延

Open Now

Now Closed

📌天后♨️延 Nobe天后電氣道68號金輪天地22樓@nobe_hk ❤️新一年頭炮食好西，今次去試開咗唔太耐又唔易book既「延」日本鐵板燒料理望住seaview食teppanyaki實在太正，環境唔係瑰麗堂皇佈置，簡單幾間房唔算大，每間可以坐六至八人，食物方面兩個字形容「高質」，服務也有質素，師傅熟練嘅手藝，值得慢慢欣賞佢既廚藝，今餐十分滿意及滿足❤️📍溫室野菜沙律野菜新鮮爽脆，真係脆架好正📍白鱈魚肉質有咬口又滑溜，個魚皮煎到脆一脆插喺面，師傅話要先食個皮📍北海道帆立貝大粒厚肉，鮮甜多汁，再撈埋煮過嘅海帶湯，一流👍🏻📍車海老大蝦隻大蝦有驚喜，師傅用蝦頭嘅膏去炒隻蝦，鮮甜彈牙到不得了，我覺得好食過龍蝦添📍法國鵝肝肥大厚肉，入口即溶，好漏口，正到爆📍美國特級肉眼薄燒牛薄薄地捲住蒜片一齊食，充滿牛味既薄切牛👍🏻📍A5鹿兒島和牛厚燒加錢upgrade 食日本和牛，肉質細嫩，入口即溶充滿牛脂肪味，如果可以連續食10粒就好🤣📍炒飯用靚日本蛋去抄，粒粒分明，又多材料，一路食自己自言自語問點解可以抄得咁好味😋📍炒野菜見有好多芽菜同菇，自己對芽菜就麻麻哋但都食咗一半，因為好大份📍味增湯📍焦糖多士邪惡的焦糖

對住靚海景吃了個豐富的公司午餐👍🏼😍⋯⋯廚師手勢不錯，服務態度好，地方乾淨環境優美！其實食鐵板燒食材新鮮基本上都冇得輸，價錢嚟講午餐真係抵好多，試過食夜晚飯價錢相差一倍以上，但係食嘅嘢幾乎一模一樣🧐！

這家店的環境真是绝了。我第一次走進一間餐廳，心里哇塞了出來。驚艷！實在是太漂亮了！太太太適合商務會餐和過紀念日了。出色的是鐵板燒和厨師发辦，鐵板燒有兩間海景房，享維多利亞海景；厨師发辦坐大廳長檯。預訂困難户，要提前訂位才行。服務五颗星，非常享受的一顿午餐。🌟🌟🌟🌟🌟午餐鐵板燒一人前 $328溫室野菜沙律、兩款海鮮、一款牛肉、炒野菜、炒飯、湯、甜品。肯定能吃饱，味道均屬中上乘。推荐北海道帆立貝和鱈魚，調味好出色，入口即化。幾種醬料雖然都很好吃，还是舍不得沾，怕掩蓋了海鮮自身的鮮味。薄燒蔥味稍顯過重，我挺喜欢吃蔥，但還是覺得蔥放得太多。不知能不能把干蒜片换成蒜蓉？蒜蓉比干蒜片好吃太多了。吃鐵板燒容易蹭上油，除了一片湿紙巾，能再提供几张紙巾更好。餐具只給了一雙筷子，苦了我这筷子十級殘廢學者，ten thousand years later, 我终于把菜從架子搬到了我的碗里。我要強烈建議配一把勺，我这筷子困難户简直是把炒饭啃完的。除了以上小小不足，其他都很出色！没有嘗到柚子雪糕，今天是芝麻和綠茶的，好難過。要是天天都有柚子雪糕選就好了。

太耐冇去旅行，好掛住各國美食，日本鐵板燒就是其中之一。之前朋友推介這間位於天后的海景鐵板燒，立即訂位二人同行想吃豐富啲叫了一人前+二人前午餐鐵板燒*北海道產帆立貝日本福岡活鮑魚銀鱈魚九州清酒蜆美國特級牛柳/肉眼薄燒炒飯炒野菜雪糕*北海道帆立貝，帆立貝喺鐵板煎香，放回殼中淋上紫菜汁，令味道鮮上加鮮*銀鱈魚，廚師將鱈魚皮煎到薄脆一樣，魚肉依然嫩滑，好味*法國鵝肝，鵝肝煎至焦香半熟放在多士上，入口即溶，多士吸收鵝油份外甘香*最期待的鐵板燒鮑魚，可惜食落有啲韌，這個算是失色*美國牛肉厚切薄燒各一半，厚切牛柳肉質軟稔，加上大量炸蒜片一齊吃最好味薄燒肉眼+適量香蔥喺鐵板上輕煎幾秒捲成牛肉卷*個人認為鐵板燒最賞❤️悅目就是炒飯，每一碗飯落一隻蛋，矜貴在雞蛋用了日本蘭王。廚師一推一翻，炒出粒粒金黃色澤，食落蛋味極濃炒野菜是炒芽菜，炒得很爽脆*雪糕有紅豆同綠茶味，揀咗綠茶雪糕，茶味香濃又夠滑最後廚師送上牛油焦糖多士，金黃香脆，味道非常好結論食物唔錯，午市價錢吸引

