One More Hotpot 來一鍋 (Closed)

天氣開始慢慢變熱，但係仍然不減我嘅邊爐「慾」！哈哈！見openrice咁多好評，今晚去左銅鑼灣one more hotpot打邊爐，平時成日行過鵝頸橋，都唔覺原來果頭有間火鍋㖭！之前一早扒左文，知道係半放題嘅形式，兩個價位分別係$368同$288，最主要係$368有海鮮拼盤而$288無，湯底選擇都有少許不同，上網見到其他食客嘅相，個海鮮拼盤款式好多望落去好新鮮，就揀左$368個餐。呢度係限時兩個半鐘，比起坊間大部分放題個半鐘或者兩個鐘嘅時間充裕好多，可以放心慢慢食慢慢傾，最岩成班朋友黎吹水食飯。清清地揀左個卜卜蜆白肉冬瓜湯底，一般放題個湯底都係無乜「料」，一心以為都係比幾舊冬瓜幾粒蜆肉就係，點知一黎就有驚喜，湯底超足料，可以話足料到一個程度....唔係好打到邊爐，因為一開始嘅時候冇乜位淥到野食！一大圈冬瓜，加上大量豚肉片、蜆肉、番茄、洋蔥同埋蟲草花，超豐富，味道亦唔錯！配料方面，每兩位包一碟西班牙豚肉或者手切安格斯牛頸脊，另外仲有一個海鮮拼盤、手打丸、自製餃子、即炸響鈴、魚皮等主菜係斷位上嘅。除此之外，仲有幾十款配料、粉麵飯任食。果汁汽水，仲有紅酒、白酒、啤酒任飲！白酒係法國南部嘅酒莊

今晚去咗銅鑼灣搵食，朋友仔話想去鵝頸橋附近間one more 來一鍋開餐，咁就唔好諗咁多，一於打爐啦！湯底叫咗個印度椰子雞，湯底極重椰子味，又甜，還有好多紅杞子夠滋潤主角出場啦！嘩嘩嘩！新鮮海鮮盤，包括有大蝦，鮑魚，青口，帶子，蚌，蜆等等，視乎當天店內供應！勁新鮮！肉類要咗一碟手切安格斯牛頸脊肥牛片，好香肉味，滑夾軟大大件炸魚皮，湯勺咁長嘅炸響鈴，卜卜脆，正手打丸都有三款，包括芝心牛丸，豬肉丸和墨魚丸，好彈牙！餃子又有三款，釀豆卜，冬菇！自選配料就選擇咗午餐肉，冬菇，花膠，牛骨髓，蜂巢凍豆腐！極力推薦蜂巢凍豆腐，好好味菜類就叫咗兩次皇帝菜，新鮮，甜！任飲飲品有以上咁多款，紅，白酒都係，鍾意飲酒的朋友啱晒！甜品係朱古力心太軟，味道不太甜，正今次食咗海鮮火鍋，下次要試下藥膳火鍋套餐

同fd 試新野，今次係銅鑼灣樓上鋪打邊爐要咗鴛鴦鍋，一邊花膠雞豬骨湯 ，一邊係四川麻辣鍋花膠～～要咗 三百幾的海鮮餐，基本上大部分都係任食，只有小部分唔係紅酒、白酒、啤酒同汽水任飲坐低冇耐已經上咗個大大o既海鮮拼盤！ 有鮑魚、象拔蚌、貴妃蚌、扇貝、蝦！ 份量都唔細！ 好新鮮！肥牛雪花分佈都幾靚，食落口有牛味同油香有d手打丸同手工餃、雲吞等，餃皮薄，幾好食。雲吞係鮮蝦雲吞好大件炸響鈴！ 第一次見～ 特登搵罐汽水表達下d響鈴有幾大～炸魚皮都好大塊！特長蟹柳！！！ 我係蟹柳精～呢種係有質素ｏ既蟹柳～　平時超市買都唔平～　我食咗好幾條～哈哈～滑牛同鮮魷，滑牛夠嫩滑食到停晒手是，店員問我地食唔食甜品，原來甜品係朱古力心太軟～估唔到打邊爐有心太軟食～

