職業樂師同樂會(意盧) （Closed） (Closed)

朋友生日其實已經過左一段日子, 但大家太忙又要就各人schedule, 最終都係過左成個月才可以食這餐飯.四個人叫左:醋浸牛肉- 我就唔係太喜歡, d牛肉好一般又唔係太多醋味, 不過其他朋友就好鐘意啦.越式拼盆- 都算不過不失之作.炒通菜- 油左d啦.咖哩牛腩- 我就最欣賞啦, 配埋佢地d麵包, 正!唔知佢地d位係咪好緊張, 好似成日吹你埋單咁.

一行12 人, 10 大人, 兩小朋友。預先訂了椰青蟹及筍殼魚, 本想點海南雞飯, 因吃飯當晚是年初八, 店主說原材料公司放年假還未開市, 不能供應, 可惜! 是晚加了6-8 人餐(店主推介), 豬扒紅飯......餐的份量很大, 足夠12人食用。越式拼盆- 有春卷、炸魚餅、庶蝦、牛肉蝦片...等, 多是炸物, 6 分。怕肥, 我沒有吃... 蒜香牛油雞翼- 很大堆頭, 每人可食2 隻。蒜頭味濃，香脆, 新鮮熱辣, 7 分; 粉包-皮薄餡靚，7 分;炒通菜-ok軟殼蟹- 雖然油點, 但味道不錯, 味濃但不咸, 7 分;串豬肉燒- 稍為乾了點, 6 分咖哩牛腩煲- 满分...10 分, 好好味, 以法包點汁吃一流。不辣，還有點點蕃茄味。牛腩也腍, 可惜分量少了點。我們有成員很愛它的咖哩汁, 無論食粉也好, 濱海也好, 也要配上咖哩汁, 雖然很飽, 但仍特意要多份法包點汁吃, 吃剩的汁外買拿走, 明天繼續....蒜包- 蒜蓉牛油醬稍厚了點, 塗在包上仍未溶, 買相,味都差了點, 5 分;雞絲湯河- 湯頗清, 合我胃口, 7 分;還附8杯飲品- 我們要了龍眼冰, 青檸梳打。我沒飲, 不知味

睇左呢個網一段時間，都係第一次留言，因為有D野真係不吐不快。經朋友介紹，昨晚與同事一行十三人去呢度食飯，原本餐飯都幾好食，大家都好開心，仲有同事話媽咪就黎生日，可以黎呢度擺，唔駛次次酒樓咁悶。我係當日攪手，自己都未黎過，已經好緊張。仲要同事黎自唔同部門，有D仲已經離開左公司，好難得好難得先可以聚首一堂，我更加希望佢地食得開心。由3日前BOOK餐開始講起，話說打去既時候，佢話我地人多，建議我地坐房，不過minimum charge $1800，我尤疑左一陣，佢已經不停催迫我，又話坐得舒服好多又有私人空間，又話食$1800差唔多啦，我最後都應承佢。到落order時，本已定了一些想吃的菜，但她不斷焗我叫套餐搭兩隻招牌菜椰青蟹，完全唔想我散叫，我見同我想食既唔差好遠，都應承佢，話要餐單，佢話無fax機，一輪咀講完有咩食就成交，我覺得我都算順得人啦!去到現場，門口寫住「樂師會-會員only」，同事就問”會員only?咁我地邊個係會員呀?”，咁我就講笑應佢”我囉! 我識吹牧童笛，入左會架啦!”。我覺得我呢句野完全無眨義，但D職員聽到塊面超黑，我已經心諗:無得罪你下話，同屈我BOOK餐時完全兩個態度

