麵屋福

Open Now

Now Closed

今日行完街搵下荃灣有冇沾麵就搵到呢間野間舖細間同坐得好逼 一入去除低個面罩就聞好大陣臭既香精味同一啲好刺鼻似動物既味我諗住係咪都坐底左就算啦叫左兩個沾麵等大約20-25分鐘先上（有兩個女仔早我地少少入，似係一份份煮啲野要等。我地食到一半有位男士入黎唔夠10分鐘就有得食）本來想叫蕃茄但聽到對面既食客話好酸冇叫，轉魚介，另一份叫左黑蒜油兩個湯都好淡，要落佢個辣醬先濃味少少調味料佢地有檸檬醋，辣醬，炸蒜，芝士粉麵口感韌度粗度適中同掛湯但成件事最fail係個冷氣唔凍同室內極臭一食完即刻帶返豬嘴先頂到

🐮魚介豚骨湯沾麵 麵質夠彈性 麵條既曲度夠 掛到湯！湯底濃厚 直接飲會有少少鹹 但沾上拉麵剛剛好！魚介味重 飮到底有少少柚子味 感覺清新 叉燒不過不失 溏心蛋好流心 醬油味重 食到尾店員幫你加返啲木魚湯 再飲哂成碗湯底 味道就剛剛好😋-🐷黑蒜油豚骨沾麵 食嘢比較重口味既我都覺得呢個黑蒜油好重手😂未食之前聞都勁 食落好重味！就算加返啲木魚湯我都係飲半碗就停手！麵較粗身我幾中意 但呢個湯底試一次就夠 都偏鹹 食完頂唔順有啲頭痛😂

之前親戚傾開計介紹過呢間食沾麵嘅鋪頭咁啱今日行開荃灣就去試下鋪頭我數過只得20個坐位，坐到逼逼咁同埋個個都係拎住袋、孭住背囊咁去食，因為真係逼到想揾個地方放隨身物品都沒有😅但環境入去比人感覺係好似去咗日本咁嘅得3款沾麵選擇如果有得配下一些前菜或小食選擇就好了唯一美中不足種類太少，只得麵食醬料有檸檬醋、香蒜、辣椒醬我沒有加嚟食，因為想試原汁原味嘅湯底魚介豚骨沾麵湯底好香魚湯+麵豉湯味食落甜甜的，好食嘅黑蒜油豚骨沾麵好香濃黑蒜油，食落係濃過魚介湯不過成個湯都比荀味搶過哂睇下本身鍾唔鍾意食荀，如果鍾意嘅都可以接受最有驚喜就係湯裏面有隻日式温泉蛋滑滑的食完職員會加啲木魚湯加咗木魚湯去品嘗又有另一番味道比我感覺鋪頭好有誠意去做但始終我都會因為佢選擇少同地方逼而唔會再嚟，食一次就夠，地方逼冇計，但選擇少真係好難會返轉頭，但講真，佢魚介湯真係好食嘅😉

1間門面裝潢都好有日式小店感覺🏮既沾麵小店,簡約木系風格, 座位唔多不過尚算舒適~ 全店只提供3款口味既沾麵以及追加小食~ 估唔到18:30左右黎到都大排長龍😭1️⃣ 番茄紅油沾麵🍅2️⃣ 黑蒜油豚骨沾麵3️⃣ 魚介豚骨沾麵沾麵會將湯底同麵條分開咁上~ 黎到既時候剩係聞到塊紫菜好香🙈 粗麵條好岩用黎掛湯, 都算幾煙韌彈牙既~ 3款湯底入面仲有半熟蛋☺️(仲流緊架)、叉燒等等既基本配料😉3款都試曬XD 👦🏻🧒🏻比較鍾意番茄湯底, 味道濃稠, 帶點微辣仲有番茄蓉喺入面; 黑蒜油湯底都好濃好易掛麵不過就鹹左少少🤏🏻; 魚介湯底就最原始風味~ 食到最後店員仲會加木魚湯落湯底比你吸收精華😆 不過👦🏻🧒🏻覺得飲完有少少頸渴hahaa

