一條腸粉 (Closed)

行經旺角，見到一條（X粉）腸粉，見入不多就入去試下，看看餐牌有點心類，汕尾小食，潮式腸粉同特色撈飯，因不太餓只叫一碟腸粉，自選餡料揀咗蠔仔，牙菜與廣東腸粉做法不同，食落感覺冇廣東腸粉咁滑，蠔仔也不算多，沒有預期般好食，下次試其他吧。

行完金魚街， 補給左大量物品。 真係又攰又餓。見倒條粉腸， 丫唔係， 係一條腸粉先岩。 睇大圍頭， 試下就試下啦。   一坐低就拎菜牌同筆tickticktick,聽員工講 聖子王腸粉好好食就試下。 一試不得了。 好大隻嫩嫩既聖子係佢新鮮即磨即煮既潮式腸粉上面。 先知道， 原來海鮮同腸粉係咁夾既！ 雖然唔係咩特別野， 不過佢個手打牛丸真係好好食！ 勁彈牙又冇雪味， 我地仲翻叫左成3碗。 跟住佢有樣野叫「扁實」 睇返介紹， 原來係雲吞既一種， 不過d肉特別打到爛晒易入口。 個餡好足料！係咩黎， 都係睇相自己睇介紹！佢個巨形魚蛋同獅子頭， 各有好處。 一個就彈牙， 一個就啖啖肉， 真係唔知邊個好d, 食晒佢算。 個馬餃魚丸， 睇落聽落都冇咩特別， 係一咬落去就好香魚味走出黎， 但一d都冇魚腥味。 送酒一流。 其實仲有叫炸饅頭啦燒賣呀蝦餃之類點心。 都好熱即蒸新鮮， 但都冇佢地汕尾小食咁特別， 自己去試下就唔洗介紹喇。 到最後都係忍唔住， 個潮式腸粉太好食， 所以翻食左個元貝腸粉。 真係飽晒！ 好滿足！

前排同朋友去旺角行街，見到一間以石蘑米槳腸粉為招來既餐廳，仲要係潮式。一般好多人以為潮式食品離唔開滷味，冷燻。其實仲有一種係腸粉。廣東點心主要係布拉腸粉，用布製成的拉腸更爽滑，但是也更費時費工夫。但係國內出現一種抽屜腸，抽屜腸操作方便，出品比較快。就係今日我地食既主角之一啦！簡單既裝潢，店內有一部自動磨米槳既石蘑，我地親眼睇住個員工放米加水去磨米，果然童叟無欺。坐底後有一塊簡單既餐牌，價錢相對較低。以下就係今日食既野～潮式腸粉 皺皮腸粉，因為始終唔係布拉，但係出品快，所以好快有得食。味道幾鮮，中間有蟶子，蛋皮。改變左我對腸粉一貫認知，夾既時間係要花少少時間，不過係好香米香，皮算薄身。大家不紡一試！手打牛肉 牛肉配以清湯呈上，咬落爽口彈牙，肥瘦比例平均，帶有菇香。絕唔係機械所制，因為粒粒大小雖則接近統一，但始終人非機械，當然有大小之分。清湯味道清甜，如配以麵食更上一層樓。手打馬絞魚肉 馬絞一般以鹽醃做成鹹魚，新鮮打成魚肉，做成魚膠，魚肉以煎方式烹飪的確少見。所以眼見餐牌可點，咁當然要一試，味道帶鹹香，幾彈牙。配以附送既辣椒醬醮點，味道更為惹味～值得推介海豐扁實 扁實即是廣東話口中既細蓉，

收工好肚餓，係旺角呢個不夜城，半夜三更都好多野食！本身想篤魚蛋，但見到呢間「一條腸粉」開到凌晨五點就坐低左試一試，佢主打即叫即蒸既腸粉，可以自選配料，仲有即叫即蒸既點心！我同朋友一人叫左一個腸粉，再叫蝦餃燒賣同巨型手打魚蛋同炸饅頭配煉奶！唔洗等好耐，腸粉已上檯！我叫左生菜、叉燒、菜脯粒、冬菇同雞蛋！腸粉熱辣辣仲好滑！啲配料好夾！「炸饅頭」炸得都幾好食夾煉奶一流！「巨型炸魚蛋」好好食，好有口感，係潮式既魚蛋！之後到啲點心，店員告知蝦餃賣哂，咁就食改左做菜苗餃！因為即叫即蒸，等左十分鐘左右！上檯熱辣辣都不比茶樓遜色！下次收工又係旺角都會再黎食！

