吳留手居酒屋

Open Now

Now Closed

經朋友介意話尼間既牛舌芯出色，身為牛舌控緊係要試下😍鋪頭都算易搵係馬路隔離，不過樓下坐位好少，好彩仲有樓上鋪，不過想食既話都記得要Book 位啦。樓上環境✨前菜味噌牛舌味道正常，但牛舌真係煮得好腍✨蟹膏帶子超級match既組合，帶子非常鮮甜，蟹膏味非常濃厚❤️推薦🥰🥰✨薄切油甘魚油甘魚新鮮爽口，係幾好食，可惜得9片🥲明明睇相有12片，性價比有d低嗌左幾款尼試下，印象深刻既有✨自家制免治雞肉丸免治雞肉大大粒，入面有軟骨食落有咬口，配日本蛋汁食一洗🤤✨鹽燒活鰻肉質幾嫩口，魚片燒得脆卜卜，係多左D 骨🤣✨超厚牛舌芯❤️吳留手最出名最出色既串燒😍牛舌控必嗌！牛舌芯燒得岩岩好，肉質呈現粉嫩色，咬落腍得黎爽口👍🏻👍🏻👍🏻👍🏻✨明太子玉子燒外賣非常吸引😎明太子份量超多，香甜既玉子配搭咸香既明太子🤤🤤好想encore🫢可惜太飽

Their lighting was perfect for pics, esp flatlays which made my life a whole lot easier😂 They only have around 4 tables, so highly recommend marking a reservation before you go! .Ingredients were fresh and of great quality on the whole and everything was put together with great care. Would say their seasoning could do with a touch more sophistication, nonetheless as a boutique Izakaya, we had a great night,.Here are a few of items got (arranged by order of preference 😉):.1. Salt Yaki Anago 鹽燒活鰻

[🇭🇰香港- 銅鑼灣].冷盤同小食嘅份量都超大份,好似個”炸雞軟骨”, 加埋有成4-5串串燒嘅部分就不過不失, 冇咩驚喜並都冇失望.🔻🍽 吳留手居酒屋📌 地址: 銅鑼灣邊寧頓街5號地鋪

一直想試紅磡間吳留手好耐但拖到佢執左都未試到好彩佢係銅鑼灣開番拿拿聲去試番！😍😍 食物質素好好！🤤🤤連三小碟前菜都好好味！不過埋單唔平🙈🙈2條友冇飲酒，埋單好似近800💰💰
而且唔算好飽主要因為冇乜主食，真係要齋食串燒食飽 小店比較細間，坐得有啲迫，唔算好坐睇Openrice好似有樓上Area可能會好坐啲但個日分到樓下bar枱位，坐得唔係咁舒服🥲🥲 店員態度好好👍🏻👍🏻不過上菜同埋單都等比較耐但同朋友一路食一路吹水都OK既 鹽燒羊鞍🐏🐏9分好好味！唔會太肥太油，亦唔會燒得太乾身羊味好香，但唔會太羶😋😋(Note!!圖入面係2份既份量‼️） 西京銀鱈魚🐟🐟9分燒得好香身，肉質好滑！ 燒飯團🍙🍙9分呢個有驚喜！🤩🤩表面燒得勁香脆！雖然冇餡，只得齋飯，但都好好味 炸雞軟骨🐓🐓8.5分好脆好好味，唔會太油2個人食晒全碟都唔會覺得好膩！😚😚 明太子雞翼 、厚牛舌芯 、燒冬菇 、日本長蔥雞肉8分呢幾樣都燒得好好😆😆
香得黎唔會太乾身！調味都做得好好，唔會太咸食到食物本身既味道 豚肉蘆筍卷🙈🙈6分呢個一般，蘆筍有少少渣
唔推介！😩😩

