名家韓國餐廳 (元宮閣)

Open Now

Now Closed

食物凍，服務差！百幾蚊食餐午餐，諗都諗唔到唔係全凍（燒牛肋骨）就係 微熱（炆牛肋骨）！一路食一路收碗碟，問都唔問客人用餐完畢未態度極差．至鍾意佢哋坐都未坐低就叫人一個鐘頭交枱，其實啲嘢食一早整好，落班之後唔夠5分鐘全部到晒出嚟，其實佢點會俾你坐足一個鐘！大家幫襯之前三思！食物質素比銅鑼灣店差10倍，服務差人幾班！

其實係度食飯已經食左幾次 之前都覺得ok 所以今次黎就試新野 揀左個辣既蠔仔面 麵既意思係烏冬 烏冬選用稻庭烏冬 有誠意 但蠔既比例相對比較少 碗麵加左唔少青口 而d青口洗得唔太乾淨 有污糟野 呢碗麵唔會有下次

今晚到太古城行街，家人突然想食韓國菜，在openrice見到名家，晚上6点正入餐廳，餐廳還未有客人，我地3個人，佢地帶我地去張五人枱，當我地諗緊点坐之際，佢地好冇禮貌咁話要同人分枱坐，要我地坐埋一邊，跟住我地話要坐旁邊4人枱，另一侍應態度衰過大排檔話要睇睇訂枱紀錄，我吾介意你話你太好生意吾俾我walkin客坐，但一班中老年同鄉大嬸侍應態度實在好難頂! 到之後落單，我地3人叫個$1199四人餐，但佢地面囗麻麻，心覺奇怪，更加好似好趕時間就想收我地個爐火，我地話仲欠食物未上，佢地查單，好理所當然咁話佢地落嘅係二人餐，完全冇出錯左吾好意思嘅反應，仲好冇禮貌咁問係咪要加單，根本吾夠食，緊係要加單，但心情已受影響，一間價錢吾係大排檔茶餐廳，但一班不停互講鄉下話(吾係韓文)啊大嬸侍應嘅服務態度，絕對趕客，一定吾會再幫襯，一間比冇服務嘅快餐店還差嘅餐廳!!!!😡😡😡😡😡

喺太古附近午市時間搵食確實難攪，沒吃過名家的我即管在朋友邀約下試試，我們2人被安排坐在那長長應是12人的枱處，出入都有難度，因這是一間又窄又長既vip 房內，試想像全部2人的話（當然是打對坐的），坐最入面的那對朋友要進出都甚艱鉅，但都只因吃1小時就算吧了。看食評都頗多人說泡菜豚肉湯及牛骨湯好吃，當日就點這兩款試吓啦，坦白說，我唔覺得好好食，泡菜豚肉湯味道一般，豚肉很薄，數得出得5小片，其餘全都是泡菜跟豆腐，以這價錢來說真的不值；另外的牛骨湯更是少得可憐，接近成$100，賣相不吸引，仲要等了45分鐘，催咗無數次，當然所有服務生的態度都.........自己想想吧， 相信不會再返頭了。

2016年 7月 8日 (星期五)之前一直都好想試下太古城的名家，今次終於有機會，同一班靚媽慶祝生日﹗非常非常多謝大家同我慶祝生日﹗今次我地一行 9個女人，點了一個 2人，加一個 4人餐，另外再點了一個海鮮鍋﹗一次過試了很多不同的食物，下次可以同屋企人再試下﹗2人套餐好似都有好幾款，我們點的有: 牛肋骨 (2條)﹑豬頸肉﹑大蝦﹑炒牛肉粉絲﹑生菜盤﹑人蔘雞湯 (半隻)。好美味呢﹗ 大蝦 個人蔘雞湯都好正﹗ 4人餐有: 牛肋骨 (1條)﹑M7和牛肉眼 (210克)﹑帶子 (8隻)﹑泡菜豚肉餅﹑滑豆腐海鮮湯﹑石頭飯﹑生菜籃。和牛扒又另一番風味，我覺得各有各好味﹗ 帶子好好味﹗ 另點的海鮮鍋，份量非常大﹗沒有 6個人，其實都吃不完，除非 4個人只是吃這個鍋，2個人就更加不用想﹗材料都好豐富，有帶子﹑鮑魚﹑青口﹑蝦﹑蟹﹗ 最後仲有雪米糍﹗ HEHEHEH...仲有生日蛋糕﹗ 今次食完覺得比上次團購的『金饍』好味好多，不過當然價位都唔一樣，團購的品質同平時會有出入，始終平一半有多﹗

Service: Horrible Because of the horrendous hostess, I will never eat, nor would I recommend anyone to eat, at Tai Koo Myung Ga Korean Restaurant. She was loud, rude, unorganized and extremely unpleasant. As my party entered the restaurant for lunch, we were originally told it was not necessary to put down our name down for a table but after 15 minutes we were required to. This would normally be OK, except she didn't jot down the names of the people waiting in the order they had arrived. We told

Apparently this restaurant got really busy deng lunch. They definitely have no clue how to manage a restaurant. We were the first group waiting in line and we asked the hostess if we need to put our name down. One of the manager say just stand and wait, no need to take your name down. Then the owner took down other custormers' name without even bother to ask us and gave the table to them before us! We were patient and finally sit down after 20 minutes wait, believing her that they will have a ta

