豐鍋雞煲 (荔枝角道) (Closed)

天氣開始轉涼，朋友已經話想食雞煲，呢間店比我想像中大，枱與枱之間有啲距離唔會太迫!! 出面有個打卡位幾靚架!! 主角雞煲上枱啦，上枱嘅時候只有六七成熟，確保唔會過熟令啲雞肉鞋晒，開火再炒一陣就食得，叫咗半隻小辣$168，有大量蔥芫荽一齊炒所以幾香幾惹味，感覺都幾多雞腿肉，幾滑而且多肉食!! 食完雞肉就叫店員加湯打邊爐，叫咗頂級雪花肥牛、牛柏葉、響鈴同埋油麥菜，肥牛肉質唔錯有牛味，牛柏葉非常爽口但滾得太來就會鞋要留意時間，響鈴自家製有紫菜喺入面，整體食物質素唔錯!! 飲品叫咗水蜜桃梳打同烏梅汁，兩杯大大杯但都幾甜，食完雞啲冰融晒嘅時候飲就啱啱好喇!!

天氣開始涼，最好就係打邊爐/食雞煲。麻辣雞煲（半隻)，可以選辣度，揀左小辣。雞肉吸哂d精華，所以好入味！開始時，辣味不是好出，但後期就慢慢來了！手工即炸魚皮，好正，成塊上！好香脆，放了少許調味，正！建議趁熱食，否則無甘脆口。頂級雪花肥牛。牛栢葉，萵筍片。牛栢葉份量都幾足，萵筍就好爽口！藍碟雪莉，水蜜桃梳打。場內環境都幾舒服，仲有個instagram!！比客人貼相！門外都有個好大既打卡位！係love you 3000s slogan 食完仲可以影下相！哈

最近愛上食雞煲，今次黎到深水埗食雞煲，門口招牌樣眼，入到去非常闊落，六點半未有太多人，叫咗個bb辣既雞煲同啲火鍋料，之後去自助醬料吧拎醬豐鍋招牌雞煲：bb辣度對於唔係好食昝辣既我地就啱啱好，雞肉入味，醬汁收得啱啱好，好野味食完雞煲，侍應幫我地加湯開始打邊爐手工四寶丸：蝦丸、墨魚丸、黑墨丸同鯪魚丸，手工丸爽口彈牙頂級安格斯牛：肉質鮮嫩，牛味濃郁即炸爆紫菜響鈴：炸腐皮包著紫菜同芝士，浸三秒後食，芝士剛溶化，啱啱好嫩鴨血：豬紅食得多，鴨血第一次食，鴨血軟滑，唔會一夾就散手工即炸魚皮：好特別，成塊大魚皮，上面撒上淮塩粉，好脆雜菜藍：多款蔬菜

原店係沙田京瑞廣場，而家深水埗都開埋店😍-🥘豐鍋招牌麻辣雞煲 (半隻)$168🍢手工四寶丸 $85🥩頂級安格斯牛小排 $178自創爆芝紫菜響鈴 (3件)$42🥙什菜籃 $68手工即炸魚皮$48🌹玫瑰柚子特飲 $38大檸樂 $32-1️⃣ 🥘豐鍋招牌麻辣雞煲⭐️⭐️⭐️⭐️雞煲黎講都真係泊得住x尊連鎖店，醬汁辣辣甜甜，好惹味，麻就唔係好感覺到，可以試下叫多麻，一定仲正！不過我朋友話想拎芫茜岀黎，店員就話唔好，應該就係全鍋既香味精粹☺️的確超香/2️⃣ 🍢手工四寶丸 (蝦丸、墨魚丸、黑墨丸、鯪魚丸）［滿星］⭐️⭐️⭐️⭐️⭐️‼️未煮前已經覺得好新鮮，樣子十分吸引🥰而且好彈牙，黑墨丸除左色好特別，食落係鹹鹹地的，而鯪魚丸，食落好似山竹牛肉球😂不過好好食😳/3️⃣ 🥩頂級安格斯牛小排［滿星］⭐️⭐️⭐️⭐️⭐️‼️份量真係超級多，食左好多原來都只係食左中間個花花😂，望落見到好鮮色同花紋好平均，食落好爽口，可以唔洗叫貴多一二百蚊既都得，依個已物超所值😍/4️⃣ 自創爆芝紫菜響鈴 ［滿星］⭐️⭐️⭐️⭐️⭐️‼️自創之選！咬落中間第一啖食到紫菜，第二啖塞哂落口，就爆芝岀黎，好彩唔係好熱唔係就熱死我😂三樣野爽埋係個好好既組合！！不過有小小溜，一人一個岩岩好了

