遊園

Open Now

Now Closed

我系一個見到那裡有反沙芋食就會立即去試食，我由大埔特登揸車出去食！我系電視推介而去食，因見到佢介紹如何炒糖入芋頭，所以去食！點知碟反沙芋啲糖太厚，一口咬落去感覺啲糖太厚，芋頭好似炸了才加糖醬上去，最後要用义打碎啲糖才可進食！

又再踏足西九文化區戲曲中心，對我這個吃貨而言，當然是為美食而來。開放式中庭的展亭以戲台為靈感，步入其中猶如踏上舞台的台板。今次就來到遊園．茶記吃晚餐，與戲曲中心同樣散發典雅氣息，彷如回到古時的中國。室內裝潢以古時驛站為中心概念，配以開放式庭園設計，加上室內栩栩如繪的三米高「牡丹亭」，重塑《牡丹亭》中的《遊園驚夢》場景，重現優雅古典的詩意場景。室外位置還可遠眺維港優美景致，迷人景色盡入眼簾。菜單以懷舊港式食物為主，選擇繁多，中西匯萃，呈現香港最地道的飲食文化。首創鹹檸檬燉鵝湯 $48鹹檸檬湯是潮州人夏天常飲的湯水，開胃解暑，為燉湯增添一陣微微酸香。陳年鹹檸檬香味醇厚濃郁，鹹中帶酸，鵝肉偏瘦，皮下脂肪少，就算不去皮也沒太多浮油。雪蓮子蟲草花燉竹絲雞 $45由於燉湯沒有直接受火，不容易流失水分，保留最豐富的營養成份，補而不燥，蟲草花補益肺腎，提高免疫力，竹絲雞滋陰清熱，補氣血補肝腎。湯色清澈見底，最能品嚐食材去蕪存菁的原味，裡面真材實料，喝完如此滋補的燉湯，頓時感到暖身又暖心。燒味雙拼 $128燒味向來是香港人的comfort food，雙拼款式我就自選了金牌燒鵝配招牌蜜汁叉燒。鵝皮燒得赤紅

遊園·茶記除左人氣的海量芫茜車仔麵之外，原來仲有質素不錯的潮州滷水，小菜的選擇亦都唔少。滷水鵝入味肉質夠腍，肥美的鵝腸真係好邪惡，每一條都夾著一點肥膏，但就未算非常入味。生炒臘味糯米飯用熱騰騰的砂鍋上，臘味炒得乾身香味撲鼻，糯米飯粒粒分明口感煙韌，仲要有香脆的飯焦，確實非常滋味。同樣都係用煲仔上的薑蔥粉絲蝦充滿九層塔的香味，薑蔥同粉絲吸收哂蝦的鮮味，粉絲比蝦更美味。最後唔少得傳統的潮州甜品反沙芋，芋頭炸得鬆軟，表面沾上一層脆糖，絕對係一味很花工夫的菜式。

好味，今次try 了 例牌叉燒，芫荽湯底車仔麵花膠牛筋，魚旦，蘿蔔都好味芫荽炒蛋三文治烘低凍檸茶好飲內在裝修優雅，容易找，快啲嚟試吓有車位，但露天，車位不多，如果滿左可以拍隔離商場味道4 星

假日專程開車到戲曲中心，想一試報導經常提到的芫茜湯底車仔麵。怎料因爲節日關係，車仔麵要暫停供應，實在非常失望。既然來到，就一試其他食物，叫了一碟滷水鵝腸飯，鵝腸份量很少，而且比較肥，味道只算不過不失，滷水汁亦未覺出色，有些少失望。另外點了老火湯，湯夠熱，足料，味道亦不俗。總括而言，食物味道一般，服務有禮貌，環境舒適，亦無需等候。若以茶記質素定位的話，價錢略為偏高。希望下次可以試到特色芫茜湯車仔麵。

