俺流塩らーめん (東港城)

Open Now

Now Closed

難得去將軍澳，睇下有咩新嘢試下先。老公鍾意食拉麵，就試下依間吧！我叫咗但黑蒜油熟成拉麵。其實都係衝著黑蒜油三個字而來！好鍾意食黑蒜出前一丁嘅我，好耐冇食過啦！拉麵一嚟到，果然冇令我失望，好香黑蒜味！老公叫的是紫蘇梅子拉麵。好得意嘅配答，冇咗一般拉麵湯嘅油膩感覺，多了一份清新！由於我哋都好鍾意食半熟蛋，所以另外叫多咗兩隻！哈哈另外叫咗兩款小食，依個唐揚炸雞等得比較耐嘅，不過一上枱仲係熱辣辣，應該係即係炸嘅，好香好脆！另外依個大阪玉子燒超推介！有啲後悔淨係叫咗一個！因為本來以為係普通大阪燒，點知原來入面係係半熟蛋，外面就係大阪燒！好配！又可能我太喜歡食半熟蛋啦！不過點都好，依個真係超好食！諗起都想encore

呢間拉麵店啱開張時都想試，但見到條人龍真係即時嚇到調頭走。咁啱呢日放假，襯仲有時間可以嘆個下午茶，就嚟睇下使唔使排隊啦，好彩一嚟到就有位。一坐落，就先見到有張白紙餐紙蓋住隻水杯，果刻覺得怪怪地，睇完餐牌點餐後，時間過左好耐，我四圍望好多人都好似我咁，所叫嘅野食仲未到，而門口亦開始有人龍，由三個人到有近二十人嘅人龍，最後我要等超過20分鐘，我點嘅麵先到，終於知道條人龍點解長期都咁長嘅原因。除左要等好耐先有得食之外，我所叫嘅係濃湯拉麵，個湯底係夠濃厚，而麵嘅軟硬度同我所點嘅都一樣，但係食完呢碗拉麵之後，就同朋友都覺得唔會再嚟。原因係呢個價錢要等嘅時間真係好耐，而好味嘅程度又未至於會再嚟，好彩冇加多個白飯，唔係就會覺得嘥錢。

今日同女朋友去咗坑口呢間新開嘅拉麵，嘩一去到差唔多有成20幾人排隊，我同女朋友當然唔會放過呢個機會去試新野啦。見到呢度嘅環境都好乾淨好開陽， 坐得都好舒服。我哋好鍾意食小食，就食咗佢哋推介嘅唐揚炸雞啦、玉子大阪燒、明太子芝士燒餃子，我都要推介俾大家。呢間拉麵嘅價錢唔貴呀！對比起其他拉麵店，啲小食真係一流，好食！ 我叫左一個黑蒜油熟成濃湯拉麵，黑蒜油真係好香呀！女朋友就好鍾意食嗰個明太子芝士燒餃子啦我地一定會再嚟呢間拉麵再食！

其實我都比較少食拉麵，不過今次就俾秒殺港女的"期間限定"吸引，而主角就係比較少有的蛤蜊拉麵。這家麵店都同好多其他店一樣，都可以選擇麵的軟硬、是否加蔥和筍。而醬料方面就可以自己加，檯面上都有梅子醬、柚子胡椒和黑蒜蓉。主角到啦 !!! 係鮮味蛤蜊濃湯拉麵，一隻隻的沙白蜆砌成一個層層疊，很能呃 like 呀 ~所以真係要相機食先 !!! 食食下推開 d 蜆 ... 真係嘩左一聲 ! 又真係好足料喎 !!! 平日少食拉麵其中一個原因，就係覺得可能一個面就得一片叉燒... 食食下個味就可能會寡左一 d ~~~ XDD 呢個麵就解決左呢個問題。個湯本身都濃的 ! 好夠味～有豬骨香。不過我貪心 ^^ 試埋柚子胡椒同黑蒜蓉醬。兩隻都好味，但我覺得蜆麵再加黑蒜蓉醬就變得太互搶，反而柚子胡椒有種清新 !! 同海鮮比較合拍，提鮮又夠特別。而我朋友就點左呢個一片叉燒麵(俺流味噌拉麵) ! 哈哈 ~ 呢個麵的麵身比我果碗粗身，而我偷左一淡湯來飲，都好味喎，除左味噌 ... 我仲飲到一種似烤肉果隻香味。兩碗面的湯底都好夠濃，而且都唔會話食完就好口喝 ~~ 幾好幾好 蛋控黎講我地都有追加呢兩個既 ~~~ 就係玉子大

佢哋嘅拉麵好彈牙，而且都幾掛湯，喺香港可以食到咁嘅質素真係相當唔錯。而且湯底都好香黑蒜，不過小編就略嫌鹹咗少少。而塊叉燒厚得來又唔會太肥。最欣賞嘅就係佢個玉子，雖然望落色水就爭啲，不過玉子食落就好香日式醬油味👍整體來講都唔錯。拉麵相比之下真係比上面嘅軟身D，而且冇咁彈牙，不過又唔會軟到霉咁。因為佢比較軟身所以掛湯嘅能力就爭少少，而隻湯底小編就覺得都幾特別下，小編覺得湯底隻味有少少似卡邦尼，加埋啲胡椒一齊食就更加似😂另外佢裏面嘅蜆肉真係出奇地多，真係超surprise ,而且呢隻蜆肉脹卜卜咁可愛得來又好味😍仲好鮮甜

