大山日本料理

Open Now

Now Closed

睇見身邊朋友個個都返鄉下，而我就仲未有得返，所以就搵咗間居酒屋感受下日本嘅感覺！呢間居酒屋朋友介紹夠正宗，入面嘅裝修設計的確有令人置身日本嘅感覺，食物質素亦都冇令人失望。壽司拼盤-松 ($248)呢度壽司拼盤有3款選擇，我地揀咗中間價位嘅松拼盤，呢個價錢有咁多款刺身相當物超所值，魚生片夠新鮮，仲要有一大板嘅海膽，海膽鮮甜冇腥味，夾紫菜食味道一流！燒雞泡魚乾 ($68)除咗刺身，居酒屋當然唔少得啤酒同埋佐酒小食！其中雞泡魚乾係我每次去居酒屋嘅必食之選，呢碟雞泡魚乾燒得煙靭香口，送啤酒簡直係絕配，不知不覺間就清晒成碟雞皮餃子 ($58)朋友再叫左佢最愛嘅雞皮餃子送啤酒，我本身都好怕太肥膩嘅食物，但呢個雞皮餃子有意外驚喜，雞皮經油炸後已經冇晒啲肥膏，反而變得鬆脆香口

今日同隊友黎左旺角呢間居酒屋食左個早飯，都坐得幾舒服，有好多清酒，同日式擺設，都幾有FEEL，食物方面都幾多選擇，有壽司，窩物，燒物等。三五知己約埋上黎傾下計飲返杯都唔錯。 我地叫左四樣野食，埋單都唔使三百蚊，相當抵食。三文魚海膽飯配味噌湯-有兩舊海膽加紫蘇葉，海膽係加拿大膽size, 三文魚雖然唔算厚切但都幾多塊，都幾足料。豚肉泡菜鍋-個鍋入面都幾多豚肉，仲有豆腐，金菇，冬菇，泡菜同芋絲，出面咁凍飲埋湯成個人暖晒。天婦羅烏冬-本身係拉麵，呢度好好，轉烏冬唔使加錢，天婦羅有兩隻蝦，一件南瓜，一件茄子，同埋一件青椒。湯烏冬有紫菜，木耳絲，粟米，同我最愛既原隻調味糖心蛋。香草燒雞翼-一共有三隻，即叫即燒，燒得幾香口乾身，個皮仲脆既添。

今日去呢間餐廳食飯，啲野食唔算好食。最緊要係服務惡劣。成間餐廳好似好忙咁，上錯菜比我，仲問我「做咩唔講清楚」態度惡劣到我唔會再去。啲野食其實非常一般，但價錢唔一般，寧願是樓下雲桂香

今日約咗朋友去旺角食嘢，見到呢間日本菜幾多人。價錢又唔貴。我哋坐咗卡位幾舒服，有熱茶飲。之後慢慢用QR code落單。揀咗牛油果軟殼蟹卷，呢個夠多沙律醬，軟殼蟹脆口，整個卷物仲有牛油果🥑味道相當唔錯。壽司揀咗天婦羅壽司，天婦羅蝦炸得幾好，唔會太油膩。串燒種類都有好多，我哋揀咗兩串免治雞肉棒串。免治雞肉串面上有醬汁，另外仲有生蛋可以點，點完生蛋，雞肉串口感更滑。炸物叫咗和風炸雞，估唔到份量都幾多，炸雞啖啖肉又幾脆，仲有沙律醬。最後揀咗個飽肚嘅豚肉泡菜鍋，泡菜酸酸辣辣配豚肉就最夾，豚肉都有好多，而家天氣凍凍地食鍋物就暖笠笠。

旺角街頭想食壽司，但係又唔想食放題，最後決定咗食大山和食居酒屋，因為之前朋友食過話啲嘢食夠新鮮，同埋環境好似真係去咗日本新宿居酒屋嗰啲咁樣，而家冇得飛住，咁就試吓睇吓有冇好似去咗日本嘅感覺。一入到去，職員好有禮貌會介紹，仲可以俾我哋坐窗口位，可以見到旺角街頭啲人行嚟行去，旺角街頭啲人多人到好似渋谷咁。都幾有feel。食物方便，全部都好新鮮，尤其是海膽軍艦，海膽非常鮮甜，好正！跟住個日本A5和牛蒜片炒飯都必食，和牛有好香濃嘅牛味，粒粒都好大粒，油脂分布非常均勻，入口即溶，加埋蒜蓉片，非常出色。1×海膽軍艦1×玉子壽司1×日本A5和牛蒜片炒飯1×鐵板牛油帶子1×黑豚腩肉串（1串）1×香草燒雞翼（3隻）1× A5和牛串燒(1串）1×乳酸梳打1×醬油七味燒左口魚邊壽司1×活赤貝壽司1×油甘魚腩壽司1×鵝肝壽司