早幾星期比電視美食節目吸引到，就嚟咗呢度要試試,因為一向對芫荽都有情意結，加上係車仔麵嘅關係,我更加急不及待要試蘿蔔又係情意結嘅食物好腍好甜五香牛筋好香五香粉味，牛筋炆到好腍爽口墨魚丸應該係自家製嘅，有一粒粒墨魚喺入面，有彈性潮州手打牛筋丸口感十足，唔癡牙，有彈性即炸響鈴及炸魚皮新鮮脆卜卜芫荽湯底顏色靚爆，味道比較濃，如果芫茜味再濃啲會更好，因為可能我揀咗牛筋，所以五香味掩蓋左芫荽味，我諗下次揀過第二樣本身冇汁嘅餸會好啲

There are so many new restaurants at XIQU centre.Peony Garden is on the ground floor and offers a wide variety on the menu from simple Hong Kong style comforts to the instaworthy green coriander broth cart noodles.The decor is just the style for the XIQU centre and they also specialize in Chiuchow dishes.They preserve their own lemons which are used in the duck soup.For drinks, had the Soda with Dried Preserved Plum & Tangerine Peel and Lime Soda.Next were the soups which I was really looking fo

中秋節前夕，再來「西九」我的中午飯堂吃晚餐，特別約了好友 ViuTV Pinky 羅沛琪，聚舊一番。同佢幾個月冇見，一碰頭就互 mean 嘴一番，全晚笑到肚痛 ：邊食邊 update 近況。先來地道港式懷舊飲品「脆脆柯華田」$30 和「鹹檸七」$38今晚我哋玩浮誇演技，「鹹檸檬燉鵝湯」$48用由潮州帶來，醃漬已 20年的鹹檸檬燉湯，具下火補肺護喉潤聲之效，立秋後的現在飲最啱，而且係食一粒就無一粒的 20年之寶：配鵝肉作搭檔也少見，味道甚似水鴨湯，潤而不燥：上次來吃過燒味，好得；今次一心想來吃滷水鵝，可惜賣哂 (建議大家預留)。改點「滷水五花腩拼滷水鵝肝」$148呢味好得 Pinky 歡心，成碟差不多被佢佔據。鵝肝粉嫩不膩，要吃：滷水汁屬偏向嶺東風味，用潮州南薑、揭陽醬油、桂皮、川椒、八角、蒜等熬製，另外我相信有加「滷水膽」，放食材滷至入味。吃此五花腩，一定要沾潮州辣椒油及白醋，貫徹風味：另外拼盤已附送鵝紅及豆腐，整整一大盤，陣容相當頂盛：互相呼應，飲完咸柑桔做的凍飲和湯，小菜也來個「咸柑桔肉排」$108味似西檸骨，卻更含蓄，甚有回甘陳皮的那種餘韻。柑桔，還是老的有深度。到 Pinky

鐘意食芫茜既朋友仔一定要黎試下啦！要到一個鐘意食芫茜既朋友真係好難，好彩我就有一個🤫。全部野食都綠色！唔洗講都一定叫晒有芫茜既野黎試！芫茜車仔面 - 就係為左呢個車仔面入去食嫁啦我地！我地叫左牛腩，豬大腸，個牛腩好食，好入味！配左黑粉絲，未試過黑粉絲以為好似普通粉絲咁咁易斷，但唔係喎，有咬口幾好食！重點係個湯底，好香淡淡既芫茜味🥳飲落去又不會很油膩🤫仲有伴上既芫茜，好新鮮！比我地食晒！煙三文魚芫茜三文治 - 原本對佢都有啲期望，但個煙三文魚味太突出，食唔到個芫茜味，有小小失望😞. .