打開FB就見到Openrice介紹將軍澳新開拉麵店，原來係都有啲名氣嘅俺流塩らーめん，見佢新張期內有蜆肉拉麵，呢個口味少有喎，就搵個晏晝去試。舖頭雖然喺商場二樓佔地亦唔大，不過完全開放式設計睇落更加開揚有空間感。雖然肯定會揀蜆肉拉麵，不過都要睇下其他口味嘅。呢度主打鹽味湯底，同香港主流豬骨湯底係兩回事，所以呢度嘅拉麵口味睇落都係走清淡路線，好似紫蘇啊柚子啊都係極少見佢配豬骨湯底呢類濃郁湯底，價錢喺香港嚟講都唔算貴。另外見到個芝士辛辣拉麵，成件事真係好邪惡。可能因為蜆係要即場煮，感覺上等候時間比一般拉麵為長。啲蜆喺碗麵上面堆咗個小山，賣相都唔錯。湯底呈乳白色，明顯佢有豬骨湯喺入面，但飲落去味道幾清淡唔覺得好味精，而且隱約飲到蜆嘅清甜，食完唔會感到口乾，我就幾鍾意個湯底嘅。佢哋用嘅蜆肉都幾大隻飽滿，大過五蚊銀，雖然稱唔上鮮甜但就好有咬口，而且蜆嘅數目亦唔少，值得讚嘅。敗筆就喺個麵底度，明明叫咗硬身麵食落一啲都唔覺得係硬身，亦都有啲鹼水味但幸好唔算強，入口又唔夠彈牙，個感覺真係覺得食緊味精拉麵個麵餅⋯同埋個湯碗做得比較淺，所以啲麵壓到好死實，一夾就成大團麵夾上到極重，夾到我手痛都未夾到一小撮

將軍澳近排開咗好幾間唔同新面孔既拉麵店，呢間位於東港城嘅拉麵店，每次都見到有好多人排隊人龍足足圍繞間舖頭一大圈， 排到電梯口， 我掙扎咗好耐先去排隊。排到一半嘅時候，店員遞上餐牌同埋紙筆，俾顧客一邊排隊一邊諗食乜，加快流程同進度，令到客人一坐低就會差唔多時間食到拉麵。 坐低之後， 就見到一張介紹店內拉麵最適合邊種調味搭配嘅教學，教導客人咩拉麵應該配上咩醬料。而我同男朋友仔叫既係熟成濃湯拉麵同埋鹽湯拉麵， 我覺得第一次試嘅新拉麵店，即使佢有特別嘅推介， 我都係會試咗佢最basic最主打既拉麵先， 試下佢嘅底細同埋湯底夾唔夾我嘅口味。因為湯底係拉麵嘅靈魂之一， 如果連最基本最主打嘅湯底都做唔好，遑論其他特別攪花臣嘅拉麵同菜式。首先試左我既熟成湯拉麵先，配料除咗叉燒，有菠菜、筍絲、蔥花、蔥白絲同埋少許柚子， 湯底呈濃濃嘅奶白色， 味道濃郁 Creamy， 湯頭帶有油脂香，撈埋柚子絲，有助減輕油膩感之外，亦令湯頭充滿香味，而蔥花同蔥白則係兩種唔同既感覺，一個偏香，一個少少辣，十分醒神，連埋麵一齊食，令到每一啖麵都充滿蔥香味。而男朋友仔嘅鹽湯就比較清淡， 但非常清爽，入口舒服，同熟成濃湯絕對係相

陪仔仔上完興趣班，直接去坑口東港城新開拉麵做午餐，等左20分鐘就入座，叫左碗「黑蒜熟成濃湯拉麵」和一份「唐揚炸雞」，拉麵口感煙韌，唔會太淋，湯底好香蒜味，炸雞有4件，每件有手心甘大塊，吃落唔乾身，好入味，仔仔話好吃，下次再黎，已簡定下次要吃拉麵

每當提起係日本過江龍嘅餐廳，大家真係會一窩蜂衝過嚟試。唔怕話你知，我都係其中一位被『過江龍』呢三隻字吸引咗過嚟。睇過佢嘅 menu，雖然拉麵嘅賣相普普通通唔算突出（除咗期間限定果幾款），親身試完包你有驚喜！『鹽湯拉麵』係佢嘅主打，必須要試下嘅。拉麵嘅精髓在於佢嘅湯底，據餐廳簡介佢嘅湯底係自家研製，飲落口就能感受得到師傅嘅用心。當然麵條嘅質感都唔能夠馬虎，淋晒就唔好食架喇，要食到最尾依然保持彈牙先算係合格，呢方面係交到功課令人滿意嘅 ～『黑蒜油拉麵』呢碗麵賣相就麻麻地啦，但勝在香口。加上隻流心蛋係正嘅，咬落去果下仲唧晒啲蛋汁出嚟添。題外話，我哋食完先發現旁邊果幾個樽仔，原來係用嚟放落湯底調味嘅。下次再試吧！