我同朋友K基本上成日都見面，見親面都好多嘢傾，呢晚我哋又見面去打邊爐！之前朋友推介過呢一間，但係因為要過海我拒絕咗，今次我同朋友仔都咁啱要過海，所以就嚟試吓啦！每位＄368就可以任飲半任食，點解我會話半任食呢？因為有部份嘅食物相再加係要另外俾錢嘅，好似海鮮類咁！首先揀咗湯底，我哋就揀咗冬瓜白肉卜卜蜆湯。估唔到都幾多蜆，不過就吐唔夠沙，有一兩隻有少少沙！送上嚟嘅前菜都好好食，有啲拍青瓜同埋木耳咁呢個魚皮係我喺出面打咁多邊爐食過其中一個幾好食嘅魚皮，好新鮮脆卜卜！呢啲安格斯牛肉都好鬼正，肉味好濃！除咗因為我本身唔食鮑魚之外，其他啲海鮮真係超正！每樣都係非常新鮮，我就覺得個貴妃蚌同啲蝦都好好味，朋友仔食到舔舔脷！另外都有一啲手工餃子同埋手打丸，係幾有heart嘅，唔係出面交貨嘅餃同丸。其實食完第一round嘢，我哋都已經好飽！店員同我地講仲有個甜品，原來就係心太軟，細心在佢係細細個，食啲甜品滿足下又唔會太飽！呢度全部嘢食我哋都覺得好唔錯，而且服務態度好好，我應該都會再嚟啊！

鍋底揀咗花膠螺頭雞鍋足料到住家湯咁！花膠大大隻 😋 雞都落咗好多海鮮出乎預料地高質 👍🏻全部都好大隻同新鮮大蝦、鮑魚同扇貝都勁好食剩係呢盤海鮮都值回票價～手工丸、釀豆卜同釀冬菇都整得幾靚深色嗰粒係手工流心芝士丸，好特別，哈哈啲 size 唔係好大，所以多款都一樣食得哂水餃嗰啲都好食Prime Grade 手切安格斯牛頸脊肥牛好正！切得較厚，牛肉味幾正老公食得勁快手 😂另外點咗啲豬肉片同羊肉片～雖然係任食，但係都擺得好標緻羊肉好好食，濃味不過唔羶雞子係酒浸雞子嚟㗎食嗰時一咬開爆香酒味如果唔怕食雞子真係要試試！魚皮同響鈴都係即炸，好脆個響鈴仲長過我前臂 💪🏻紅酒、白酒同啤酒都係任飲，啱哂我老公隻啤酒係韓國啤，紅酒幾好飲甜品有朱古力心太軟，流心程度都收貨嘅 🤗朱古力夠濃郁，都算幾好食

心水邊爐@來一鍋銅鑼灣堅拿道西10號冠景樓2樓A舖打邊爐講究湯底，來一鍋有幾特別架湯，更有藥饍湯幾養生正氣，其中花膠螺頭雞鍋女生必點。會先在打邊爐前喝上碗，食些雞肉，湯好鮮甜，有藥味帶當歸甘，半隻雞同勁大塊豬肉，只叫它已不用點其他肉了講返呢間店是做任食，每位$368，有2.5小時享用美食，基本肉類如牛豬雞都供應，而每兩位就會有碟高級的手切安格斯牛或黑毛豬。想食較特別海鮮就要額外加錢點了。另外$368 套餐仲有盤海鮮，高級的鮑魚、大蝦，扇貝、蜆,鍾意食海鮮架人就係忍唔住唔升級前菜是四川麻辣木耳同手拍青瓜，兩者都係低卡，爽口開胃。而跟人頭上的第一盤指定邊爐配料，當中有雲吞、韭菜餃、水餃、豬肉釀冬菇，墨魚豆卜、丸類及魚皮響鈴，不過我不喜歡指定了，太多吃不下這就變成浪費了。手工做見出誠意，絕非街市買回來機打的，餡料實在塞到滿，吃一兩個都開始飽。蔬菜點了超多，皇后菜 金菇，油麥菜，西洋菜，蘿蔔片，秀珍菇等等，豆腐，大量鮮蔬菜任點，肉菜加起過40款啦紅酒白酒啤酒汽水任飲架，有酒精類會更吸引呢！食完原來仲有甜品架，雖然不是主角味道合格。邊爐湯底有綽頭，養身美味，配料仍見有心思演準，非一般任食邊爐質素