尖沙咀新地標內又一新餐廳🍴更有兩位資深總廚坐陣，第一時間試一下！但當天去金牌滷水鵝片已賣光！唯有下次再來潮聖一下吧！在街外吃飯也想喝口湯水，點了雪蓮子蟲草花燉竹絲雞，足料又清甜，女士必愛！燒味雙拼點了金牌燒鵝配招牌蜜汁叉燒，燒鵝表皮相當香口、肉質緊實，叉燒對比下比較遜色桂花脆生蠔令人驚喜，香濃的蠔味外皮微脆，配上微甜的桂花醬汁，每咬一口都是肉！但一定要來到熱騰騰時立上吃掉，冷卻後便失去香脆口感。松露野菌雞球煲仔飯一上桌便香氣撲鼻，陣陣的松露香在煲仔上久而不散，吃下去也充滿松露香！最欣賞的是雞球都去了骨，可以大啖大啖吃！必點的手工反沙芋，吃過回味無窮！熱騰騰的芋頭外佈滿幼細的砂糖，超級滿足的！話梅陳皮梳打也推薦！飲品款式還有保衞爾牛肉汁，感覺像淡味牛肉湯，相當有趣，好不好喝即見人見智了哈哈！

※本文以用餐當日的環境、服務和食物質素為準，口味亦因人而異，文章只作參考之用。-唔知大家有無去過柯士甸站既西九龍全新文化地標傳統戲曲中心呢😬 個環境真係好大好靚！純白潔淨既設計、充滿線條既美感，仲望到維港景色🌃 當中隱藏左數間特色餐廳，「遊園·茶記」就係其中一間。「遊園」以港式懷舊茶室作藍本，餐廳環境闊落，有多款港式地道菜式選擇。特地找來多年經驗的潮菜師傅炮製拿手菜式，包括各款滷水菜式。仲有佢地出名既「芫茜湯車仔麵」都非常多人棒場。今次試左幾款菜式、燉湯同甜品。估唔到呢度仲有保衛爾牛肉汁 $22，老公忍唔住試。飲落就好似溝淡左好多既牛肉湯，好唔好飲就見人見智🙈。首創鹹檸檬燉鵝湯 $48、雪蓮子蟲草花燉竹絲雞 $45前者呢款燉湯加入左鹹檸檬去燉煮，飲落帶點鹹鹹甘甘地好似鹹甘桔既味道，頗為特別。小妹就比較喜歡燉竹絲雞湯，裡面湯料都幾多，飲落唔油，很有住家湯的味道，不錯。金牌滷水鵝件雙拼配滷水鵝肝 $148兩款滷水鵝肝和鵝片色澤對辦，鵝肝食落甘香，質感不會硬，能滲出陣陣滷水的味道，不錯；鵝片就略嫌切得比較細件，帶點骨，未能大快朵頤是有點失望。咸柑桔肉排 $108肉排肉質鬆化，帶酸酸甜甜咸柑桔

好朋友之間生日飯，朋友圈都係識食之人，所以絞盡腦汁都唔知同佢食咩好 ，又唔好太寒酸又要好味 ，咁啱見到食評家為食龍少爺推介呢間，咁就出去試吓啦！其實之前見佢好似茶餐廳咁都有啲猶豫好唔好同佢哋去，好似求其搵間茶餐廳敷衍佢哋咁唔係幾好意思 不過戲曲中心咁靚，佢哋都應該未行過嘅（佢哋住香港佢都有啲遠）唔使book 位，其實個格局都有啲似響屋企樓下食小菜晚飯。雖然佢都有啲拿手小菜仲要話俾我哋知有八折添， 店員推介嘅所有嘢我哋都有試：例如燒味啊、滷水、黃鱔煲仔飯啦，鹹柑桔排骨咁。 最後仲要食咗個西多士做甜品添幾款小菜都好食嘅，不過就未至於好大驚喜 。叉燒拼燒鵝我哋嘅食家就話一般，不過店員話係自家燒喎 ，反而個黃鱔煲仔飯食家朋友就話幾唔錯 ，仲有我最愛嘅飯焦添👍🏻其實另外店員仲推介一個蛋黃白飯魚，不過真係食唔到咁多 ！最後有位長輩心思思想食西多士，咁就陪佢地癲一次啦，因為平時我都唔係好敢食呢啲咁邪惡嘅嘢 ，一人一小件啱啱好，間唔中食下都OK嘅，不過幾位長輩就食得好開心🥳p.s 去到嘅時候仲比我撞到為食龍少爺 ，我哋曾經係同事嚟㗎，我諗佢唔記得左😅我全部都冇影相呀

