大山日本料理

Open Now

Now Closed

大山日本料理，喺兆萬中心對面嘅樓上鋪，有去過旺角嘅人都知道兆萬有名叫劣食塔，食十次屙八次，不過兆萬放題嘅食評下次先寫，今次要寫嘅係同事介紹嘅居酒屋。餐廳用彷木裝修，掛咗好多燈籠同埋日本畫，環境幾舒適不過個人覺得over咗啲，有種過分強調自己係日本餐廳嘅感覺。我哋入到去好好彩，職員安排咗我哋坐窗口位，望到街景，感覺幾舒服。我哋兩個人一共叫咗六款食物，四個小食、一個刺身拼盤同埋個炒飯。小食分別有牛舌串燒、炸雞、燒鯖魚同煎餃子。牛舌好夠味，肉質如果可以再彈牙啲會仲正。煎餃子有啲失色，味道係ok嘅，只不過啲冰花一啲都唔脆，有少少失望。燒鯖魚燒得幾香，肉質都滑而且冇腥味。最低食一定係碟炸雞，本來諗住得四塊，上碟竟然有七塊咁多，仲要炸得好香脆，味道偏咸不過就好啱我呢啲食重口味嘅人。刺身拼盤我哋冇叫最貴嗰隻，要咗$248嘅(松)拼盤，海膽唔腥，三款魚嘅刺身都切得好厚身，而且味道鮮甜。主菜鰻魚炒飯，鰻魚冇腥味，醬汁都幾重手，個炒飯幾咸不要我就係鍾意咁重口味嘅嘢。總括而言，六碟餸有五碟我會encore，價錢亦唔算貴，可以返食。

今日係旺角登打士街附近，呢頭啲餐廳真係轉得好快，見到西洋菜南街頭、雲桂川上面呢間幾多人排隊，又係食日本嘢，試下先。花之戀蟹籽份量都幾多，Size唔大，食花之戀梗係要一啖吞先夠過癮🤣整體平衡感都算Okay啦三文魚腩壽司三文魚腩既油脂比花之戀嘅三文魚多（🤣這是廢話嗎？），油香未去到話好突出，可能我都係偏心花之戀果種一口爆漿嘅滿足感多啲牛油果軟殼蟹卷物每次日式餐廳都會好想叫~ 軟殼蟹嘅香酥口感，加埋蛋黃醬嘅香甜味，再由牛油果中和番冇咁油膩，外加蟹籽增加口感燒牛舌（一串）質地軟腍，okay的~燒明太子雞翼燒得非常香脆有焦香！一路覺得明太子配雞翼好夾，推介推介燒雞軟骨有少少鹽香，送酒一流。睇黎呢度的串燒都係貴精不貴多泡菜炒雜菜食得多肉就會想食個菜中和下😋泡菜醬汁味濃燒魷魚比想像中Size有啲唔同，個醬好濃郁，岩晒我呢啲重口味人士

媽媽話想食日本野 旺角方便係附近就過去食雖然book咗 但因為時間尚早 都無乜客人⭐️三文魚腩壽司油脂比例算幾好嘅⭐️黑松露帶子壽司唔係好濃嘅黑松露味 不過呢個價都正常嘅⭐️海膽汁牡丹蝦壽司唔算好鮮甜 不過不失啦⭐️火炙左口魚裙邊壽司太薄身 少咗啲油香味⭐️海膽 大板雖然我知呢個價錢唔應該有希望但呢板海膽好似片咗三分一咁薄🤣又唔係特別鮮甜 真係唔食都得⭐️甜蝦呢個反而唔錯 鮮甜嘅☺️⭐️鵝肝壽司還可以 想食都可以一試⭐️黑豚腩肉串本來唔餓再食咗上面個堆 飽到傻 食乜都無特別⭐️免治雞肉棒串本來唔餓再食咗上面個堆 飽到傻 食乜都無特別