我地既鍋係干鍋黎, 好似炒野咁, 但係非常之香~我叫左湖南香辣牛坑腩干鍋,黎到時味道已經係十分香,服務員仲會好耐心教我地點樣去煮野食,入面本身既牛坑腩已經好正, 加小小香辣汁 我覺得好好味.辣度可以自選no problem~我自己印象最深係個湯底到~ 你地可以試試海鮮係十分之新鮮, 味道可以食得出個鮮味係到,配合埋湯底既小小辣 十分野味, 但係我覺得辣度唔夠我選左小辣, 下次會點辣小小~永遠打邊爐我覺得最好食都係angus, 因為肉味比較濃,唔太洗點醬料都好好味,而口感又唔會過肥或過硬, 口感係軟得黎脂肪不算多, 所以岩岩好和牛都ok既 但係比較油, 個人喜歡angus多d, 只係個人口味既問題.其他配料只係隨意叫叫, 但呢到既獅子狗係有芝士係入面個d, 蟹柳都比普通超市買個d好食好多 , 味道比較濃 ,整體黎講食物質素都係高的~呢隻酒水果味比較重, 酒味唔算濃, 比較清小小鮮甜味,呢種味多數比較受女士歡迎.反而醬料比較少我覺得, 我自己比較中意食辣既個d醬料 , 因為火鍋入面混醬都係一種特色黎, 呢到既醬料比較少 難混d.

任食兩個半鐘火鍋！👍🏼😋主要分左$288(藥膳火鍋) 同$368 (海鮮火鍋)，兩種都有85折~我揀左$368餐❤️ 湯底有辣有唔辣，因為我唔食得太辣，所以揀左花膠螺頭雞湯~ 首先有跟人數上既海洋拼盤😍 有青口，扇貝，鮑魚，象拔蚌，海蝦...好豐富！之後個響鈴嚇親我！好大碌呀😳😳😱😂有部分例如手切安格斯牛頸脊肥牛(例如手切安格斯牛頸脊肥牛)食材係跟人數上~之後最基本既普通肥牛等等，當然係任點啦！連飲品都係任點😍除左汽水類紅白酒啤酒都係任飲🤘🏼另外仲有驚喜係每人甜品有一個心太軟！細細件，但入面超流心，都幾好食❤️

個胃唔舒服左成個月，終於好返喇！終於急不及待可以打返個邊爐！呢間火鍋留意左一排，係鵝頸橋底好易搵，樓下門口有個閘，原來行左邊樓梯先啱！上到去有D似之前去過另一間係同樣係銅鑼灣既火鍋店格局，有好多檯有大房亦有卡位～呢度晚市打邊爐有2種價錢，有$288/$368，分別首先湯底既選擇已經好唔同，有卜卜蜆湯、牛坑腩干鍋、四川麻辣、海鮮鍋等等係貴啲既套餐先有，$288套餐主要係藥膳湯底，不過2款都係酒任飲！當然差$80有海鮮梗係毫不猶豫揀海鮮啦！想食清D，麻辣暫時忍一忍口，於是揀左花膠螺頭雞濃湯！食住前菜 - 拍青瓜 & 涼拌雲耳先！當全部食物陸續黎到既時候，都覺得幾豐富！海鮮拼盤大大盆咁上檯，呢度有4款海鮮，每人每款有一件，今日無生蠔，就多左一款貝類！當中有海蝦、扇貝、鮑魚、青口等等，最鐘意食既係其中既海蝦、扇貝、貴妃蚌同迷你象拔蚌，好新鮮好彈牙，係冰鎮上檯既添！跟住黎左手工丸類同埋釀冬菇、釀豆卜，水餃雲吞等等，賣相都好靚，雲吞細細粒，好滑，手工既墨魚丸同豬肉丸都好彈牙！肉類有2款可以揀，當然都係升級左既手切安格斯牛肉或者西班牙黑毛豬，十五十六都係揀牛肉，因為靚既牛肉肉質真係差好遠，至少唔會u

