霸嗎拉麵 (德己立街)

Open Now

Now Closed

喺中環食晏好多選擇，經過呢間拉麵店聽到啲日本歌，望下啲裝修又真係好日本feel, 所以入去叫左個限時限量都只係$78嘅檸檬豚肉拉麵，(另外再加十蚊要多碗青葱花，加十二蚊要紫菜)，先飲左啖湯底，好夠味，之後先至將三塊檸檬片撈落啲湯底度，再飲一啖，嘩，仲正過頭先，好好飲呀，跟住食個拉麵，有少少彈牙嘅感覺，夠口感，碗拉麵嗰一塊大大嘅半肥瘦豚肉好入味，好食，跟著我就將我食拉麵一定要有嘅大量嘅葱加入碗麵度，超正，再用脆卜卜嘅紫菜伴食，就成為我簡單得嚟好滿足嘅晏就了。

今日係中環收工，一個人，七點都未夠，又想食拉面。見到呢個拉面店唔洗等位，就諗住入去試下。係中環黎講，價錢都算可以接受。點餐紙幾細心既，可以選小油、面既軟硬等。唔係公式化既拉面比你食，呢點其實我係幾欣賞。最後點左小辛炙燒豚肉味玉拉面，同埋一枝信州蘋果梳打。「正正得正」等左大約十分鐘，拉面就黎了，都唔算等左好耐。一黎到就覺得好香！個湯係好濃既豬骨味，而且滲透著淡淡既辣味。食面前，先飲一口湯。係有小小辣既好彩只係點左小辛，而佢個豬骨味比聞起上黎更濃郁，重油脂味，厚厚咁滑入食道。豚肉係油脂、肉分佈得好平均，上半部分係油膏，本以為入口會好膩，但又冇，只覺係好濃厚既油香。肉部分好軟，唔粗糙，連埋個湯一齊食個好感係會更豐富。先有辛，後再有豬肉香味，整體係幾唔錯。「五味紛陳」我比較少飲標榜日本出產既野飲，今次呢枝蘋果梳打係第一次飲，入口唔係死甜果類而係有淡淡既蘋果味，又好似有少少酒味咁，幾複雜，似似緊汽酒。叻一個餐廳細心既位係，佢每張枱都放左壺檸檬水，比客人自己斟，唔係死迫你叫野飲，呢點都可以讚下。

今日去中環做嘢 點知比我見到霸嗎拉麵唔使講即刻入去食仲唔需要等位今次試吓新野 雞叉燒拉麵湯底的確比較淡 相對豚肉湯底冇咁鹹啱晒偏淡口味人士至於個雞肉叉燒一碗有兩件望落同一般雞件分別唔大值得一讚食落冇雪藏味 而且啖啖肉啱晒我心水 麵條我推介軟麵 麵條吸收晒雞湯精華 味道一流至於朋友仔今次試咗個特盛豚肉拉麵豚肉份量比一般拉麵多一倍 一共有四件最鍾意佢一層比一層瘦嘅配搭 口感一流豚肉湯底相對質感杰身 味道較濃重口味人士一定中意我覺得兩款拉麵各有各好所以最好就係每樣叫一碗大家一齊交換食咁就可以每樣試晒

昨天晚上因為個胃有啲唔舒服😷所以只係食咗白粥做晚餐非常可憐😢所以今日成個上晝，已經覺得非常空虛因為要去中環做facial，所以就去中環搵食😬見到德己立街見到一條長龍在"霸嗎拉麵" 排隊 🍜咁一定要去試吓啦！餐廳環境雖然唔係太大，但係都非常整潔，仲有凍嘅檸檬水🍋紙巾供應添，調味瓶都係非常乾淨👍抵讚！特盛炙燒豚肉拉麵🍜＄118豚肉🍗肥瘦均勻，有四件厚切，經過炙燒油甘味十足🤤湯底非常濃厚，麵條自家製🍜非常有咬口👍羽根燒餃子＄351客有五件，外皮炸🉐酥脆非常，餡料豐富！唐揚炸雞🍗＄35去骨啖啖肉，炸得非常香脆而且保留肉汁，有五個雞球🍗仲有奉上檸檬🍋

