Pizzeria Italia (高街)

Open Now

Now Closed

平日甚少踏足西營盤，原來正街甚有中環半山feel，有扶手電梯上斜，亦有不少西式餐館。Pizzeria Italia外面已有聖誕佈置，星期五晚上七點時已坐滿食客。一踏進餐館已經可以感受到熱情招待，感覺很溫馨。小食拼盤小食拼盤材料很豐富繽紛，計有煙三文魚、香炸雞肉餅、新鮮炸魷魚、多士、橄欖、番茄及青瓜。炸雞肉餅有滿滿雞肉，調味很好。炸魷魚新鮮彈牙。多士鬆脆可口。白松露香油牛肝菌意大利燴飯白松露燴飯香氣四溢，意大利飯煮得剛好，飯芯有一丁點硬，拌上碎芝士，味道就算豐厚亦不會滯。Capricciosa 白菌 火腿 香腸 雅支竹 雞蛋薄餅薄底鬆脆，麵粉味道很香，材料簡單，有白菌、火腿、香腸、雅支竹及雞蛋，味道不會過鹹。Tiramisu 甜品Tiramisu內裡雪凍，有咖啡酒香，甜度剛好，Tiramisu質感輕軟，share食不消一會就吃光。Fresh Lemonade Fresh Lime SodaLemonade及Lime Soda味道清新少甜，配食物不錯。

今日約左中同係中學附近食飯，Pizzeria Italia係我中學時期已經開業，不過以前學生哥無錢食薄餅🤣。店內所有枱舖上懷舊既紅白格仔枱布，整體裝潢有一種古典風格。薄餅款式有四十多款，差啲寫唔晒係個餐牌到😂小食拼盤一共有四款小食，包括煙三文魚、炸魷魚、雞肉可樂餅同多士。雞肉可樂餅同炸魷魚一樣外皮金黃酥脆，而且炸粉唔會好厚，平時旣可樂餅餡料主要係雞肉同薯仔，餐廳既可樂餅感覺雞肉比例更高，每一啖都係實實在在既雞肉。煙三文魚加左檸檬好開胃。魷魚唔係急凍冰鮮貨，肉質新鮮彈牙。- Spinaci Spinaci係傳統Margherita薄餅既加強版，傳統材料（蕃茄醬、芝士羅勒葉）上加入菠菜，口感同顏色上面更豐富，薄餅底係我食過最脆口👍🏻- Spaghetti Pollo香蒜雞肉意粉上面舖滿芝士，意粉軟硬程度啱啱好，稱得上Al Dante。雞肉份量好多，肉質滑嫩。作為傳統薄餅店，薄餅好味係預期之內，估唔到連小食同意粉都咁好味，每道菜式份量都好大😋

早幾日happy Friday去咗高街呢間正宗意大利薄餅店，屹立左30年真係唔簡單，中西區仲有另外兩間分店. 呢間店內裝修好有異國小酒館風味，紅白格仔枱布好搶眼增添復古感，用餐氣氛熱鬧，店員同客人好多都係外國人好似去咗外國咁. 廚房半開放，食客可以欣賞廚師搓麵粉製作薄餅，全部手工即制即烘夠誠意. 有成幾十款Pizza選擇好專業🤩另外都有唔少小食、沙律、主食. 叫咗生啤同埋Sangria，全部$50有找又係大杯抵飲.⭐️小食拼盤超豐富，一次過試晒幾款小食. 煙三文魚配合火箭菜同檸檬汁開胃清新. 炸魷魚圈、炸雞肉餅等香脆可口，炸粉薄，足料口感佳. 拼盤中間有新鮮青瓜、車厘茄、橄欖. 炸物沾上松露沙律醬味道更好. 多士好香脆. ⭐️godfather pizza 呢個係signature必點，有經典11吋仲有14吋size 可供選擇. 薄餅面鋪滿香辣牛肉粒、香腸、意大利肉腸、洋蔥、白菌、雜錦椒，材料豐富. 餅底香脆，餅身口感鬆軟. ⭐️白松露牛肝菌意大利燴飯醬汁味道濃郁，菇菌香氣滿溢，面頭薄片芝士增加咸香味，意大利燴飯煮得剛好軟硬度適中. 埋單人均$300有找平靚正又好氣氛，唔怪得咁多熟客街坊支持

