Rang Mahal Authentic Indian Cuisine (Closed)

甫踏入餐廳，好像走進了另一國度；有如於香港走了一步就踏入了印度國土。裝潢和餐枱椅子都充滿了印度特色。一邊是紅色的牆身，掛了印度衣飾嘅油畫，另一邊牆身掛著金色和紅色的布簾。場內暗暗的燈光，營造了神秘的氣氛。餐牌很精美！點了食品後，等待嘅時候，聞到陣陣食物嘅香味喺廚房傳出。首先上枱嘅係脆薄餅，配有三款醬汁，由左至右分別係咸咸甜甜嘅醬油、乳酪醬、和洋蔥蒜蓉醬。薄餅好薄、好香脆。83 Masala Tea cold $38茶味獨特，有別於一般港式奶茶。調味的糖水另上，可自行調較合適自己嘅甜度。06 Samosa $48一碟有4隻，估唔到每隻咖哩角咁大隻，餡料除了咖喱薯蓉，還有青豆，薯蓉混合了薯粒，提升了咀嚼口感。外皮酥脆，内外的暖熱均勻。伴碟的蕃茄挺鮮甜，伴隨著咖喱角食，減低膩感。20 GOAN Fish $98椰汁味好濃，加上少少甜咖哩味，唔食得辣嘅人都啱食。68 Garlic Naan $30好酥軟，醮咖哩汁食一流！好像是印藉人的店員很殷勤，由店員到餐廳格調，以至食物品質，都感受到正宗的印國風味，十分享受的一頓晚餐。

今天好友辣妹帶我來到中環這家印度餐廳，想不到這棟小小的大廈內，隱藏了一間出品地道又美味的印度餐廳。餐餐內的佈置，令人有置身印度的感覺，這晚的食客有印度人、西人和香港人。而餐廳經理是一位溫文有禮的印度人。等候上菜其間先為我們送上既薄脆又頗辣的楜椒餅，及附上香辣、薄荷和燒汁。幸而這晚點的菜式都選了小辣，否則怕辣的我肯定辣得像噴火了。Samosa 薯蓉咖哩角 $48胖嘟嘟的三角堆體型狀，忍不住要立即切開送往嘴。外皮鬆脆，不油不膩，咖哩香而不辣。Tandoori Fish Tikka 辣烤魚塊 $98 小辣的咖喱汁，伴著新鮮嫩滑的魚塊。Aloo Gobi椰菜花馬鈴薯 $78 馬鈴薯薯香很重，質地軟糯，椰菜花剛夠熟，兩者吸收了小辣的咖喱汁，就算吃飽了，也要多吃兩件。Naan 軟烤餅 $25 醮點咖喱汁吃，可代替白飯了。。Lassi $48 乳酪特飲 微酸又帶芒果香 Ginger Ale $20 少許薑味，不甜，正好用來舒解熱氣。估不到怕辣的我會愛上這裡的印度菜，多謝好友辣妹約好主意。

朋友外國回港渡假。於是帶她去位於中環一間印度菜的餐廳食lunch. 位於Soho 區頭，橋底隔離橫巷上2樓。所以要小心miss 左個入口。進入餐廳 Size 不算太大但很舒適。進入餐廳內已咖哩香氣撲鼻。餐廳職員很nice 為我們介紹當日special.及遞上一份免費小食胡椒餅配上特色醬汁。我們先點了2杯飲料。印度啤酒 Kingfisher $48 及 Fruit punch 雜果賓治 $38。小食點了薯蓉咖角 Samosa (4pcs) $48. 外皮酥脆口感。薯蓉餡很野味配合了一些印度香料。還有烤魚塊 Tandoori Fish Tikka 4pcs $98. 個人認為份量少左d但味道搭夠。當然不可能不order 咖哩啦。我地點了一份椰汁咖哩雞配上一份印度米飯。咖哩汁不太辣，啱晒我地不辣一族。不過當然緊會照顧埋d無辣不歡的客人既。所以佢地provide 不同咖哩汁選擇。這頓印度飯確實令我對印度菜改觀不少。大家要去試試啦！

