金色不如帰 (又一城)

Open Now

Now Closed

隻碗很大，份量很少，但都不是重點，重點是味道像味精和很鹹，質素不好，不值這個價錢，非常差和失望，名過於實，這個價錢在這商場可以吃到其他更有質素的食物。。。。。。

東京過江米之蓮拉麵💭👀同朋友走去試試佢😛店知結果係失望的...#貝汁鹽味拉麵 $128#貝汁醬油拉麵 $128#塘心蛋 $15可以總結一句：💥好鹹！點解可以咁鹹😳🤯🤯🤯🤯我想講食完我至少咗個幾鐘😹真係唔系講笑唔知系我黑仔定點... 個廚師重手咗🤣🤣食得好鬼辛苦因為個湯底真系好重口味😂😂但聲明返一點系食到個蜆、魚既鮮味但真系被個鹹味蓋晒😞仲有個肉真系好薄😂😂😂我可以輕輕形容系小似一張紙🤣所以就... 不予評分啦🤯另外就系個塘心蛋，都系好鹹🤭🤣其實我都有同友人反省過究竟我地條👅有問題定點但🤯但真系以我地角度系真系好咸！唔知食過的大家點梯🤭歡迎同我share吓🤣助我解答呢個難題🤫😜

4月10日下午2時，去到又一城，唔知食乜，路過金色不如帰，咁啱好多位 唔洗排隊，就入左去（之前係尖沙咀分店食過，環境裝修、氣氛都好好，員工唔多 但好有禮貌）所以今次係又一城都入去食，一入去冷氣已經凍到西咁，凍風照頭吹。檯面就仲有上一檯客人留底嘅垃圾係啲POP立牌嘅後面🤷🏿‍♂️都冇理， 咁就嗱嗱聲叫嘢食咁講真 味道就都係連鎖拉麵舖，都冇咩好批評，重點就嚟，我女朋友就叫店員拎兩set牙纖，即係兩包（佢一包有兩支咁）然後個店員就係衫袋摷左一陣，咩都冇講，擺低一包就走左。。。 然後我就叫店員埋單啦，比左信用卡，個店員碌完卡返嚟，又粒聲唔出就直接將信用卡同啲收據一嘢掉係檯到，🤷🏿‍♂️我係呆左，除左有位應該係經理嘅哥仔 講嘢好有精神 中氣，其他啲店員都係後生仔女，好似唔知自己做緊啲乜咁，唔該訓練下先再比佢地出嚟啦。

一碗拉麵的滿足感不只是拉麵的份量，而是完食後給予你的完滿感覺。拉麵店位處商場內，坐位舒適，服務到位。但拉麵店始終是味覺的享受多於服務，因為餐廳最重要的還是食物本質。言歸正傳，是次嘗試貝汁鹽味焦拉麵，湯頭據說用新鮮食材熬制「微鹹帶甜」，但喝罷後只感到鹹味。叉燒薄切，糖心蛋正常。食評簡短，只因這米芝蓮一星拉麵沒有讓人留下深刻回憶。以湯底而言，拉麵的湯底應是拉麵師傅廚藝精華的展現，但這碗拉麵只有平淡的鹹味，只能說舌頭感覺不了一星之處何在。食材精細，但也沒有讓人食後有滿足感覺。

𠵱間嚟自東京嘅米芝蓮一星拉麵🍜喺香港開業以來，不時有人彈佢唔抵食，事實又點？的確嗰兩塊低溫，慢煮叉燒薄到透光又細塊，但味道咸香，肥瘦適中唔太膩。至於碗招牌貝汁鹽味拉麵，幼麵幾彈牙，軟硬適中，但僅此而已。我相信好多港式雲吞麵店都做到𠵱個水準。個湯咸咸地，少少松露香，但食落無咩鮮味，兩啖食完嘅麵，咁就$128有啲耐人尋味。另外個燒豚肉小碗飯($55)，豚肉好肥，成碗飯都好油，增肥必點。最驚喜反而係餃子🥟，漲卜卜好多餡，菜肉比例絕佳，菜粒脆肉味濃，煎嘅功力深厚，唔會成口油，我強烈建議創辦人轉行整餃子。

