Oliver's Super Sandwiches

Open Now

Now Closed

 叫左個$86 千層麵餐, 等左好耐都未到..點知黎左呢pat 野, 真係好難食得落...忍唔住叫左個侍應黎反應, 佢拎左入廚房, 之後竟然拎返出黎話佢地個千層麵係咁...我真係未食過啲咁樣既千層麵...

 好好利用從報章剪下來的優惠劵  於是去了屯門市廣埸 OLIVER'S SUPER SANDWICHES 享受午市套餐, 先到收銀處付款，坐下來一會兒，職員送上食物了！order 海鮮意粉 ,  鮮蝦, 蜆肉, 車厘茄, 鮮魷, 驚喜, 有鮮甜露笋  看起來 顏色頗吸引, 紅 綠 粉 色,    配上雜菜湯, 材料豐富, 除了蔬菜，仍有番茄, 紅羅白, 少量通粉, 薯仔, 酸酸哋, 味道適中 ,開胃 , 飲左湯, 有一點點 飽、 滿足感覺。   套餐原價 $62 ,  使用優惠劵 , 可平宜 $6 , 算是不錯了   Happy ....

這間在屯門開了5年,亦成為我其中一間常去餐廳，這裡不用客人自己取餐，由店員送餐，服務十分貼心，早前又去了吃午餐，這裡午餐都唔平,有時對自己好一點，這間分店隔離大家樂 ，較為嘈咗些小，今次點了三文魚意粉+凍奶茶，等了5分鐘就送到，三文魚意粉又幾好吃，但是，白汁太多了,味道偏咸,尚可以接受，涷奶茶甜咗些小，整體都OK ,這間相比其他分店易揾位,環境就一般,價錢偏貴食物水準煙三文魚意粉,意粉幾好吃，白汁多過三文魚,味道偏咸,整體一般奶茶，我覺得甜咗些小服務我覺得都OK環境因近大家樂，較為嘈雜價錢54元,我覺得有些小貴番吃間中先來1次

去親SUPER SANDWICH 食早餐, 9成都係食自選,以前佢會SHOW 晒自選有咩CHOICES, 不過依家水牌就無左自選呢個項目, 不過就仲有得叫.我念唔食開就唔會叫得到. 因為自選真係最抵.$32 有2個CHOICE,$36 有3個CHOICE每款大部分都係打孖上, 好似腸仔有2條, 火腿有2塊. 如果睇佢水牌上面個d 款, 就得一條or 一執.佢有好多款腸仔, 好似早餐腸(白色, 重胡椒味), 煙豬肉腸(深紅色,偏咸), 我最喜歡都係法蘭克福腸, 粗身, 無咁咸.蜜味火腿, 煎得乾身, 有少少甜味, 幾好味.炒蛋今日炒得幾嫩滑, 加埋少少鹽同黑胡椒, 正!佢既熱檸水係要自己搾汁, 不過都有成1/4 個檸檬.

放工後, 揀選到呢度dinner,有人話好肚餓, 所以我地一次過叫左三個main course, 另加錢轉兩個SET~話咁快就黎兩杯飲品, 一杯熱檸荼, 一杯係illy hot coffee, 同埋一杯雜菜湯~湯入面都好足料, 有雜菜外, 仲有少許通粉, 味道幾濃.Norwegian Smoked Salmon, Egg Salad Panini with Caesar Salad材料豐富, 有煙三文魚, 碎蛋沙律加生菜包住, 食落口冇肥膩既感覺, 好似好健康!!Linguine in Norwegian Smoked Salmon, Clams, Creamy Dill Sauce & Bolognaise Sauce一個好基本既意粉, 同大快活果D冇乜分別啦~白汁加肉醬, 味道叫做係穩陣!其實仲有一個The Great Philly & Cheese 焗薯, 但忘記影相添!喜歡食芝士既朋友, 可叫呢個試下, 因為面頭有好多好creamy既芝士, 加入薯仔, 牛肉, 好好食! 而且仲好飽肚添!!

喺大商場除左食大記及麥記既早餐，想慢慢歎，olive 係唔錯選擇。All-day breakfast 都有幾款㨂，杯咖啡加$6 可以轉大杯，食飽可以閒暇歎一歎。腸份量剛剛好，蛋夠滑，意式多士微脆。 張收據仲可以下次幫襯時當$4使。

此店位於商場底層位置，本來環境也不錯，但因隔離（只有一塊板間開）是另一間連鎖快餐店的開放式座位，樓底又高，所以比較嘈！公司三文治內夾著生菜、蕃茄、火腿、芝士及雞肉，略嫌饀料比較乾，味道不過不失！咖啡選用illy，味道ok，濃淡適中！焗薯已不再是焗薯了，好明顯是烚的，薯肉跟薯皮都是淋的，薯味亦欠奉，饀料亦不多，幸好個蜜味汁都ok！牛角包亦是淋的，幸好碎蛋沙津味道也不錯！凱撒沙律最對辦，菜亦算新鮮，沙津醬亦不會太多！