Pizzeria Italia   餐廳裝修不算很高尚, 設有酒吧, 方桌, 也有梳化座位, 環境很適合喝飲料及聊天, 部份坐位對著街, 可望見街中的景色. 酒吧酒品多, 來自世界各地.   種類不少. 有含酒精度低的葡萄酒, 甚至烈酒.  愛酒朋友, 至岩了. 我們選擇梳化座, 適合吃晚餐,  大家先叫了 Pint draft,  涼冰冰, 夏天消暑飲品. Polpette pomodoro meatball蕃茄牛丸好美味,  有濃厚牛肉味.  烘包有兩件有油香,  配合酸酸甜甜的蕃茄蓉, 蕃茄十分新鮮,  食起來很開胃, 也不會太乾, 很好吃！ 12"  意式薄餅  Godfather   足料:  有 有白菌, 香腸, 意大利辣腸, 雜錦椒, 香辣牛肉, 洋蔥,   頂豐富.  Pizza   夠香脆.   用了薄餅底,  料多, 賣相豐富抵食,  一口一件食清了.再來一個西班牙飯,  Paella mixta estilo Rico, 此餐廳做法很傳统, 用淺鍋來做, 海鮮飯配料非常豐富, 大蝦, 魷魚, 青口和大蜆外, 還有肉粒, 番茄. 紅椒, 洋蔥和香草等,   飯

食物味道ok，但一名中長頭髮員工態度好差，尤其對學生惡言相向。一坐低一分鐘都冇就催我地落單，仲連續催左兩次⋯⋯落單期間態度差都算啦，我地嗌咗兩個pizza，打算幫pizza影相，結果一開始影佢就指手畫腳，叫我地"later picture"，要我地遲啲先影，大佬唔通食晒先影？我地食到一半，半個鐘都未到，佢就問我地"have you finished", 仲催我quick eat，大佬我eat唔eat關你咩事？你間舖都未坐滿，冇人排隊，又唔係趕收工，想開快餐店就去大家樂撈啦😡

如果你鍾意地道嘅意大利菜，又想喺舒適嘅環境中享受精緻美食，呢個 468 二人餐會係你嘅不二之選👍🏻 呢餐不但菜式選擇豐富，由小食拼盤到甜品，都yummy! 先有小食拼盤，炸新鮮魷魚🦑，炸得香脆，搭配少許檸檬汁。炸漿輕盈，完全無油膩感，非常適合作為開胃小食。自製雞肉炸丸子口感等別。內裡肉質鮮嫩，仲帶有淡淡嘅香草味🌿烤麵包配自製番茄莎莎醬，酸甜平衡，清爽又開胃。煙三文魚配酸豆，再加上少許檸檬汁提味，味道清新。特級橄欖油朝鮮薊，朝鮮薊經橄欖油醃製後，帶有獨特嘅清香，同時口感柔和，係一道非常有地道意大利風味嘅冷盤。橄欖多士香脆。 薄餅選咗經典嘅 Italia Pizza，餡料豐富，包括白菌、香腸、意大利辣腸同青椒。薄餅底香脆而唔會過厚。辣腸微辣惹味。另外，雜錦海鮮意粉配白酒汁。意粉煮得剛剛好，保持住意大利面嘅煙韌口感，配埋濃郁嘅白酒汁，味道鮮甜清香。海鮮選料豐富，包括蝦🦐、青口同魷魚。餐後甜品係經典嘅tiramisu，tiramisu嘅質感綿密，咖啡同可可嘅香氣濃郁，甜度恰到好處，仲帶有淡淡嘅酒香。

上星期聖誕朋友約食飯平日甚少踏足西營盤既我由正街上到高街一條長命斜同中環果邊上半山好似呢度原來有唔少隱世西餐小店就好似一個小社區甘我地食呢間Pizzeria Italia餐廳有好多好靚聖誕佈置好似外國的家庭既設計甘店內所有枱都用上懷舊既紅白格仔枱布增添一份復古感店員同客人好多都係外國人所以感覺真係好似去左外國甘半開放式的廚房可以見到廚師搓麵粉製作薄餅值得一提是全部Pizza都是手工即制即烤我們點了一個2人set $468 有小食、兩個Main、一個甜品 //小食拼盤//小食拼盤好豐富有煙三文魚、香炸雞肉餅、新鮮炸魷魚、多士、橄欖、番茄仔同青瓜可以一次過試晒幾款小食 岩晒選擇困難的我炸物新鮮炸起 薄薄的1炸粉香脆可口沾上了沙律醬更添味美 //Parma Gorgonzola e Cipolle//(巴馬臣火腿、哥根蘇拿芝士、洋蔥)黎到pizza店 仲要話到明係手工pizza點都一定要試即時制作配上我最鍾意食Parma Ham加上芝士同洋蔥餅底香脆 好正式好地道意大利pizza的味道 //白松露香油牛肝菌意大利燴飯//個texture又唔會硬又唔會太淋 係我鐘意既口感菇菌味道濃郁 香氣滿溢

