒嘅所以超香口咸檸七 ，食辣野又點少得凍飲呀

今日又入咗荃灣行街睇戲,每次入荃灣我都想幫襯呢間餐廳,對佢嘅麻辣香味念念不忘。肥姐麻辣餐廳,地址喺沙咀道169號滿樂大廈地舖,餐廳地方闊落,座位空間感亦都好足夠,喺度食飯感覺都幾舒適。酸菜魚 ,酸菜魚分量好多,可以選擇小辣大辣同bb辣,因為佢呢度嘅麻味十足,我哋選擇咗bb辣,魚肉非常結實,食落口仲係好嫩滑,唔似一般餐廳做到啲魚肉散曬,入口魚肉味鮮甜,麻辣香味慢慢滲出,配上酸菜大豆芽增添口感同香味。辣子蒜香排骨,一上枱已經聞到麻辣嘅香味,排骨醃得好入味,經過辣椒炒香,入口又香辣又嫩滑,非常惹味香口。招牌口水雞 88元,例牌,呢個口水雞真係一試難忘,入口雞肉好嫩滑,雞肉香味鮮甜,最正就係旁邊嘅麻辣香味,芝麻,香蔥,辣椒,令到口水雞嘅味道好有層次,呢個麻辣醬汁出面嘅餐廳真係食唔到,用嚟配白飯真係食到舐舐脷。最後簡簡單單點咗個炒菜,炒菜份量真係好多,加咗蒜片辣椒,特別香口惹味,好有住家飯嘅感覺。每一個菜式我都覺得好好味,而且性價比高,所以每次去荃灣我都會幫襯佢。

點到嚟餐廳嘅第一感覺就係個環境舒適，氣氛熱鬧。餐廳內嘅裝潢都好有川菜嘅風味，牆上擺滿咗各種川菜嘅圖片同食譜，令人眼前一亮。我第一次嚟呢間餐廳，點咗幾個招牌菜點。首先嚟到嘅係四川黃金皮蛋，個外皮香脆金黃，入口之後呢，韌度啱啱好，內裡嘅蛋黃質地滑嫩，味道濃郁香辣。真係一個讓人嘴巴流口水嘅開胃菜。口水雞係餐廳嘅另一個招牌菜式，佢嘅做法獨特，雞肉經過慢煮後再拆成細絲，然後淋上濃郁辣椒醬，撒上花椒粉同蒜末。一啖落肚，滑嫩嘅雞肉同香辣嘅醬汁，真係令人欲罷不能。最後一道菜係水煮魚，呢個係川菜嘅經典菜式之一。餐廳嘅水煮魚好有特色，大塊嘅魚肉浸泡喺麻辣湯底入面，配上豆芽、豆腐等配料，辣味香辣而不失鮮美。魚肉嫩滑，湯底入口即化，真係令人回味無窮。

隱世川菜館荃灣美食眾多，但好食嘅川菜不多，今次就黎一試麻辣餐廳有幾麻辣！餐廳內部環境比門面更為美觀，有點小驚喜，有用心裝修，有川菜館嘅氣派，而且主要係卡位，坐得非常舒適。口水雞(例) 口水雞係一道非常傳統的川菜，味道鮮美，香辣可口。外觀睇起黎已經非常誘人，雞肉色澤金黃，表面均勻地覆蓋著辣椒油和花椒粉，讓人不禁垂涎三尺。食起來，口感非常爽脆，肉質鮮嫩多汁，辣味和麻味交織在一起，令人一口接一口食唔停。配上酸酸辣辣嘅手拍青瓜，更加開胃。呢個口水雞不單只味道好，而且非常開胃，係非常值得一試嘅菜式。辣子蒜香排骨味道香辣可口，並切至一口一粒嘅大細，令排骨更易入味之餘，亦方便食用，更令人一口一口咁食唔停。排骨經過煮熟後，再用特製的辣椒醬，大量乾辣椒，及蒜末拌勻，讓排骨入味。吃起來，肉質非常嫩滑，辣味和蒜香交織埋一齊，令人垂涎欲滴。另外，呢道菜的外觀亦非常打卡able， 排骨色澤金黃，表面均勻地覆蓋著辣椒和蒜末，伴隨大量嘅辣椒，令人一看就知道是一個非常好食嘅菜式。呢道辣子蒜香排骨唔只味道好，而且口感豐富，係一個非常值得推薦的菜式。酸辣土豆絲酸辣土豆絲係一個非常傳統的川菜，味道酸甜可口，非常之開胃。土豆

睇左米紙介紹一間荃灣隱世地道四川菜，介紹新鮮地道既酸菜魚，睇完好想食，所以特登約埋朋友去食。鋪頭係滿樂大廈果邊，但係當日都有其他客由其他區專登去食。鋪頭裝修都好有心機，卡位隔離都會擺啲小盤栽添生氣。當然要叫佢既地道酸菜魚。雖然係四川菜，但辣度係可以揀既，因為朋友唔食得辣，揀左個唔辣，雖然係唔辣，但因為佢用左海帶，椒同酸菜煮，同樣好香，酸菜都增加左湯頭既鮮甜味。😋湯底鮮甜都可以係咁飲👍🏻👍🏻👍🏻老闆娘話佢地用左新鮮鯇魚做，同出面唔同，有晒魚腩魚尾，係原隻新鮮鯇魚即湯即煮即食的。😋😋食落好明顯，魚肉勁新鮮，超級滑。本來我不是好中意食魚，但依個酸菜魚做得好出色真係👍🏻👍🏻👍🏻連湯都飲晒😂再點左炒包心菜同黃金皮蛋👍🏻黃金皮蛋有少少辣油加勁多蒜蓉，超級香。中意食口味野會覺得好正，皮蛋不是平時食到果種深綠色既，而係真係黃金色，好特別👍🏻包心菜平時好少有得買，食落勁新鮮，爽口。咬落仲好脆，好新鮮好甜。總括來講，鋪頭每樣食材都用上最新鮮既，好有心，對人客同食物都好尊重。係值得再食既地道小店👍🏻👍🏻😋

呢排天氣悶熱，無咩胃口，所以就想搵下d 酸辣野嚟食下，酸菜魚係首選，所以搵間小店試下！酸菜魚，小辣 $168酸菜味夠出，花椒份量適中剛剛好，唔會令個味道太麻食到好辛苦。雖然鐘意食辣，但唔係好頂得到太勁，所以我地都係叫個小辣就算，食得辣嘅朋友可以試下叫大辣，我見好多熟客都叫大辣，似乎唔錯。魚肉雖然係用鯇魚，但處理得唔錯，魚肉係滑嘅，無泥味值得一讚。部位亦採用較無幼碎骨嘅位置，食得方便好多招牌口水雞 $88比起一般嘅口水雞，呢個更重麻花生醬味，層次好好多，辣之餘令到味道無咁單調，雞本身調味都係足夠，令到雞嘅底味無被重味嘅口水汁完全蓋過。清炒土豆絲 $88呢個係想唔到嘅驚喜，炒土豆絲平平無奇嘅樣，食落個薯仔味好香口，濕度適中，條條口感分明，唔食飯嘅朋友，唔夠飽肚嘅話，都推薦叫個土豆絲嚟代替飯，又好味又飽肚。