小妹的生日飯，所以決定與一衆好友來大吃一頓！有兩個任食的menu, $398就包好多海鲜，有大大隻鮑魚，貝類海鮮同蝦。湯底兩個menu有唔同，個人認為$398嗰隻多好多選擇。所以大家都揀了同一個餐。其他的食物選擇好多，有牛骨髓、鴨血、鵝腸呢啲比較少有的食物，大部分食物個size都好大件，好似響鈴和蟹柳。啲花膠雖然滾極都好硬，不過任食都算係咁。不過服務人員太忙，好似唔夠人serve咁。最後送上的心太軟好好味，一定要留肚食呀！

香港愈黎愈多打邊爐放題嘅餐廳，想搵間價廉物美、環境舒適嘅，莫過於呢間位於銅鑼灣鬧市嘅「來一鍋」。order咗晚市海鮮火鍋套餐，非常豐富，望見都流哂口水。放題一定唔少得任飲罐裝飲品，呢度仲可以飲埋白酒紅酒。食過唔少椰子雞煲，而呢個印度椰子雞鍋俾我好深刻嘅印象。印度椰子嘅香味非一般嘅重，湯滾之後，香氣撲鼻而來，煲成嘅湯亦好濃郁。時令雜錦海鮮拼盤有大大隻鮑魚、象拔蚌、貴妃蚌、青口、扇貝、大蝦，呢個時候配白酒Domaine Montrose Viognier，清新果香可以襯托出海鮮嘅鮮甜肥美。另一主角，手切安格斯Prime Grade牛頸脊肥牛片，色澤紅潤, 肥瘦適中。淥一淥，口感嫩滑，配埋紅酒Domaine Montrose Rouge，實為一頓味蕾嘅饗宴。手工製作嘅系列都別出心裁：細細粒墨魚丸、豬肉丸、流心牛肉芝士丸、墨魚釀豆卜、韭菜餃、羊城水餃、獅城雲吞、豬肉釀鮮冬菇。大大塊胡椒魚皮、大大條即炸響鈴，脆卜卜，好過癮。其他火鍋配料水準都唔錯，份量足，任食食到非常飽：爽口鵝腸、蜂巢豆腐、羊肉片、蟹棒、黑豚腩片、肥牛、豆腐、花枝片、雞件、滑牛、皇帝菜、唐生菜。一間好嘅餐廳當然要注重食物嘅質素，

幾個同事終於能夠抽空一齊食飯, 酒鬼既佢地每次聚會都黎不開去酒吧, 但對於唔飲酒既我, 雖然酒吧都有不少美食, 但往往未能給我食個痛快! 幸好早排有親戚介紹銅鑼灣有間海鮮火鍋任飲任食, 當中仲有啤酒同紅白酒任飲, 於是我提議大家今次聚會前去試試。呢度既火鍋分兩個價錢, 不同之處就係湯底同埋海鮮之分, 最後我地當然食豪少少揀左個海鮮套餐既價錢。平日晚餐廳人流不多, 設部分卡位, 坐得又幾舒服。先自行混醬, 飲品方面以罐裝為主, 紅白酒自行跟店員ORDER我地揀左個鴛鴦鍋底: 冬陰功海鮮鍋 併 胡椒豬肚兩款湯底都非常足料, 特別係 冬陰功海鮮鍋, 入面有好多隻蝦、青口同埋各款香料,兩款湯底味道極濃, 加湯後味道平衡一點每二人可選一碟牛/豬, 只是限定一碟, 手切安格斯Prime Grade牛頸脊肥牛片色澤鮮紅, 牛脂分佈平均, 很鮮嫩很有驚喜的魚皮跟響鈴, 超巨形, 而且是即炸, 非常脆, 就咁食都得, 響鈴更是鬆脆無比, 陣陣豆香味海鮮為每人份量計, 只限一次性order。包括有鮑魚、扇貝、象拔蚌、貴妃蚌、青口、大花甲同埋海蝦,鮑魚跟貴妃蚌鮮甜味最為突出~手打丸、釀冬菇、釀豆卜但手打丸太