有人生日，故昨晚(15/1)一行六人到這店，由於我的朋友並未來過此店，故他們來到時，都不敢貿然闖入，事關他們見到「只招待會員」時有些卻步。一早預訂了，立刻問有無海南雞飯，因要三天前預訂，莫非要浸一兩天才煮？叫了個椰青蟹，燒雞原本想食，但臨時有個人不來，再加上得我一個可以食得多，燒雞都無叫，下次先叫。原本想散叫其他食物，等待時間會長，套餐會快上菜，故叫了如下：１．椰青蟹２．六人餐（越式拼盤、豬肉蝦片、粉卷、咖哩牛腩、串燒蝦、炸油墨菜及炒河）３．青檸梳打、porter39、三色冰、汽水等先上粉卷，很多油墊底，中間的用料有些荀味，故某朋友不太喜歡，屬一般貨色。豬肉蝦片，不過不失。越式拼盤，原以為是有蔗蝦、蝦餅等，怎料是越式鹵味，似燻蹄等，友人還說蒙著眼食的話，款款味道一樣，無分別。咖哩牛腩上場，咖喱的香味、鮮艷的顏色，怎不叫人心動？汁料是有心機煮，很香濃、幼滑，蘿白牛筋牛腩應有盡有，入味非常，唯嫌某些腩切得大件，咬下去時有點兒吃力。伴以法飽，非常合拍，像是結他與鼓出來的聲音般合拍。主角出場，椰青蟹出場，上桌時鄰座的食客非常好奇，上菜時阿姐還說蟹非常靚。椰青的清香、蟹肉的鮮甜、蟹膏的濃郁，各具

今日星期五,小週末,就同阿太去呢間食飯,地方原來相當整潔企理,叫咗牛肉海卷,炸軟殼蚧,併盤。海卷牛肉睇落淡口,但食落相當有五香味(唔知係唔係,總之好有味),夠乾身,不錯。炸軟殼蚧細隻但炸得夠酥脆,但就不夠乾身,併盤就普普通通,庶蝦比較薄同冇乜蝦味,比較失望。始終二個人唔係試到太多嘢。ps原來入到去環境都幾清靜,而且又好似幾好住咁噃!

每次中午時段在佐敦,想食lunch,意廬始終係我不二之選.$10個生牛河,$15 碟香茅牛肉飯,就算係大胃王.一樣唔會口大食窮郎.最重要就係,好吃.

2005年10月14日x2的舊同學由美國回港面試，一班舊同學約埋吃飯聚聚，小頭也去大吃一頓助慶。星期五晚人多，阿姐建議我們選套餐，否則恐怕要等很久，雖然一天前訂座問都吃不到海南雞飯—要三日前訂。點了10人餐，基本上和openrice那次聚會吃的差不多﹕涼伴鳳爪—依然無味，不好吃。越盤拼盤﹙牛肉蝦片、蔗蝦、春卷和炸魚餅﹚和油浸筍殼魚—依然新鮮熱辣香脆好好味﹗咖喱牛腩—味香辣肉又炆得夠腍，咖喱汁配香脆的蒜蓉包真好食。洋蔥蝦—也保持水準，蝦大隻實淨有蝦味。咖喱雞—依然唔掂，咖喱汁稀，雞肉咬落好散。海龍皇湯和越式炒飯—一般。越式炒河粉—依然好多油。炒菜—依然好鹹餐單上以香露乳鴒代替了燒雞—一般，上次的燒雞真的好好味，但x2後來和朋友再吃已經差了些。另加一個牛柳濱海—牛柳鐵板上，熱辣辣但頗油膩。依然送6枝汽水和6罐啤酒(33) —33依然好飲。x2帶了一枝紅酒，好像沒有收corkage charge，又有酒杯供應。x2他們眨眼間已經畢業10年，有的已生兒育女，有的移民外國，有的頭髮漸稀薄...10年人事幾番新，有緣再聚大家都好珍惜。埋單好似每位$130 —依然好抵。

今次第一次黎,食物水準都OK!咖哩雞-麻麻,太番茄,同我在越南親戚吃的很唔同,不過點法包都OK。蒜茸包- 好蒜茸,但如果跟咖哩會太salty越式拼盤- 好食,樣樣都好炸酸醋浸蝦- 好鮮味,蝦好大隻,highly recommend炸軟殼蟹-唔入味,可以唔試馬拉盞炒通菜-oh no, why so salty, Chef?椰汁糕-麻麻,味道很淡豬肉卷-ok不過在香港,這家以不錯!

