第九味

Open Now

Now Closed

🎉 最近元朗新開咗一間日式料理，叫 第九味 對我嚟講 真係激動！我好鍾意日料，唔知道你係咪都同我一樣😋😋！今次我同朋友一齊去食，啲食物真係好新鮮，食完真心讚👍🏻芝士蟹籽玉子燒 $28外面滑滑，裡面滿滿芝士同蟹籽，真係好味到爆！魔女麻醬撈烏東 $68 一半沙律醬一半胡麻醬，中間仲有滿滿蟹籽同豬肉，麻醬香濃，烏東麵滑滑，幾口就食完，根本停唔到。吉列蝦加州卷 $78大份蝦炸得金黃，配上香滑酪梨，簡直好味！鵝肝手卷 $58鵝肝香濃，配海苔特製醬汁，口感超正，鍾意食鵝肝嘅值得一試。蟹柳手卷 $20經典小食，朋友最愛、蟹柳味道鮮甜。手作一口芝士 $68每一口都充滿芝士，每一次都會叫呢個菜式，食過返尋味！原條燒茄子 $48手瓜咁大條嘅茄子，燒得剛好，茄子嘅甘甜味道令人驚喜。燒牛骨髓 $68呢個係店舖嘅必吃之選，肉質嫩滑，骨髓嘅香滑真的好正，肉食者必試。醬燒魷魚筒 $46魷魚烤得香脆，搭配醬汁，味道超讚。飲品-士多啤梨梳打$48 清新解膩，飲完好舒服。荔枝梳打 $48 果香四溢，特別適合夏天飲。呢度嘅日式料理真係唔可以錯過，無論係菜式嘅創意定味道，都令人驚喜！如果你同我一樣鍾意日料，記得去試下！店鋪

想食下日本嘢，聽元朗谷友講開咗間新日式料理餐廳叫第九味，是晚就同家人去試下。大概八點左右去到餐廳，發覺餐廳真係唔大間，大概只有18個座位，建議人多嚟食嘅話真係訂咗坐先。店內除咗日式料理，都仲有啲特色嘢食，例如白雲鳳爪、燒元朗烏頭等，價錢都幾親民。⭐無骨鳳爪家人愛食鳳爪，先來一盤無骨鳳爪作為餐前小食，酸酸辣辣好開胃，其中嘅芹菜香甚是對胃😋⭐三文魚腩刺身再來分三文魚腩刺身，刺身相當厚切，每一件都肥美可口，入口魚油甘香，十分美味。⭐海膽壽司再來一份海膽壽司，海膽鮮甜，入口即化，正喎。⭐燒鮮白鱔 & ⭐豚肉露筍卷之後有燒白鱔同豬肉蘆筍卷，燒得甘香但唔會過份乾身，少少嘅鹽調味已經好好食。⭐蒜香燒生蠔在整咗份燒生蠔，要咗辣味，上面嘅蒜蓉、蔥同辣椒十分香口惹味，蠔肉肥美鮮甜，又係勁正。⭐雙色鱔鰻竹筒飯最後仲有個竹筒飯，入面係白鱔同鰻魚，一種爽口彈牙，另一種軟腍甜美，加上軟綿綿嘅珍珠米係好食喎。竹筒望落唔大，但實際上飯好多，一人分到一大碗，十分飽肚😆小店即叫即製，製作需時，近乎食完一碟先至上下一碟，食得輕鬆冇壓力，感覺良好，可以多多支持一下小店呀。