在附近工作，間中在這間餐廳食午飯。今晚請朋友吃晩飯，已訂枱，准時到達餐廳，所有員工無論是伙記或經理，全部黑口黑面。我𨀣咗5分鐘無人理我，就除便跟伙記行過話訂咗枱，佢吾彩我，望我不回答。如果佢只係派餐佢應該話叫人幫我。就算呢間餐廳有幾好食都無用。零禮貌，令我討厭呢間餐廳。做服務行業係吾可以有呢個態度。其實中午食飯都係一樣，見到差不多食完就叫你埋單。你話食得有幾開心呀！

去開太古，行過被呢間餐廳門口石磚外牆吸引，所以入左去食 lunch，發覺餐廳都幾地道！大部分 waiter 都係韓國人，一班人食會拎成二十碟前菜食，真係好正！！我點左個人蔘雞湯，味道好濃，好足料，而隻雞都好淋。食哂之後埋單前會送埋租品 - 雪糕糯米糍，其實少有lunch都有小甜品送，所以值得賺！一個餐 ard $100

中午時份，睇戲前去開飯，揀咗食韓國菜。這裏的 Set Lunch 選擇好多，有石頭鍋飯，麵類以至燒肉也有套餐。點餐後便第一時間送上有濃濃麥味的麥茶，還有前菜6小碟，前菜包括：南瓜、泡菜、大豆芽、甜薯仔、蒜芯和菠菜。我就最鍾意食他的甜薯仔天氣咁熱，我當然係想食凍冰冰既野，所以我選了韓式冷湯麵套餐。韓式冷湯麵套餐 － 水冷面有辣同不辣，我選了不辣的，麵條彈牙帶靭勁，配上帶酸的凍湯，還有凍湯內的梨子加添清甜，是絕配，開胃又美味，好吃得湯也差不多喝光，最啱夏天食。讚～！但緊記水冷麵一上台最好第一時間把它打散，以免放久了變成一團。朋友就點辣海鮮湯麵套餐辣海鮮湯麵套餐 － 海鮮湯內有大約7隻大大隻的青口，金菇，雜菌和一些蔬菜，食埋有少少辣，但這辣度今整個味度提升了，越食越想食。麵條粗粗的非常Q彈又順滑。最後還有一人一粒雪糕糯米糍作為餐後甜品。每個午餐連加一大約 ＄100 元。

約左契仔媽同朋友E去食LUNCH今日揀左食韓餐，BOOK定位唔代表唔洗等架LEE間野好多人，BOOK左位都要等架不過幸好唔係等好耐唔等朋友E，我地叫定野咁就一齊人就有得食喇前菜~~~款式都多，而且仲可以免費添加的GOOD泡菜味道好好，好FRESH三個人叫左3個LUNCH SET一齊食，每個SET都有飯跟的辣泡菜豆腐豚肉湯~~~好味，唔算太辣，但飲到有蕃茄汁喎！HAHA豆腐滑滑，不過豚肉肥左D炆牛肋骨~~~牛肋骨炆得好"林"，又好入味，D配料都好好味，而且份量都好多烤魚~~~魚魚烤得好香脆，但鹹左D好飽飽的午餐

我同朋友入內午餐，坐低左但要同人撘枱，後來見到有空枱，就同一位年青韓國女侍應講想轉枱，佢答"cannot change"，我問點解，佢面黑地再講"cannot change"，當時根本冇乜客人，亦冇人等位，點解唔轉得？佢嘅態度極差，睇唔起人客，我立即離開，再send complain email比名家，我等緊佢地一個合理回覆。

一早卜左枱聽講呢間lunch時間好多人附近好多人住(太古城+康怡)11個人齊齊食坐得比較迫單多所以上菜有d亂呢間餐廳前菜幾多而且幾開胃叫左個lunch set (最貴果個)炆牛肋骨餐配牛肉豆醬湯炆牛肋骨d牛肋骨炆得幾林幾惹味少少辣但大部分人都可以接受冇燒牛肋骨咁乾 多d肉汁牛肉豆醬湯主菜食完牛個湯都係牛都唔錯丫比起頭先個牛肋骨辣少少不過幾濃煲得幾有誠意最後仲有飯後果總括黎講幾好 會再黎!

這天午餐來這裡用膳，一行四人等了五分鐘左右有位。上次來試了牛肋骨，很不錯，但今次想清清地，所以點了烤魚。魚連檸檬及豉油wasabi上，皮燒得很香脆，但同時鎖住肉汁，點檸檬會比wasabi合襯！

今個星期的team lunch因應同事的願望食韓國菜! 附近比較正宗的就只有名家! 與平時一樣, 沒有訂枱就唯有1小時交枱~今日被安排入了房的一角, 冷氣非常強勁....>~<點了菜後就會送上6碟小食, 個人就比較喜歡南瓜跟豆, 南瓜有種甜甜的味道, 豆雖然是凍食, 不過非常爽口!哈... 這個石頭窩飯究竟有甚麼吸引力?! 我同事每次來都是食這個, 雖然上枱時真的熱辣辣出晒煙, 又聽到滋滋聲, 不過相比韓國湯, 還是差一點 但生蛋真的很不錯, 加上有一個獨特的辣醬, 看來下次我都應該試試!我今次點了個豆腐蜆肉豚肉鍋, 因為想吃豆腐, 所以放棄牛肋骨, 食這個帶辣的豆腐湯!  味道頗香口, 而且份量多, 不斷食到豆腐豚肉, 同時因為冷氣太強所以熱湯真的很暖胃! 連湯帶飯一起食, 有刺激的辣味又有香滑的豆腐, 不錯!而同事點的另一個泡菜鍋看上去顏色非常紅, 似乎勁度十足~ 他們亦說味道不錯!名家真是我食過的韓國菜以來比較正宗的一家, 亦帶給最有韓國味道的, 即使我未到過韓國都可以感受到大概的模樣...