Oliver's Super Sandwiches (屯門市廣場1期)

Open Now

Now Closed

呢碗肉醬意粉真係好正！意粉煮得剛好，滑順有嚼勁，吸收咗濃郁嘅肉醬，味道非常香濃。肉醬用料新鮮，肉質嫩滑，配搭香草調味，令整碗意粉更添層次感。上面灑上啲芝士，融化後更加美味，每一口都令人回味無窮。整體份量足，性價比高，無論係午餐定晚餐，都係個好選擇，真係非常推薦！

今日行完街冇咩嘢做，想周圍搵餐廳食下午茶，但係周圍都咁多人好少一人枱坐，所以就黎左Oliver Super Sandwich 估唔到佢又做下午茶優惠，唔好諗住下午茶份量會少咗，佢嘅份量依然係好大份我叫咗個下午茶set，有酥皮湯同埋三文魚意粉，仲配咗杯伯爵奶茶，我本身個人就好鍾意飲伯爵茶嘅，呢杯伯爵奶茶真係冇得輸，伯爵茶茶味好濃，但係飲落又唔會嚡口，都算順滑，酥皮湯簡直係我至愛啦，好耐都冇飲過酥皮湯啦，呢度嘅酥皮即叫即整，所以好香脆，而三文魚意粉都幾好食，其實下午茶都有呢個份量都真係好抵食

平時都食開呢間 但係就冇嚟過屯門市廣場度食一入去成間餐廳一個客人都冇 店員見到我入去繼續擰轉頭抹餐具 一坐低就同我講9:00閂門 完全冇諗住提供任何服務😂 然後手機落單啦 一打開全部焗薯售罄 仲有其他單品都售罄😨嘢食又冇服務又冇 於是乎我就起身行上去樓上beans 人哋服務態度真係幾好🥰心情即刻舒暢返🥰貴啲都真係冇所謂㗎🥰

痴線，system有bug咁一次落左double兩個餐，店員就咁話你係system比左錢無得退，其他餐廳用system落餐落錯左都有得改，呢間服務差到呢間店門口又無冷氣，熱到死，排隊落單個位對正街又唔整風閘，QR code落單就你錯你嘅事，店員真係話你比左錢所以無得改，但呢到一落單就要比定錢一個餐連野飲$77，話平又唔係真係平，食物質素本身係都叫正正常常，但啲咁嘅服務質素真係好差，改唔到你連問都唔幫手問下先就有啲過份。麥當勞你倒瀉野係你錯，店員都會幫你抹再比返杯你。

假日想找個寧靜的地方歇一歇又想同時享受美食+咖啡去”Oliver’s Super Sandwich “也是一個不錯的選擇👍餐廳空間雖然並不算大但內𥚃有落地玻璃採光度充足整體感覺稱得上舒適又寫意而且食物質素同價錢都值得推介！很喜歡這個下午茶套餐份量唔會太多又唔會太小下午茶嚟講真係剛剛好🫶👉1）酥皮湯（可選雜菜或磨菇）酥皮湯我至愛，呢度酥皮即叫即整，又有服務員提供送餐服務，送到嚟個酥皮仲熱辣辣，磨菇湯好creamy又有磨菇粒，口感非常豐富😋👉2）忌廉三文魚扁意粉🍝扁意粉煮得剛好，不會太淋太硬好有口感再配搭忌廉汁撈埋一齊食一流！三文魚份量都唔算少，飲完個湯之後再食呢個扁意粉，對女生/小朋友都相當足夠～

住咗屯門咁耐一直都知道佢嘅存在，但係就係一直都未食過。今次終於扚起心肝去試一試，原來都幾好食，價錢又唔算好貴。最鍾意佢個焗薯，自由配搭配料。外脆內暖，薯仔又夠大個。另外叫咗個三文治。唔怪得知啲間嘢可以喺屯門生存咁耐啦。

吓，真係食得出Oliver's嘅心思，佢地個焗薯咋，外表金黃香脆，入口即化，個種綿滑同牛油香，唉呀嘛，係咪叫人一試愛上！😋 而家先嚟講下細膩嘅漢堡包，個漢堡排juicy彈牙，加埋菠蘿嘅酸甜，啖啖都係驚喜。漢堡旁邊啲薯條仲要講，外邊鬆脆內裏軟綿，陣陣香氣真係撲鼻而來。話時話，我仲唔可以唔提埋呢個Norwegian Smoked Salmon Panini，多層次口感，搭配個清新嘅Caesar Salad，真係食到個人心情都好番。✨ 邊個Linguine呢？！啊，碼頭鮮美嘅蛤蜊香，混合咗香濃嘅白汁和肉醬，味道恰到好處，唔會過於油膩，真係有得鬥！仲有呢，個芝士焗薯，佢哋嘅芝士夠味夠濃，再加上牛肉同薯嘅黃金配搭，食落係咁嘅暖胃，簡直係芝士控嘅天堂！🧀 呢間Oliver's，輕鬆舒適咁坐落喺屯門市中心，係件好揀擇，同三五知己又或者同家人一齊，湊一湊，悠閒過一個飽满溫馨嘅下午。

