中華滙館 (Closed)

Restaurant de Chine is a modern Chinese restaurant that puts novel twists to many of its traditional dishes, and every dish is produced from high quality ingredients.Marinated Pumpkin with Plum Sauce $60To start our meal with a lively and refreshing marinated pumpkin with plum sauce, the pumpkin had a natural sweetness that went well with the citrusy plum sauce which helped increase my appetite.Marinated Pigeon with Huadiao Wine $180This dish also known as ‘drunken pigeon’, and it is a Shanghain

上網見到好多名人食過呢間餐廳，而且都讚口不絕，所以訂咗位打算同屋企人一嚐佳餚。由門口到餐廳內既所有裝飾擺設雖然唔係話金碧輝煌，但都已經好華麗。頭盤叫咗蔥油拌紐西蘭青口，味道好清新又唔油膩，做頭盤一流，而且肉質都好肥美！再嚟叫咗脆炸九肚魚，九肚魚炸得非常鬆化，食落一啲都唔覺得油膩，而且啖啖肉完全唔會食到骨，啱哂中意食香口嘢嘅小朋友同老人家！重頭戲叫咗懷舊八寶鴨，一上菜就香味四溢，八寶鴨配埋蓮子嘅清香同鹹蛋嘅甘香加埋真係一絕！最後叫埋甜點桂花糕中和下，桂花糕十分清甜，好推介大家叫嚟做飯後甜品！

今晚係中環收工後黎同屋企人食晚飯屋企人鍾意食中菜於是就黎左呢間中華滙館食先食個話梅南瓜佢既口感幾特別，偏向似南瓜糕而且佢係用話梅浸所以係非常入味而且擺盤都好靚之後叫左隻鮑魚佢係用味淋醃過 好入味而且完全唔會韌炸鳳尾蝦好酥脆，而佢既外層係有用芋泥包住蝦都夠鮮味口感有好多層次黑松露星斑球好香既黑松露味，而且星斑球非常新鮮加左菇類去炒，更可以帶出鮮味鱆魚炒飯不濕也不乾剛剛好鱆魚切得好幼細，可以帶出到鱆魚既香味咕嚕肉粉漿夠薄身值得一讚

平日成日見門外既外帶牌好吸引，今日終於同屋企人嚟咗一嚐中菜～餐桌上嘅佈置都十分精緻～頭盤方面叫咗鹿兒島茶美豚叉燒，一上枱就見到啲蜜汁岀哂嚟，仲香味四溢添！咬落勁juicy，好啱食！再嚟叫咗杏汁燉白肺，一上枱已經聞到好香嘅杏仁味，湯底十分濃郁，飲落好滋潤好舒服，仲可以食埋白肺片～仲叫咗兩個小食：金湯小米北海道遼參，遼參爽口彈牙，湯底內用左小米煮，整個湯分外特別，營養價值又高！香煎北海道帶子，帶子係jumbo size，仲係半刺身，保留咗佢嘅鮮嫩度，十分好食！再叫咗個火腩粒炒飯，材料份量十足，每啖口感都十分豐富！最後甜品叫埋個芝麻卷，傳統味十足，甜度又啱啱好！

人大了，見識多了，慢慢對從前的事都會淡忘，但身為一個中國人，對中國菜始終是情有獨鍾，而由於香港美食百花齊放，很多人都吃不到正宗又好味的中國菜！位處中環的中華滙館，位置方便而私穏度高，出名是名人飯店，原因是他們的菜色令人一試難忘，今晚我與好友又再重臨！環境方面沉實而有氣派，銅製的水壼每每吸引客人的目光，侍應殷勤的為我們奉上熱茶，服務細心👍🏻第一道菜點選了「脆炸九肚魚」，大家別以為是一個普通的前菜，如果要我形容，它好比日式料理的天婦羅而更勝一籌，高溫熱油快速把九肚魚炸熟，而入口脆而不膩，內裏肉嫰酥香，滿分🤗「花雕醉乳鴿」，陳年花雕離遠已經香氣四溢，呢隻乳鴿砌得好精緻，好像還在飛翔中，而特別欣賞廚師精湛的刀工，啖啖肉，口腔感到花雕獨有的香味，與別不同的做法。「金湯小米北海道遼參」，滋補又養顏的北海道遼參，完全被金湯小米包圍，這度名貴的菜色當然要用刀叉品嚐😬「潮蓮燒鵝」🦢鵝不肥也不瘦，皮下脂肪算適中，入口肉香嫰滑，肉汁四溢，絕不油膩，保證熱騰騰，不可不試啊！「濃湯鮮腐竹浸時蔬」，形容不到的鮮甜，應該是足料淆製而成的上湯，加上新鮮的腐竹，效果令人意想不到的美味👍🏻再來一個暖胃的「上湯蝦球炆伊麵」

