豐鍋雞煲 (荔枝角道) (Closed)

平時搭車成日經過，都唔知原來附近開咗間新嘅雞煲，今次經過就同朋友試吓。小麻辣雞煲（半隻雞）諗住新開張抱住試吓嘅心態，叫咗半隻雞份量。師傅喺廚房煮到七成熟拎出嚟，遠處已經聞到好濃嘅麻辣味，上到枱有侍應幫我哋再煮一煮，完全唔洗自己郁手就有得食，又唔洗怕自己煮得唔熟，服務一流。隻雞好食，汁又夠濃味，只係小辣唔多夠辣，中辣或大辣應該會更加惹味！手工四寶丸總共有四款不同嘅丸類，蝦丸、墨丸、黑墨丸、鯪魚丸。其中黑墨丸最特別最好食，咬開入面有一粒粒細細粒嘅墨魚粒，彈牙得嚟又好香墨魚味！👍🏻自創爆芝紫菜響鈴卷呢到嘅響鈴好巨型，比起平時嘅食到嘅大條好多，而且裡面有紫菜同芝士，一咬落去啲芝士係個口都爆開咁，好濃芝士味🤤值得推介下麻辣雲呑用麻辣豬肉做餡，麻辣味都幾夠，又唔會太辣，朋友唔太食得辣都唔怕食唔到。黑豚豬梅肉門口仲有一個打卡位~

另一半好鐘意打邊爐，今日就帶左佢去食雞煲。試呢一間鋪頭因為有一日經過出面，俾佢門口個靚燈吸引到，係Love you3000燈牌🕺🏿🕺🏿🕺🏿佢地既坐位好闊落，一d都唔迫👍🏽坐底第一時間order雞煲先！我地叫左半隻豐鍋招牌麻辣雞煲（小辣）、自創炸爆芝紫菜響鈴、麻辣雲吞、西班牙頂級黑豚豬梅肉同埋叫左兩杯野飲，烏梅汁同埋玫瑰特飲！豐鍋招牌麻辣雞煲半隻雞份量唔算好多，但雞肉好滑，好入味！店員好好會幫我地煮一陣，再話俾我地知如果想食滑d就煮多幾分鐘可以食，會叫我地搵細件d既食左先！非常窩心！自創炸爆芝紫菜響鈴賣相已經好吸引😍比平時食既響鈴大一倍有多，入面好多芝士同紫菜，配埋雞煲麻辣汁煮幾秒就食得，好味！麻辣雲吞份量多，隻隻都好多餡料，而且唔會太辣，比較濃味！西班牙頂級黑豚豬梅肉每一塊都薄薄一片，放入鍋好快就熟，本人非常喜歡佢肥肉較小👍🏿兩杯野飲賣相都好靚，烏梅汁酸酸甜甜👍🏿👍🏿玫瑰特飲香淡淡玫瑰味又帶小小甜👍🏿

BB辣雞煲放工約朋友再試雞煲，book左位唔洗等即刻埋座~店舖環境舒適，台之間相隔都寬敞~我地點好晒野食，唔洗等好耐就上雞煲，店員會耐心搞拌到可以食得為止~雞煲味道香濃，帶d麻麻辣辣，雞肉一點都唔鞋口，沾滿醬汁味~之後加湯打邊爐，叫左幾樣野食~份量岩岩好!芝士紫菜響鈴必食之選，好特別中間加左芝士，炸到好香翠味道，3件超大舊，我見店員會主動幫隔離食客分開一半，因為佢地人多，變左個個都可以試，好讚窩心服務~有用心服務客人~鴨血爽滑，吸左雞煲味道，再點自調麻辣汁，口感一流~平時食牛肉多，今次試羊肉片，好好味~羊肉暖胃補身其實好岩打邊爐~最後，仲叫左菜心，新鮮爽甜~野飲叫左藍碟雪梨同烏梅汁，2杯都非常岩打邊爐，好解膩~超大一杯可以打完邊爐都未飲晒，好爽~

行開深水埗咁啱見到間新開嘅雞煲即刻入去試下！今日叫咗中辣雞煲，店員細心提醒中辣可能會好刺激！所以我地仲叫咗杯水蜜桃梳打同藍蝶雪梨解解辣！水蜜桃梳打唔會太甜，清新好選擇，藍蝶雪梨好似雪梨茶咁清甜解渴加上碟豆花嘅藍色睇落好少女😍中辣嘅雞煲十分惹味，店員細心為我地烹調，啲雞煮得啱啱好，仲好嫩滑入味！加埋莞茜香味，正正子！唔食得辣嘅朋友建議叫返小辣，因為加咗湯之後會愈煲愈辣！配料方面我地叫咗芝士紫菜炸響鈴，新鮮炸出嚟脆卜卜！就咁食咬落去芝士溶化，入面再包多塊紫菜，口感一流！豬梅肉肥瘦均勻，香味十足！韭菜餃大大隻好扎實，韭菜味香濃！再叫咗個雜菜藍，估佢唔到68蚊咁大個，2個人食都食唔哂！🥬🥬🥬🥬

