Porker

Open Now

Now Closed

上月跟好友約好的生日飯因為我病倒要改期！麻煩了他們改期遷就於九月頭再共聚慶祝，選了日系美食和甜品大家快樂又滿足地過上一晚。我們先去到中環Porker吃晚餐！對上一次幫襯還在舊舖一吃便愛上它，新舖感覺寛敞了多點不過內裏有少許渠味令到晚餐的過程大打折扣。自家製豚肉餃子$75煎得挺香脆，內裏的豚肉餡亦夠Juicy味道不錯耶。薯仔沙律$70賣相非常吸睛！粉香的薯蓉入口滑溜薯味香濃，配襯多款蔬菜及胡麻醬味道非常豐富。梅醬秋葵$55獨特的口感非常合我心意！配襯酸微微的梅醬伴吃醒神開胃。Porker定食$240的熟成豚西冷吉列皮炸得非常鬆脆一點也不油膩，熟成豚西冷的脂肪含量低纖維幼細腍滑中帶有彈性，肉味香甜不膩又多汁而且不帶半點肉臊味，而豬柳咬口更為軟腍同樣帶上滿滿的肉香，配襯香軟米飯及味噌湯真的吃得非常心滿意足。吉列芝士豚肉餅定食配煙肉番茄汁$190！喜歡吃芝士的朋友就別錯過這客豚肉餅，外脆內軟的豚肉餅加入了鹹香芝士味道超豐富，另會配襯酸香的煙肉番茄汁吃下去增鮮解膩更加可口。滑蛋吉列熟成豚肉眼蓋飯$220！將盪漾的雞蛋黃刺穿後拌勻米飯跟豚肉眼一起品嚐，肉香蛋香充斥口腔之中非常美妙。

Ｐｏｒｋｅｒ 🐖⟡ Full House 定食 $240 ⟡ （熟成豚西冷/豬柳/芝士豚肉餅）外皮炸得金黃 肉仲有微微粉紅色💓 西冷食落尚算有肉汁 豬柳就乾身啲 肉味較重 我自己比較鍾意芝士豚肉餅 夠cheesy又juicy 🧀啱晒送飯⟡ 吉烈熟成豚肉眼定食 （限定） $220 ⟡ 朋友叫嘅肉眼就肥好多 食落油香重啲亦juicy啲每個set 都會跟飯/麵豉湯/腌菜/椰菜絲 ◡̈ 椰菜絲加咗啲紫蘇葉 食落更refreshing 好開胃～仲有唔同醬汁 比你配搭 我就鍾意芝麻醬配沙律豬扒配芥末/豬扒醬侍應好似有啲急住收走我哋嘅碟明白晚市時段會想快啲返枱 但明明出邊冇人等位食炸豬扒一定會頸渴😞但餐廳居然一杯水都冇提供 ⋯同埋唔知係咪落雨關係 一入餐廳有一浸怪怪地嘅味 可能係我唔好彩 🙂‍↔️☔️🌧️

第一次寫差評⋯⋯豬扒味道普通，叫咗熟成西冷，期待「豬味」會濃啲，但好失望，肉質、肉味都非常普通，同其他地方食到嘅炸豬扒味道差唔多，唔夠juicy，瘦嘅部位甚至有啲干⋯⋯更過分係，呢個價錢（$220）食個炸豬扒set，菜絲竟然唔俾refill？！食炸嘢想食多啲菜冇咁熱氣，我仲要見到其他食評話菜絲任添，點解到我問店員請佢幫我加啲，店員假笑著答我：「我地唔做refill㗎」🙂今時今日咁嘅服務態度⋯⋯算啦，冇下次。

前幾天午膳時試了咖哩豬排，大快朵頤，但忘了是那個部位。豬排很厚很juicy不會柴。咖哩超好吃，很後悔叫了少飯。初初覺得那座椰菜山很誇張，但原來好快會食完。大愛豚汁，十分足料。只是麥茶略嫌不夠凍，在大熱天氣覺得有點不足。總括來說，性格比高的一個午餐。

中環嚟講 Porker 嘅吉列豬扒午市定食套餐性價比幾高 基本上每次都係叫吉列熟成豚肉眼定食 貪佢肥啲😝 另外好喜歡新鮮嘅椰菜絲可以任添 令人感覺健康啲 hahahaaa😂