呢個post係想警剔大家一定要睇清楚張單先俾錢❗️同埋諗清楚係咪真係要幫襯呢d唔老實既餐廳～做一大堆優惠吸引顧客，食物唔新鮮都預左ga la~食完埋單出黎全部show正價，唔緊要，好彩我有睇單，當係你地一時疏忽。點知出過張單，都係錯既，唔緊要，我再提你。再出多次張單，更正左一款食物既價錢，但另一款都係錯既，係咪我好hup d? 定係你地做生意就係咁老實？廉價招來但收錢果陣又出陰招？想搏d客唔睇單收多啲？最後都係要拎住個menu逐款食物同對方核對先改返岩個價錢…真係從來都未試過埋單要改4次先岩數，唔嬲就假💢其實做生意誠信真係好重要❗️錢唔係咁賺ge，同一張單錯4次都唔覺得有問題，亦無同客人道歉。 咁唔老實嘅餐廳，真係無下次‼️睇路喇大家⚠️

間餐廳好有日本居酒屋feel，掛晒居酒屋燈籠，又賣送酒小食，但落單時個酒餐牌全部sold out～～雖然book枱時無講，不過埋單時朋友好奇問，店員都好坦白講話佢地無酒牌而已～呢間嘢啱晒唔飲酒想清靜食嘢但又要氣氛嘅親子or要戒酒嘅人👍👍～仲有，食物份量勁啱減肥中嘅女士或小朋友👍👍魚生併盤7點3前order有85折，不過我地都太遲，無晒普通海膽，要加20蚊轉加拿大海膽，要平嘅朋友記得再早d去～

今日約朋友去旺角食飯，之後就搵咗間食日本嘢嘅地方，位於家樂坊兆萬隔離，食店位於2樓，上到去環境裝修得好有日本特色，之後坐低睇吓個餐牌，價錢好大眾化，食物多元化，造型靚，款式多，所有日本嘅魚生至天婦羅都應有盡有。之後我叫咗個三文魚海膽丼飯，牛肉壽喜鍋，同埋鐵板牛油帶子，每一款都唔過$100，賣相十分之吸引。先講丼飯，啲三文魚片片都好新鮮厚切，海膽新鮮分量多，啲飯又軟硬適中，真係好好食，而且價錢仲十分之優惠，唔使$100就可以食到，出面真係搵唔到。至於牛肉 壽喜鍋，啲牛肉全部入口即溶，個湯底好夠味；至於鐵板牛油帶子，粒粒帶子都好大粒，識落彈牙，又鮮甜，熱住上碟，好正，真係值得一試，整體來講每樣嘢都係十分之好，值得推介！

入到去見到滿座七成，亦都唔少係家庭聚會，就知道應該食物都唔差，但個日係平日都咁多人食，建議大家聚餐都要book定位啦鹽燒厚切牛舌串(1串) 牛舌即燒，入口熱辣辣，即使係厚切亦都唔會有筋而好難咬，口感岩岩好，如果食得落都食叫多串！鰻魚卷 
太愛鰻魚了，所以叫完鰻魚飯都要再叫個卷物食，鰻魚卷上的鰻魚亦算厚切，啖啖肉。
蒲燒鰻魚飯 
鰻魚飯是壽司飯底，鰻魚亦都是即燒，食得出唔係普通貨，大滿足！
角切魚生飯雖然係角切，但都食到魚生夠新鮮，冇雪藏味，而且分量唔少，呢個價錢CP值幾好！

經朋友介紹，兆萬商場對面有間居酒屋樓上店，今日放工同朋友去試試👏🏼入面環境己有日本風格，員工安排我哋坐窗邊卡位，望出去就係旺角嘅鬧市大街，呢個對比好得意😆👌🏻食日本嘢最鍾意叫到成枱都係，大飽眼福～👀蒜香和牛粒炒飯和牛份量比想像中多，每幾啖飯就有一粒和牛👍🏼炒得好乾身好入味，果然係店舖嘅推介!雞翼&五花腩串燒雞翼味道偏甜少少唔夠鹹，如果調味重啲就更好🙌🏻五花腩有驚喜，肥膏食落去已經唔油膩，反而係好香👍🏼章魚小丸子賣相好吸引，係一盤咁樣上枱，份量好多啊👍🏼每一粒入面都有章魚～鵝肝壽司&火炙蟹柳壽司&三文魚壽司&蟹子壽司🍣鵝肝一啲腥味都冇，反而係好香，入口即溶🖖🏽日本芝士蛋糕最後要以甜品作結，非常滿足嘅一餐☺️☺️