I used to work in Sai Ying Pun and often dined at Pizzeria Italia. Today I revisited the restaurant for some classic Italian treats to celebrate Christmas with my mom and ordered an exquisite dinner set for 2 to share.Mix Antipasti A vibrant platter with cold and hot starters, from bruschetta, smoked salmon, calamari to chicken croquette. A symphony of tastes to begin the meal with.ItaliaQuality handmade pizza. Genuine taste of Italy. Unique flavors that set apart from other types of pizza. Thin

如果想要食正宗嘅pizza，當然要去意大利🇮🇹餐廳，最近去咗一間老字號嘅pizza店「Pizzeria Italia」，有個二人套餐又好食又抵食。套餐包括咗個小食拼盤，款式豐富而且份量都唔少！當中最好食係炸新鮮魷魚🦑，使用了新鮮魷魚，而且粉漿有調味，即炸熱辣辣勁好味😋其次係個秘製沙律醬，有好香嘅松露味，配合烤麵包🥖一流👍🏻套餐包括一個主食🍝和一個pizza🍕，各有幾款選擇，今次就選擇咗意大利磨菇香雞扁意粉🍝，雞肉非常嫩滑且入味，加上白汁磨菇，味道香濃，而且扁意粉軟硬適中，烹調出色👌🏻主角手打意式pizza🍕，配料有最傳統嘅白菌、香腸、意大利辣腸、意大利青椒等，餅皮係自家製發酵麵團造成，餅皮夠薄，皮邊做到脆口，濃厚嘅茄醬🥫和芝士🧀份量適中，整體pizza非常平衡，比連鎖餐廳嘅質素好多了。最後有大大件tiramisu🍰，仲有餐茶，咁豐富嘅套餐都只係$468，絕對係抵食之選！#手工薄餅 #手工pizza #薄餅 #意大利 #意大利餐廳 #西營盤美食 #香港美食 #意粉 #手工意粉

臨近聖誕，成日都好想食西餐，朋友介紹呢度呢間意大利菜價錢好平又高質，咁就一於今日嚟試吓啦。知道價錢好平，本身以為係環境唔會特別靚，估唔到一嚟到呢度嘅環境真係好適合聖誕節嚟啊。開始就有個頭盤嘅拼盤，我就覺得煙三文魚最好食，食落好新鮮，而且三文魚嘅味道好濃，越食越開胃啊。而朋友就話魷魚最好食，因為佢係炸嘅，所以我唔係特別鍾意，但係朋友食完一嚿又一嚿，話魷魚好新鮮完全唔使點汁都咁好食。主菜方面，我哋就揀咗Risotto ai Funghi 白松露香油牛肝菌意大利燴飯佢嘅賣相好靚，但係估唔到食落仲好食過賣相。因為平時覺得好多意大利飯都會好硬，但係佢主席啱啱好，個texture又唔會硬又唔會太腍，我同朋友都搶住食。另外，佢嘅Tiramisu都好好食，食落唔會太甜，但係好適合食飽嘢再食。而且酒味都幾足夠，如果有小朋友就唔建議點呢個啦，因為酒味太濃。呢間餐廳性價比有高，而且環境都好靚，好建議大家聖誕新年嚟試吓啊。

The food is ok. But, Service is extremely bad. The male waiter is rude and even say “yes, don’t care whether you will come again or not”Table is packed and sitting is uncomfortable.The waiter take away the chair of customer’s table while customer is in the mid of having the meal.He is very rude and not even say sorry to customer. Not caring the customer will come again or not. Customer is required to hold many belongings while eating.