Farewell 飯，有人作冬梗係食好野啦😛揀左間高餐中菜🤤🤤門口感覺好高雅勁期待！先上幾款頭盤口水雞呢道菜辣度夠，雞肉切成細細條夠滑嫩，又無骨，不錯！酥炸九肚魚雖然係脆炸，但絕不覺油膩炸粉超薄，魚肉細嫩，好味！話梅南瓜賣相精美，南瓜蜜甜！黑松露炒斑球黑松露好香，斑球食得出好新鮮，並非一般雪藏魚柳，好有口感！香茅蝦球蝦球爽口彈牙！辛香佐料帶微辣，幾惹味！金貝雞米炒粉絲最喜歡炒粉絲了炒得香口乾身粉絲一絲絲軟滑，干貝一絲絲有嚼頭鮮鮑魚石窩雞一人一件鮑魚仔，鮮美雞柳好嫩滑，在石窩中竟然也能控制得火候得宜👍餸菜份量剛好，食材新鮮矜貴今餐真係要多謝老闆了！🙇🏻‍♀️🙇🏻‍♀️🙇🏻‍♀️

適逢朋友生日，幾位好友得以聚埋一齊幫佢慶祝，美酒佳餚自然少不免。朋友話想食精緻嘅中菜， 但係又要環境靚 ，又要夠靜可以畀人傾計， 真係諗到有少少頭痕。幾經搜索之下，發現呢一間中華匯館有不少好評，決定一試。位置座落喺陸羽茶室嘅對面 ， 非常易搵，淨係門口都感覺非常有氣派。入到入面嘅環境都好高貴典雅， 環境非常舒服清淨， 正可以同朋友傾計，品嚐美食。等朋友嘅期間先來一道話梅南瓜， 南瓜咬落軟硬適中，煮得剛好，而且酸酸甜甜，有話梅嘅香味，亦有南瓜嘅甜味，作為開胃小食幾好。朋友來到就點左一道麻辣口水雞， 廚師將雞肉起骨切絲，再混合辣油及花生， 辣得來幾過癮，而且辣椒整得非常香口，辛辣刺激之餘，雞肉亦保持嫩滑， 對於嗜辣嘅我而言，非常唔錯。而呢一道脆炸九肚魚， 亦都係水準之作，炸漿非常之薄， 食落沒有油膩感覺，而且酥脆香嫩，外層脆皮包裹著鮮味嘅九肚魚，一脆一滑形成對比，再加上蒜香作伴， 真係欲罷不能。朋友更加忍唔住口，一個人食咗半碟，真是可惡至極！至於呢一味就係水煮星斑球， 以石鍋盛載著，上枱時仍然保持溫度，不斷冒煙， 雖然係水煮嘅做法，但係並冇遮蓋咗東星斑嘅味道。魚肉食落非常嫩滑鮮甜，肉質結實

相隔左5年, 難得姑姐姑丈再次一齊返香港探親, 我同老婆今日一齊請左半日假去機場接佢地機, 帶佢地食餐特色中菜同佢地洗塵。姑姐姑丈今次揀左住香港站呢間酒店環境非常好, check-in完settle好都已經6點鐘, 我地逛逛ifc商場就慢慢行去餐廳開餐。今晚揀呢間位於士丹利街嘅中華滙館係表姐推介的, 由於佢係中環返工, 對呢區嘅餐廳好熟悉, 佢推介中華滙館夠環境清幽, 食物同服務都好好, 啱哂我地同姑姐姑丈洗塵。我地未夠7點已經到餐廳, 餐廳門面同內部裝修都非常典雅, 以藍色配木色為主調, 座位寬闊, 整體環境好舒適。店員服務親切有禮。中華滙館嘅菜色選擇好多而且好多款都好有特色, 原本我地打算俾姑姐姑丈發辦, 不過佢地話佢地好少食中菜, 堅持要我同老婆點菜, 結果我地揀左幾款特別嘅小菜, 仲點左一款懷舊八寶鴨, 4個人share應該好夠食。😊麻辣口水雞 $90頭盤我地點左呢款口水雞, 辣度適中, 入口帶有少少麻, 雞肉好嫩滑, 味道濃郁, 非常惹味。😋鹿兒島茶美豚叉燒 $280表姐推介我地黎一定要食叉燒, 叉燒厚身, 肥瘦有致, 肉質軟腍而且肉味香濃, 外層仲帶有微微焦香, 呢款叉燒可