話說家姐牛一，做細嘅當然要好好安排，早3個禮拜已經訂好位，食餐好嘅！餐廳位處高層，鐵板燒位置更可遠望中環同西九Lunch set 提供了一人前同二人前，任君選擇，最終點了一份一人前同一份二人前▶️溫室野菜沙律 - 正正常常，開胃前菜▶️北海道產帆立貝，銀鱈魚 - 帆立貝紫菜湯墊底，鮮味十足。銀鱈魚肉質爽口嫩滑，外皮煎得香脆可口▶️法國鵝肝，福崗活鮑魚 - 鵝肝甘香可口，鮑魚彈牙▶️九洲清酒蜆 - 蜆肉大大粒，以清酒煮嘅湯亦份外清新▶️美國特級牛柳/肉眼薄燒 - 肉質鮮嫩，牛有牛味，生熟程度恰好，廚師好功架👍▶️炒飯 - 廚師用了多隻雞蛋，加深色澤，炒出嚟亦滿有飯香▶️炒野菜，麵豉湯 - 正正常常▶️焦糖多士 - 廚師free 比我哋，香脆可口，甜度恰好▶️綠茶雪糕 - 飯後甜品，肚滿腸肥，大滿足！餐後感：兩個字形容，超正！

🍽 Lunch Teppanyaki Course For One Person💰 HK$328 (lunch, 10% service charge)Who doesn't like teppanyaki?! Nobe is a new restaurant in Tin Hau! They offer Teppanyaki or Omakase set for lunch. This time we tried their Teppanyaki! They offer a number of different lunch sets and we ordered the cheapest one among all. I picked foie gras and prawns for starters. For the meat, I picked thin sliced rib eye. The rib eye was rolled with garlic and green onion. After that, we had fried rice and fried veggi

今年新開的日料，設有鐵板燒及Omakase（廚師發板），先試後者。石垣鯛，煙韌有嚼勁，酸汁調味。白蝦，混入烏魚子。金目鯛，油脂含量適中，肉質細膩而有嚼勁。赤睦魚，油脂極高，肉質較軟。右口魚魚邊，火灼後將油脂香推到頂點，入口即溶。𩶘魚湯，雖然不是傳統日本清湯，但濃滑不腥，加分。2人光顧，點餐如下：會席料理-崟 x2梅酒（Glass）順序：腐皮、白粟米石垣鯛深海池魚帶子白蝦墨魚仔金目鯛鰤魚刀魚中トロ赤睦魚赤身おトロ醋青魚右口魚魚邊白海膽𩶘魚湯手卷加一後，合共HK$3,111。

好耐無返鄉下真係好掛住日本嘅美食，最掛住嘅係和牛，一諗起就好想食鐵板燒。最近發現天后新開咗間日本嘢，有omakase同鐵板燒食。由於座位唔多，所以weekend午市要預早啲訂位。我哋兩個人點咗兩個一人鐵板燒午餐，落咗單之後先嚟嘅係温室野菜沙律。沙律菜新鮮爽脆，配埋微酸沙律汁好開胃。鐵板燒午餐都幾多選擇，法國鵝肝、北海道帆立貝、車海老同銀鱈魚呢4款每位可以揀2款。而肉類可以揀美國牛柳、美國肉眼薄燒或者日本黑豚薄燒，亦可以加$300轉A5鹿兒島和牛。首先上枱嘅係北海道帆立貝帆立貝大粒又厚肉，喺鐵板上煎至半熟。食落好鮮甜，表面微燶好香口，配埋海帶清湯好好味。車海老超大隻，睇住師傅將蝦去殼去蝦腸再切件，仲將蝦頭入面嘅膏煮成醬汁炒蝦。蝦肉爽口彈牙，而且蝦膏味香濃帶少少酒香我哋兩個都揀咗法國鵝肝，鵝肝表面沾咗一層薄薄嘅粉，煎到表面香脆，入口即溶。而墊底嘅多士吸咗鵝肝嘅油望住呢件焦糖多士嘅製作過程，真係好邪惡😈但偏偏越邪惡嘅嘢係越好味金黃色焦糖表面令立立✨賣相非常靚，表面微脆，好香牛油味。估唔到平凡嘅方包都可以整到咁好味主角終於出場喇，我哋揀咗A5鹿兒島和牛同美國特選牛柳share食，所以圖中係半份