呢間意大利餐廳朋友食過話幾抵食，味道又正宗，所以今晚就黎試吓。小食拼盤包括以下幾款小食，炸新鮮魷魚-炸到外皮脆卜卜，魷魚好新鮮，唔韌自製雞肉炸丸子-炸得好鬆脆，入面全部都係雞肉碎，幾好味。烤麵包配自制蕃茄莎莎醬-麵包烤得好脆配上酸酸地嘅蕃茄，唔錯。煙三文魚配酸豆，檸檬，特級橄欖油-煙三文魚砌到成朵花，好靚。Italia PizzaPizza上枱熱辣辣，批邊好香脆，配料包括有白菌，香腸，意大利辣肉腸，意大利青椒，都幾豐富，食落味道好正宗。雜錦海鮮意粉分別有大蝦，三文魚，魷魚圈，大蜆，d海鮮都好新鮮，意粉都煙韌彈牙，好味。Tiramisu- 份量都幾大件，足夠2個人食，食落好creamy,好濃咖啡香味，唔算太甜，正Fresh Lemonada酸酸甜甜勁開胃Lemon soda呢款唔甜嘅梳打，加埋青檸嘅味道，唔錯。

今日喺西環高街見到一間好有歐洲小屋特色嘅西餐廳，佈置充滿聖誕氣氛，客戶多數係外籍人士，夥計亦都係講英文嘅，見到餐牌有好多食物可以選擇，例如意粉、pizza、啤酒等等，所以就入去食晚餐。兩個人的晚餐，首先揀左一份「小食拼盤」，拼盤包含：炸魷魚圈、蕃茄仔、青瓜、橄欖、炸薯餅… 好大碟、好豐富、好抵食。接着，揀咗一個薄餅「God Father pizza」，呢個名堂好特別，餐廳提供嘅係意大利手作薄餅，薄餅皮內裏煙靭，而外皮香脆，麵粉嘅味道充滿歐洲風味，並不是港式麵包嘅味道。一個薄薄餅好大份，兩個人食真係超級飽肚。食薄餅一定要配一份意粉，仲要有濃郁嘅醬汁，因此，我哋揀咗「煙肉忌廉蛋黃醬意粉」，蛋黃醬類似忌廉汁，非常香滑，從大有濃郁嘅香草味，同埋芝士味，非常惹味，而且用料十足，大大碟，好抵食。

地方裝修有意式風味，用經典嘅紅格作為枱布，牆上也另外寫上特別推介～見到都幾多外國人嚟食，仲有慶祝生日，氣氛好好～小食拼盤有煙三文魚，炸雞肉餅，炸魷魚，多士～金黃香脆😙一次過可以食晒幾款唔同意大利小食，啱晒貪心嘅你🤣尤其好鍾意佢中間嗰個沙律醬😋Pizza🍕 選擇咗Italia 大大塊熱辣辣，係傳統手工Pizza薄餅底，而且餅身好脆😆 芝士係拉絲嘅，而且肉量好多😍Pasta 就揀咗Linguini con Pollo e Fun同平時嘅白汁忌廉意粉唔同，佢有一種特別嘅風味(好難形容)，比較似係居家煮出嚟，但係好味嗰隻🤣忌廉奶滑濃郁～同埋有好濃郁嘅芝士，亦都係好多雞肉㗎😙嘢飲就叫咗可樂同埋fresh lemonade 😝總結就係呢度又有feel又抵食，唯一就係遠咗少少要行多啲路🤣

搬左去西營盤一陣子，但近期行過先第一次食呢間pizza小店，意外有驚喜喎! Godfather(11吋 $178)，11吋同14吋其實價錢只差20蚊，但我地兩個人都係眼闊肚窄，果斷選擇11吋。Pizza材料都相當有誠意，面頭鋪滿牛肉粒、香腸、意大利肉腸、白菌等。佢地pizza係傳統意式，餅底香脆，餅身較薄，口感鬆軟再帶點焦香味。小食拼盤入面有煙三文魚、香炸雞肉餅、新鮮炸魷魚、焗多士等等，每樣都火侯十足，非常邪惡。拼盤中間有新鮮青瓜、車厘茄、橄欖，適當緩衝下油炸感覺。白松露牛肝菌意大利燴飯，燴飯煮得軟硬適中，飯粒中間啱啱好有些少硬身，增加飯嘅層次，估唔到呢個價錢都有呢個質素。雖然已經飽到上心口，但我任性地加左個甜品，理由係意大利餐廳，點可以唔叫tiramisu 海綿蛋糕將咖啡酒索得超滿，加上芝士嘅香味，好好食