朋友推介元朗新餐廳，身為街坊，不能錯過，即時約腳嚐嚐，實測一下！環境舒適有格調，一點不似日式居酒屋🏮，反而似西餐廳多一點！先來北海道帶子什菜沙律🥗 $58，顏色艷麗，帶子鮮甜，蔬菜🥬爽口，加上少許沙律醬，輕易成為一客高質日式沙律！刺身來了一客深海池魚皇薄切 $148，賣相甚為精美！魚片晶瑩剔透，新鮮嫩滑，醺上微酸的醋汁，美食也！小食點了酒盜芝士 $68鹽漬深海魚肉臟，放在黏濃的芝士上，加點酒，再搭一片梳打餅中和各方，恰到好處！另一款小食，火炙鵝肝 $100，鵝肝外脆肉軟，夠大塊，份量足！配脆口的梳打餅，很不錯！燒魷魚🦑鬚 $42，魷魚🦑香味加上惹味燒汁，等於好味道😋😋 。平日最怕嚼勁強的魷魚，這客口感零韌度，深得我心。原條燒茄子🍆 $48，不愧為招牌菜，蒜蓉味跟茄子混成一體，茄子熟透，口感柔軟！蒜頭的辛辣帶來點點刺激感，好正！雜錦魚生丼飯 $98，魚生新鮮肥美，飯底特多，夠飽肚！檸檬🍋紅茶 $20，冰涼清爽！食物選擇不少，還有很多未及品嚐，鐵定擇日再來。

唔知點解今年啲風打到歪晒，夏天去旅行都會心慌慌，反而返工冇事冇幹冇風假唔敢去旅行，就去元朗呢間居酒屋話吓東瀛癮，一樣好有mood喺日式居酒屋，食雞泡魚事就最有feel，佢地燒到魚乾蠟蠟炩，好有蜜香，加上少少七味粉，再點沙律醬，勁好嚼牛舌芯又係無法抗拒嘅一味串燒，價錢ok，一串就有三大塊，仲幾厚切，燒得好彈牙，上面嘅椒鹽落得啱啱好胃民未食過酒盜芝士，大胃真係要氹佢入坑，嗰種鮮鹹香，同芝士完美混合，配埋梳打餅食，剛剛中和又開胃食一串串燒唔夠喉，但又太多選擇，呢個海陸空串燒盛真係啱晒有齊魷魚、羊肉串、豬肉蘆筍卷、翠肉瓜、雞軟骨、免治雞肉棒、雞肉串等等，串串都搽晒醬燒得勁惹味配埋佢地秘製嘅七味粉食，就會覺得呢間好與眾不同，味道好特別另外嗌份年糕串，一串有兩嚿，都好大嚿吓燒到好有醬汁嘅色誘，一咬開香綿到不得了，極之煙韌嚟到當然要食時令刺身，大胃都好耐冇食生蠔喇，一份有兩隻蠔咁抵食，仲要好creamy又帶甜爽，食到勁爽至於魚生，好多選擇又唔知揀咩好，不如雜錦刺身，咩都有得試啲呢碗丼飯都幾大碗，兩個人食都飽，仲有好多刺身，玉子整得好滑

🐟時令海鮮-日本鯖魚🐟嘩🫣🫣🫣第一次食原條鯖魚刺身。由於魚嘅油脂會令人食落覺得腥腥地，所以廚師會將魚皮燒一燒，袪除油脂中的魚腥味。鯖魚肉質肥美爽口，整個口腔都充斥着魚的鮮甜味🤫🍆原條燒茄子（少辣）🍆蒜蓉鋪滿整條大茄子，燒出來香味已滲入茄子肉，口感柔軟又唔會燒到乾身👍🏻第一啖都唔覺得有辣味，點知隔左幾秒 後勁立即來了🤫😂🦐鹽燒大頭蝦🦐呢度嘅燒大頭蝦超好食🙈🙈🤫真心 好少係香港餐廳食到咁新鮮有蝦味嘅大頭蝦🦐🦐🦐🦐一剝開個頭 啲蝦膏多到流晒出來🙈🙈肉質彈牙爽口，食得出係好新鮮 超有蝦味🫢🫢🐂秘製汁燒牛骨髓，牛小腸🐂平時好少接觸牛骨髓，第一次食發現原來咁嫩滑，醬汁入味，好surprise 🍤吉列蝦加洲卷🍤大大件加洲卷，裏面有好多青瓜絲 夾埋炸蝦食一啲都唔膩🍘醬油日本芝士年糕🍘一串兩嚿大大年糕，燒到啲醬油金光閃閃✨，一咬開煙煙韌韌，食到醬油嘅咸咸地 但又唔會奪走年糕嘅米香🤫🤫🦪蒜香燒日本生蠔🦪一碟兩隻，大隻肥嘟嘟，連埋蒜蓉一齊食好夾

