Petit Deli (Closed)

一行7人來到此小店同朋友晚飯慶祝生日店鋪面積不大 當晚客人數目亦不多 唔知係唔係因為咁 當晚都坐左好耐 唔洗限時限刻交檯 岩哂一班人講唔斷氣咁吹水XD講番食物先 因為有朋友遲來 叫左個芝士薯條咬住等齊人平時唔太好呢種粗身薯條 嫌太粉又無味不過這個薯條一上檯 真係好香噴噴 芝士亦好足料 基本上食到最尾一條都係有芝士嘅 覺得幾抵食然後朋友到齊 加上問埋服務生意見 就叫左以下嘅野:蟹肉芒果他他, 一人一羹食完, 幾清新開胃水牛城單骨雞翼, 而家好多餐廳都出單骨雞翼, 可能有人會覺得無咁抵, 但我自己覺得咁樣一啖食一隻食都幾方便(尤其係把口掛住同朋友講野嘅時候)白汁藍青口配自家制麵包, 白汁味道十分濃, 除左食青口, 配埋自家制麵包撈埋d汁食, 十分美味松露雜菌pizza, 唔想太多肉就order左個無肉的pizza, 松露香氣十足而味道毫不遜色  (圖中芝士粉唔係現成野 幾有誠意)烤春雞, 內有乾坤, 有好多菇, 連埋之前pizza d雜菌, 感覺d菇食極都食唔完, 但都好食ge。值得一提係d車厘茄, 通常d配菜都係求其烚下就算, 呢個車厘茄就調過味的, 幾好食燒鱸魚, 估唔到嘅係, 條魚居

Petit Deli is an inspiring little Italian deli across the street from the K11 shopping arcade. For the past few months, I've read a lot of good things about it from some of the online reviews but as usual, I was taking it with a grain of salt. But I was getting a little curious. So as soon as a number of my close friends started endorsing this place, I decided to drop by for a quick one before meeting my hair stylist this evening.This is an area in desperate need of a cozy Italian deli like this

很多時都喜愛同朋友到尖沙咀逛逛街兼覓食，因為貪呢區覓食夠易，仲有好多食肆選擇，真係多到唔知揀邊間好，好彩朋友一早已做好功課，今次就嚟到K11 附近河內道一間以自家制健康意大利餐為主的餐廳覓食，整間餐廳門面裝修以木系為主，跟周邊的店舖感覺很另類。內裡裝飾風格簡約，店裡燈光較暗，坐位也頗舒適，很適合同朋友到來聊天聚會。自家製凍檸茶，顏色比一般凍檸茶唔同，而且無冰無檸檬片，係用新鮮檸檬搾汁混凍茶而成，茶味都好濃。朋友的柚子凍茶，係以柚子汁、薄荷葉、紅茶及檸檬混合而成，茶有很濃郁的柚子味，味道甜甜地帶微酸，再喝多一口，那種薄荷葉的清香味道，久久不散，感覺很清新。藍色多瑙河，彩藍色的多瑙河好似啲海水很美，味道就好似飲梗雪碧汽水一樣，很涼快。水牛城雞翼，烤過後外層香脆，醬汁味道很香辣，帶少少甜及酸，雞翼各個位置都能夠沾上，食得很過癮。雙色千層麵，千層麵被厚厚的芝士汁包圍，濃郁的芝士汁，味道不錯，內裡滿佈一層一層的肉醬同千層麵隔住，千層麵被肉醬完全覆蓋，所以千層麵不會感到過脆或過硬，軟到適中，而且醬汁都好入味，食時也不會覺得膩滯，非常惹味。露荀白菌番茄寬條麵，有感為健康之選，可能因為只係新鮮素菜材料