黎到深水埗，周圍都好多打邊爐既舖頭，今次就黎試下呢間天使豐鍋，點解叫天使，因為佢門口出面有個町卡位天使，哈哈。入到內座，座位就同普通酒樓差唔序，都係比較多圓枱，而唔係普通連鎖邊爐果隻4個枱2or長形枱。方便左一大班人黎傾計交流。食物方面，價錢我就覺得中間喇，唔算太貴or太平既。食物質素就當然好過放題d質素喇。好似d海鮮咁，就比較新鮮生猛。另外，佢個響玲都係即炸起黎既，所以都係特別好食，2個人食三舊就岩岩好，唔會好「利」。雞煲方面，配料都幾多，個人覺得就多配料既雞煲先能夠帶出隻雞既鮮味。雞都幾有口感彈牙，算係中一喇唔錯既。份量亦都好足夠，兩個人食就岩岩好喇。肥牛方面，呢隻牛就主要食個口感，入口彈牙，但牛味就少d。

同班打開機既公會朋友夜晚收工8點倒去聚會，介紹呢間新店攞個就腳既香港中間點深水埗，開頭少少驚，但原來唔近深水埗警處，安心晒，食到收鋪。每人叫左個$298海鮮餐，黎到賣相同份量都以為唔係1日份量，正常你係普通食量係食唔晒，但係質量真心高，全部都係新鮮高級料安格斯牛、黑毛豬、龍蝦、蟹、帶子、鮑魚、聖子已經值回票價，仲跟埋日本烏冬、手打丸、冬菇、菜籃。另外，店員介紹左個椰子雞煲俾我地叫埋都幾抵食，啖湯好似阿媽煲老火咁一定要試。另外，值得一提個炸響鈴係即炸裡面有芝士可以就咁食，放落個雞湯浸一下仲正，食完同班朋友打機打到收鋪店員都無炸型，老闆走黎吹水問我地意見，話近排社會環境唔好當賣大包，希望做好個口埤，蝕住做遲D先賺番，叫我地班機友介紹俾班團友，趁新張仲賣緊大包可能會再同第二班朋友試埋其他雞煲睇隔離枱都多人食想試下。

今日同朋友去深水埗唱k,突然想食雞煲，咁我地就決定左今天晚餐，行左5分鐘左右，找到一間近馬路附近的地鋪雞煲，門口已經有打卡位，一對閃光大雙翼，進到裏面店員都好熱情招待我地，我地就叫左小辣豐鍋招牌麻辣雞煲$168半隻，二人食就差不多，一陣還會叫火鍋配料，雖然是半隻，但都好足份量，食完就叫左即炸爆芝紫菜響鈴$42蚊3件，好大一條，新口味，因為自創，出面一定食唔到，再叫左牛柏葉$55，爽口唔會難咬，牛柳粒$78，出面食會硬，這間唔會，最後叫左油麥菜$34，水蜜桃梳打$38，玫瑰特飲$38，剛剛好

天氣涼涼地最適合食雞煲或者打邊爐，今晚選擇了位於深水埗的豐鍋，可以食雞煲或有多種火鍋底供選擇。室內樓底非常高，空間感好大好舒適，食火鍋雞煲最怕食完成身一陣味，空間感大D，食完身上都無咁濃味😂我們點了招牌雞煲❤和一些配菜打埋邊爐😚半隻雞份量都唔少，夠曬兩個人食，秘製醬汁配芫茜紫洋蔥好惹味😋雞肉入味又無雪味。雜菜份量都唔少，而且翠綠新鮮蓮藕片好爽口，但說到最推介的是手打墨魚滑，非常彈牙鮮甜秒殺😆飲品方面點了烏梅汁，烏梅汁比酸梅汁濃味一點，酸酸甜甜很開胃又解渴，可以中和食雞煲的油膩感👍👍