週末晚跟家人過節，順道慶祝母親大人生日。地點有點隱閉，花了一點時間才找到。地方也很狹窄，我們6個人被安排坐在一角，坐靠牆的幾個都貼牆而坐，緊緊地夾在牆壁與餐枱之間，動彈不得。一個小房間，擠滿6張大小不同的餐枱，椅貼着椅，而且很嘈。拼盤︰應該說是不過不失，勝在熱騰騰。酸醋浸虾︰一碟有十隻已脫殼的生虾，比預期的多，再配上一窩酸湯及石油氣爐，生熟自己控制，味道很好，肉質很爽甜，這道菜是點對了。香芽燒雞︰可能燒得過火，很乾, 亦沒有香芽味。咖哩牛腩︰頗辡，咖哩汁很特別，因為有蕃茄的原因，帶點酸味，可惜牛腩唔夠冧。前後叫咗四五次蒜蓉包和法包，法包上枱時是熱辣辣出煙的，同個咖哩汁比較配。馬拉盞炒通菜︰好咸呀，馬拉盞放太多，大家都食得好勉強。椰菁蟹︰餐廳打電話來reconfirm booking 時提議海鮮最好預訂，於是就訂啤酒蟹，食飯中途追單隻蟹，侍應話個order係椰菁蟹唔係啤酒蟹，而且差兩分鐘就可以上枱，反正兩樣都未試過，家人話無所謂。隻蟹都唔細，蟹肉好鮮甜，$190算食得過，值得下次encore，不過椰菁咸食唔係好慣，最緊要家人話滿意。最後，餐廳送咗個甜品補償個蟹落錯單，幾識做。好彩個甜品送

07/12/2005 20:00同小學同學聚會，當中竟有識食者提議去呢到，梗係舉腳讚成啦！一行七人叫左以下食物：越式大拼盤($120)：最佩服係佢熱辣辣o既程度，記住千祈唔好一放低就夾黎食，條"月利"熟都似........當中有春卷、牛肉粉皮、蔗蝦同魚餅，春卷好似比上次失色，其他都保持一貫水準...酥炸軟殼蟹：都幾大碟，大概有兩隻到，椒鹽好入味不過炸得唔夠脆.....咖哩雞跟法飽：咖哩好似有少少退步，個汁太稀又唔夠香，椰汁同鮮奶太多，雞就普通雪雞貨色，反而入面o既薯仔好味.....雞絲沙律($38)：大碟但好少雞絲，大部份都係菜絲同落左少少黑椒粒，普通，唔係咁推介.....墨魚丸濱海($4X)：最好食係呢樣，墨丸外脆肉軟，用濱海卷著然後醮醋食，酸酸地配合到墨丸鮮味，唔錯！馬拉盞炒通菜：普通，炒得幾香.....質素比以前差左，有少少失望，埋單$530，不再好似以前咁抵食了。

ok既~不過多油左除左地方幾特別外論food本身~小巴黎好過佢

14-7-2005 1945首先多謝openrice 差唔多半年來俾到我一生最快樂的時候。我自己及的friend平時好少食越南菜，最多係叫下的炒粉麵飯加埋小食，都未試過可以一次食咁多菜式，加埋來自五湖四海及不計較大家出身的食友，正是這裡的力量。還要多謝經常攪活動及不收分文賺取收入的網友們。經KC兄的推介，今次的聚會在這個會所式的餐廳進行，好不熱鬧，主菜連麵包、炒粉麵及甜品，共有十五款，唔知點解整體上我坐既檯上菜速度比一般既快，奇怪奇怪。首先上的頭盤涼伴鳳爪，只可形容為不凍不熱不酸不辣，大家心中有數；越盤拼盤周不時都有食，咁大碟還是第1次，裡面都不外是豬肉蝦片、蔗蝦、春卷、炸蝦餅，蝦片冇食外，其他都有試到，都係實(際)而不華(麗)及熱辣辣，值得一試伴著吃的生菜也很新鮮油綠。海龍皇湯表面平平冇奇，但製湯的料絕不稀場，包括蕃茄、西芹、紅蘿蔔及洋蓉等等，味道幾好，可惜裡面的海鮮料唔多兼有係咁易俾的你的心態，欠誠意的湯，否則也是不錯的；椰青蟹係眾多菜式我最喜愛的，爽椰青完全調出青蟹的味道及鮮味，自己都食左唔少；油浸筍殼魚自己只食了魚尾的部份，炸得來都唔錯，縱使油份都幾多，但仍吃得多；兩味咖喱，分