來到中環酒吧街有間 BARIUMA ，呢度是消閒好地區，見到食客好多都笑嘻嘻，有外國人食日本拉麵，入去享受晚餐呢，而坐室外食野可一面食野一面看街中熱鬧得人群。雞叉燒辛辣雞白湯拉麵，雞叉燒食落香滑軟熟，食拉麵時飲左好多雞白湯。叫了野菜雞白湯拉麵是有各式蔬菜的麵，當中芽菜配料是好味道的配合，麵湯有雞汁味。 羽根燒餃子煎到底面都感受到熱力，食到餃子餡汁料都流出來，食子肉是夠鮮嫩滑滑的，快速完成今餐美點。 燒汁唐揚炸雞，炸雞好鬆軟口感很有日式感覺。食日本雪糕。

最近期間限定出左新系湯底口味，系檸檬湯底仲有辛辣檸檬湯底，仲免費追加檸檬片，真系有幾塊浸系d湯度，不過最後都無試到😂叫左個枝豆做前菜咬下，枝豆出面灑左d鹽同黑椒做調味，食起上黎就吾會無味，不過d枝豆系黐住條枝，所以食嗰時要一條一條mon出黎，有d麻煩。抹茶紅豆雪糕，抹茶加紅豆真系絕配，抹茶味幾香，但吾算好濃，同埋雪糕入面有d冰粒。系日本版既波子汽水，專登叫黎試下同香港既有咩吾同，其實味道系差吾多，好似無香港既咁甜。

嗰日同男朋友行開中環嘅時候, 突然發現原來霸嗎拉麵呢度有分店, 同事之前食過話質素唔錯. 個門面好起眼, 門口嘅紅白燈籠同埋陣香味都好吸引我拉住男友入去. 雖然間拉麵店很唔算好大大概得十多個位左右, 但咁樣真係好似置身於日本街頭的拉麵小店咁!因爲我自己鍾意食豬骨湯底, 就叫左個炙燒豚肉海苔味玉拉麵 . 碗麵黎到先試一啖湯, 嘩! 好濃郁! 佢塊叉燒又煮得剛剛好, 入味得黎仲好有燒肉嘅香味. 至於麵底我揀咗硬麵, 完全啱晒我嘅口感, 食起上嚟冇難度. 男朋友揀嘅係特盛炙燒豚肉拉麵, 分量來講男仔一定夠食, 佢都話佢果碗好惹味好正. 同事又推薦要叫呢度唐揚炸雞, 未上枱前expect佢係細細舊既炸雞, 點知上到枱係都好抵食下, 雞本身個炸粉無咩味, 雞肉亦偏淡, 點左沙律醬就會岩岩去. 雞炸得都脆既. 除了炸雞, 男友又搶住叫了羽根燒餃子, 個餃子皮薄餡多, 味道亦是很棒, 很多地方的拉麵店都把餃子燒得很乾呢, 呢度就保留了餃子的水份, 熱騰騰, 滑嫩嫩的, 是份出色的餃子然後食得有些濟, 男友就幫手 order 一支靜岡蜜瓜梳打. 喜愛蜜瓜的朋友真的要試一試, 蜜瓜味好濃, 超級好飲!