估唔到旺角有間供應優質食物但價錢相宜嘅日式料理店，以日式布簾、燈籠，舊式清酒海報佈置，猶如置身日本當地的居酒屋室津生蠔, 新鮮生蠔大大隻，入口蠔味香濃 刺身拼盤，色澤光澤嘅刺身，非常吸引，特別是一大版的海膽刺身，鮮甜美味，厚切的三文魚，油甘魚, 吞拿魚, 新鮮美味，價錢都只係$248牛肉壽喜鍋，最愛吃壽喜鍋，濃郁帶甜的湯底，加上嫩滑有口感嘅牛肉和香滑豆腐和吸收哂湯精華嘅蔬菜，非常美味角切魚生飯，切粒的魚生，三文魚，油甘魚，吞拿魚，再加上脆卜卜的蟹子，微酸的壽司飯，再加點日本豉油同Wasabi，好味到食不停口鐵板牛油帶子，大大粒帶子啖啖肉，煎得剛剛好，不太韌

環境方面：４星地理位置離地鐵站不算太遠，行路大約十分鐘內就到。有寬敞的臨街卡位，二樓可以清楚望到街外的景色。餐廳的佈置很有日本風格，地方乾淨整潔。食物方面：鐵板薄切牛舌＄８８：４星牛舌肉質脆彈，厚度適中，入口彈牙，咬感一流。當然，如果份量再多一點會更好！鐵板牛柳＄８８：４星半牛柳肉質細嫩，聞落香氣四溢，食落牛肉味濃，入口即融，鮮香濃郁。份量不少，較我預期的多！角切魚生飯：5星這個魚生飯個人覺得真係超級划算！一個飯就包含幾種魚生，再加上米飯和蟹籽的混合，顏色繽紛而且口感豐富，啖啖都食到新鮮又美味的味道！最令人耳目一新的是，居然把餐廳名字——大山，印了在雞蛋上！哈哈哈！雜錦天婦羅＄４８：２星主要是把蝦和茄子包粉漿油炸，上桌後發現不知道是不是油炸沒有很久，不是太脆，中規中矩，沒有驚喜。

呢間日式餐廳就係兆萬對面，位置好就腳～ 價錢都偏向平價抵食😆鰻魚炒飯🐟🍚🍚炒飯熱辣辣上枱，好夠鑊氣😋。因為有鰻魚，飯整體偏濃偏咸～和風炸雞🍗🍗香脆既炸雞上面有啲沙律醬，好香ℹ️鹽燒厚切牛舌串🐮串燒質素唔錯😆，牛舌易咬唔靭🫦🫦鹽燒鯖魚🐠肉質偏滑☺️，配檸檬汁🍋🍋食幾夾刺身拼盤（松）🍣🍣刺身好豐富，全部都係厚切😋！仲有海膽，幾好食😆煎餃子🥟🥟餃子味道不過不失，偏軟身

約咗朋友係旺角吃lunch，佢介紹哩間日式料理🇯🇵好抵吃，一於去試試。餐廳環境幾舒服，裝修好有日本feel，而且卡位夠多，坐得好舒服。🔸日式炒野菜🔸🥦$58大大片椰菜夠爽口，鹹味剛剛好，加埋上面鋪了一層木魚碎，增添鮮味。🔸鹽燒三文魚腩🔸🐟$58燒物有驚喜，外皮燒得夠香，咬落好juicy，保留到魚油香。🔸角切魚生飯🔸🦐$78魚生夠新鮮，飯粒有咬口，唔似平時的壽司飯咁有黏性，味道OK。🔸牛油果🥑軟殼蟹🔸🦀卷$78軟殼蟹新鮮炸，入口仲Keep到暖暖哋，夠酥脆，加埋牛油果🥑同青瓜片🥒，口感好豐富，沙律醬薄身少少就更加好啦！🔸豚肉泡菜鍋🔸🍲$58泡菜味道偏淡，唔會太酸，辣味比較輕，唔吃得辣嘅朋友都可以試，豚肉大大塊，分量足。

同事請食壽司，路途遙遠來到油麻地，座標在二樓，去的時候比較早，可以坐到卡位，獨立空間還有一張小廉，望住出面人來人往，入面悠閒安靜（發現呢度的食客都比較安靜唔會好嘈）。室內裝修也很日本風，還以為會很貴，還好還好看完價錢後可以安心多叫兩個菜兩個人叫了一個三文魚壽司同一個軟殼蟹牛油果壽司，這兩個有拍照，還叫了一個炸雞軟骨和雞翼包飯（名字什麼忘記了，顧住傾計忘記影相）雞軟骨同雞翼係新鮮上碟的，真係冇得頂，依家想起我哋應該叫壺小酒，邊飲酒邊傾計！雞翼入面有少少辣，外皮又香又脆。最後還來了一小塊芝士蛋糕作點睛之筆，清清爽爽，份量適合，唔會太大件，味道好絲滑哈哈哈哈好鍾意呀～性價比好高，下次會再去的～試試其它菜式