3-10-2020 (Sat)晏晝同老公送完膠後食晏,正值午飯嘅高峰期,所以有人龍同等得耐,我哋第咗38分鐘就入得去.而喺排隊嘅時候,店員會遞上menu俾客人揀定先,其實選擇唔多,不過算吧,舖仔細細,真係做唔到咁多嘢食出嚟.我哋坐低後,店員即跟我哋揀咗嘅嘢,遞上同樣$22.00嘅完熟桃梳打同靜岡蜜瓜梳打各一支俾我哋,然後就得我哋嗰兩set沾麵.我哋要嘅係$73.00魚介豚骨沾麵同$83.00嘅黑蒜油豚骨沾麵.等咗6分鐘到嚟,睇見麵份量適中,沾麵湯滿滿,叉燒有兩片,魚介豚骨湯味道嘅濃淡同鹹度都得宜,好舒服.黑蒜油豚骨湯同樣夠味,不過我會鍾意魚介豚骨湯味道多啲.而拉麵口感仍爽彈,半熟蛋蛋黃深黃色,唔錯.食完都可以要求加木魚湯,我哋只加喺魚介豚骨湯喥,味道同稠密度都必定淡同稀咗,老公一個人飲鬼晒.老公好記得我哋6月喺Donki入面嗰間麵屋哲食過嘅魚介豚骨沾麵,話好似差唔多.(嗰個食評: https://www.openrice.com/zh/hongkong/review/%E5%94%94%E5%A4%AA%E9%B9%B9%E5%98%85%E9%AB%98%E6%B9%AF-e3755

其實我好小食沾麵，印象中都係得一兩次，唔係話特別鐘意，但又唔抗拒，見到荃灣都有得食，決定再試下鋪頭裝修得好有日式feel，而menu上有幾款不同口味的沾麵選擇。我最後選了最簡單的魚介豚骨沾麵麵質-彈牙有咬口，份量足夠湯底-好香夠濃厚，略嫌較油配料-叉燒肥瘦勻稱，蔥又夠多滿意的一餐

叫左蕃茄同黑蒜油兩種，入座時見到大大罐茄膏整齊排列在廚房已心知不妙入座後等候約10分鐘才有麵上店，懷著興奮的心情打卡而已入口即失望既開始1.黑蒜油湯顯得極酸、極油，蒜味沒有，只有怪異酸味濃厚2.沾麵應有既溫度完全欠奉，湯底甚至有少少凍3.如其他評論所言，確實掛湯能力不錯，然而掛上去既湯完全不好吃，反而令沾麵變成一種折磨4.半熟蛋令人驚喜，味道溫度俱佳，但恕本人不會為一顆蛋去忍受超級難吃的麵第二碗蕃茄湯更核突1.酸度調和失敗，過度使用茄膏，整碗湯只有極度的酸味異常突出2.濃度調和失敗，一股怪異的渣滓感充斥口中總括而言好難食，兩碗都好難食

每次經過亦見大排長龍，因此專登星期六12點過嚟，諗住無咁多人。但12點到達已大排長龍，最後等候約45分鐘方安排入座。因此想來吃的，必定要早點來排隊喔！餐廳內環境較細，只有5張4人枱，因疫情關係，每桌上亦附有分隔板，二人同行的話，會安排坐同一邊，餐廳亦有提供水及一些配料自行加上。二人同行點了魚介豚骨沾麵，麵身偏硬，因偏愛較硬麵度，所以很喜歡，但朋友便認為有點過硬 ; 湯底亦濃郁，十分香口 ; 最後可請員工幫忙加入湯，喝上一口湯，完美結束這頓午餐🤤。

沾麵喺日本未食過，卒之喺呢度食，呢間店近期賣廣告，傳媒又有介紹，好似幾掂咁。第一啖食落去，就真係好香濃，啲麵好煙靭，精神為之一振! 其實呢種味似武藏麵館，食落去就覺得好膩又偏鹹，我明白正宗日式拉麵係咁鹹嘅，一試無妨，但始終5唔會好似食港式牛什麵咁成日食。

荃灣多米線小店就係人都知，但拉麵仲要主打沾麵真係冇乜幾多間話明小店，店內真係得10幾個位，門口等左十分鐘左右，職員就帶位入得~ 疫情期間，都做足防疫措施，手掌測體溫，每枱都有酒精搓手液叫左兩個魚介豚骨沾麵，一款加左隻$12溫泉蛋明顯濃郁豬骨湯底，小妹帶住口罩都聞到勁香，但唔係條條麵做到掛湯效果，麵就軟硬適中，溏心蛋高水準，咬蛋有流心效果，出哂味~ 一款加左$12叉燒再追加$25 200g一隻麵，出面加2塊叉燒正常起跳都要$20up 算抵食，都岩哂大食既寶寶們最後，加左湯，食到清碗底，不過冇影相，下次再戰~