今晚同女朋友去左中環食霸嗎拉麵, 其實女友想食呢間好耐架喇, 不過之前一係就太多人唔想等, 一係就時候唔岩. 今次諗住食完之後順邊去附近行下街, 所以就一齊黎左食霸嗎拉面. 去到還是比較人多, 但等了一陣還是終於到我地.由於天氣凍個人好易肚餓的關係, 一坐下我們就立刻睇 menu, 我們都很喜歡吃豚肉的, 所以這裡的招牌炙燒豚肉拉麵便是我們的不二之選. 女友點了炙燒豚肉海苔味玉拉麵, 而我就 order 了特盛炙燒豚肉拉麵.落 order 的點菜單也很有心思, 例如麵身可以選軟硬, 油蔥旬這些配料也可以選擇多寡的. 很是體貼. 隔左一陣侍應把兩碗麵都端上, 首先我認為自己果碗特盛炙燒豚肉拉麵真係分量好大! 而且豚肉塊真是很香, 喜歡食豚的朋友一定好 ok, 同埋湯底真係好飲到我把整個湯底都飲乾. 另外, 豚肉係燒完之後邊位有少少脆口, 然後肉感鬆軟, 又大塊, 好好味!! 另外, 我地又叫了一碟雞叉燒, 雞肉好嫩好好食, 有輕微甜味, 肉質又厚又嫩滑. 我絕對會再為呢個雞叉燒而再黎食過返尋味.最後, 雖然天寒地凍, 不過都係比個日本芝麻雪糕引倒我, 個雪糕有好濃既芝麻味道, 絕對唔係果

成日都有好多人系出面排隊，其實今次系第二次食haha，因為香港咁多間拉麵店黎講，佢既湯底都算做得吾錯，非常之濃郁。加20蚊有芽菜，個芽菜好爽口好fresh,撈埋落d拉麵度，可以中和番湯底同肥豬肉既油脂。梅酒梳打水，得3個percent既酒，所以酒味一d都吾濃，啱晒吾飲得酒既人。不過同行朋友試飲完之後，就話似細個睇醫生飲咳藥水既味道。食啖雪糕再飲啖汽水，條脷好刺激，好正。芝麻味幾重，撈埋d紅豆就會甜d。

世界真細小，在公司活動中遇到舊同事，大家又再續前緣做同事，但就不再是同一部門。難得星期五可以準備放午飯，便相約那位舊同事吃個午飯聚一聚。他選擇了在公司附近的霸嗎拉麵，我當然不會say no，因為正好我也想吃拉麵。中午時間實在旺場，遠遠已見人龍，幸好我們早到，等了一會便有位。裝修使我一內進已感受到和風。見到現在正推期間限定的檸檬豚肉拉麵，有辣有不辣，我們一於一人一款。*可免費追加三塊檸檬*《期間限定：檸檬豚肉拉麵 $78》湯底香濃，有一片厚豚肉、櫻花蝦、木耳絲、西蘭花和正片檸檬。將檸檬壓一壓之後湯底很有檸香，膩感即減少。麵條較硬身，再浸於熱湯等一會會比較好吃。豚肉有一部分腍身而已，其餘部分比較乾硬，但味道是足夠的。《期間限定：辛辣檸檬豚肉拉麵 $78》點菜紙上沒有註明辣度，湯底是紅色，看似很辣，但朋友說其實不是太辣，應該是檸檬味中和了辣度，兩者味道亦夾。+$10配味玉玉子入味而且中間的溏心蛋黃甜甜的很美味。+$35羽根燒餃子（5件）底部煎成一片薄脆，很香口且有口感；餃子的肉餡鮮嫩及有肉汁，蘸上餃子汁更提味。有成樽檸檬水放於桌上，所以可以不用迫著點飲品，貼心。

剛剛去完日本九州旅行，嚐過當地的拉麵之後，一直心癢難耐的再吃拉麵，返香港之後不久我就衝去吃拉麵了。假日的下午，恰好有座位不用等，坐低一會就有人龍了。見到有限定的檸檬拉麵，不過我還是比較想吃這裡出名的豚骨湯拉麵。將想點的拉麵和要求填在點餐紙上，我特別要求少油和要軟麵。坐了一會，兩碗拉麵就來了。這碗是炙燒豚肉海苔味玉拉麵，賣相十分吸引，份量十足，豚骨湯底濃厚而香濃。豚肉半肥瘦，入口嫩滑。拉麵是我想要的軟度，卻又不失彈牙。唯一失望的是味玉不是流心蛋。辛辣炙燒豚肉味玉拉麵，湯底一樣濃厚而多了點辛辣味，辣味也不會過嗆。羽根燒餃子，底部煎得香脆，餃子餡料也十足，沾餃子汁吃更美味。