今日去上環搵朋友食午餐，兩個人都話近期口淡淡，想食啲重口味嘅嘢！嗰頭講完，抬頭一望就見到呢一間聲稱傳統印度菜，於是兩個人膽粗粗去試吓啦！喺門口等左15分鐘，順便望一望餐牌，發現原來係食自助午餐＄88，配上一杯餐飲。終於入到去啦！環境尚算不錯，有印度音樂，仲有一個電視播放着一啲印度影片，感覺很住家！食物方面：我最喜歡佢嘅炸春卷，春卷裏面包住紅蘿蔔絲等配料，外脆內軟，很有小時候外婆炸春卷的味道，不錯！另外，我亦很喜歡烤雞肉，烤雞肉的紅咖喱汁酸酸中有一點辣香，感覺很特別。而且雞肉尚算滑，味道可口！食飽飽又要開工啦！

一入餐廳已經聽到節奏好強既印度歌曲，而且店員都係印度人黎。一開始，我地叫左個烤羊排，初時以為係一大塊果款，但原來似係羊架咁，一共三件。羊肉表面有一Ｄ醃料，令羊肉更加惹味。而且羊肉羊羶味唔會太強，食落感覺無咁燥熱，唔太好羊既人都可以試下。而羊肉邊緣位有少少脆口，羊中間肉都算是軟綿有少少彈牙，口感算是特別的。羊肉看起上黎有少少乾，加埋醬汁食就岩岩好。而羊肉脂肪好少，基本可以說是啖啖肉，近邊位既羊肉味道更加濃郁，識食一定食呢到啦～跟住仲叫左印度啤酒，初時係叫喜力，但店員極力推介我地飲當地啤酒，仲話味道都近似。咁我地飲完覺得味道真係似，不過感覺唔夠喜力咁解渴爽口，但都算係新體驗。因為我地叫左瑪沙拉燒雞，所以叫多個烤餅點住黎食。而雞件份量都幾多，先講講佢既製法。菜單上寫雞件經泥爐炭火製法，即係用香料把雞醃成紅色，再用泥爐炭火整熟雞件。然後再加入新鮮配料，例如蕃茄、青椒等等。怪不凡配料係新鮮爽口，但雞件又保留原汁原味，同埋鮮嫩口滑。不過烤餅唔夠鬆軟，好彩點左瑪沙拉燒雞既醬汁食，醬汁帶有少少辣同濃味，補充到烤餅既不足。

食物ok, 但檯面的支裝礦泉水要收$20的，可以開聲問佢拎免費的水 (當然不是支裝了)。早前有另一個post話係免費，店主解釋一直都要收費，可能只是上次忘記計客人錢。

Weird smell, the meat seemed like it had been reheated a few times, didn't taste fresh and the texture was rubbery. Not fragrant or particularly tasty, they tried to cover it all up by adding a ton of salt but that just made it worse. Won't be going back.

我平時好少食係香港食印度菜, 今次俾個朋友拉左來。印度菜必有印度薄脆餅，這裡也不例外。胡椒餅薄而香脆，還有三個顏色醬：綠色的是薄荷；個人就比較喜歡橙色的Garlic and Chili，有點微辣，很有東南亞風；深色的是Sweet and sour，酸酸甜甜，只是個人不太喜歡。Chicken Tikka Masala $108烤肉瑪沙拉, 食印度菜最幾出名既一款咖哩雞，唔算好辣，烤雞既份量都幾多，雞肉好嫩唔乾, 點埋啲薄餅食真係唔錯。Jalfrezi Chicken $88青咖哩雜菜雞, 唔辣, 雞肉無烤過, 所以好嫩, 但唔夠Masala好食。Saffron Pulao Rice $ 58番紅花黃飯 印度米粒粒分明，幼身尖長，口感特別，乾身而不黏口，亦滿有香料味。Garlic Naan $30好大塊好厚，烤至底面都帶些金黃，口感煙煙韌韌，挺有嚼勁， 面頭加了蒜和芫茜，食落冇乜蒜蓉味。Mango Lassi $48入口夠濃稠，帶芒果酸甜味，是我每次吃印度菜必點的飲料。