落單嘅時候的確掙扎咗一陣，究竟『芝士辛辣濃湯拉麵』定係『男盛拉麵』好呢？呢個時候望下隔離位咪得囉！橫掃一下，嚟得呢度嘅客人大多點『男盛拉麵』，仲要係人氣推介，咁又點少得我份呢？『男盛拉麵』改名真係改得好貼題，係專屬男士嘅大大碗拉麵。淨係賣相已經贏咗，好多餸丫又有叉燒又有炸雞，仲好夠份量（其實湯碗亦都幾重下）。拉麵就正啦，但飲品嘅選擇就好少，仲要大部份都係我唔會飲嘅汽水。好想佢日後可以提供埋其他特飲，等我唔駛淨係飲清水啦～可能我無叫嘢飲，埋單連加一都唔使 $100，咁足料嘅拉麵嚟講真係好～抵～食～呀！

除夕夜懶得出街，同老公落街搵野食。之前見到一田出面有間拉麵店好多人排隊.. 所以都想試下既.. 估唔到隔左幾日都仲係有好多人排到轉角... 不過二人枱都算快.. 因為好多都係一家大小去食一人一張拉麵單，都有唔少野食既，睇相先諗食咩好睇個menu .. 價錢唔算貴既都幾多人餃子幾好味，都好juicy 30 蚊有6隻我覺得都OK 呢個係玉子大阪燒($18) 我覺得好好味丫D 醬汁, 好有大阪燒既feel . 入面既蛋都有9成熟, 幾正之後佢就叫左呢個俺流男盛拉麵($89)~ 有叉燒仲有炸雞兩件. 味道係OK 既, 不過個樣就好一般... +_+" 如果佢個炸雞係分開上唔好浸落個湯度會好D..我就叫左呢個黑蒜油熟成濃湯拉麵~ (佢話係人氣..) 我就覺得還可以啦... 上面佢個湯底好味D入面既蛋~ 都有DD 流心既, 不過係冇味既.. 唔係平時食開有醬油果D.. 有D 失望.我地覺得小食好味D, 反而拉麵就好一般..仲有D 鹹LOR ... 飲左好多杯水..可能果日除夕有好多客啦, D waiter 都有D 燥底咁, 好大力放D 食物上table.. 有待改善... 

早幾日同朋友喺將軍澳東港城呢間啱啱開嘅俺流塩らーめん食拉麵，全店選用豚骨湯底，我叫左個期間限定蛤蜊濃湯拉麵，我朋友就叫左個黑蒜熟成濃湯拉麵，熟成意思即係比較濃嘅湯，首先講我碗蛤蜊拉麵，湯底比較淡唔夠豚骨味，但可能湯底用嚟烚過蛤蜊所以有少少蛤蜊鮮味，而麵就普通唔夠爽口，而我朋友碗黑蒜拉麵都係比較淡唔夠黑蒜味，叉燒一般無驚喜，玉子還好夠流心但又係無味，最慘我朋友碗麵犯左一個嚴重錯處，就係有幾條麵未煮開痴埋一齊!所以呢間唔會有下次。

去到拉麵店，除咗主打嘅拉麵菜式，小食亦都係不能忽略嘅。你要明白，一間餐廳唔可以淨係得主打菜式好味，係要有多元化嘅選擇先可以滿足到好似我呢啲咁麻煩又為食嘅客人。其實我早前已經喺其他分店試過佢嘅拉麵，湯底係值得讚許嘅，會令人食過翻尋味嘅。再次光臨反而想試下『叉燒飯』同埋『大阪燒餃子』。明知佢嘅拉麵幾大碗吓，我索性叫返碗『叉燒飯』配小食。叉燒有一片片亦有碎上，烤得幾香口但有小小乾身。小食『大阪燒餃子』一碟六隻，屬迷你版餃子，送來嘅時候餃子都被滿滿嘅醬汁同木魚花蓋住，見到已經心心眼，真心推薦呀！                                                               題外話，發現佢會大部份嘅分店都喺新界區居多，希望將來有機會開拓至香港、九龍區，咁就夠晒方便啦！

同老公去一田逛逛，出口旁新開了一間拉麵店，店舖座位寬敞，走進去向服務員點了一客黑蒜油熟成濃湯拉麵、一客俺流餃子。不須10分鐘。服務員很快送上食物。熱腾騰的湯，湯味濃郁，麵身軟硬度可選軟，普通或硬。還有一片不肥不瘦的日式义燒，一个滑嘟嘟流心蛋，簡直流晒口水。至於餃子，皮薄香脆，內有菜和肉，肉汁美味。餐牌還有其他小食，有柚子椰菜，雞肉沙律，野菜餅，最平由18元至48元，價錢不算太貴。還有丼物，用日本米烹調，看見鄰座食客也點了兩客，賣相也不差呢!