銅鑼灣有好多居酒屋 呢間好似幾新 舖仔細細又喺一個唔係幾顯眼嘅位置 食物係令人有驚喜 🤩後尾發現原來係來自台灣 🇼🇸食物種類唔似其他居酒屋咁多😎不過都有好多我嘅心水選擇 尤其是我好鍾意食明太子 呢度就有好多款嘢食都加咗明太子 我當然好捧場咁叫咗4樣 明太子沙律好正 🥗 玉子燒都好滿意明太子雞翼就無乜明太子味 🍗個油甘魚頭就大到嚇親 燒得好香好正不過呢度舖面太細又開放式嘅水吧 冷氣有啲不足 希望下次再去呢個問題會解決咗 而食得舒服啲啦👍🏻💰明太子沙律 $48燒明太子 $98芝麻雞翼 $38明太子雞翼 $48厚牛舌芯 炸雞膝軟骨 明太子玉子燒自家製免治雞肉丸鹽燒油甘魚頭 $188紅豆綠茶軟凍 $38👉🏻吳留手居酒屋銅鑼灣邊寧頓街5號地鋪.__________#銅鑼灣 #銅鑼灣美食 #居酒屋 #梅酒 #明太子 #日式串燒 #吳留手 #izakaya #hkizakaya #cwbfood #tebasaki #eeeeeats #FoodPhotography #foodporn #eatingfortheinsta#いざかや #玉子焼き #串焼き #手羽先 #インスア映え #カフェ ___

嚟過呢度兩次, 兩次體驗都超正✨厚切牛舌🔥🔥🔥呢個真係必叫!!因為本身超鍾意食牛舌, 呢度嘅牛舌真係厚切到痴線, 好!好!食!手打雞肉丸🍡 口感豐富, 食得出雞肉嘅肉質同埋雞軟骨, 點埋啲蛋黃超正👍🏻鹽燒活鰻🐋呢個都好正, 活鰻肉質新鮮彈牙, 燒得外脆內軟👍🏻👍🏻👍🏻銀鱈魚西京燒🐠呢張相係第一次食嘅時候, 超驚喜有兩大舊銀鱈魚, 西京燒味道啱啱好, 肉質又厚又滑🤤可惜第二次嚟嘅時候再叫好似已經冇咁大舊, 縮咗水🥲不過味道仍然好好👍🏻第一次嚟嘅時候試咗呢個薄切油甘魚賣相非常之靚, 不得不讚師傅刀工非常了得👍🏻👍🏻油甘魚味道鮮甜, 但係真係超級薄, 食到有啲到喉唔到肺🤣於是第二次嚟嘅時候就食厚切油甘魚🤣呢個滿足好多🤣🤣👍🏻味淋魚乾🐟份量幾多, 味道唔錯, 送酒一流✨明太子玉子燒🍳正常啦, 鍾意食玉子燒可以試吓蟹膏帆立貝🦀新鮮嘅, 但係覺得比較普通, 可以唔使叫炸墨魚咀🐙分量超級多! 本身唔係好鍾意食炸嘢所以麻麻哋但係佢係炸得幾香脆, 如果鹹少少會好味啲是日串燒精選: 雞胸骨🦴呢個真係唔知我朋友做乜事要叫😂普通雞軟骨, 咁就$38😂整體來講覺得食物質素好好, 尤其是厚切牛舌真係正到痴線, 每

朋友介紹話有間新嘅居酒屋，而且試過嘅都讚食物質素好，咁自然就要去啦！呢個叫牛肉他他 ... 不過原來係半熟牛肉沙律 🥗 呢個黑毛豬扒，烤得剛剛好，値得推介👍🏻呢個海蜇頭，絶對係全晚高潮！一般前菜size嘅份量，竟然就88蚊😱😱😱整體食物質素都好，不過3個人食近$1700，個收費又真係幾唔留手好在唔收開瓶費，如果唔係 ...

今日朋友請食飯，揀咗依一間居酒屋環境舒適裝修唔錯，有花過心思食物方面都唔錯串燒來講唔算係我食過最好食嘅一間不過已經唔錯，前菜小食幾好味，可能人手唔夠上菜比較慢。油甘魚刺身：覺得一般拖羅厚切+薄切：呢個好新鮮炸雞軟骨：覺得油咗少少炸墨魚咀：好味鱈魚魚乾：好味不過份量少咗啲明太子雞翼：好味厚燒牛脷：牛脷好厚，非常Juice青椒仔：正常燒豬大腸：幾好味多汁又唔乾燒雞腎：正常燒冬菇：乾咗少少整體來講係唔錯嘅一間餐廳，服務亦都好好

去台灣旅行必會去當地嘅吳留手居酒屋 幾個月前行過門口 見到呢幾個好熟悉嘅名字 有幾次星期日係銅鑼灣行街都想去 但唔知係唔係未正式營業所以無開 今次帶住無限期待同朋友去試試地方細細 我哋坐係bar 檯位 可能我哋比較為食 叫咗唔同嘢食試 所以唔夠位放食物總括嚟講 算是抵食嘅 食物質素可以 可能新開 侍應生未係好熟手