呢間寫住傳統印度餐廳，真係原汁原味甘用印度大廚、印度店員、印度食材。未入到餐廳已經聞到咖喱香，裝修亦都非常印度，紅色嘅佈置、印度嘅音樂、印度嘅電視頻道，感覺呢就係去咗印度。打開菜單，裏面寫咗好多印度嘅菜式，醬汁呢度好特別，一大堆唔同味道，雖則冇牛肉亦冇豬肉，菜色仍然花多眼亂，選擇困難。最穩陣嘅，先係叫左印度啤酒。然後一大堆比較容易選擇嘅印度薄餅。今日食咗洋蔥薄餅同蒜蓉薄餅。兩者麥味香，手拉薄餅好有咬感，用嚟點咖喱，簡直完美。另外佢仲送咗個印度脆薄餅，加三種醬料。三種醬材各有特色，味道，溫和。基本上我所有菜色都有點一點醬汁。呢個烤羊腿，同醬汁好夾。今日叫咗個芝士菠菜茸配黃飯。菠菜茸好健康，芝士入口即溶，兩者口味配搭天衣無縫。黃飯用咗印度米，細細粒，乾身有米香。同泰國米唔同，因當米值得一試！每枱都有一隻蒸餾水，乾淨衛生。今晚的印度料理之行，每樣野都好新鮮。下次黎開中環，大家可以食下呢度嘅lunch buffet, 好抵食。晚市都唔貴。

這間由印度人主理的餐廳，相信在中環區已薄有名氣。上次在這餐廳用膳的時候，基本上都是印度人。今晚居然兩枱本地和外國客人，看來他們已經做出名聲來了。不變的，是這裏的服務依然親切。優雅的佈置，紅色格調，帶給客人一種低調的熱情。今天我們叫了洋蔥薄餅，柔軟的麵包帶著洋蔥的清甜，用來配搭咖喱的確一流！今晚我選擇了魚柳椰汁咖喱。椰汁香濃，咖喱非常溫和，沒有刺激的辛辣，吃得健康。這個椰汁咖喱的魅力，是能讓你吃個不停，吃完洋蔥薄餅，再來一個蒜香薄餅。來吃印度菜，如果沒有吃點辛辣的咖喱，感覺有點遺憾。這個紅咖喱雞肉，辣得刺激！今晚還嘗試了烤羊架。烤羊架配襯了三種色彩鮮艷的醬汁。看似刺激的紅色醬汁居然不辣，綠色的蔬菜醬汁是我的最愛。在印度餐廳吃正印度料理，飲到印度啤酒。悠閑自在。

而家夜晚係中環食間茶記翠X ，都成舊水落樓 ，我心諗 ，倒不如食D有特式少少既南亞菜 。今晚試左呢間印度野 ，地點唔錯 ，皇后大道中 近SOHO電梯位置 。間野係二樓 ，一入去 ，有別於重慶大廈式民房營運屋企餐廳 ，呢間野係真係一間餐廳 ，氣氛唔錯 ，有少少裝修 ，燈光仲要幾有情調 其實都幾岩 dating。一埋位唔使講野 ，整番支印度啤 。其實 ，唔講唔知 ，原來印度都有啤酒 ！咁當然都係外資X當地釀製啦 ！唔係點衝出國際啊 lager 野黎 ，易入口 ，清爽解喝， 都係一個幾好既體驗 ，起馬好過上到去俾支生力你， 果下即刻扣五分。坐左陣 ，最開心見唔到香港人 ，見到就大穫 。即係代表檔野超廢 。香港人出名接受唔到新事物 乜差野都要用香港標準去量度 ，做到廣東風味先叫好食 ，咁你落附近茶記X華食得啦 ！食足全場只見有印度人幫襯 ，我完全明白呢間餐廳係真係做正宗印度風味 ，否則D 同鄉洗鬼黎食咩 ！叫左幾道風味野 ，當中以印度咖喱魚柳最好味 。tikka masala + 薄餅呢D 食法就指定動作，唔使多講 ，辣味係幾夠 ，奉勸唔食得辣既朋友仔記得叫多兩支印度啤酒。燒羊架唔錯

Ordered Chicken Tikka Masala and Lamb curry. Food are very tasty and hot. Manager is helpful and washroom is clean though a bit small. The restaurant offered both bottled water and tap water upon request. Overall good dining experience.