今日去咗元朗一間居酒居食宵夜，呢度營業到零晨三點，最適合我呢啲夜收工嘅人。睇睇個menu，食物種類真係好多，除咗有多款小食，燒物，壽司刺身，仲有好多唔同嘅時令海鮮，如果唔夠飽，仲可以叫個安格斯牛肉湯烏冬，真係講都講唔哂咁多。。。不過今晚叫住幾樣特別少少嘅菜式試試先。～招牌蒜燒日本蠔：蒜味好香，蠔又夠鮮～秘汁燒牛骨髓：軟滑可口～燒牛小腸：外脆內軟，非常入味～蜜燒牛根丸：爆汁彈牙～鹽燒牛舌芯：燒到剛好，唔會柴～燒鴨心，鴨肝，鴨腎：鴨味濃，配埋店裡 的辣粉，非常野味

第一眼睇門口招牌（第九味），心已被吸引！再睇餐牌，真係幾吸引！真係好多食物選擇，點咗佢哋嘅所有招牌菜（燒原條茄子，鹽焗元朗烏頭，蜜味燒雞翼，蒜香燒日本蠔，火炙鵝肝，洒盜芝士再加幾款壽司)。認真咁講，所有熱食都非常ok，壽司就中規中矩。服務都可以俾個讚，店員手腳快，勘水換骨碟都好快手。環境舒服，播啲輕快嘅歌，坐坐傾計，飲幾杯啤洒，感覺壓力完成釋放哂（生啤仲係買二送一）。香港嘅居酒屋嚟講，呢間真係真得推薦。

><去完一轉旅行 當地食local嘢真係好味d但更加會發現香港餐廳種類多元化 可以日日有唔同 冇咁快食厭蒜燒鮮蟶子(88) 富彈性有嚼口火炙鵝肝(50) 綿密油潤秘製牛小腸(38) 好少見餐廳提供特級爽彈墨魚丸(22) 表面燒到焦香原條燒茄子(48) 蒜蓉辣椒永恆嘅配搭深海池魚王薄切刺身(148)薄切魚生片蘸上酸汁蔥花 頗開胃醬燒三文魚腩卷(78)炙燒過三文魚份外香口安格斯牛肉稻庭湯烏冬(88)滑捋捋烏冬配上高湯 暖入脾胃><><><><><><><><><><><第九味元朗建業街61號慶年樓地下2號舖

呢間日本料理新開，份量又多又好食#七味雞泡魚干 Grill Pufferfish with Shichimi $68 都係去居酒屋指定下酒菜，呢間又整得幾好，肉質結實香味四溢！七味粉唔會好多，但本來雞泡魚乾都非常夠味！#燒鮮白鱔（2串）Grill Fresh Eel $80 今次白鱔脂肪唔算多，皮下已經係魚肉，所以油香唔算好豐盈，但係魚肉結實爽口夠厚身外皮香脆，份量同味道都無可挑剔！絕對係舖頭招牌！小編推薦#安格斯牛肉稻庭湯烏冬Udon with Angus Beef Soup $ 88安格斯牛肉幾香同埋肉質嫩滑，本身湯底都煮到屎牛肉嘅香味#雜錦魚生丼飯Assorted Diced Sashimi with Rice $ 98 另一個小編覺得非常值得推介俾大家嘅主食，有吞拿魚三文魚魷魚玉子蟹柳等等嘅魚生，款式好多，而且份量都好夠！唔同價位嘅魚生飯嚟講，應該係小編食過份量最多嘅！而魚生質素都好好！去到居酒屋打個底再飲酒食串燒是常識吧！誠意推薦！ #日本蠔刺身（2隻）Japanese Oyster Sashimi $ 98呢款日本蠔主打肥美飽滿！如果同美國蠔相比，同樣飽滿之餘，比平常美國