Another openrice gathering, at first there were 42 people in the list plus 17 people in the waiting list, but finally we were facing big problems of 甩底. Hope that each 食友could control the no-show issue.1.涼伴鳳爪: 6 分, 味道淡, but still a good start for the night.2.越式拼盆:7分, I tried a few things, 春卷was a little bit over-fried, but tasty, taste of 扎肉likes 魚餅, OK! 蔗蝦, 唔錯!3.海龍皇湯:6分, a very big bowl of 海龍皇湯, not really spicy, but the taste was exactly the same as 羅宋湯. Though it was called 海龍皇, almost all t

食友又聚，今次是吃越南菜。之前已同太座來過探路，發現值得一吃的菜色不少，至又拉大隊來再吃一次。是晚三圍食友，已佔去店內大廳的大部份地方。還有不少客人是坐在沒有冷氣的廚房出面，這裡果然是好生意。連甜品十二道菜，份量足夠，水準亦好﹝各款菜色的詳細食評可看版頭有關文章﹞。菜色一早點定，以一個十二人的套餐為主，再加椰青蟹及炸軟殼蟹。全晚覺得最吃得過的菜色是咖哩牛腩煲，咖哩味道偏辣又帶有蕃茄的香甜，十分之正。可能菜色太多，筆者見大家都慢了手，就不斷的用那個咖哩牛腩的汁去撈不用的東西吃。配嫩滑鮮甜的椰青更是絕配，不信的可以自己試試。其實好似印度菜那樣配poori或naan真的一流，不過是晚是越南菜，配上法包，都非常之好，個人而言，比蒜蓉包更好。這煲咖哩牛腩，是必吃的；主理人說是「最出名」的椰青蟹也不錯，椰水加入蟹肉，是加倍的鮮甜。椰青肉嫩滑甜美，給我掃個一塊不剩。肉蟹亦幾好肉，味道鮮味，尤其在那隻大大的蟹鉗，非常之正。可能是個人吃海鮮的習慣，見有兩個蟹蓋八件蟹身，但就好似沒有四隻蟹鉗，看來是給扣起了。不過個人估計，蟹是一斤半左右一隻，以賣一百六十蚊一隻來說，都算幾抵食，可以的話，這味也值得一吃；香

是晚已是第四次參加飯聚,但卻是第一次那麼大陣容的。小妹己不斷主動出擊,也未能認識所有食家。唯有多些參加飯聚了。言歸正傳,當晚的菜式實在不少,食到我們捧腹而回。先上的是泠盤白雲鳳爪。賣相不錯,咬下去幾爽脆,有很香的麻油味,但略嫌不夠凍,也不夠酸辣。再來雜錦拼盤。越式春卷炸得很脆很熱,雖打不清饀料是什麽,只見有粉絲,但豐富多汁,伴魚露吃不錯。庶蝦不夠分,所以無吃。煎扎肉驟眼看似魚餅,但一食之下有很香的胡椒味,很扎實,十分不俗。接下去是海龍皇湯。估不到是呈橙紅色的,味道像羅宋湯,將蕃茄,南瓜等攪成蓉,口感豐富,但卻嚐不出海鮮的鮮味了。椰青蟹很大隻,膏不多但肉質不錯。湯很鮮甜,椰汁味重。荀殼魚很香口,肉很嫩,煎得香脆,我們枱連魚頭都不放過呢!洋蔥蝦炒得很香,但油了少許,亦偏咸。挾了一隻蝦,很熱很燙手,但見坐在隔離的揾食兄徙手吃得津津有味,奇怪的問他不怕熱嗎,他竟然答我是凍的...令我摸不着頭腦。我说'你都幾抵得熱呀',但見他笑笑口說'梗係啦,我食緊的是蟹嘛!'看清楚,原來他津津有味吃的是蟹鉗,怪不得了!接着是咖喱牛及咖喱雞煲。牛煲比較濃味及香辣,雞煲則不太辣,有淡淡的椰汁味,唯雞肉多骨及較老。