經過K11 總會看見一間頗有格調的意大利餐廳林立在河內道，寂靜而無聲，沒有酒吧一般的吵鬧，偶然還會看到幾位外國人在門外的吧台吹著水。今次朋友帶我來到這位充滿性格的餐廳來吃晚飯，吃素也可以國際化。再次感謝朋友的悉心安排素食給小喵，這點對身為素食的朋友是無言感激。Petit Deli 牆上畫滿了美食的圖畫，富有意大利人的烹調觸覺及對美食的要求。Petit Deli裝潢也是很有性格，主要以沉實的木質為材，椅子以黑白相隔。室內燈光帶一點黃光的昏暗，從室內的木製小窗，看著街外的人忽忽的擦身以過，呷著一口的意大利咖啡，與室內的悠閒感是很大對比。繼然好友為我拍了板，我也不再多加意見了，但就是滿心的期待，不竟今晚所吃的不是餐牌內能常見，是為素食的小喵特製及需時預訂。先來前菜︰黃金脆炸巴馬臣芝士意大利人愛芝士如命，所有的菜式都可以看到芝士的芳蹤，今回送上了黃金脆炸巴馬臣芝士。吃炸芝士最怕相機先食，放久了芝士攤涼後，就會拉不起絲來，所以還是趕快動手。原件炸的 Parmesan芝士帶點咸香，芝士味濃郁，外皮炸得香脆，但又不會太油膩，配上蜜糖芥末汁，令整道前菜更畫龍點精。柚子凍茶如果你認為是韓國即沖的柚子茶，

尖沙咀食肆林立，唔知食邊間好，呢間門口既佈置幾特別，感覺良好，就試下，入到內面，柔和燈光，未致昏暗，好浪漫，同女朋友黎就情調一流，地方唔算大，裝修獨特，枱細細的，都密密地，但坐得都算舒服，用iPad 睇菜式，D相鬼咁吸引，先叫杯朱古力㗎啡，拉哂花，見到靚野心情都靚D，好滑喎，又唔苦甜度適中，店員推介話，沙律醬，pasta ，pizza 都係自家製，揀咗香草包，配牛油，包都係自家製，無咩特別，煙三文魚沙律，沙律醬又真係好唔同，好清新，令我對沙律令眼相看，可惜食唔出點調制，白菌露荀蕃茄闊麵，麵條好煙韌，同埋濃濃蕃茄醬夾到不得了，慢煑牛面額配紅酒汁，無得頂，煑得好林好入紅酒味，正👍，燒雞薄餅，就有D膩，可能太多雞肉，甜品就叫咗青檸芝士餅，無咩特別，鮮果奶凍就好驚喜，賣相普通，但好味到不得了，其實都唔知係咩，又似乳酪，但甜甜地，又似奶凍，就係咁味道新奇，好想食多杯添😁 下次必再encore

陪朋友行街買野, 到左晚飯時間隨意搵間餐廳食飯, 見呢間裝修特別, 環境舒適, 一於試下."香煎牛仔腸配燒烤蜜糖汁"$68, 牛仔腸肉質嫩, 口感豐富, 外邊煎到好香口, 加左蜜糖汁甜甜地好易入口, 配埋沙律菜可以解左油膩感."白菌露荀蕃茄闊麵"$148, 侍應落單時特別提到呢度既麵同PIZZA都係自家由麵粉開始自制, 所以質感會特別唔同. 食落闊麵確實夠彈牙, 煙煙韌韌, 唔會太淋. 蕃茄帶D酸甜夠醒胃, 食晒都唔覺太濟."南瓜虎蝦飯餅"$158, 呢個飯餅好特別, 面頭煎到金黃色好香口, 但入面既飯好軟熟, 口感豐富. 虎蝦夠大隻, 爽口彈牙.仲要左杯自家制"凍檸茶"$29, 係自家茶底, 茶底味濃夠晒茶味, 少少檸檬汁帶D酸, 同一般既檸茶真係唔同.