星期日，一點幾去到麵屋福， 已經有不少人排緊隊， 最後等左四十五分鐘可以入座， 建議十一點半到食第一輪， 我地叫左魚介豚肉沾麵同蕃茄紅油沾麵， 個人覺得蕃茄紅油沾麵比較好食， 麵底係好q 彈的，十分喜歡，下次可以再食。

沾麵食得多，蕃茄湯拉麵都有食過，蕃茄湯沾麵就比較少聽到。今次去麵屋福就係要試下呢個。當日我著白色衫，侍應都好好俾咗塊大紙巾我做口水肩。疫情期間，我哋兩人一檯，坐得好舒服，餐廳每檯都放一枝酒精洗手液，感覺安全。蕃茄湯沾麵，麵條偏粗，好咬口，另外亦很掛湯；湯底唔膩，平時啲沾麵通常用豬肉煲到好濃，食到中段已經唔想食，呢個話佢清又唔係，因為有蕃茄嘅酸同紅油嘅辣令佢冇咁肥膩，仲有隻糖心蛋，唔洗另外加錢。朋友叫咗黑蒜，佢話好多芝麻好香，亦唔會太咸。最鍾意係佢夠多蔥！整體嚟講真係唔錯。要講缺點係份量唔算好多，男人食可能唔飽。

這星期終於選擇堂食皆因想去麵屋福吃沾麵！第一次到這店吃過後印象不錯，基於選擇少所以不會吃得太密，原來對上一次來幫襯已是上年2月的事了！內裡跟以往一樣只是枱上多了防疫膠板間格，及每枱加有消毒酒精搓手液等設備！檯上依舊夜放上自助凍水、水杯、紙巾、筷子、牙籤及調味料，如果有蓋遮掩感覺會較衛生！午市多了一項優惠星期一至五惠顧可贈送汽水一罐！或選日式特飲可享正價減＄5優惠，車爸爸選了芬達堂飲另一罐可樂帶走便是了！選擇只有三款口味包括魚介豚骨、黑蒜油豚骨和番茄紅油沾麵，上檯時所有配料是放於湯內而碗中只有紫菜和麵。車爸爸專一的點回黑蒜油豚骨湯＄83！味道有些過火略帶點苦澀味加了炸蒜吃我們覺得會好味些！湯內有一隻日本半熟蛋、大小各一片肩胛肉叉燒、及少許味筍，不吃得紫菜的車爸爸當然走了它啦！肩胛肉叉燒肥瘦均稱入口即化肉香味濃絕對沒退步好好吃！而我今次則選了坊間少有的番茄紅油沾麵＄88，紅彤彤的番茄湯味的確夠香濃而且酸味亦不弱還帶上BB辣味，係醒胃的不過我覺得跟沾麵不太相襯！而碗內同樣有一隻日本半熟蛋、大小各一片肩胛肉叉燒、紫菜和少許味筍！特意夾在碗內影個全相給大家欣賞！而今次日本半熟蛋的流心程度兩隻也弄

最近發現荃灣原來有一間地道既日式沾麵店。入到去有一個日本客人啱啱食完，日本客人臨走同店長用日文傾咗陣計，店長有一口流利的日本語，仲要為佢係日本人（可能真係），位日本客人都喺度讚碗麵好食我心諗我應該冇嚟錯地方了，整個感覺就好似我已經置身於日本一樣。講番啲麵佢有三個沾麵選擇，我叫咗個黑蒜油豚肉沾麵，免費送埋一罐可樂個湯有十分香濃嘅黑蒜油味，熱度十足！所以將麵夾落去食都唔會好快變涼。個麵亦都可以掛到個湯，每啖都食到香濃嘅蒜香豚肉味當食完整個麵之後，可以叫侍應再加啲木魚湯，再將湯飲清代表尊重個廚師。黑蒜油豚肉沾麵$83呢個價錢食到日式地道風味絕對物超所值

魚介沾麵麵係無得揀嘅，係比較粗的麵，偏硬，非常有嚼勁同彈牙☺️係我最愛的口感魚介湯應該係豚骨湯底，好多蔥😂，味道唔會太鹹同膩，好多沾麵湯食到一半已經膩到唔想食，依個我可以食到底～可惜湯唔夠掛麵醬油糖心蛋同叉燒都放係湯入面，雖然叉燒比一般拉麵嘅薄，不過完全唔肥膩；醬油糖心蛋入味之餘，蛋黃基本全流心😍直頭想加蛋黑蒜油沾麵個湯好香，但係食多幾啖會莫名有少少膿味🙈同魚介湯一樣都係唔夠掛麵整體而言，係可以食多次的沾麵～～