今晚喺中環做完嘢,路經平時成日要排隊排到灰嘅拉麵館竟然無人排,雖然六點幾咁早唔係太肚餓,但見到咁嘅場面,諗都唔諗就即刻跳入去,第一次去到,睇睇menu..諗都唔駛諗就點左個招牌拉麵,豚骨拉麵。嘩!拉麵一嚟到極度香,骨湯味道超濃,忍唔住即刻飲啖湯,正!超級濃湯!之後食啖麵,彈牙到你吖，好味！再食啖豚肉，再一次嘩一聲，喺燒過嘅豚肉面上咬落去,口感十足,肉又彈,肉汁又鮮，無得頂!食完嘅感覺只有四個字-極度滿足！成日要排隊真係好有原因。比起好出名嗰間嚟講,呢間起碼高左一班,真心話!

人來人往的中環好彩也能找到日本拉麵店，這家拉麵店有多家分店，但倒是第一次到來，因為平時所見也大排長龍，今晚見不算太多人等，所以可以試試了。每張檯面也貼著這個NOTICE，講到咁無理由唔試湯底有豚骨湯或雞白湯兩款我揀了野菜雞白湯拉麵.... 當然我不會那麼單調，當然另外有附加配料附加了蛋和青蔥，蔥份量好合心意 ；糖心蛋外表偏淡色，而味道呢.......淡而無味... 好失望.附加的五花腩肉好大片  炙燒過增添脂香羽根燒餃子一客有5隻（食咗先記得未影全相）皮夠薄餡料仍有肉汁

每次經過中環蘭桂坊都勢必大排長龍的拉麵館今日午飯時間終於去左試一試佢地”拉麵館主打兩款湯底，分別是” 濃厚豚骨湯” 和” 雞白湯”🍜🍜 🐶炙燒豚肉味玉拉麵($88)先說湯底，是極濃郁的豚骨湯，味香而濃郁，油份有番咁上下唔係一味極鹹而濃的湯底麵底軟硬適中，而當中的炙燒豚肉能做到半肥半瘦，肥的脂肪超滑溜，可以說是入口即融不過瘦的部份就唔夠滑身溏心蛋完隻上碗，能做到超級流心，好味道 🐶羽根燒餃子($35)餃子做到外脆內軟，超級香酥的表面但內裡仍保留豐富肉汁

今天到中環做點小事情， 順便食個輕快午餐 ，原本諗住搵一間cafe ，後來經過蘭桂坊附近， 比呢間日本拉麵吸引咗我 外面裝修 一睇就知係一間拉麵舖， 再入到店內 裝修就如同去咗日本一樣， 彷彿就在東京街頭行到好攰見到一間拉麵館嘅感覺一樣 我又發緊夢自己去咗東京喇餐牌選擇有豚肉或者雞肉拉麵， 本人特別喜愛食豚肉 ，今次我就點咗 ，赤辛豚肉拉麵， 另加咗一份粟米及煎餃子， 睇到飲品個menu 見到有一個叫做綠茶可樂 好奇心驅使底下我叫咗一支拉麵本身可以畀你揀小辣中辣或者大辣走蔥走油， 面嘅硬度亦可以選擇， 我就揀咗碗小辣嘅硬身拉麵， 傳統拉麵舖頭都咁會放一壺冰水畀客人任添任飲， 正好一入到去就見到壺冰水都覺得佢哋比較正宗首先上檯嘅係拉麵 ，豬骨湯味濃郁， 小辣嘅辣度啱啱好，個口會感覺有少少熱唔算搶喉， 純粹增添味覺嘅享受， 飲咗啲湯食完之後亦唔覺得口渴抵讚 後加一份粟米諗住添加落碗拉麵度點知原來份量係好多 本人覺得拉麵整體嚟講真係好好味，如果想食清淡啲嘅朋友我建議選擇食雞肉， 因為豚肉始終會有啲肥 餃子亦都煎得十分之香脆 ，熱辣辣咁真係難以抗拒 最後值得一提嘅 係綠茶可樂，本人真係飲唔出有