同老公撐枱腳，搵到新開小店未試過，即管試吓，OK!由於經OpenRice訂座有優惠，叫咗啲小食同串物再加啤酒，已經飽晒！試唔到壽司，唯有下次。服務方面：店員好細心解答我哋嘅問題，始終第一次去，又有唔同優惠，問咗好多問題，店員都一一解答。另外仲發現可以包房，一班朋友可以多個地方選擇☺️食物方面：啤酒有白，黑，黑白生啤，買二送一。雞泡魚魚乾有驚喜，其他食物都唔錯。下次去試壽司，仲想試埋燒魚😝

去完大阪都唔夠喉，好多想食嘅都未食到。聽朋友講元朗有間高質日本串燒刺身店可以延續我嘅日本美食胃口📌深海池魚王薄切刺身🐟池魚王肉厚刺少，肉質鮮嫩肥美，新鮮得泥充滿魚香，魚油齒頰留香📌招牌臘味竹筒飯🍚主角係成隻臘鴨髀同半條臘腸，啲飯索曬竹筒嘅香味同埋臘肉方面嘅精華，別有一番風味📌海鮮盛🦪🦪🦐有3款海鮮，有扇貝+蠔+大蝦用料上乘新鮮，鮮甜可口📌原條燒茄子🍆大量蒜蓉同茄子混為一體燒至滑溜嘅茄子，燒咗味道更香燒物必點之一📌芝士蟹籽玉子燒🧀🦀🥚香濃蛋香味，仲有最愛嘅芝士同蟹籽喺上面大人同小朋友都鍾意📌燒汁日本魷魚筒🇯🇵🦑原隻日本魷魚筒肉質結實彈牙加上好惹味嘅燒汁帶微微焦香同香脆送酒一流📌鹽燒牛舌芯🐮👅牛舌芯肉質爽口軟嫩最適合用泥燒，入口陣陣油香厚切口感更豐盈👄越夜越多人嚟，邊飲酒邊嘆嘢食，不知不覺已經滿曬座，好彩早嚟咋🤭店員收食完嘅餐具都好快手，斟有檸檬嘅水都好勤力，好細心🥰📍第九味元朗建業街61號慶年樓地下2號舖@memories_izakaya#第九味#元朗#高質#日本#串燒#刺身#池魚王#竹筒飯#海鮮#燒茄子#玉子燒#魷魚筒#牛舌芯

元朗有新開居酒屋呀，有新野就梗係試新野啦，加上今餐係有老闆請我食好西。好，坐低睇下有咩好食先。燒日本鱈魚片，香脆有魚鮮味，送酒一流。鹽焗海花螺，個辣汁好正，仲有好多蒜，浸到成個花螺又辣又香，花螺爽口又冇腥味。三文魚加州卷，三文魚厚厚，卷內裡有蛋蛋、青瓜和蟹柳，好豐富。拖羅蓉卷，多多拖羅蓉，飯卷外邊有香口飯素。日本蠔刺身，生蠔肥美又大隻，蠔食落帶清甜，蠔身有肉又多汁。活赤背刺身，份量都唔少，赤背又爽又彈，切得幾靚鹽燒牛舌芯，叫一串燒物試下。魔女麻醬撈烏冬，烏冬微辣，醬汁夠多，食落惹味。