之前成日都去呢條街食雲桂香見到呢間日本料理 🇯🇵好似新開就係雲桂香上一層 2樓望上去都幾靚所以就入去試吓裝修果然好日系環境乾淨先講最驚喜嘅食物就係呢個活赤貝真係好新鮮好鮮甜同埋爽口之後係呢個火炙黑松露帶子壽司都唔錯黑松露幾香呢個推介之後到主食極上北海道帶子丼入面有三文魚、一隻大蝦、、三粒帶子同埋三文魚子味道不錯黑蒜油蝦球醬油覺得佢個蛋幾好食比個close up佢呢個拉麵🍜覺得味道可以濃啲個人比較鍾意重口味呢度嘅麵豉湯都幾多料路過嘅大家都可以一試

今日去咗旺角西洋菜南街的一間日本餐廳，叫大山日本料理。佢係樓上舖嚟嘅，要上二樓，上到去別樹一格，裝修得好特別，日本風，而且可以坐窗口位，望返繁華旺角嘅街景，幾chill架。最好就係價錢合理！！ 如果晚市7點15分前落單仲可以有85折！ 今晚就食咗個三文魚極上北海道帶子丼飯， 大阪燒同埋巨峰乳酸梳打，最後仲食埋一個北海道芝士蛋糕，好滿足呀！先講個大阪燒，木魚個份量好多呀，而且好鍾意佢都加咗好多沙律醬，即叫即整，熱辣辣，好正。另外極尚北海道帶子丼， 有好多三文魚，帶子，好大粒好鮮甜，仲有魚子！成碗分量都好多，好飽！唔使一百蚊真係超值呀！！最後北海道芝士蛋糕，好好食，好鬆軟，芝士味又濃，好味！20蚊超抵！整體好滿意！會再來。

咁啱夜晚7點經過旺角呢區特別多食肆，而日本菜又係我至愛，係兆萬地下望上去對面…我見到掛咗好多紅色日本燈籠，於是我就上去2樓睇下呢間日本料理餐廳要唔要等位先，又估佢唔到當時入面已經有六成嘅顧客，店員好快就安排咗卡位比我，座位舒適又寬闊!呢度係用QR Code落單，見到餐牌有好多款式(刺身\壽司\炸物\串燒\沙律... ...真係太多啦!)三文魚腩刺身(4片)…味道好鮮，魚腩夠肥滑，魚油豐富，有入口即溶感覺!花之戀壽司 ， 油甘魚腩壽司，帶子壽司…花之戀壽司上面放滿卜卜脆嘅蟹籽，三文魚包住d壽司飯，看似一朶花!三文魚/帶子夠鮮甜!油甘魚腩位置…夠特別，腩位 夠嫩滑 ，油脂分布夠平均，入口好有滿足感覺!!牛油果軟殼蟹卷…軟殼蟹炸得外脆內暖(份量十足)，再卷上紫菜及青瓜，層次更豐富，上面加咗好多沙律醬再配上熟成牛油果同蟹籽!(好足料)香草燒雞翼(3隻)…香草味道夠濃， 熱辣辣…香噴噴…燒得好香口!

朋友即興約食飯，揀左呢間日本野試試🍱🍣食日本野壽司一定要食，所以叫左少少意思意思壽司正常水準，難得係有我最愛既鵝肝壽司，真係好好食串燒分別叫左雞翼同五花腩，燒過既五花腩又脆又香和牛炒飯和牛份量意想唔到咁多！！接近每一啖都有，同埋入口真係食到和牛既油香味，值得一試👍👍整體黎講，餐廳環境舒適，食物質素都令人滿意。

大山日本料理位於兆萬對面，呢度出名多美食多選擇～地點又方便，喺香港嘅中間點約咩朋友都就腳🤩今次試咗幾款刺身同埋壽司，帶子壽司好肥美好fresh，食落好新鮮鮮甜！食刺身食材好緊要，因為已經冇咩廚藝需要，最緊要係餐廳選材好，性價比高😋如果鍾意食刺身，一定要試吓呢間餐廳嘅刺身盛(松)，裏面有多款刺身，款款出色！赤蝦大大隻，又有蝦味，最正係仲有海膽，包住紫菜食唔會覺得漏，多多都食到，仲有種好特別嘅海水味，食到欲罷不能😍其他三文魚腩、吞拿魚等都好肥美，魚油味超甘香，食完刺身唔夠飽再食啲蟹籽軍艦就啱啱好，加埋一個人食咗$400內就有大大盤刺身同海膽等，對自己好啲今晚約埋三五知己嚟大山日本料理食餐好嘅啦😉