食物本無罪，服務需有理本人帶一家人到屯門supersandwiches 打算享用早餐，因前面有人在排隊，我接著排隊，誰知看見另一班人直接入內找位置，本人向店員查詢為何不用排隊，其中貴司同事呀Ling 說現在不用排隊直接找位置，我亦回應為什麼以往需要排現在不需要，他回應已改了很久，期間沒有其他同事協調，只見貴司同事們報以笑容。貴公司及貴店應處理兩件事1） 聖誕節人流眾多，大家也在排隊，平時也是這樣，為什麼一句現在一句去處理其他排隊客人。2）貴公司及貴店對於客戶處理致以冷處理，對於同事就說法報以無言的默許，亦沒有負責人處理。除食品外，如何改善及提升人員及相關服務素質也是必要，是次是我在貴店享用食品多時，一次不堪入目的經驗。

今日早餐轉左來 Olive sandwich食，由叫餐到食物上枱等左十五分分鐘左右，等有D耐，但是不趕時間等下無問題！個餐上來就有食欲蛋炒得好滑，炸鷄香脆，配上鮮豔的小蕃茄令人胃口大開！當然最喜歡的是那杯香濃的咖啡！滿足！

Super sandwich 系快餐來講算幾唔錯，尤其對收工時間唔系早嘅香港人來講，今日收工，突然心血來潮，想食西式晚餐。於是趕系佢截單前冲入去點餐，享受下放工後嘅時間。西餐對食素人士系比較friendly,尤其屯門區，食雑嘅餐廳素食嘅menu 真係無乜。我哋次次來其實都系點果幾樣，不過次次都無令我失望！沙律蛋焗薯，沙律菜新鮮，蛋黃醬唔錯。牛肝菌意大利粉，個汁夠creamy,意大利粉唔會太乾身，好食。咖啡，夠濃，夠香。飲完感覺很Relax🥰

香港唔係間間都有沙律bar，屯門呢一間就有啦，我真係覺得佢嘅沙律CP值好高，份量足夠，而且材料新鮮，其實屯門呢一間算係大舖頭，但好多時都要排隊等位，佢入邊有一個好得意嘅送餐機械人，行到入啲嘅位置有大玻璃，所以彩光度唔錯，如果避開高峰時間，例如三點至四點喺入邊Hea下，其實我覺得比起其他網紅舖更加舒服👍我個人強烈，建議大家成為會員，咁每次點餐都有10%優惠，而且買完嘢之後又有幾蚊回贈，可以喺下一次用，雖然都係同大家樂同一個集團，不過我嘅Focus都係要食物嘅質素，呢一間我一個月都會嚟一兩次，highly recommended 😊

當日星期日，跟媽咪睇完早場後，我建議走到<Oliver's Super Sandwiches> 食午餐，反正，她一直未食過店方的漢堡包，我平日返工，在上環店已買過多次；可是！星期日中午卻無供應這款漢堡包套餐；令她有點失望！燒雞甜椒芝士墨西哥餡餅 $74 套餐價 $8不論賣相及口感，也不會遜色給薄餅！墨西哥餡餅薄而軟身，邊位最香脆，夾雜雞肉、燈籠椒、生菜、芝士...色彩繽紛又口感豐富！一份分開3份，方便進食！轉飲品 +$8：熱玫瑰朱古力香甜及甜美的組合，入口的確得個甜字！燒牛肉芝士烚蛋墨西哥卷配沙律 $76媽咪選擇這款，充滿餡料，食材豐富，令她食完好飽足！忌廉蘑菇湯質感濃稠！

下午茶時間相當多人，但店舖都算大，唔需要排好耐可以入座。呢度採用無接觸落單方式，可以喺位用電話落單，大概要等20分鐘，就會有送餐機械人送上下午茶。午後公司三文治 $54相當有驚喜，裡面夾住火腿、雞蛋、蕃茄、雞肉，健康得黎又好味，仲要烘脆左全麥麵包，感覺清新，呢個會想encore。呢碟意粉就不敢恭維了，面色好差嘅意粉...得一pat杰身嘅疑似醬汁，但完全無味，我地要自己拎鹽同糖再調味先食得落，唯一ok來係雞胸部分真係幾嫩滑。

11.02.2022 星期五 晚Oliver's Super Sandwiches 今晚去完街返屋企，疫情下無晚市，所以上Apps叫外賣，家人想吃沙律，我又貪新鮮，想試新地方，於是找了Oliver's Super Sandwiches；可能好多人食過，但我之前真的未試過，見Open Rice好壞參半，也不敢抱太大期望。晚餐：挪威煙三文魚凱撒沙律煙三文魚份量不少，沙律菜也很新鮮，而且加了紫洋蔥、一片片芝士和麵包粒，味道不錯。費城牛肉·車打芝士醬焗薯本來想叫燒牛肉燒烤醬墨西哥卷，看來很吸引，但見評價說份量很少，反而焗薯個個讚好，於是改變主意叫了費城牛肉·車打芝士醬焗薯。首先見賣相已經很吸引，大量的車打芝士醬覆蓋焗薯，濃濃芝士味，加上少少鹹的牛肉，味道很配合，值得大家試試。跟沙律、雜菜湯焗薯跟了一份細沙律，想不到雜菜湯會如此濃味好喝！榛子鮮奶咖啡榛子味香，加上滑滑咖啡，不俗。原本不大有期望，但竟然出奇地好，大家可以試試。

輕食快餐店沙律有兩個size可以選擇細size只能選擇兩款沙律大size最多可以選擇四款但個人覺得細size實在太細如果沙律係你嘅正餐應該唔會夠飽所以都係點大size紅菜頭好新鮮南瓜沙律好夠淋 好軟夠味 好食