同我預計嘅一模一樣，我預計應該每個人要$2xx, 食完之後應該會好熱氣同埋好飽😂 應該會有芝士豬扒，應該係無餐，嘢飲要分開叫。入到去係同我預計嘅完全一樣！🤣我叫咗芝士豬扒，佢有三塊，切開即係有六舊，每一舊都有足夠嘅芝士，食晒之後我真係超級飽。都整得幾好味，但係唔知點解要跟個蕃茄汁，因為無論同我飯同我豬扒都唔夾味，menu寫要咖喱汁就要加錢，我估咖喱汁點多都夾味過蕃茄汁。我又叫咗個啤酒，無特別，如果fresh d 會好啲。我同伴食嘅係mixed 豬扒，佢食食吓都問我拎嗰啲芝士豬扒，因為始終有芝士惹味好多，佢嗰啲係普通豬扒，所以乾啲+無咩特別。由於太熱氣嘅關係，我估我都都淨係會1年來1次，而且成餐都冇乜太特別。總括嚟講呢一餐都係好滿意嘅😬

🍽️ Porker Set $220- Aged pork sirloin and tenderloin - Served with rice and pork miso soup - PORKERセット（熟成豚ロース、ヒレ）- PORKER定食(熟成豚西冷、豬柳）The set includes delicious aged pork sirloin and tenderloin, accompanied by a serving of rice and a flavorful pork miso soup. At $220, the Porker Set provides excellent value for the quality and portion size.If you are looking for a place to talk and catch up, I would recommend trying another restaurant. The one we visited tends to be quite busy during lunchtime, an

形容Porker 是日式豬扒飯的香港代表，應該挺合適的。椰菜絲配上一點點的檸檬葉，清新可口還是我的最愛。厚身的日式豬扒味道是好吃的，灑上一點檸檬汁，配芥辣或豬扒汁都好吃，但鬆軟的程度，總覺得比以往差了一點點，很懷念以往小店的味道。附上的凍茶味道有點苦澀，結果唯有換了一杯清水，雖然只是小細節，感覺上在日本吃豬扒飯時，配上一杯簡單的冰水更是可口。最近拜訪，似乎職員的臉孔也不同了，午飯時間也不見有長長的人龍。希望下次到訪時，CP能夠提升，畢竟還是很懷念當日樓梯下小店的味道。香港好吃的日式豬扒店不多，希望下次會有驚喜。

自從在日本大阪吃過大喜岀品的吉列豬扒後，一直念念不忘！回港後四處尋找美味的吉列豬扒，有foodie朋友大力推介Poker，原來是298和birdie同一集團的餐廳，立即有信心去一試。⁡👉🏻食物: 4/5整體水平不俗，不過未算有太大驚喜。⁡▪️Full house set包括了3款肉，芝士豚肉餅是我比較喜歡的一款，中心的流心芝士不算太膩。🧀而豬柳及熟成豚西冷相對瘦，前者尚算有少許肉汁，但後者肉質略嫌乾。相比之下，芝士豚肉餅比較濕潤，口感較好。不過整體而言，已比香港大部分吉列豬扒做得好，至少炸皮不會分離、脆度剛好！😋椰菜絲可以不斷refill，切得非常幼細，配上酸汁開胃又解膩👍🏻⁡如果路過，可以一試。

日本無論幾細既小店都一定會一入店就送上冰茶 因為以前冰塊好珍貴自古至今都是代表提供給貴賓的最高敬意係對客人既尊重呢間位於中環既吉列豚肉店以佢既定價係日本可以定價為高級餐廳為左賺埋客人order野飲個幾廿蚊就算你問都唔會提供茶/冰水其實諗下都知食吉豬唔飲野都幾難入口不過你咁唔識尊重客人真係唔想俾你賺講返食物芝士吉列豚肉餅即係小食個隻好淋冇肉味其實唔應該做主菜吉列西冷好過豬柳入口炸粉都算鬆脆不過一味為左賺錢 就算整既野食有幾好食都好如果連基本既日本文化態度都冇學乜人開日本餐廳？