試咗呢間鐵板燒午餐，點咗特選午餐有鮑魚，龍蝦，牛，再另追加鵝肝。食物整體尚可，師傅細心有禮。大部分侍應服務態度也有禮周到，可惜整餐飯被一位女經理的無禮態度破壞了，話說套餐最後有咖啡雪糕，那時大約2:30pm, 我們在飲咖啡時，侍應已送上賬單，我們亦立即先埋好單，這時經理已多次進出房間執拾櫃內碗碟發出聲嚮多次打擾，我們也不以為然，最後竟然帶同一本訂枱纪錄薄放在我們面前打電話給客人confirm booking. 我望一望手錶，原來已接近餐廳中午收市時間3點。我們完全明白餐廳已到關門時間，但那位經理或其他侍應也可跟客人禮貌地提醒已到關門時間，那位女經理卻完全沒說一句，只是不斷做出打擾客人的行為，實在令人難以置信。我們也不是顧意不離開，只是朋友間吃飯在傾偈，沒有留意到時間。這樣對待客人的態度實在過份！食物就算再好吃也難令客人再回來！😠

一直都想試呢間餐廳，食omakase好定teppanyaki 好呢最後都係揀左好耐無食既teppanyaki 午餐menu好貼心咁有一人鐵板餐，諗都唔洗諗就揀好啦！餐廳有分開食omakase同teppanyaki，鐵板房有3間，每間都係坐6-8人，建議訂定位就安全d，鐵板房對住個海景食飯，真心正前菜係溫室野菜沙律，有菜、蕃茄、紅腰豆、椰果同芝麻醬，正正常常串燒係四揀二既，揀左帆立貝，呢個煎得好好食，一d都唔韌而且好大隻，下面個湯係用左新鮮既紫菜整，好鮮甜另一樣揀左鵝肝，呢個都煎得好香，外脆內軟，不過見到人地個銀鱈魚都好香好似好好味，下次試下先中場會有塊好脆好甜既焦糖多士，係menu入面無架，呢個小驚喜唔錯，趁熱好好食肉類揀左日本黑豚薄燒，一共有四塊，薄燒所以比較香口，每塊入面都有包住蔥同蒜，食落去好juicy好有口感然後有個麵豉湯，好香濃，但個人覺得咸左少少然後到滿滿一碗炒飯，炒得好乾身，好香蔥味，好味但好大碗，食完真係飽晒食飯既時候仲有個炒野菜，食左海鮮同肉都係時候食下菜，有芽菜、菇、椰菜等等，份量唔多，用黎送炒飯岩岩好甜品可揀雪糕或咖啡，最後都係揀左咖啡，香濃口感，完成左一餐豐富既

食過幾間，自己特別鍾意食到原材料新鮮味道，或者咁講有人會覺奇怪，我更偏好割烹，fusion花款反而唔太啱自己🙃我覺得好食未必係你飛佛，但我鍾意嘅都想介紹比人認識💯而omakase 坐喺bar枱望住師傅嘅刀工同擺盤嘅心思，對我嚟講賞心悅目之餘亦幾治癒❣️今晚揀咗menu上 ✨継 $1580✨絕對冇選擇錯，價錢加多少少種類多啲外，質素仲好好，呢個價錢食到豐富又有質素，真係唔可以唔happy share咁自私嘅🤗🥢前菜三小樣嘅前菜，份量得體，既唔會搶咗接下來嘅主食，亦夠開胃作為開端，分別日本果茄清甜多汁、鮮味十足天使蝦，仲有比較特別海蔘好爽口‼️🦪冠雪蠔 成隻手掌咁大隻🤩肉質十分爽脆，帶少少creamy，大滿足🈵🦀北海道毛蟹毫不吝嗇嘅蟹膏加上啖啖鮮甜蟹肉，真係啖啖滋味❣️🐚海螺係我最愛之一，新鮮嘅海螺勁有咬口爽脆🦐白蝦富沙灣名物嘅白蝦，新鮮又鮮甜🐟深海池魚腩位肥美味美而且魚味好重🐟金目鯛師傅輕輕網燒，更加燒出甘香更提鮮🐟春魚 Sawara fish本身脂肪感重，同樣輕輕一燒，甘香之餘冇咁膩感🥄紫海膽少有喺香港食到咁新鮮原隻海膽，啱哂打咭之餘 🤳🏼 當然好好食，味道清甜而且入口即溶好幸福呀💮🍣超拖羅