屋企附近最近新開左間雞煲，今日終於有機會試下！我地叫左一個「豐鍋招牌麻辣雞煲（半隻）（$168)」個雞煲有好多芫茜，非常香啊！！！朋友唔太食得辣，所以我地只係叫左bb 辣，但味道都好濃郁惹味，唔錯！下次同啲食得辣既朋友黎再試下叫辣啲跟住我地叫左個「頂級雪花肥牛（小）（$98)」肥牛雪花唔算好靚，但肉味濃，呢個價錢黎講都算抵食跟住見到呢度既響鈴係即炸既，當然唔可以錯過！我地叫左「即炸爆芝紫菜響鈴（3件）（$42)」響鈴入面有芝士夾心，超正，必食！另外叫左雞煲索汁必食既「牛柏葉（$55)」娃娃菜（$34)烏梅汁（$38)大話七（$32)店入面有自助調味區，生蒜、炸蒜、芫茜、沙茶醬等等都係任拎*醬油費每位$8埋單每人二百幾蚊，都唔算太貴

之前已經喺沙田食過呢間打邊爐，但因為沙田實在太遠，今日行深水埗竟然見到呢間雞煲開咗間分店，仲大間好多，門口要排隊🤣 最近天氣涼涼地，都想食返個雞煲暖胃，所以3條友坐落打個邊爐😹豐鍋招牌麻辣雞煲$268呢間野不嬲出名食麻辣雞煲，叫左個小辣湯底，雞件切得夠大件，非常入味同埋夠辣，不過提提大家要煮耐d先食 ，因為開頭會生生地，但咁先夠滑！頂級安格斯牛小排$178牛魔皇一定會叫牛，呢碟178真係好抵食又牛味重，碗埋打邊爐湯底真心正雜菜盤$68多種類，菜心好新鮮！爆芝紫菜響鈴$72 （6件）勁勁勁勁正、響鈴包著流心芝士本來應該好「流」，但因為加埋紫菜所以中和返！🥰🥰🥰手工即炸魚皮$48呢個都係超推介，即炸即食，又熱辣辣，另外仲要勁好食，因為成舊魚皮炸夠濃味！飲品就叫咗水蜜桃梳打，好似$38一杯，大大杯。👍🏻👍🏻👍🏻

今晚d fd話想食雞煲、我就係深水埗附近收工，openrice下見到有間新野叫豐鍋，佢石門間分店勁多好評，咁就決定去試試。因為有fd唔係好食辣，就叫左個bb辣既雞煲，第一次試唔係好辣既雞煲原來個味豐富過食辣，好入味好香，雞就肉質幾滑唔會霉食完雞煲就緊係到打邊爐啦，叫左個極品本地手切牛頸脊，一分錢一分貨，黎到勁吸睛，雪花勁靚，食落有牛味又爽口，真心超值再叫個好出名既即炸爆芝紫菜響鈴，真係餸如其名，即炸好新鮮，就咁食都得，咬落去個芝真係爆出黎，好enjoy再叫左即炸魚皮，真係未食過咁大塊既好鬼正仲有平時好小有既鴨血，配雞煲湯底都好襯叫埋什菜籃就滿足哂，仲有大大杯既特色飲品下次去深水埗又多個選擇

天氣開始涼想食雞煲暖下胃， 响深水埗但又想坐得舒服，所以嚟咗呢間雞煲個醬汁好野味，而且雞肉炒得好入味，尤其有雞皮嘅雞件，有雞油夾帶住汁嘅香辣，味道層次好豐富安格斯牛好嫩口，本身都好有牛味，其實用清湯，唔洗沾豉油都好美味鴨血 味道同豬血差唔多，不過咬落 杰d，而且都幾彈牙下咁驚喜係炸魚皮 同 紫菜芝士響鈴，都係即炸，上檯時仲有熱度炸魚片係成條魚皮咁上檯，唔會碎濕濕，而且炸魚皮本身有調味，就咁食都香脆可口；另外 紫菜芝士響鈴 估唔到咁大碌，我夾住響鈴浸咗幾秒拎上嚟，食落入面個芝士係軟綿綿，相信係之前炸完上檯仲保持溫度雜菜籃 份量唔少，又有幾種菜，仲要夠新鮮另外點咗 藍蝶雪梨同玫瑰柚子，雖然唔知 ，藍碟係咩呢個賣相好吸引，成杯都係透明藍色 ，用嚟影相呃like一流， 兩杯嘢飲都好清新解熱