如果又想食刺身又想食燒肉，咁就一定要試吓呢一間位於旺角西洋菜南街2W-2X號2樓嘅大山日本料理，因為佢可以一次過滿足晒所有願望🤭餐廳裝修以日本居酒屋風格為主，掛上滿滿七彩的燈籠，好有日本風味澳洲M6黑毛和牛 200g本身想試吓呢A5和牛，點知賣哂，咁就唯有試吓呢一個M6牛🤣鐵板上咗之後，餐廳職員都會好主動過嚟幫手燒肉，服務超好👍🏻和牛油花分布平均，油脂滿滿，肉質鮮嫩，有咬感，有牛味，配埋牛肉汁食就更加惹味🤭三文魚刺身就咁睇圖都可以見到佢嘅三文魚係幾咁厚切，食落仲好肥美，啖啖鮮味，好正呀😍😍而且用冰底上，可以keep到刺身嘅溫度，十分貼心！芝士蛋糕食落好香好鬆軟，軟綿綿，唔係說到硬晒嗰啲質地👍🏻

食日本嘢有好多好地方 但想坐得舒服 旺角人多擠迫 唔係好多選擇。 今次我介紹呢個地方係上樓嘅 而且地點方便 座位舒適。星期五放工一上到去唔使等位 絕對係忙裏偷閒的選擇 最重要最重要價錢真係唔係貴。食物質素最實際首先叫咗條大件夾抵食的加州卷， 加州卷 用上日本米 飯粒好好味 用了好。 大大件 好咬口 兩個人食一條都半 飽。之後我哋就叫咗一條 牛油果軟殼蟹卷， 軟殼蟹脆卜卜 牛油果 好新鮮 牛油果的清甜 賠償軟殼蟹 味道恰當好處呢度服務員態度好好 地方整潔 值得推介

琴日同朋友去旺角行街，朋友話呢間餐廳裝修得好靚，好有日本feel，帶我去試下。餐廳環境真係幾好，我同朋友坐卡位，坐得好闊落。餐廳用咗不同顏色嘅燈籠去裝飾，好有日本嘅感覺。~~ 三文魚刺身三文魚好厚切，好新鮮。食落好香油脂味，口感同味道都一流。~~鰻魚卷鰻魚都算大片，加埋青瓜，玉子，蟹柳，同埋燒汁，味道超夾。~~照燒魷魚筒即叫即燒，等咗10分鐘左右，燒得好香。份量都算多，足足一條。食落好爽口，配埋個照燒汁，好惹味。~~德州雞皮餃子第一次食雞皮餃子，原來好好味。用雞皮當餃子皮用，雞皮食落脆卜卜。肉質嫩滑，好好味。

好耐冇食過壽司啦，喺旺角行開街搵到呢一間好日系嘅居酒居-大山日本料理佢不但之性價比高，食物都唔錯架，而且座位多數都係卡位，坐得好舒服😌店舖嘅裝飾好有日本feel，掛咗好多日式燈籠同壁畫，感覺好似去咗日本咁呀🤭壽司：蟹子軍艦，爽脆嘅蟹子，粒粒分明，識落好新鮮好爽口，正😍花之戀壽司味道不過不失，用料十足，餡料被兩塊長長嘅三文魚包圍住天婦羅壽司蝦天婦羅食落熱辣辣，好新鮮，食落爽口彈牙牛油果軟殼蟹卷壽司卷份量好多，而且舊舊足料，上面綠油油嘅牛油果食落軟林林，帶有淡淡牛油果香，再加上滿滿的沙律醬、蟹子同炸到脆口嘅軟殼蟹，呢個配搭一流！和風炸雞雞肉全部都係大大舊，食落脆卜卜，仲非常之Juice，滑嫩。配上滿滿的照燒醬汁、沙律醬同和風紫菜，食落真係好香口，好似食緊大阪燒咁正呀😍😍😍總括嚟講，價錢親民服務一流，會再幫襯😍