同左唔同嘅朋友去食咗幾次，個個都話食物質素好，而且老闆同侍應都好Nice好玩得😀個人必食推介：前菜三款（次次唔同，每次都有驚喜）鱈魚乾 （傾偈送酒一流）免治雞肉串燒（點埋個蛋汁成個味道出晒嚟）厚燒牛脷 （ 一啲都唔乾身，食落去仲有肉汁嘅鮮味）白粟米🌽（鮮甜唔乾身）今次冇叫任何刺身類嘅嘢，主要食串燒，啱晒三五知己，食住串燒，飲住清酒，傾偈消遣娛樂😀佢仲有一個露台可以俾人出去飲酒🍻食煙，裝飾同感覺都好靚好舒服😌

放工成日路過 見到呢個名令我好掛住台灣為咗止痕 尋日終於去咗試Happy Friday嘛 梗係要食好嘢啦舖頭細細 價錢係standard居酒屋價錢服務唔錯 staff都nice嘅 有串燒之餘又有新鮮魚生 食到勁飽咁走～

日本菜我食得最多都係串燒，因為可以食多幾樣野食，而且價錢相對吾大差別，所以一間有質素既串燒特別吸引我價錢十分合理，吾會太貴明太子燒雞翼，就客有2隻全翼，擺碟都好講究念住影完相準備食果時，見到入面讓滿明太子第一次見有咁多明太子原來仲要無骨，食落每一啖都係肉，仲有爆滿明太子，好香好濃，雞肉好嫩滑，皮又燒得香脆，估吾到一客雞翼看似簡單，但好用心制作鵝肝多士，鵝肝口感如絲，入口即溶，豐腴柔軟，濃郁味美，配埋香脆多士明太子玉子燒真係吳留手，明太子超足料蛋又滑又甜甜地，同明太子一齊好夾好好味前菜，茄子，腌蘿蔔，勁好味，食完想再食蘿蔔好爽脆牛脷青瓜絲加日式醬，牛脷同青瓜都好爽口，真係好好味，超鐘意食原來仲有個露台俾人傾下計

本身都好鍾意食日本菜，日式串燒係我其中一樣flavours ,銅鑼灣新開左間串燒店，即刻去試一試先免治雞肉串，好嫩滑，雞軟骨增加口感蛋黃超靚，橙黃色，蛋黃好濃郁鹽燒厚牛脷心，一串有3件，真係好厚身，好有咬口豚肉蘆筍卷 ，一串有4件，蘆筍好爽脆，豚肉調味適口燒白活鰻，好厚肉，皮燒得脆卜卜，白鰻的肉質比黑鰻爽口，鱔味濃郁識食一定係食白鰻燒菠蘿，好甜好多汁，肉質好淋，又無渣又吾硬，好好味串燒加sake 係最夾，一串串燒一杯sake 人生中一大樂事~~~

今個月生日，返工忙到無時間食飯，唯有放假先可以補返，老公知我鐘意食日本野，特登搵左間新開日本餐廳，真係好有心思門口好隱蔽，以為好少人會留意，但入到去居然滿坐，香港人真係識搵食先點左2個餐前小食送下酒蒜頭漬，個醬同蒜頭好特別，好好食又吾會好大陣味芥辣山藥，睇落普普通通，但勁好食，好爽脆，同芥辣出奇地夾，超好味老公叫左一杯啤酒，勁大杯，抵飲我自己就點左一支sake 好易入口，味道好清香，女仔一定岩飲點左幾款刺身，全部都新鮮到爆大拖羅，油分適中入口即溶，味道濃郁又有層次牡丹蝦，超大隻，鮮甜彈牙，肉質通透厚切油甘魚，腴 盈 肥 美，白 色 的 脂 肪 細 紋 十分平 均 ， 柔 軟 有質感蟹糕帶子，蟹糕味香濃，同帶子鮮甜完美配合再配埋sake ，輕鬆又美味咁享受左一晚

見高拜見低踩, 服務態度差.食物質素好但都冇用.今晚訂咗7:30三位我準時到佢竟然話我冇book枱仲要challenge我,跟住個所謂經理就安排咗我坐一張兩人兩人吧枱.我想叫啤酒或有酒精飲品佢同我講話冇走牌點知轉頭隔離枱有啤酒飲吹到我彈起,有一刻我喺度諗佢係咪懷疑我係差佬以為我入嚟放蛇間鋪上面有神秘枱所有人喺上面都可以有酒飲嗰一刻完全覺得係歧視我以後都唔想再幫襯佢哋