今晚收工同班friend子去打邊爐幾個人都鐘意想搵啲高質又坐得舒服既地方打邊爐就有人提議去來一鍋上到去都幾大間幾舒適，紅白酒同其他飲品仲要任飲我地紅白酒都叫左枝試味，兩枝都幾易入口湯底+$68要左鴛鴦鍋，一個麻辣一個花膠雞辣得黎又夠哂滋補海鮮好大碟好豐富當中我覺得貴妃蚌同扇貝都幾彈牙兩個人可以選一碟安格斯牛/豚肉每樣要左一碟兩樣都好好食 切得薄薄地好快就熟而且兩樣唔會太肥 雪花分佈均勻果然高質！仲有好多丸類同蔬菜，應有盡有值得一提既係佢既魚皮、蟹柳同響鈴都係好長好大條，用黎打卡一流最後last order既時候staff仲問我地要唔要心太軟女仔永遠都有第二個胃食甜品心太軟剛剛焗起，入面係流心既Size唔係好大，打邊爐食到咁飽食就剛剛好飲飽食醉既一晚，盡興而歸

呢排天氣飄忽，見最近又涼返少少，便向朋友提議打邊爐，坐得耐啲唔使急著食。今次揀咗銅鑼灣嘅 one more 來一鍋，喺 times square 隔離幾方便～先有調味料六款同前菜 — 麻辣木耳同手拍青瓜，因為實在太多選擇，我地揀咗好耐都未揀到，店員見狀便過嚟同我地介紹每一款鍋～最尾揀咗唔辣嘅圳冬瓜白肉卜卜蜆鍋，食得清啲，估唔到有咁多蜆，一路搏命食食到最後都仲有，仲有蕃茄洋蔥等其他蔬菜料。呢度嘅其一特色係可以配免費紅酒白酒，都算唔錯，冇乜平時啱啱開酒嘅刺鼻味～店員仲好貼心咁俾咗個冰桶我地雪著支白酒。呢餐嘅其中一個賣點係主菜入面嘅海鮮，有成七款，而且全部都大大隻，用冰雪著保持新鮮。主菜仲配響鈴、炸魚皮、手工配料、肉類。響鈴超大條！兩個人食要不停切半再切半先食得落～肉類選配肥牛片，有好多塊，亦唔算好肥。自選嘅配料好似啲 high tea set 咁排成幾層咁送上，同時可以慳位～雖然大多係火鍋嘅一般配料，但食埋主菜，份量都唔少。原來套餐都包甜品，係心太軟！打邊爐食咗咁多都好飽，呢份甜品細細粒咁唔會好滯又可以滿足下個甜品胃，流心嘅朱古力唔少，味道就比較甜。另外，這裡正推出八五折優惠，再加每人$1

海鮮半自助火鍋 近年好盛行 但質素、價錢好參差。同事話帶我去銅鑼灣 鵝頸橋附近一間中價邊爐 紅白酒任飲 嘩 即刻去啦 紅白酒任飲～ $288藥膳套餐 / $368 海鮮餐 識揀梗係揀海鮮～ 海鮮拼盤 人頭計～ 有大蝦 貴妃蚌 象拔蚌 鮑魚 青口 扇貝 生蠔。全部都唔錯 幾新鮮 特別是大蝦 扇貝 鮮甜爽口彈牙 鐘意食海鮮既朋友唔好錯過。特色湯底～ 冬瓜白肉卜卜蜆鍋。店員拎黎既候 我都嚇一跳。冬瓜厚切一大件 白肉和蜆好多好豐富 仲有蕃茄紫洋蔥等既配料 足料到淨係食呢d餸都飽。即炸響鈴 太誇張。成枝酒咁長 好好味 豆香味濃 又夠脆口～ 安格斯牛肉 yummy 高質牛肉 入口有種即溶感 肉味夠香～唔夠皮既朋友可以再任點肥牛！誠意手工餃子 丸類 絕不欺場。餃子細細隻 但餡料好正。墨魚滑夠曬彈牙 特別喜歡釀冬菇 冬菇juicy 配豬肉 幾得意。其實仲有好多火鍋配料任食 只是太飽 只可以order到蔬菜類 要一讚既係 菜類新鮮仲要多款式。最後仲有即制心太軟 真是太豐富了嗎～