德運豬扒車仔麵

Open Now

Now Closed

諗返起自己對上一次食車順麵都差唔多係一年前既事,今日經過充滿美食既佐敦見到間新開既車仔麵店就入左去試下.車仔麵餸既選擇種類相當豐富,佈滿整頁點餐紙.調味醬汁除左常見既牛腩,沙嗲汁外亦有特別既麻辣湯底.麵款選擇亦夠多元化.自家炸韭菜餃睇餐牌即時候已然見到好吸引,韭菜餃即叫即炸,夠晒新鮮熱辣.炸成金黃色既韭菜餃外皮完完唔油膩,炸得乾身得黎入口十分香脆.內裏充滿韭菜及豬肉香,同時充滿湯汁,入口啖啖幸福感.魅味炸豬扒豬扒厚身炸得唔會過油酥,入口肉質軟腍又唔會過韌,咬入口肉質具嚼口,唔會感覺用鬆肉粉而變得毫無口感.豬扒醃得夠鹹香,鎖住肉汁令豬扒咬落一d都唔覺得柴.蘿蔔蘿蔔香甜無渣,煮得夠軟腍但又唔會一咬開就散晒.沾上沙嗲汁令味道更香濃.滷水蛋滷水汁滷得夠入味,咬開見到內蛋白都染上淺啡色既滷水汁.最欣賞係滷水香,入味而不過鹹.墨魚丸爽彈既墨魚丸切半,見到內裏充滿墨魚粒令口感大增.入口唔會感覺充滿麵粉,啖啖墨魚鮮香.

佐敦新開了這間德運豬扒車仔麵，餐廳位置十分方便，雖然地方不算大，但勝在光猛企理。車仔麵配料多達四十多款的選擇，比一般車仔麵店為多。如果有選擇恐懼症的話，可以點選他們已配撘好的皇牌套餐。另外有小食供應。我點了四餸，有他們的主打炸豬扒($18)，豬紅($10)，九菜($9)及豬肚($10)配清湯粗麵。份量大大碗。他們的招牌炸豬扒是必食的，有手掌般大，厚度適中，沒有厚厚的炸粉漿，咬落肉質鬆軟，炸得不乾身。另外豬肚都是處理得乾淨。雖然是清湯，但每碗車仔麵都均有少量蔥花，芫茜及花生，所以都很夠味的。另外一碗有牛肚($12)，魚腐($10)，豬紅($10)，枝竹($9)及魷魚($14)配沙嗲汁出前一丁。魷魚爽脆，枝竹吸盡沙嗲汁夠惹味。豬紅嫩滑，沒有一夾就散。整體只是略厭牛肚咸了一點。沙嗲汁可以再濃一點就更好。

Feeling hungry, we just went down nearby to grab some food for lunch. Seeing that this restaurant was newly opened, we decided to give it a try. 德運豬扒車仔麵 was located at Parkes Street, couple of minutes walk from Jordan MTR.They served cart noodles, thus offering a wide range of ingredients and noodle. Beside that, they served snacks and drinks as well. Iced coffee and yuan yang were smooth and milky, with strong coffee and tea taste. Rice vermicelli was soft and smooth, and satay sauce was flavou

絕對必食既小食豬扒同炸韭菜餃同炸真墨魚丸同口好香好脆好彈牙食完追住食每次同啲friend聚完餐都買外賣小食拎返去大二日當早餐.因為我好遠呀屯門過黎呀同班friend.點埋泰式辣汁好好味啊值得推薦大家

今日經過佐敦見到新開了一間車仔麵店，連紅紙都未揭開，但抱住試新野心態入去一試。車仔麵的配料款式都很多，除了有套餐外，還可以自選，食滿$38以上還送飲品。我的揀了魅味炸豬扒、韭菜餃、牛筋腩配粗麵，份量正常，牛腩都幾多，豬扒剪開了方便食用，豬扒都幾厚身，肉質嫩腍，韭菜餃就係阿姐推介，每日人手用新鮮豬肉包，果然新鮮又juicy。朋友就要了爽頭牛肉丸、牛筋腩、豬腸、魷魚配幼麵，豬腸洗得乾淨，而且厚切大舊，有咬口；魷魚彈牙爽脆；牛丸爽彈，不過麻辣汁才是精華所在，麻辣味很香，但辣度輕微，怕辣的朋友都可以食到。

中午時份出咗佐敦買嘢，順便食埋午餐，本身諗住食嗰間要排隊，於是就轉戰咗食「德運豬扒車仔麵」。點解食佢？皆因新開張，門口有姐姐落力推廣😉。餐廳面積唔大，環境衛生正常，我留意到佢有用上螢光燈箱🚦作裝飾點綴，感覺即刻摩登咗。小店主打車仔麵🚗🍜，麵底$10，自由加配餸料。餸料超過四十款選擇，每款價錢介乎$6至$18不等。另一邊廂，呢度亦有幾款指定咗嘅皇牌麵餐同小食。第一碗四餸要咗魁味炸豬扒($18)、爽頭牛肉丸($14)、手切肥牛($14)同炸蟹子包($10)。🐷招牌炸豬扒唔厚唔薄，外皮粉漿可能因為放湯後就無乜脆脆嘅效果，但整體都可以。牛丸開邊上，同蟹子包一樣有兩粒。🐮肥牛就大約有四片。麵底要咗米粉，湯底就要咗麻辣湯。我本身驚好辣🌶，店員話可以要小辣，好彩出到嚟辣度完全係我可接受範圍。呢度嘅麵底偏多，就算無叫加底都好夠食。第二碗四餸要咗手撕雞($14)、真墨魚丸($12)、午餐肉($9)同西洋菜($9)。🐔手撕雞肉白𠽌𠽌，食落幾有口感。墨魚丸彈牙，味幾濃。午餐肉得一片，無煎香，唔太建議嗌。不過西洋菜就唔錯，份量多之餘，啲菜應該有揀過所以唔老👍。麵底要咗米線，湯底就要咗沙嗲汁，味道幾香，唔辣。餐