作為一名吃貨，在繁忙的生活中跟新朋友聚會如果吃到不夠美味的餐廳心情容易有點低落！所以這次和新朋友共度晚餐前，做足了功課，剛好公司同事非常熟悉尖沙咀，也是吃貨的她跟我推薦了Petit. 一進到Petit 就被裡面優美的燈光還有精巧的擺設吸引，店面不是太大，大概總共只能坐20人左右，有種high end歐式餐廳的氣質，非常撐得住場面！點菜的時候好好玩，香港其實還沒有太多餐廳引進電子菜單，餐廳的格調由此看出，真的是很高級！印象中我上一次用到電子菜單好像是在新加坡的餐廳！用tablet滑菜單，有種說不出的優越感！真是很棒的體驗！ 在權衡面子和裡子之下，我和新朋友各自選擇了一道主菜，前菜則一起分享！我們不約而同的選擇了煙三文魚沙拉，裡面有好多種不同的生菜，包括紅捲萵苣(Loollo Rosa)，皺葉菊苣(Frisfee)，小蕃茄還有乾的豬肉片，萵苣含豐富的胡蘿蔔素、B1、B2、C、菸酸、維生素E，莖葉中含有特殊的萵苣苦素(萵苣苦內酯)，能夠分解食物中的致癌物質亞硝胺，對於胃癌、肝癌等消化系統癌症有一定的預防作用，自從我上次意外發現萵苣的營養成份之後，每次到餐廳都抓緊機會點沙律！其中我最喜歡的一種

有驚喜金玉米豬扒鞍@Petit Deli早陣子和好姐妹到尖沙咀的Petit Deli食飯，Petit Deli地點就在Ｋ１１旁邊，地鐵站行上去三分鐘就到，十分就腳Petit Deli小店燈光偏暗，氣氛很好，空間感高，坐得頗舒適的先來杯飲料～紅莓沙冰＄４２外型十分漂亮，味道就是有點像奶昔，但不會很甜，淡淡紅莓味，是女孩子喜歡的味道同行友人岩岩今天是green day，因此我們點了些素食給他，其中一款是什菜千層麵＄１３８，份量也是非常多，用什菜、白汁和芝士弄成的什菜千層麵，食一口你完全想像不到原來一點肉也沒有加，相反味道十分濃香芝士，而且入面加了點香草令味道更有層次而千層麵面層焗得脆脆的，更有口感，用上全蔬菜做，令千層麵沒用上肉類弄的那麼的膩 黑松露菌薄餅＄１１８都是為素食朋友特地點的，未上桌已經聞到黑松露十分之香。份量也是十分大方用料十足，而上面啖啖食得出黑松露味道，加上大量什菌，也是想像不到原來素食也是那麼美味～伴碟還有一小碟芝士粉，cheese lover至愛金玉米豬扒鞍＄１７８，性價比十足，最岩多人分享！難得是豬扒鞍那麼的厚，仍能做到外脆內軟的效果，而且十分入味，咬落肉質嫩滑而且很

放工約左朋友去尖沙咀揾食，大家最怕等位，見到地方舒適又吾洗排隊就碌入去試吓，就係敢居然比我地食到D好野。由於超肚餓我地點左6個主菜加2款甜品，一邊等一邊吃住餐廳自家製香草包和飲品.我地叫左三杯飲品……自家製凍檸茶、柚子凍茶、藍色多瑙河，我飲的那杯凍檸茶是用打碎果皮果肉味道好濃濃郁甜味也剛剛好。另外兩杯朋友話味道很不錯。先來兩款頭盤……水牛城鷄翼和白酒忌廉青口，我比較喜歡青口，鷄翼味道對我來講太濃味，但我兩個朋友就超like,太好了吾洗掙食……我最愛那款黃金脆炸玉米豬扒睇落無乜特別但一口咬落去……外脆內嫩肉汁帶有甜甜果香，味道真是非一般！！平時好小吃鸭，鸭pizza更是第一次吃，第一口咬落去有D咸但加埋上面D橙肉就味道啱啱好！露荀白菌蕃茄寬條面和双色千層面味道也很好，寬條面加左好爽口露荀配甜酸茄醬味道好清新……青檸芝士餅除了賣相好靚味道也好得……芝士味好濃，超like!!另一款亞熱帶奶凍味道ok但就略為唏左少少。