想試呢間鐵板燒好耐終於book到今日lunch去食同朋友叫左一人一個set ($328)Lunch set包括:前菜法國鵝肝、帆立貝、大蝦同銀鱈魚 (四選二)肉類可以揀美國牛柳(厚燒/薄燒)或者日本豚肉薄燒選擇困難症既我決定叫哂四款海鮮同朋友share肉類揀左牛柳同薄燒牛肉Set lunch來講性價比好高下次要試埋佢地既omakase

一個月前試過下晝嘅鐵板燒，覺得性價比好高，所以紀念日再訂位試埋晚餐！今次點咗2人份龍蝦餐，額外叫埋鵝肝配麵包，超好食！砂糖麵包好邪惡，夾埋sake 真心一絕！介紹咗我哋飲咗支靚sake，good pairing！個餐仲要係A5和牛，點左厚燒，好正，入口多油，但唔油膩！服務態度非常好，食物質素高，酒類選擇多，真心推介，值得試試！

前幾日去了天后新開的日式餐廳ɴᴏʙᴇ，主打ᴛᴇᴘᴘᴀɴʏᴀᴋɪ和ᴏᴍᴀᴋᴀꜱᴇ！環境好日式🎌今次就選擇了鐵板燒一人前～售價$880，有田螺、沙律、大蝦、鹽焗日本石斑魚、福崗活鮑魚、焦糖多士、美國特級牛柳、炒飯、炒野菜、鯛魚湯、日本蜜瓜，樣樣都不錯！海鮮尤其出色🤗大蝦的肉質非常爽口，而且廚師把蝦頭蝦膏一齊炒，超惹味🍤👍🏻福崗活鮑魚新鮮上枱，燒前一刻仍然是活，鮑魚邊位比較惗身，中間部份比較彈牙有咬口，不需要點上任何醬汁已經吊得出鮑魚的鮮味🙌🏻鹽焗日本石斑魚是把昆布蓋住魚塊，再用厚厚的鹽鋪在昆布之上，因為昆布的阻隔令到魚不會太鹹，魚皮脆魚肉滑，好味🤤

最近天后開左間新日本餐廳叫延Nobe，主打高級日本菜，係今年4月隆重開幕。今次我幾經辛苦，終於book到佢地既omakase。呢度嘅廚師有好多年經驗，用純熟嘅手勢處理各種壽司刺身，而且環境衛生，食得安心🥰聽講開左無幾耐已經有好多熟客。今次我試呢款會席料理叫【繼 Tsugu】。🍣果茄 天使蝦 海蔘 果茄好清甜，天使蝦口感爽口，海蔘就有調過味🍣三陸産＜冠雪蠔＞第一次食冠雪蠔，蠔味好濃郁，幾creamy🍣北海道新鮮毛蟹蟹味濃郁，入口清甜，非常好味🍣富沙灣白蝦仔白蝦仔幾鮮甜，唔好睇依到好似好少咁，其實已經係十幾二十隻蝦仔🍣海螺 海螺好爽脆，有少少甜味🍣金目鯛金目鯛整得好靚呀，一共有三片🍣鱈魚片每人有兩片烤過既鱈魚片🍣春魚 Sawala我都係第一次食春魚，魚肉幾有質感🍣紫海膽紫海膽入口即溶，有淡淡海膽味，非常甘甜，亦有甘香味，非常好味🍣拖羅 拖羅已經有岩鹽調過味，脂肪同肉既比例非常好，入口充滿魚油香味，好滿足，非常好味🍣鹽焗石斑石斑肉嫩多汁，有淡淡鹽味，魚皮好香，好味🍣新鮮帶子帶子好厚，好滿足🍣牡丹蝦上面係蝦頭膏，入口有濃郁蝦味，好味🍣右口魚邊入口好嫩滑，好味🍣吞拿魚醬油漬依個配搭幾特別🍣小肌入