呢間一條腸粉，好似好出名。專賣汕尾名菜，仲話有30年專業做腸粉嘅經驗，成部磨米漿機放咗喺鋪頭，每條腸粉都係即叫即製，而且有好多配料可以配搭，加上操濃厚鄉音嘅姐姐駐守鋪頭，好似真係好正宗咁。我叫咗個海豐扁實湯，潮式腸粉配豬潤同冬菇。海豐扁實湯入面嘅扁實，其實係汕尾style的雲吞，不過個質地係似豬肉膠多過碎肉。個湯係冇味，扁實有小小甜，整體好一般。腸粉食嗰下真係好期待，點知...哇個腸粉皮又冇米漿味，啲冬菇就酸嘅，豬膶就腥嘅，請問發生咩事？😂😂😂 醬油都好一般，唔係咩好味嘢。同埋配料係分開放上去，唔係一齊蒸...唔通汕尾係咁嘅？一夾起啲配料就掉晒出來...又難食...我寧願食海皇粥店個蝦米腸都唔食呢個😂😂😂完全唔明點解會有人覺得好味😭🙉

旺角街頭，人來人往，卻偏偏被呢個招牌所吸引，一個好地道又貼地嘅名字，再睇睇大門，原來係食最近潮流嘅皺皮腸粉，又咁岩到晚飯時間，即時作出決定，就係呢到食晚飯啦。 店內裝修平實，門口放左一部大大嘅石磨機，牆身貼滿汕尾菜嘅介紹。香港是美食天堂，汕尾菜對我黎講係一個比較特別又少接觸嘅菜式，今日可以大開眼界喇~~~食物係即叫即造，要耐心等等可重用的落ORDER餐牌，慳返D紙~~~~招牌潮式腸粉，$20起，生菜、芽菜、粟米可以免費揀一款，再按自己口味加其他配料，唔同配料唔同價錢，由$4至$30不等。冬菇+粟米腸粉 $24先來一個清新素食配搭，冬菇及粟米都好有咬口，雖然係皺皮腸粉，但腸粉質地好嫰，帶有香濃米香，入口軟滑，而且配料好足，絕不欺場。蠔仔+原隻聖子腸粉 $60再來係海上鮮配搭，蠔仔Size雖少，但份量足，啖啖都可以食到蠔仔，聖子雖然只有一隻，但Size尚可，食落鮮味十足，配埋甜豉油，將鮮味提升不少。手打牛肉丸 $36唔好睇佢似普通牛丸，但平時食嘅牛丸肉質死實，但呢到嘅牛肉丸，唔單只結實、彈牙，仲真材實料，有好香嘅牛肉味，唔洗再加其他配菜或汁料，簡單跟清湯最能特出真實味道。汕尾菜茶(湯) $

今日嚟到一間潮式鋪頭，叫做一條腸粉，梗係要食腸粉啦！☺️佢係皺皮腸粉嚟㗎，可以按自己口味任搭配料，選擇好多！我見隔離枱有人叫咗幾款肉，好誇張🤣🤣腸粉用石磨米漿咖，仲係即叫即製！腸粉食落幾順滑，伴隨陣陣濃濃米香。1️⃣我叫咗潮式腸粉+$0粟米🌽+$8牛肉+$4冬菇冬菇味好重，粟米甜，不錯👍🏻2️⃣潮式腸粉+$0生菜🥬+$10蠔仔+$4雞蛋🥚蠔仔都幾多，生菜夠清爽，腸粉配雞蛋冇得頂！3️⃣汕尾菜茶$42好有特色嘅一道菜，佢由唔同嘅蔬菜撈埋，仲放咗好多鹹香蝦米、乾魷魚🦑、臘腸等等，仲有脆花生啊，個湯飲落都幾清，健康之選☺️4️⃣海豐小米$16質感好有趣，佢嘅味道似曾相識，家鄉菜嘅感覺😋豆漿(跟餐$8)津路烏龍(跟餐$12)

潮州打冷就食得多， 汕尾菜就真係無咩概念。朋友報料話近期旺角有汕尾美食， 就去八個究竟啦~ 係人來人往的旺角道，鮮明既招牌容易找到。 入到店枱與與之間都有距離，唔會好迫。見到有部石磨就梗係要叫腸粉啦~~~ 冬菇粟米腸粉 $24 配料充足，腸粉軟滑，加上甜豉油同蔥花，呢個屬於清清地腸粉系列。 蠔仔原隻蟶子腸粉 $60 呢個屬於鮮味腸粉系列。蠔仔唔算大，但係量夠多，遍怖整碟腸粉，加一大大隻蟶子，鮮甜味美。 海豐扁實 $28 初初唔知，仲以為佢係魚皮餃，哈哈哈~~~ 皮薄而滑，輕輕一吸就已經順入喉嚨，如絲一 般滑。肉餡唔實，同樣滑軟，帶著肉汁，味道唔會太鹹。 汕尾菜茶 $42 信義妹最期待係呢個菜茶，因為唔係度度食到，同埋係朋友口中係特式菜，真係想一試風采。果然無令我失望，內含多種不同的菜，炒米，花生，再配上濃濃豬骨湯，份外鮮甜。菜茶仲有肉丁，蝦等增添香氣同味道。 手打牛肉丸 $36 牛肉丸彈牙可口，入口帶有肉汁，咬落鬆軟。算係牛筋丸的粗糙，令到口感提升。沾上辣椒醬味道更佳。 食咁多野就梗係要搵搵廁所，廁所乾淨企理，值得一讚。唔會濕轆轆，亦都唔會有異味。食店滿有愛心，每日會有限量腸粉送俾