香港作為一個國際城市，想品嚐世界各地的美食，可以說是輕而易舉的一件事，但每逢遇著節慶、家庭聚會或朋友聚舊，我們都會想起吃中菜。當大顆人或三五知己圍著圓桌共膳，那種溫馨和熟悉的感覺，每每都為我們帶出愉悅之感，所以中菜依然能夠保持一定的地位。中華滙館位於中環心臓地帶，菜式滙聚中華各家美食，演繹出新派與傳統中菜的精髓，讓菜式更精緻、更多元地呈現到客人眼前。Gourmet Tea (@$25)花雕醉乳鴿（$180）👍👍👍👍👍乳鴿用了頂級的乳鴿皇，並以淡滷水浸泡兩天，上枱前淋上陳年花雕酒，未吃已經聞到濃濃的花雕酒香。乳鴿已預先起肉並切片，粉嫩的肉色，入口鮮嫩，皮薄肉厚、肉味濃郁並帶芬芳撲鼻的花雕香氣，此菜式能夠充份彰顯中國美酒入饌的味道。麻辣海參（$180）👍👍👍👍👍海參本身是一種沒有味道的海味，所以烹調的方法和調味功夫一定要做足。切成薄片的海參口感爽彈，配合葱花和爽脆的青瓜𢇁令菜式更清新，調味方面用了四川的麻辣汁和辣油，辣味激發著麻香的味道，跟海參和青瓜絲一起吃，既清爽又開胃。話梅南瓜（$60）👍👍👍👍每片南瓜切成菱角狀，並砌成一朵花朵的圖形。南瓜用了甜話梅水浸泡過，酸酸的話梅味道滲透入甜甜的

涼拌海蜇頭平時海蜇腳就食得多，頭就少食d,大大塊口感比較爽脆，酸酸地夠開胃鹿兒島茶美豚叉燒基本上一定點食的菜品，叉燒肉軟綿綿咁，味道剛剛好唔太濃，好食金磚豆腐覺得都係值得一食的前菜，外皮一咬就鬆化，豆味好濃杏汁燉白肺白肺湯的白肺好嫩滑，杏汁湯飲落有少少似杏奶一樣，甜甜地幾鮮味香煎北海道帶子聽店員講係2L size,係一隻好大的帶子，用少少南瓜同其他做醬汁，帶子就半熟，令帶子保持鮮味四川豆酥鱈魚鱈魚最好的，就是無骨啖啖肉，而且魚味又足，配合埋炸的金黃鬆脆，十分好三蔥燜和牛肩肉第一次食肩肉位係咁冧，牛味濃就當然，最重要入口唔洗點咬，三款蔥都好甜濃湯鮮腐竹浸時蔬時蔬係小唐菜，好甜美，濃湯店員介紹番係用湯雞，腐竹味都好濃，清新得黎又好食金貝雞米炒粉絲最後再整個粉，食飽少少，粉絲好爽口彈牙，配料有d元貝，蛋之類，味道濃而不膩，本來飽飽地都可以食哂

中菜向來烹法廣博精深，千變萬化，上星期我就來到位於中環的中華滙館，享受一餐高檔次的美味中菜。裝修雅緻不俗套，散發東方韻味之餘，卻又可新舊融合，注入時尚氣息，座位寬敞舒適，服務亦十分有效率，侍應經常會巡視，自動自覺為人客添茶。就連餐具擺設份外古雅，極具中華文化風味。茶芥收 $25一位，雖然不便宜，不過這裡採用的茶葉也不是一般酒樓貨色，茶香清幽，沖久了也不會變得很淡。餐牌大多以廣東菜式為主，選擇極度多元化。三小碟 $260假如有選擇困難症，點三小碟的小食拼盤就可一次過試齊三款頭盤，免卻難以取捨的煩惱。黑魚子流心蛋軟嫩蛋白包裹著半熟晶瑩的流心蛋黃，滿溢香濃蛋味，加上矜貴的黑魚子醬，讓人回味無窮。鹿兒島茶美豚叉燒叉燒外微脆，內封汁，肉質細緻，肥瘦度適中，混合蜜汁香甜味道，味濃甘香。脆炸九肚魚表皮金黃酥脆，充滿惹味的椒鹽香，魚肉嫩如豆腐。蜂巢鳳尾蝦 $80表層雀巢脆皮鬆化，帶有空氣感，香脆可口，油份不會過多。新鮮蝦肉不會霉爛，肉質爽口，配合粉糯的芋頭，突出其蝦鮮味。杏汁燉白肺 $120要數滋潤養顏的手工湯水，杏汁白肺湯必定榜上有名，養顏潤肺，止咳化痰，可說是女士們秋冬必備的美肌湯品。一碗熱騰騰的