難得有復活節長假，蜜桃小丸子當然要把握機會到處覓食！今日來到前排大熱的米芝蓮拉麵店，午餐時拎飛等咗陣，未見一開張時誇張的人龍，如果願意坐bar枱，唔使等大把位。舖頭行簡約日本時尚風，簡潔乾淨。餐牌選擇唔算太多，價錢中上。枱面有介紹應該點食先最好，可以做參考。招牌係貝汁醬油拉麵，出名在於店舖堅持用上每日新鮮直送60斤大蜆熬製、唔加味精嘅金黃色貝汁湯底，當中更配有黑松露醬、牛肝菌粉及牛肝菌油提鮮，所以第一口湯入口都幾有鮮味，鹹鹹地又少少甜，配搭剛剛好。不過我就覺得豬腩肉同叉燒太薄，滿足唔到愛吃肉的我，兩三啖已經食完啲餸，好似係咁食麵。另一款試咗煙熏黑椒豚肉拉麵，湯底冇上面個款咁濃，淡啲啲，黑椒味唔太突出，佢另外有啲炸筍咁嘅物體，但啲肉都係太少，主力係飲湯同食麵。如果用米芝蓮嘅標準嚟講，我覺得係唔算太喜出望外，因為之前係尖沙咀試過嘅另一款拉麵湯底感覺更鮮，而服務員態度好似做到好攰唔耐煩咁，未試過試一次就夠，冇必要番食。

真係唔明點解呢間舖頭可以喺東京都可以取一星拉麵。首先一坐， 張枱面有一滴水都已經唔再講，唔夠乾淨， 職員見到幾次都冇幫我地抹，我哋自己用紙巾抹返！ 仲有杯水，唔係啲檸檬水嗰啲，水有啲怪怪味，所以叫咗個暖水好啲！order時間，叫咗個煙燻黑豚骨拉麵， 整體水平真係好一般，黑椒味亦都唔強烈，嗰三條牛蒡真係咬到咬唔到！！跟住仲係只係得一塊牛豬肉畀你食！ 感覺好似食咗陣風咁！ 好耐好多年冇試過食咁差嘅一間拉麵舖！另外有叫咗個燒豚肉小碗飯，慢煮叉燒小碗飯，味道一般，飯醬汁可以。

好耐冇試過星期日出街食飯於是就去咗少啲人嘅又一城。周圍睇吓有咩食嘅時候發覺開咗間新日式拉麵店，好似幾高級咁就決定入去試吓！😎叫咗三樣嘢：煙燻黑椒豚骨拉麵 $115佢嘅湯底唔係普通奶白色嗰啲豬骨湯底，然後比較清而濃郁嘅豬骨味，所以唔油膩，而佢塊肉超林，肥膏部份入口即溶，一流！拉麵屬於比較幼身同煙韌，最特別係麵上有幾條炸蒜，超好食！😋😋白松露油厚燒牛舌飯定食 $148呢個餐都幾足料，除咗有啲牛舌飯，仲有牛舌沙律同湯。頭先返上嘅牛舌係加咗燒汁去燒，所以好香燒烤味，而沙律嘅牛舌雖然冇任何調味去煮，但配合甜酸嘅沙律汁都好夾，而且牛舌肉質鬆軟，好美味！👏🏻👏🏻燒豚肉叉燒小碗飯 $58雖然見少碗飯但都唔少，叉燒一般，但燒豚肉同拉麵中嘅豚肉比較起上嚟有另一番風味，燒過嘅肉好香，油脂晒落啲飯到令到飯都勁香濃！😍 整體來講呢碗飯性價比最高！

日本東京過江龍 2019 2020連續兩年榮獲東京米芝蓮一星拉麵殊榮嘅拉麵店💫早前抵港 至今已經係香港開咗三間分店😗 佢地最出名既係個貝汁湯底 堅持自家熬製❌無味精 用上新鮮大蜆🦪熬成😋🐚貝汁鹽味拉麵 ($128)🍲三重湯底 (🦪蜆湯, 🦴豬骨清湯, 🐟魚清湯)🐷低溫叉燒🥩三層肉🪨牛肝菌醬🥓煙肉碎🎋京蔥🫒白松露油🪴香草 (🌱翡翠苗, 🥬火箭菜, 🌿羅勒)主打既湯底真係唔同啲! 一放上枱已經好香聞到 白松露油既味🥳 湯底清甜 飲得出蜆味都頗重✨ 麵條係幼身個隻 麥味頗重🌾 質地唔會淋較硬身 但唔夠彈牙🥺叉燒同三層肉就麻麻地啦😐 好薄身 唔淋 似杯裝拉麵入面啲肉既口感🤯 有埋京蔥🎋香草🌿提升口感 同個湯底幾夾🌸總括而言 湯底出色🙆🏼‍♀️麵條正常💆🏼‍♀️但肉需要改善🙅🏼‍♀️ 都幾失望呢間😢 個人覺得呢間價錢唔值得 嗰日仲排咗好耐隊 overrated😟 食完一次就算了🤧😋味道評分: 3.4/10 🥳環境評分: 6.5/10🤑性價比: 4.1/10🤩回頭度: 2/10