💜 第一次去到柯士甸嘅戲曲中心！建築物設計都好有特色☺️之前聽過游園茶記都係因為佢好出名嘅芫荽湯車仔麵，但係今日去到發現原來除咗車仔麵，仲有好多好味嘅潮州菜式！💕重有潮州來的陳師傅坐鎮👍🏼💜 首創鹹檸檬燉鵝湯雪蓮子蟲草花燉竹絲雞兩款燉湯都超清甜，超好飲😋鹹檸檬燉鵝湯比較特別，聽說是用醃了20年的鹹檸檬🍋煲的~如果你鍾意鹹檸檬既味道，我都會推薦你試吓呢個湯☺️💜 金牌滷水鵝件雙拼潮州既滷水又係必食嘅！除咗平時既鵝件，仲有其他選擇例如：滷水五花腩, 滷水鵝腸, 滷水鵝肝, 或滷水無骨豬手~ 我今次揀咗鵝件同鵝肝！平時食煎鵝肝就食得多，滷水鵝肝都係第一次食😳食落去感覺覺得啲鵝肝好滑，亦都唔會太膩💜 懷舊鬼馬雙星第一次睇呢個名完全唔知道係乜嘢食物😂原來係用油炸鬼包住墨魚肉同鯪魚滑炸出來的!😍🐼聽到就話想試，好開心食到新嘅菜式！味道亦比想像中好！😋 亦都冇想像中咁油膩。我本身都好鍾意食油炸鬼，另外墨魚肉都好彈牙，超鍾意食呢個小菜！🤤💜 台山興哥手工黃鱔煲仔飯煲仔飯好大煲啊！兩至三個人share都得👍🏼煲仔飯入邊都有好多黃鱔， yummy!💜 最後黎到甜品啦！又係試新野既時候。💜手工反沙芋，反沙芋真係

近排戲曲中心開左呢間茶記，見有吾少Youtuber介紹，所以跟埋舊同事去試下。新張期內8折，優惠做到8月16號。芫荽湯麵個樣真係幾芫荽，綠綠黃黃，上面有吾少生芫荽。我偷飲左啖，芫荽味什有的，但個湯吾夠熱，帶不出芫荽的香味。我個花雕濃雞湯就差少少，花雕味不足，少少雞味，仲有少少酒既苦澀味。個麵我揀左台灣百年老字號手造麵，麵質有咬口，吾易浸淋，幾好食。呢度d西多切成4小份去炸，所以更香口，而且炸得不油膩，好味。腐乳砂糖多士可算係吾少人既童年回憶。我一啖咬落去竟然食到榴槤味，哈哈!

芫茜呀～～～～～芫茜～～～～～～終於見到你喇！嘩～～～好多芫茜呀😍湯底看起來好濃 飲落去有芫茜味 清清的👍🏻我選擇了台灣百年老字號手造麵、麻辣鴨血、五香牛筋 幾十蚊就食到依個質數 比起一般車仔麵真係抵食 就連湯都飲晒 正呀！依件就係花膠 好大件呀😄店員還介紹左一杯 話梅陳皮梳打水 味道不錯 可是個人口味實在太甜 加多點梳打水應該好好味我仲點左份滷水鵝肝 掂呀 切薄一點口感更佳仲有芥茉海蜇頭 好特別 配左番石榴 讚👍🏻 掛住食忘記了影相😓