天氣開始凍 又係時候食雞煲今次食豐煱火鍋專門店只係見openrice好多讚讚所以我地就黎會一會你6點已經到達 時間尚早 餐廳門前有打卡位(黎到你就會知)鋪面唔算細 如果多人仲可以有房提供我地兩個女仔 叫左幾樣野招牌麻辣雞煲 半隻 bb辣會有職員幫手 唔怕會地獄廚神小心熱親咀仔 雞肉嫩滑 唔會咬到牙都攰味道唔會淡 夠味飲品:玫瑰柚子汁 小朋友首選 玫瑰味甜甜地 仲有柚子食 烏梅汁 有台灣味道 細個打邊爐成日飲兩杯都大杯 好味 抵飲 清左鍋雞 係時候加湯打邊爐特級肥牛 好食 唔會係結哂冰果種 唔會多跟油麥菜 分量唔算小 洗得乾淨 仲可以吸晒湯底精華 炸魚皮 3片 特長炸魚皮表面加上椒鹽 仲要新鮮炸起 即炸爆芝響鈴見佢啲響鈴品種咁得意 我地都叫左個 口感同出面食到的與別不同 可以試下 響鈴內真係有芝士👍🏻如果你覺得需要打邊爐醬料 佢有提供醬料撈撈區成為$5xx 真係飽飽 眼闊肚窄天氣凍食飽就眼瞓 期待下次食好野時

今日約了一個很久沒有見的朋友吃飯，朋友提議吃雞煲。天氣開始涼涼地，打邊爐吃雞煲都幾好。這間餐廳很大，環境非常乾淨。牆身有一些有得意的公仔，可見餐廳都花了心思去裝修。門面有一個很美的打卡位，讓客人隨便影相。原來我這位朋友從來未吃過雞煲的，這次由我點菜。既然初嚐雞煲，我先點了這裏的招牌麻辣雞煲半隻，小辣，然後再點了幾款配料及兩杯飲品。調味料是自取的，喜歡加甚麼配料是任君選擇。前菜是枝豆，這個枝豆味道鹹鹹，豆是爽爽，本身我是很喜歡吃這個的。飲品先來，我點了水蜜桃梳打，朋友就點了藍蝶雪梨。朋友說她這杯飲品顏色很美，味道甜甜的，但又不是太甜，適合她的口味。而我這杯飲品都是甜甜的，有淡淡的水蜜桃味道，好飲。朋友期待已久的麻辣雞煲已到，職員先為我們炒幾分鐘，然後就可以吃。這個雞煲很惹味，雞肉很嫩，小辣的味道剛好，不太辣。裏面有一些洋蔥及蒜頭等配菜，朋友說原來雞煲是這樣的，很入味，她連裏面的配菜都吃光，可見她真的很喜歡這個雞煲。吃完雞煲，職員就為我們加水開始打邊爐了。魚皮是我打邊爐必點的配料，這裡的手工即炸魚皮跟平時吃的不同，非常大塊，很有份量。魚皮不浸湯都已經脆卜卜，浸了湯一會就更加好味，脆加辣辣地

老公不嬲都鍾意食雞煲，我記得同事有介紹深水埗開左間豐鍋雞煲幾好食，於是約左老公收工過嚟食。我地2個人，嗌左半隻雞小辣，好香呀，小辣剛剛好，個汁好濃，就算係雞胸亦都好滑，真係冇介紹錯！👍食半隻雞點會夠喉，嗌埋肥牛+魷魚+娃娃菜，食完雞煲再打邊爐肥牛肥瘦適中，食落仲好有牛味👍手工炸魚皮，真係成塊魚皮，外面好似有啲淮鹽，咸咸地，又好脆口，堅好食。打邊爐點少得凍飲，我嗌左藍蝶雪梨，老公嗌左水蜜桃梳打，我果杯雪梨，好滋潤，老公果杯水蜜桃就好fresh，不錯不錯！😌