每次路過都會被餐廳門口旁邊既佈置吸引，感覺好fresh ,今晚終於忍唔住約朋友一齊試下，餐廳燈光柔和，營造浪漫氣氛，地方不大，D枱就擺放得有D密，但整體裝修有風格，坐得都唔算太迫，餐牌係電子化，用iPad 參選菜式，朋友未到齊，叫咗杯green tea latte , 有拉花架，濃濃綠茶，又滑又好味，未食已經笑咗😉 點了不算多食物，但好滿足👍 無論賣相，味道，食物既配搭都好滿意，值得推介有煙三文魚沙律，沙律醬係自家制，好特別，什菜千層麵，似是好普通既一道菜，但好味到喜出望外，唔識形容，原來D pasta 全部自家制，煙韌好有咬感，我個人最唔鐘意林pat pat ，仲有白菌露荀蕃茄闊麵，煙韌既麵條加埋自制濃濃蕃茄醬，好好味，最後點小得甜品，叫咗青檸芝士餅，不過不失喇，青檸同芝士D味分開咗，仲有鮮果奶凍, 嘩👍味道好新奇，D味夾到不得了，好滑好滑，有D似乳酪，但又冇乳酪既酸味,甜甜地，簡直一試難忘，今晚又笑住瞓😁

係友人口中得知呢間高質素西餐廳，所以就特登book位試下。佢地就推介左個煙三文魚沙律，什菜千層麵等等，除左呢2樣，我地仲嗌左其他嘢食，全部都好高水準。呢個煙三文魚非常之好味，我平時就唔係太鍾意食煙三文魚，但呢一個沙律竟然可以令我愛上左！佢地采用ge沙律醬唔係普通ge沙律醬，個醬汁係佢地自製，仲好味過普通沙律醬。呢一個香草包亦係佢地自己整，個包好脆，配埋牛油都好好味。呢個雞翼味道非常特別，有齊酸甜辣ge味道，係味覺ge享受。呢一個係我最中意ge菜式，由於佢係慢煮，所以d肉非常非常'林'，達到入口即融ge感覺，醬汁亦調配得好好！最後就嗌左呢一個青檸芝士餅，面頭有焦糖，三層咁食，好好味，味道配合得好好第時一定會再邀請朋友一齊食！

成日去尖沙咀都去食韓國野，又泡菜又部隊鍋呢D重口味既野，今日同兩個朋友出到去決定要遠離韓國街!我地響K11個地鐵站一出, 就即刻見到呢間靚靚清新既西餐廳, 睇左一陣門口既餐牌，好多特色既主菜都只係百幾蚊，所以我地就入去試一試!由於我地未夠七點就入左餐廳，所以仲有好多位置比我地揀。靠牆既位置都放左好多cushion,一坐低就好舒服同好放鬆。煙三文魚沙律 HK$88呢間餐廳既沙律菜新鮮爽脆，有好多不同種類既菜放埋一齊，色彩繽紛。餐廳亦並不吝嗇，煙三文魚份量好多，咸咸地配沙律菜令我胃口大開!白酒煮青口 $78+香草包 $48再黎係白酒煮青口，我自己幾鐘意佢地既醬汁，一上桌時已經聞到香濃既忌廉味，當用叉子叉上青口時，濃濃既醬汁完全覆蓋在青口上，而青口肉質彈牙，$78 是不錯的選擇!由於我地太鐘意個醬，我地仲叫左個自家製香草包黎點醬食，本身個包已經好香脆，再加上香濃醬汁簡直係perfect match!煙三文魚薄餅 HK$128第一個主菜上場喇! 呢個係全晚中我最鐘意既菜色。薄餅一開六，原本以為煙三文魚薄餅都係平平無奇，點知一咬落去既時候食到wasabi 既味! 從來無諗過wasabi同煙三文魚