最近元朗雞地附近新開咗呢間日式餐廳, 今日一於同朋友黎試下! 餐廳嘅環境都幾舒適，裝潢風格簡約時尚。服務員嘅態度友善，上菜速度亦都算快。價錢方面，我覺得都算合理。我地叫咗:✨蒜燒鮮聖子（4隻）✨醉雞卷✨錫紙焗金菇✨三文魚加州卷✨蟹籽壽司✨蟹籽手卷✨鹽燒豬五花✨吉列蝦加州卷✨雜錦魚生丼飯整體嚟講，食物質素都算唔錯，特別係蒜燒鮮聖子，聖子又鮮又甜，蒜香十足，口感Q彈。錫紙焗金菇嘅醬汁非常惹味。壽司類方面，三文魚加州卷嘅三文魚油脂豐富，口感軟滑；蟹籽壽司嘅蟹籽夠爽口。鹽燒豬五花燒得剛剛好，肥瘦適中。

認識了新朋友住在元朗的，又多一個理由給我去元朗發掘美食了，這次我們來到一間近元朗站的日本料理，原來它有部分菜式是泰式西式的，感覺多元化。招牌鹽焗元朗烏頭$168廚師推介，試過之後覺得它果然是招牌菜，而且很有物值，來元朗吃元朗烏頭夠地道，它即叫即焗要製作半小時，出到來魚香噴噴，魚肉鮮嫩多汁，鹽焗的手法讓魚的鮮味得以充分保留，搭配超有風味的泰式醬汁，令人一試難忘。酒盜芝士$68廚師推介，梳打餅上放上香軟濃郁的芝士，加上醃過魷魚，入口鹹香惹味，而且這道小食不是每間餐廳吃到，值得一試，來配酒就更適合了。燒日本鱈魚片$30日本鱈魚片烤香過，口感脆中帶煙韌，加上沙律醬酸微微，是不錯的開胃小食，價錢也好實惠。鴨心串$26 鴨頸串$26平常吃雞串燒多，鴨的串燒真的少見，給人一種新鮮感，鴨心爽口帶微辣，鴨頸肉質幼嫩帶脂香，烤制得也剛剛好。芝士鰻魚卷$78來元朗吃壽司卷物等，份量也特別大，這個卷物也很巨型，鰻魚大大件坐落在飯卷上，芝士及鰻魚味道融合，加上一些醬汁，飽肚又滋味。蒜燒鮮聖子$88$88有4隻聖子都幾抵食，它烤到蒜香撲鼻，蒸得剛好不會過老，聖子肉質鮮甜嫩滑。安格斯牛排$198朋友覺得200g安格

常言道嘅八味指：酸、甜、苦、辣、鹹、澀、腥、沖，人生歷盡食物味道嘅層次，今日就嚟到元朗嘅第九味，尋找八味以外嘅「鮮」味。第九味係一間日式餐廳，以新鮮嘅食材，將食物最原始嘅味道，開放你嘅第九味蕾。北海道帶子雜菜沙律沙律絕對係鮮味嘅代表！新鮮嘅雜菜配搭北海道帶子，而滿滿嘅蟹籽同蔬菜非常爽脆，加上味道鮮甜而口感柔軟嘅北海道帶子，令鮮味更上一層樓。鹽燒深海池王魚頭連鮫配鮟鱇魚肝燒過嘅池魚皮脆肉嫩，而臉頰部分肉質鮮甜，加上醬油令味道層次大大提升；而被稱為海上鵝肝嘅鮟鱇魚魚肝嘅口感就截然不同，軟腍之餘仲帶有少少海水味，非常清新。日本活赤貝刺身+三色盛三色盛嘅刺身有三文魚、北海道帆立貝同牡丹蝦。北海道帆立貝味道清甜口感紮實；而活赤貝刺身口感爽彈，咬落肉質柔軟，食落有陣陣鮮甜味。海陸空串燒盛串燒盛份量十足，海陸空嘅代表都有齊曬。店家手作嘅免治雞肉棒燒到微脆，再鋪上帶有甜味嘅照燒汁，口感豐富；牛肉串嘅肉味濃烈，火候控制得好，所以咬落去肉質軟腍。記得要配埋自家製嘅辣粉，輕輕嘅辣味令串燒食落更加惹味。