今日又同女朋友去食好西 今次都係食日本菜 🤣🤣🤣是不而遲 同大家介紹下今日食左D乜一開始就叫左『三文魚腩刺身』魚脂味都幾出 唔錯『油甘魚腩壽司』同上 可以一試 係會比㠮日通油甘魚多左陣魚油魚脂味 就好似升左個Lever咁『海膽刺身（細版）』好新鮮 一D都唔腥 加埋脆卜卜既紫菜 簡直係冇得輸『醬油七味燒左口魚邊壽司』我真係好鐘意食左口魚邊 冇乜食過邊間係難食 呢間都唔例外 非常好食 左口魚邊亦都係油脂比較多 做壽司就岩晒跟住黎左個『三文魚明太子串』之前未試過咁食 覺得出奇地夾 三文魚本身偏淡 但加埋鹹鹹地既明太子 味道岩岩好 『德島雞皮餃子』外皮煎得好脆，好香 餡料又多肉汁 伊之棒👍👍👍最後叫左個『蟹籽海膽炒飯』飯底本身炒得好香 海膽份量都好足夠 加埋蟹籽既脆卜卜好感 另到我每啖入口都好有新鮮感 好滿足最後最後叫多左個『吉列黑豚』廚房炸野係有一手 外層非常脆 但脆之餘亦都做到好多最後補多句 上次速度好快 係我見過日本野最快 🤣🤣🤣

照燒魷魚筒$88 一食落去，照燒醬嘅味道好突出，佢比起出邊嘅照燒醬更甜。魷魚筒煮得好好，食落去唔會韌同埋唔煮得過長而乾。個醬嘅太稀同埋太結度都教得好好，每一啖魷魚都黐到呢醬食。火炙豚肉拉麵$78 豚肉片整得好琳，而且上邊燒咗一次先擺落個湯度食。所以食落去好香又有一種灼燒味。拉麵好q彈，唔會太淋。而且湯底好啱我食，唔會好似出邊其他嘅拉麵咁樣太鹹。火炙厚切三文魚腩壽司$22三文魚腩一食落去啲魚油喺口腔到爆炸。有火燒過嘅三文魚腩表面好香，三文魚油嘅甘香燒完之後更加突出咁樣同個壽司飯團配搭起嚟。食完之後三文魚油嘅甘香味道仲喺口腔裏面徘徊。火炙大吞拿魚腩壽司$58 燒過嘅吞拿魚唔係燒到全熟只不過係表面熟咗少少，所以咬幾啖之後就食到裏邊吞拿魚腩嘅刺身。有埋海膽醬喺上邊令到個鮮味更上一層樓，海膽嘅鮮味同吞拿魚嘅甘香夾埋一齊好夾。現燒火炙薄燒A5和牛壽司$78火燒味嘅嗰一種灼燒同牛肉一齊食多咗一份風味。薄切牛肉就夠啦好食嘅話就唔會太暗同埋搶咗風頭。和牛壽司嘅牛味都係出，同甜甜地嘅燒肉醬一齊食好夾。三色魚生飯$88入面有三文魚，吞拿魚，油甘魚同埋燒左大山字眼嘅玉子蛋。魚生飯啲魚生係厚切，啖啖甘香魚油，好

位於旺角鬧市，地點算幾方便。天氣太熱唔想周圍搵食，所以就貪方便試吓。睇餐牌食物價錢都幾抵，Set lunch平均一個都係七八十蚊。其實見咁平反而有啲擔心，因為日本嘢都驚唔新鮮。刺身拼盤配飯 - $88有湯有前菜有甜品，刺身一定唔算好高質，但食落係冰凍嘅都ok。甜蝦比較細隻，但帶子幾唔錯。其他刺身尚可接受。.照燒雞烏冬 - 跟餐兩舊壽司，豬骨湯底略嫌味精味太重，偏鹹。照燒雞味道都香。.海膽 - 嚟到見到顏色都已經知道賴野偏黑，唔鮮甜，紫菜淋晒，只係未算好苦到食唔到。