豐富印度菜!!!咖哩羊肉（$92）咖哩有5款選擇，選了印度椰汁咖哩，甜而不辣，椰汁味香，羊肉鮮嫩易入口，沒有羶味。蒜蓉烤餅（$30）烤餅當然要配咖哩吃，配在一起真係好惹味！雜錦燒烤（$198）包括了烤魚塊、無骨燒雞和一塊烤羊排雜錦燒烤賣相特別，味道充滿印度風味，香味濃郁。魚塊做得非常特別，燒雞肉質有嚼口，羊排香面不羶！Lassi 乳酪特飲（$48）乳酪特飲香甜開胃，味道有點似奶昔，酸酸甜甜，好開胃。

最近食得多西餐、日本菜，都覺得厭厭地，想有啲新鮮感，於是就黎揾左呢間印度菜餐廳試下。位於中環，地理位置都幾方便。食物選擇好多，花多眼亂。Samosa 薯蓉咖哩角$48Samosa係印度常見的路邊攤小吃，有不同口味，而我地呢款入面有薯蓉、青豆，咖喱味道挺辣，外皮炸到金黃色，趁熱食特別正！Chicken Makhani 奶油咖哩雞$108奶油味非常香濃，味道偏甜，一啲都唔辣，醬汁濃稠，撈飯食真係一流，而且雞肉嫩滑，大力推薦！Garlic Naan 蒜蓉烤餅 $30非常喜歡烤餅軟軟的口感，蒜蓉香氣撲鼻，齋食都唔覺得寡，仲好有飽肚感添！Kashmiri Pulao喀什米爾黃飯 $58唔好以為印度菜一味得個辣字，呢款飯有好重嘅菠蘿味，食到陣陣嘅水果香，甜甜地，非常特別！Gulab Jumum 甜湯丸 $48Gulab印度語嘅意思是玫瑰，Jamun係果子嘅意思，之所以叫做玫瑰果，係因為以前都係用玫瑰水做嘅，依家就多數用藏紅花。嗜甜嘅朋友有福啦，因為呢款甜品極度極度甜，唔信你就來挑戰下啦！以後想食印度菜，唔一定要去重慶大廈啦，原來中環都有正宗好選擇呢！

😍今日係中環行行下比我見到一個門口冇咩特別既印度餐廳，就決定同朋友入去試一試，最後感覺自己冇行錯路XD 。一入到餐廳，一眼望個灑，環境唔太大，不過座落去絕對唔會有逼有唔舒服既感覺，當中我感覺到呢間餐廳絕對唔會因為為左做生意而安排到D枱密密麻麻，而且裝修係圍繞住印度風，加上佢播既印度歌，感覺自己好似係印度食緊野咁。一開始餐廳會送一D烤餅比我地(free)，而且有3隻汁，有辣汁、bbq汁，薄荷汁，個人比較中意BBq汁，小小甜，同個烤餅好配。最好既可以免費添加，岩灑我個肥仔fd。首先，我地點左個春卷，有8件咁多，而且春卷入面有小小菜絲，個皮又脆又熱，加埋上面講過個5幾隻汁，感覺又有令一番風味。主菜我地叫左個濃汁燉羊肉，一上菜，而且見到唔少羊肉係面，一食落口，絕對唔會話有太蘇既感覺，相反，更加可以試到咖哩煮羊既味道，而且又唔會蓋過羊本身既味道，所以我特別中意呢間餐廳既羊肉。可能我地大食，所以我地決定叫多個洋蔥烤餅，我地再用呢D烤餅配上一道主菜既羊肉汁，感覺絕配，因為你會係燉羊肉既味道食到額外香香既洋蔥味。最係加埋個甜湯丸，呢個湯丸絕對要比個讚，雖然係甜，但個個口感加上甜漏漏既感覺，一定岩灑女仔