跟朋友吃一頓飯，除了食物，地點也很重要。Petit Deli在K11對面，在西鐵站口，十分方便！前菜我們點了炸芝士幾特別的菜式，芝士味剛剛好，因為作為前菜，芝士味太濃便會膩了而吃不到之後的主菜便大浪費了！而這個則剛剛好，不錯不錯！主菜1）白菌露荀蕃茄闊條麵提一提，這裡的麵條是自家製的，食落咬口十足，加上有白菌露荀，口味清新，加上酸酸甜甜的蕃茄醬，味道不錯，開了胃口吃之後的食物！主菜2）黃金脆炸豬扒大大塊的豬扒炸成金黃色，肉質不韌，又不會太乾，可就是Juicy的。豬扒被麵包糠包裹著，當中像是有一點點小米，咬下去脆身又不油，加上炸漿非常薄，不會吃到厚厚的粉，只會令整道菜的口感與味道豐富了！旁邊的蜜糖芥末醬，個人覺得要不要都沒有所謂，因為豬扒都夠味道了！主菜3）黑松露野菌Pizza這個Pizza十分出色，首先是野菌味十分香濃，加上了芝士粉另香味再度提升。餅底也是全人手製，中間是煙煙靭靭的，而外邊就燒得乾身且脆，一塊Pizza有不同的口感真在不錯！加上厚度適中，不會太厚又不會太薄，有滿足感。主菜後，一群女生，當然少不了甜品。這晚，我們點了兩款自家製甜品。甜品1）自家製意大利芝士餅賣相已經很好了

放工個個都忙，成日約來約去約唔到，最後約左星期日出嚟食all day breakfast.....點知 …約四個人，有兩個爽約……唯有我地撐枱腳啦！今日我地隨着Openrice選左呢間，Petit Deli,因為地理位置幾好，響正K11隔離，又近isquare,食完可以行下街～都話食All Day Breakfast ,就叫左珍寶早餐(HKD 138)餐跟埋的意大利雜菜湯太好了！呢度選用了牛肉腸， 口感很好，唔太硬又唔軟，腸又唔會太咸，夠粗，啖啖肉。我較喜歡食呢個Grill Tomato,煎得唔太燶之餘又可食到香口既蕃茄。夠大個，多汁又夠甜。薯條超正，炸得香脆之餘，薯條上面灑上香草同紫菜，條條惹味。蛋班尼迪，煮得剛剛好，切開蛋係流心，加上下層的煙三文魚同自製包一起食，由於三層的食物質地偏“淋”，幾夾。上層和最低層味道偏淡而夾住偏咸的煙三文魚，互相配答。韓式辣醬闊麵伴炸雞 (HKD 148)平時我會嫌闊條麵又粗又厚唔夠重口味只食到澱粉質， 呢度個麵夠晒味，全因個汁煮得好厚身，除咗辣味同有少少甜酸味，除左似辣式辣醬外，仲似泰式辣醬咁惹味，可惜我有啲喉嚨痛不能食太多炸雞，只食左一件，有少少肥

是晚放工與友人閒逛K11後，途經河內道發現有間意大利餐廳的裝潢別樹一格，名叫Petit Deli，於是便與友人進內共進晚餐。Petit Deli 木系的裝潢及門前的兩張酒吧枱，外表風格時尚，而餐廳內柔和的燈光，黑白色的地磚，加上牆上的手繪畫，感覺簡約樸素但不失格調。餐廳雖然地方不算大，但座位尚算寬敞，不會令人有侷促的感覺。餐廳裝潢雖然簡約樸素，但其餐牌卻用上平板電腦，這種cyber的感覺頓時覺得自己身處在高級酒吧一樣。是晚我們選擇了以下食品：芒果蟹肉雞卷($108)：雞腿肉包裹着芒果和蟹柳，雞腿肉肉質鮮嫩，芒果味道香甜，混合來吃鹹中帶甜，再加上蟹柳，口感更為豐富。自家製波菜三文魚闊條麵($168)：綠色的麵條加上橙紅色的煙三文魚及蟹籽，鮮艷奪目，令人垂涎欲滴。自家製的菠菜麵口感煙韌彈牙，煙三文魚和蟹籽的鹹香配上香濃的忌廉汁，配搭得宜。黑松露野菌薄餅($118)：甫上枱，獨特的黑松露味道撲鼻而來，薄餅用上了大量野菌及芝士焗製而成，用料豐富，口感甚具層次，配上芝士粉，芝味濃郁。意大利芝士餅配特濃咖啡汁($68)：與一般意大利芝士餅不同，其造型獨特十分漂亮，上層的忌廉甜味奶味適中甜味奶味適中