其實Poker我已經食過好幾次，但時不時都會想再度拜訪。餐廳menu其實很簡單，選項唔但我認爲甘樣係最好，因爲可以專注係食物品質上，唔會因爲產品太多，兼顧唔到。就算一個人用餐都好，佢地都會盡量安排舒適空間比客人，不會同其他人搭枱。我幾欣賞呢一點，就算空間有限，都會以客人既感受為先，有佢地自己一套堅持。一座低就會送上一杯透心涼既麥茶招呼你，係香港濕熱既夏天真係好加分。我揀左AGED PORK RIB EYE SET嘆下，豬扒一如以往甘酥脆，豬肉因爲經過熟成處理，帶出一種更加濃郁既肉香。白飯軟糯且香口，確實係絕妙既配搭。旁邊既沙律同薯蓉，我相信好多香港人都會覺得係配菜，覺得普通，甚至有人會唔食。但係如果你比一次機會試下，你就會發現椰菜絲細如髮，加上紫蘇葉絲爽脆豐富既口感的確可以中和炸豬扒既油膩。薯蓉其實都有花功夫，普通既薯蓉我相信你食完塊豬扒之後，都唔會想要，因爲會覺得好滯。但佢地既薯蓉做到好清爽，但口感就好絲滑，帶有一丁點酸味，令你可以好開胃。最後佢既味增湯好特別，係豬肉味增湯，裏面有紅白蘿蔔牛蒡片，好一個首尾呼應！大家一定要試下

因為工作關係，經常喺中環放工經過Porker，已經留意咗佢一段時間。我本身非常之鍾意食吉列豬扒，以前曾經食過東京嘅成藏，但喺香港真係第一次幫襯咁貴嘅豬扒！Porker使用鹿兒島豚肉，我嗌咗吉烈熟成肉眼扒，我覺得味道幾好。Lunch time $200加一，價錢稍貴😢可惜豬扒煮到全熟，中間冇任何粉紅色，而且有一件炸皮鬆脫😅午餐 11:00 - 16:00 (LO 15:00)晚餐 18:00 - 22:00 (LO 21:00)

我最近在中環試了一家餐廳叫做Porker，他們的吉列豬扒定食給我留下了深刻的印象。首先，這道吉列豬扒定食的豬扒煎得恰到好處，外層酥脆，內部保持著嫩滑的口感。豬扒肉質鮮嫩多汁，每一口都充滿了美味。他們的煎豬扒搭配的醬汁更是獨特，帶有微妙的甜味和香氣，完美提升了整道菜的風味。此外，定食中的配菜也非常出色。新鮮的沙拉蔬菜提供了清爽的口感，同時增添了色彩和營養。定食還搭配了美味的日式白飯和湯品，使整餐更加豐富和滿足。除了美食，Porker的服務也非常出色。服務員熱情友善，提供了快速而有效的服務，使用餐體驗更加愉快和舒適。總的來說，Porker的吉列豬扒定食是一道非常美味的選擇。豬扒煎得恰到好處，配菜豐富而新鮮，服務也令人滿意。如果你喜歡豬扒料理，我強烈推薦你來這家餐廳品嚐他們的吉列豬扒定食，你一定會被它的美味所迷倒。

日式製法的吉列豬扒真係無得輸，而呢間做法都幾正宗，所以都食得都幾開心。呢間餐廳係朋友的私密推介，與其他日式居酒屋一樣，客人可點一份吉列豬扒set，有湯有飯有沙律菜，沙律菜同埋白飯都可以任添的。第一次食呢間餐廳，自然想可以一次過試勻出色的items，所以我點咗份Full House 定食，一份套餐可試勻豬柳、豚西冷以及芝士豚肉餅，當中比較驚喜的的確係芝士豚肉餅，口感雖然有點heavy，但邪惡地好食，正呀！我亦鍾意豬柳，肉質雖然結實咗少少，但內裡依然都係juicy，外層炸得香脆而不感油膩，好出色！至於豚西冷就比想像中油份高，所以容易有膩感。

早幾日終於同同事去咗試bookmark咗好耐嘅中環人氣炸豬排店🤩 不過大熱天時，排咗差唔多半個鐘，就真係有啲辛苦🫠▪️Full House 定食🐖選揀困難症人士揀咗呢個乜都有嘅set😂 咁就可以試齊熟成豚西冷、豬柳，同埋芝士豚肉餅🙆🏻‍♀️ 三款都炸到好脆，而三款之中，熟成豚西冷脂肪比例較高，油脂感十足。豬柳就肉味重啲，同埋肉質結實啲。豚肉餅加咗芝士好邪惡，但要襯熱食，凍咗芝士就冇咁流心。另外可以任添沙律菜🥗同白飯🍚，沙律菜可以解膩，但白飯就食唔落幾多，始終食咗咁多肉都有啲滯🫢Porker 📍中環閣麟街26號地舖