趁着今天的悠閒假期，當然要好好犒賞自己，我便約同我男人一起去九龍塘又一城閒逛閒逛，後來來到這間 在 2019 年及 2020 年歸榮獲了東京米芝蓮一星榮譽 拉麵店品嚐我最喜愛的拉麵作為午餐。餐廳整體裝潢以灰調為主，配以木系設計，並用上多棧特色的柔和黃調吊燈，予人感覺溫馨舒適。座位方面則分設吧枱和梳化座位，讓顧客可有多一個選擇。溏心蛋溏心蛋是原隻奉上的，外層蛋白柔軟滑溜，咀嚼時有輕微彈牙，內餡蛋黃製得半熟，呈現流心狀態，入口蛋漿滿佈口腔，味道蛋香十足，黏稠綿密。貝汁鹽味拉麵奉上時鮮香撲鼻，熱騰騰的。湯底是使用蜆湯、豬骨清湯、魚清湯製成的三重湯底，色澤可見呈半透徹並帶有適量油份。配料方面用上低溫叉燒、三層肉，並加入牛肝菌醬、煙肉碎、京蔥、香草、白松露油調味點綴，整體用料是甚為豐富。此款是朋友食用的，我沒有品嚐就不作味道評論了。白豚骨拉麵湯底本來是使用蜆、豬骨、雞製作，但此碗則是使用豬骨湯製成，飲用時雖然黏度適中，但豬骨氣味不算濃厚出眾，味道偏向鮮甜清淡，略為失望。麵條則能保持水準，入口幼細順滑，較為硬身，咀嚼時富有口感。配料叉燒的肥脂厚身，瘦肥比例各佔一半，味道鹹鮮甘香，散發淡淡肉味。唐揚

食過兩次貝汁鹽味同醬油湯底味道中上 富海鹽鮮味亦不油膩叉燒個厚度簿過張紙 前所未見個碗好大好深 望落個份量好細 以為純粹視覺上效果 點知真係非常之細碗 如果打咗底先去食嘅話可能okay會飽 正常情況係無可能飽 或者你趕時間食嘅話都okay,因為幾口就食哂論性價比絕對唔值 過百蚊1碗拉麵但份量非常非常之少 食過咁多間相同價位嘅拉面CP值絕對係最底沒有之一service亦都欠奉 友人第1次幫襯 望住餐牌揀咗陣但都唔會主動介紹一吓 感覺唔到佢地招牌所寫”得獎” 個種感覺唔會考慮幫襯第3次

滿心期待到獲得東京米芝連一星拉麵店店內環境帶著簡單現代工業風，不像一般以日本文化為材的傳統拉麵店。坐下來後，店內亦能提供舒適、自在的氣氛與友人聊天。不像一些餐廳說話的聲音會聚在店內這次，我們選了2款不同的拉麵。貝汁醬油拉麵 $128坐下一刻就知道這款拉麵是Signature Dish因為每張枱上都會有一個座店卡，介紹這款2019-2020東京米芝蓮一星拉麵湯底是以蜆湯、豬骨清湯及魚清湯，3層湯底熬製成再配以低溫製成的叉燒、3層肉、黑松露醬、牛肝菌粉及牛肝菌油等整個外觀不錯，湯底亦濃而不太膩食拉麵時，才發現有部分拉麵未煮熟太過嚇人餐廳經理知道後只是簡單回應，換過新俾你賣相宣傳再好，但給一碗不熟的食物給客人是我最難接受的～煙燻黑椒豚骨拉麵 $115相對Signature拉麵，這款更濃味黑椒味太重蓋過煙燻味而湯底亦是十分普通整體而言，這個價錢可以有更好的味道及用餐體驗

見到朋友都有食就去試下，評價都好高，果然真係幾好食，佢湯底同麵質都高於同行好多，d肉都係采用慢煮既方式去烹調，脂肪同肉既比例剛剛好，又嫩滑又不失口感，認真不錯。

今日一家大細 一齊去食晏晝去咗呢一間麵舖 門口講話佢又米芝蓮 又攞好多獎，所以好期待。餐廳環境優美寧靜裝修豪華又夠乾淨， 我哋嚟到梗係食佢嘅招牌醬汁拉麵啦 佢抬頭側邊有個instruction教你點樣食。 上面嘅instruction 教你先聞下面嘅香味， 用兩隻手感受下佢個熱力。 結果我哋成家人學佢咁做。 放一手埋去畀佢熱力辣親！！！！ 所以大家唔好 學得太足。佢嘅湯底好香黑松露味抵讚， 不過佢嘅面條我就感覺得麻麻地， 面實有啲字超級市場買到嘅四x拉麵。。。。 呢間餐廳算係咁不過本人覺得比較昂貴咗少少😁😁😁 貴定平郵大家決定啦哈哈哈哈

年初四去了趟又一城，好多食肆都等位，除了這間拉麵店，果然中伏⋯⋯只能説麵質硬，湯少又咸又＂杰＂，我平時食飯只吃8成飽，但它的拉麵份量真的很少，如果是男士，真係兩注筷子已經吃完！沒有影食物相，因為之前已經好多食評貼上相片。附上單據，證明我真係有幫襯，12點左右吃完，下午2pm 已經開始找其他嘢吃！