因為之前以半價的優惠團購了super sandwiches的現金劵, 所以這天便來一試味道,點了經典超級三文治全麥方包及煙三文魚蜆肉扁意粉,經典超級三文治全麥方包, 整份三文治都沒什麼味道, 連咸味都欠奉,全麥方包的口感是烘過跟沒烘過的之間, 不香脆, 不鬆軟, 有點硬和乾,餡有無調味的雞肉, 蛋, 火腿, 蔬菜等等, 整份三文治的餡除火腿外, 均沒有味道, 味如嚼蠟,super sandwiches的三文治的確是SUPER 大份,但絕不是SUPER 好食......煙三文魚蜆肉扁意粉, 比經典超級三文治全麥方包好食,醬汁的味道很淡, 全碟只有煙三文魚的味道較濃,但煙三文魚及蜆肉的味道有點腥, 應該調味不當及處理得不好的原因,扁意粉的口感較一般意粉好,煙三文魚蜆肉扁意粉的整體味道一般, 以原價來說, 這樣的價錢, 配上這樣的食物質素, 真令人失望,

剛開業時試過午餐，覺得一般，因未試過早餐，故在睇戲前試試。星期日上午約十時半，都差不多座滿，但見剛有張檯及只有三人在買嘢，想必不用等太久，故便排隊買早餐，首先落單都頗慢，等了些時間，買完嘢拿了號碼牌回坐位等送餐。因本人都幾趕時間又坐得幾近收銀出餐位，見送餐得兩人，而且餐廳坐位不是一眼睇晒，有時見送餐的轉來轉去揾號碼都幾花時間，加上送餐，執檯，幫坐著的客人拿紙袋，餐具，茄汁...等都是這兩個，在星期日真是不夠人手。換言之，出了的食物就放了在收銀旁，好聽D成為落緊order的客人嘅樣本，唔好的就好不衛生，不同人在你份餐前噴口水，建議可給客人選自取，或揾蓋遮住食物，最後我估份餐到，加上趕時間又冇人送，自己走去自取算了。兩份早餐跟咖啡，食物真係好一般，上圖的蕃茄是乾的，入口冇水，炒蛋過熟較乾，茄汁豆暖暖的，食味一般，腸仔算幾好，不太咸，牛角包夠脆有牛油香!另一份蛋沙律牛角包，牛角包同樣香脆，生菜也新鮮，蛋沙律比較淡，食落感覺不到蛋黃的香味，比Delifrance瞬息!如此質素，本人覺閒日來好些，因為環境好D，平日少人清靜，彌補食物質素的問題。

家住屯門的hea熊*, 聞說在屯門開了Super Sandwich, 便一直想來一試.上網一search, 誰知search到官網, 竟然還有e-coupon可下載! 只要列印便可使用一去到, 原來店面只佔一個角落, 不過早到吧, 人流不多不用等位.用了coupon, 原價好像是$5x/6x 的set dinner, 現在只需$43  一set 包括一個意粉, 一杯咖啡或茶, 一客酥皮湯.用e-coupon 不能選其他意粉, 只有這個, 不過對我這個不是食肉獸的人來說是沒有問題的.意粉份量適中 (很不喜歡有些高級餐廳只得一小撮, 不夠我吃 這個ok!), 不過賣相有點像普通茶餐廳的吧? 味道正常. 很久沒嘗酥皮湯了! 不錯, 很濃郁, 飲完飽了 男朋友沒有用e-coupon, 單點了這個肉醬意粉.個人認為肉醬意粉比較好吃, 可能是鮮雜菌意粉太清淡的關係...肉醬意粉一向比較濃比較入味 整體來說, 用了e-coupon 抵很多, 環境也算舒適, 會再來的 

Super Sandwiches 新開的 屯門分店 ，一於黎試下先〜星期日晚飯時間，店內坐位都算多，很易便找到位坐〜排隊俾完錢會有員工拎過黎位俾你，食物熱辣辣，真好。我最喜歡食焗薯，所以叫左個焗薯套餐。碎蛋沙律+蝦沙律(酸味沙律醬)焗薯配番茄沙律(芝麻醬)本來套餐跟湯或咖啡茶。但我加錢轉了凍鮮奶咖啡，不過味道很淡。另外，我覺得可以增加焗薯及意粉的款式。

過往在屯門市廣場要吃"西式早餐"就只有在大人樂或大手指這類餐廳，早前DELIFRANCE的回歸我已經很高興，跟著6月的時侯發現有另一同類型的餐廳進駐，竟然是我多年來都好想在屯門有分店的利華超級三文治店。過往我都有吃過利華的早餐，但次數甚少，念念不忘是薯仔粒，炸過後不算油膩，入口粉嫩亦充滿薯香。奈何地點始終不就腳，只有從記憶中回味...不過日後都不用得個想字了，要吃就去吃，開心。人客先在收銀處買餐，之後便有人送餐。店子格局分開了兩邊，接近收銀及出餐處有三排位置，不過近廣場通道加上大家樂在旁邊關係，是會較嘈雜。行多幾步，裡面的位置會闊落得多，裝潢實而不華，我最喜歡中間長木枱配木滕椅，旁邊有兩組疏化，而在玻璃窗前都有一排坐位。曬曬早上的和暖日光，聽聽店內播放的純音樂，看看店方提供的雜誌(好彩有本地貨色)，悠閒地來一個充電早餐。早餐款式真是多到目不暇給，又要選擇困難了﹗店方現正推廣的英式早餐相對下的價錢是最貴，不過配搭很是豐富，例如貌似全日早餐是$69。有部份是預設的款式，不過也可以跟個人喜好自選兩或三併，整體上這兩個形式的早餐價錢算是相宜，而跟餐的配料是可以加錢換來換去。個人覺得較特別的有窩