有次唔舒服又想食少少野落肚，經過位於旺角既呢間一條腸粉就比佢既香味吸引左入去，鋪頭唔係好大但好有香港小店既味道係入面！入面仲為左我呢個乜都唔識既港女，介紹左乜嘢係汕尾菜添，我唔係咁舒服所以淨係嗌左佢既手拉腸粉，仲加錢加左蛋同菜脯添。由於佢係即叫即整所以上台既時候，腸粉既蛋香味湧晒上黎。去到最後我食唔晒碟腸粉，佢仲主動幫我轉成外賣裝拎返屋企食添，呢啲小本經營既餐廳真係好值得我地去幫襯，有心煮野食又關心到食客既需要！

之前係大陸食過潮式既腸粉，一直念念不忘。但係香港又好少見到有得食。點知今日俾我發現到，係花園街個頭竟然有一間專食呢款既腸粉專門店😻個餐廳Logo都幾搞笑新穎，即刻入去回味一下先😄餐廳係以石磨機磨將珍珠米製成米漿，所以腸粉更加香潮式腸粉 同港式既腸粉分別在於係佢係皺皮既，唔係光滑，仲可以自己選配各式配料，每碟$20起，並配上生菜、葱等等。識食一定要配上雞蛋、叉燒😋而且個豉油係用左鹹豉油，令到更加惹味。腸粉真係好香滑😋好快就食完一碟，再叫多款先：今次就揀左安格斯牛肉配雞蛋臘肉 😄呢個配搭更加襯，臘肉夠哂鹹香，牛肉食落煙韌嫩肉。除左食腸粉之外，仲有好多款既汕尾小食或點心，飲食添🤭炸獅子頭，平時好少食到炸既，都幾好味喎。食落好香脆，沾上泰式辣醬更加好味！手打牛肉丸🍡推薦👍牛肉丸經過手打，口感非常之彈牙爽口！配埋個湯一齊食，真係好滋味！即叫即蒸點心：蝦餃都幾大粒，皮夠哂簿，而且仲好足料，鮮蝦好彈牙好多肉食🤤魚翅餃🥟又係好大粒。食落好多料，好多唔同既既配料，口感非常豐富下午茶時段仲送豆漿添😋正呀

今日6:00PM左右又經過「一條腸粉」,突然心喐喐想整番條.點知入到去店員向我推介既竟然唔係「腸粉」而係「點心」!?原來係因為今日佢地啱啱先開始點心上市.咁!!既然黎到就試下啦!!趣趣地Order一客蝦餃$26,黎到見到原來有3粒仲要大大隻,食落去皮厚度適中,最估唔到裡面d餡多到呢.食後...真心抵食過果D標榜點心專門店D咩咩蝦餃皇,有D仲要成$30先得2粒...但係味道差唔多.估唔到呢間野除左【石磨腸粉】出色外;【即蒸點心】都一樣掂以後唔駛就係得腸粉食咁齋啦^^

一條腸粉應該係因為一條腸粉這個名字吸引我哋過嚟食嘢, 好彩完全無後悔, 仲覺應該會再嚟食,特別係位置好方便, 基本上過開嚟旺角必經之路。天地一號原來係蘋果醋, 幾好飲, 又唔會太酸或太甜椰子汁這是豬隊友見到必飲的飲料, 好有椰子味XO醬潮式啫啫腸粉煎香啲腸粉加豬潤同XO醬炒煱仔上, 好野味XDD潮式腸粉配鮮蝦, 冬菇同芽菜鮮蝦夠新鮮, 冬菇野味, 芽菜爽口, 腸粉即叫即整, 正潮式腸粉配安格斯牛肉及菜脯粒安格斯牛肉夠鮮甜, 菜脯夠野味同爽口, 腸粉即叫即整, 正面猳類似湯粉, 我估用粘米粉煮, 再加上野味配菜, 如瘦肉, 冬菇, 蝦米, 菜脯, 蛋, 蔥花等等咁多好味配料, 當然好好味啦, 相信都唔駛我介紹XDDD扁實類似福州雲吞, 不過大粒些, 一塊皮包住豬肉用上湯煮, 都幾好食。東坡肉飯配送紫菜湯這味菜應該唔駛多介紹, 最重要係食入口唔會太滯, 無油的感覺, 再加埋野味冬菇攞嚟送飯正到無朋友。隨飯送好味紫菜湯菜茶食潮州菜必食的菜茶, 有好多菜, 蝦米, 冬菇, 瘦肉, 臘腸, 花生…. 又係正到無朋友XDD巨型手打魚蛋無見到巨型手打魚蛋真身, 不過炸後再切片已經有咁大碟, 相信大家