因為喺佐敦附近返工一有新餐廳就會去試咁啱見到新開一間車仔麵價錢真係好平一個麵底先係十蚊 啲餸幾蚊雞就有交易所以即時入去試下 入到去大廚係一個後生仔同佢傾咗兩句發現佢對工作非常有熱誠因為係新開不停問我哋意見但係其實都幾好味唔使點改進😂😂✅蠔仔+韭菜餃+手撕雞+豬扒米粉配麻辣汁✅午餐肉+韭菜餃+手撕雞+豬扒米線配清湯佢啲餸每一個都分量十足唔會因為你叫多菜以畀少咗滿滿嘅一碗 真心好抵食❤️招牌豬扒有淹過但係調味唔會過濃豬扒外脆內軟仲好juicy 咬到肉汁😆最緊要係冇骨嘅非常方便❤️招牌手撕雞雞肉整到好嫩好滑索埋個麻辣湯 惹味又好食❤️蠔仔 份量超多性價比極高👍👍啲蠔仔仲有好香鮮味 唔會整到過熟鞋颯颯洗得好乾淨亦都唔會有沙超推薦必叫❤️自家製韭菜餃皮薄餡靚 喺幅圖都仲見到有啲韭菜嘅顏色透咗出嚟咬入去好juicy仲有湯汁❤️午餐肉廚師有煎過不過因為我鍾意食香口我認為再煎脆啲會更加好味老闆話佢會跟進 不過都唔排除有人鍾意食冇咁熱氣❤️清甜蘿蔔 夠曬林另外要讚係佢個清湯同埋辣汁味道夠濃配埋啲菜嚟食簡直一流加上價錢真係好平份量夠曬大對學生來講簡直應該稱為食堂叫夠38蚊就有嘢飲 超抵

行過見到$38送熱飲.比個價錢吸引左入去.味道唔錯大家可以值得試下.下次黎帶咪d朋友黎試下其他餸今次試左幾樣餸好飽！試唔到第二d餸.好可惜想在食.但係大份多餸到真係食唔到其他唯有下次在試

佐敦真係有好多抵食選擇，而講到抵食又點少得港式嘅平民美食：車仔麵！今次隨意行過，經過呢間全新開張嘅德運豬扒車仔麵，餐廳光猛企理，一於試試！炸雞翼雞翼即叫即炸，每碟4隻，夠晒香脆，但就略嫌雞翼細隻咗少少。A姐之選：牛筋腩、手撕雞、豬紅、豬皮幼面（+沙嗲汁）車仔麵嘅配料有成47款選擇，真係花多眼亂。牛筋腩炆得入味，筋同腩各佔一半，唔錯；手撕雞份量多，滿足；豬皮乾淨爽口，索晒沙嗲汁，惹味；豬紅唔會一夾就醒，但又非常滑溜，抵讚。M佬之選：爽脆豬耳、西洋菜、小花菇、自製貢丸、魚片角米粉（+辣汁）至於我就揀咗帶有麻辣味嘅豬耳，非常爽脆；西洋菜新鮮鮮甜；小花菇炆得入味；貢丸大大粒，好有口感。（記住Like同Share畀朋友）

大大份豬扒麵盡可以搭配吾同餸幾有創意.咬落去塊豬扒真係好香出面未食過咁正炸豬扒多數都係麵粉炸出黎.呢個好有特別溝埋落啲湯度塊炸豬扒鎖住吸細D湯噶味道真系不得了口感一流好正食完都返尋味.環境吾錯Kol打卡勝地

好耐冇食豬扒麵啦⋯⋯心血來潮睇吓附近有乜嘢豬扒食見到白加士街開咗間新嘅豬扒麵店喎就等我今日試吓先未入去 職員姐姐已經係咁打招呼邀請我哋入去食話叫我哋試吓佢哋啲秘製豬扒學生同埋醫護人員都有折扣㗎～～不妨一試老闆話特別推介佢哋嘅炸豬扒雞中翼 同埋自製韭菜餃款式多籮籮～價錢都好公道今次我就叫晒佢啲招牌菜嚟試下先！再加西洋菜增加膳食纖維果然冇介紹錯 佢哋嘅秘製醬汁鹵得非常入味雖然豬扒有少少過鹹 不過浸耐咗入啲湯度沖淡少少 反而中和咗 同時令到個湯底更加香濃厚厚的無加鬆肉粉嘅豬扒加杯凍OT 正呀

叫咗清湯腩，俾咗雞翼尖，手撕雞，得個兩舊，河粉好似好污糟，份量小，要菜底加兩餸，$68，唔 抵食！所謂嘅馳名豬扒，完全係垃圾，不值得一試！職員似大陸人，大陸口音，電視播緊中國台！唯一好嘅係環境清幽。

今次係我第一次寫食評😼附近都有好多間車仔麵鋪，見新開咪試下囉😱，嘩返到去一打開啲米線已發漲（3分鐘路程）啲餸好少好少，無咩味唔可以講做好食😔豬紅好淡、蘿蔔係淋但無咩味，韮菜好貴架（得兩條）佢地門口寫住$38送飲品🧋，我嘅外買係$40我再問門口位哥仔👨🏻，佢竟然話我唔夠錢，我話我份外賣$40喎，佢答我話個外賣碗唔計（我明白但原來外賣碗嘅價值係高過$2）😱咁樣做生意好難有下次😹😹😹