行花園街時，見到一間名字好有趣的腸粉專門店［一條腸粉]。腸粉向來都是香港人最愛的美食之一。腸粉主要有兩種:一種是布拉腸粉,另外一種是抽屜式產品；香港主要賣布拉腸粉，而國內廣東流行的抽屜式腸粉，主要品嚐腸粉的味道和醬汁調料，腸粉漿是使用純米漿為主醬汁比較豐富加入炸蒜乾蔥。曾經喺深圳食過潮式皺皮腸粉，係香港好難搵，心想這間睇來有，就入去一試。哩間係主打潮式同汕尾食物，有潮式腸粉、汕尾小食、原創特色撈飯和飲品等供應，價錢好貼地。潮式腸粉可以自由揀選配料，每碟只是由 $20 起，已免費配上生菜、芽菜及玉米。另外亦可因應個人喜好，+$4 配雞蛋/冬菇/菜脯粒；+$6 配豬肉/豬潤/蝦米；+$8 配牛肉/臘腸/叉燒；+$10 配鮮蝦/蠔仔/牛腩粒；+$20 配帝皇蟹柳/安格斯牛肉； +$30 配原隻元貝/原隻蟶子王，選擇非常豐富。招牌潮式抽屉式腸粉我哋點咗兩碟腸粉，另外再揀咗四款汕尾小食同兩罐飲品。兩碟腸粉味道都唔錯，皮薄而晶瑩剔透，加上質地柔軟香滑，入口有陣陣米香，水準不俗。真心發現推最佳配搭:粟米，雞蛋，豬肉👍🏻👍🏻👍🏻海豐扁實$28扁實（即係扁食），係汕尾人既雲吞。巨型手打魚蛋 $28炸的方

這家店給Ben爺的印象不太好， 名字改得古靈精怪， 通常這麼浮誇的餐廳應該 食物做得不好 不認真。 踏進店內，沒有招呼， 收銀員在睡覺， 剛坐下便覺餐桌凌亂不太乾淨。隨便點了一個叉燒豬潤腸粉試試看， 信心不大， 等了差不多 十分鐘 腸粉 終於出來。 賣相竟然不錯， 豬膶和叉燒都是鋪在腸粉上面， 腸粉起了一條又一條的皺紋 躺在醬汁上 熱辣辣 看起來十分美味。 用筷子夾起腸粉 不會斷開， 吃起來腸粉嫩滑 有米香 配合醬汁 美味非常， 豬膶和叉燒 都濕潤有肉汁。 腸粉按流派分主要為兩種一種是布拉腸粉另外一種是抽屜式產品；香港酒樓 流行的 布拉腸粉主要是品嘗餡料為主， 分將大部分是使用沾米粉再添加澄麵， 粟粉和生粉醬汁普遍是甜豉油。而國內 廣東流行的抽屜式腸粉主要品嚐腸粉的味道和醬汁調料， 腸粉漿是使用純米漿為主醬汁比較豐富加入炸蒜乾蔥。而且這家店所售賣的就正正是國內流行的那一種。 吃完一碟還念念不忘， 要再加一碟 蒸腸粉 只配上生菜， 並加了一客牙籤雞， 牙籤雞外脆內有肉汁一小粒一小粒的 插上牙籤方便吃。有時候人不可以貌相， 原來食肆也是一樣， 今次Ben爺真是長見識。

收工已經九點幾，平日只是食碗粉麵就回家，太過單調了！今天同事竟然介紹去食腸粉🤔，都是不錯的選擇😌！一見到個招牌好好笑，亦好深刻吧！餐牌清晰易明，全是潮式小食，身位潮州人的我，啱哂😅！潮式腸粉，配料可以自由選擇，與傳統的腸粉有分別，不會太工整，因為潮式腸粉是石磨米醬製成，所以特別香滑，而且即叫即蒸，熱辣辣😋😋😋菜茶＄42（碗）喜歡吃菜的我，菜茶必點🙋🏻‍♀️，大大碗多種青菜，加上有粉絲，魷魚，花生和米通，啖啖爽口，口感超豐富，又飽肚😅！尖椒黃燜雞撈飯＄52本身已經半飽，但是跟足食法，燜雞汁撈飯，實在惹味，雞肉又入味，食哂😌！