沙田石門好出名既豐鍋雞煲，之前睇過已經好想試，因為我好鍾意食雞煲，但石門對我黎講地點真係唔就腳，見到深水埗開左，當然即刻call朋友陪我一齊去試。 好得意既碗碟自助調味區豐鍋招牌麻辣雞煲 (半隻) $168黎到豐鍋點可以唔試佢地既招牌麻辣雞煲，但無奈平時無辣不歡既我，近排因為身體關係要暫時戒辣，好彩豐鍋既雞煲可以走辣(問過店員辣度有大、中、小、BB和走辣)~ 當你以為走左辣既雞煲就會先去風味？ 我可以話你知唔會，當雞煲黎到時，店員會先你面前幫你炒香，一邊炒一邊散發香氣，令人未食已經好期待。除左雞肉嫩滑呢d基本野，雞肉無雪味和味道並唔會因為走左辣而有所失準，依然保持香氣十足，加埋入面既配菜芫茜、乾蔥、洋蔥等炒至微軟微甜，吸收埋雞煲既湯汁，哇真係好正好好食！一句說話：好野味食完雞煲就叫店員幫手加湯打邊爐，將雞煲剩餘既精華加以利用~我地就叫左以下野食：頂級雪花肥牛 ($98)牛肉份量十足，而且雪花均勻，牛味重。估唔到呢個價錢既牛肉都咁高質，而且份量真係好大，兩個人食都有點多。自創爆芝紫菜響鈴 ($42)如果係鍾意食芝士或者紫菜既人士，真係十分推介，上菜時熱辣辣，店員提點我地要快d食，因為凍左

叫了個小辣雞鍋,配料豐富紅蔥。蒜頭。等等。我最愛芫荽都特別多。鍋汁味道小辣但易入喉。並未有搶喉的辣味。雞肉嫩滑。肉汁溶入鍋中配料。配合不凡。龍鳳檸樂。。。。真係好大「檸樂」。檸檬數量都有成7-8塊即炸響鈴值得一讚。新鮮即炸。爽口即碎。真材實料。無油漬味。入口一些油都不沾。美味可口。個人認為唔點湯食最食得精髓。安格斯小牛排-價錢不算太貴。入口口感滿分。牛味不會吸湯後消失。牛味豐富。肉質鮮嫩一人食都不會太飽口。

《麻辣雞煲-半隻小辣》$168味道同一般普通嘅雞煲店有啲唔同，一般雞煲店嘅雞煲都係有啲甜味，但係呢度嘅雞煲係麻味同埋辣味比較重！佢地係比一般雞煲偏麻！但好爽🥰🥰🥰而辣既話，個人覺得佢地係乾辣，辣味一陣就會散去~唔會保持好耐👏🏻👏🏻👏🏻👏🏻👏🏻大家回氣都快d😂😂同埋佢地既配料好充足，味道幾唔錯！而且芫茜好多！啱晒我🥰🥰🥰唔鍾意食嘅朋友可以叫店家走咗佢🤣🤣🤣呢度既半隻雞份量都幾多下，2個人食完呢半隻雞已經飽飽地😂😂同埋佢地d雞都好入味👏🏻👏🏻👏🏻唔錯！我地只係叫多左2款食物！《頂級雪花肥牛》$98肥牛其實唔係好肥👍🏻👍🏻👍🏻我個人比較鍾意呢類牛肉多啲！而且店家將牛肉切得比較大塊，同埋呈圓形，好少火鍋店啲雪花肥牛係圓形！（我估係大腿肉？）所以令我幾驚喜！雖然肉味唔算太濃郁，但係我都可以接受👍🏻👍🏻👍🏻👍🏻👍🏻《自創爆芝紫菜響鈴》$42第一次試咁新穎既食物，我淨係食過一次紫菜響鈴卷但係入面包左支持嘅都係第一次！呢個芝士紫菜響鈴卷都係即炸嘅！將呢個芝士紫菜響鈴卷放入雞煲入面，食嘅時候會食到芝士嘅濃郁紫菜嘅香同埋響鈴嘅脆～口感幾特別！但係食咗兩條嘅話會覺得有啲飽😂😂😂但係可以一試《水蜜桃梳打》$3

我係豐鍋嘅fans，石門豐鍋係我火鍋首選，眼見豐鍋開業半年，由walk in即食變成唔訂位冇得食嘅經歷我試過等足一個鐘先有位，我都算係體驗過好食嘅餐廳，等下係值得嘅上次去食，老闆話深水埗會開分店，我啲朋友期待中，因為佢地係九龍番工，唔會入石門，所以而家深水埗開分店，佢地就可以食到（因為我成日都讚豐鍋個午餐同雞煲）今晚專登去深水埗店試下，一去到門口，即刻嘩咗一聲豐鍋送你一對翼，遠隔離都見到佢個招牌I L♡VE YOU 3000我要對你說影相打卡勁靚雞煲手切牛頸脊係必必必食牛展老闆話可遇不可求，靚到想留俾自己食，唔賣，好似食緊和牛咁，我都係第一次食到黑毛豬梅片未食過豬梅片係滑到咁，平時係“鞋”到唔會點嘅野，你點諗到喺豐鍋係咁出色即炸紫菜爆芝響鈴唔駛諗，我每次都叫2選1即炸魚皮要下次食鴨血我除咗台灣嘅鴨血，香港我未試過讚，豐鍋你都係第1間，有料餃餃陣麻辣雲吞2選1十優狀丸又係要下次食撈魚皮其實係吃貨想食濕濕地藍妹呀忍唔住要影一張我是啤酒推銷員深水埗店地方大，坐得又舒服，地點又就腳，地鐵站行嚟都係5分鐘，老闆話新開張仲送人頭啤酒，真係搵唔到唔支持豐鍋嘅理由

今日去深水埗買iPhone 線走著走著看到一間新餐廳名叫「豐鍋」招牌用霓虹燈造成，很sharp.原來這間雞煲是來由石門京瑞廣場的分店現在在深水埗是第2間店想必在石門一定很旺才走出來吧.豐鍋招牌麻辣雞煲（半隻$168）上台的時候雞是熟的而菜及香料如芫荽、芹菜是生的現在有店員幫手煮到香噴噴雞肉很入味，調味得十分惹味.食完雞煲後，店員會加湯做火鍋出面有醬料任君選擇.餃餃陣（$85）有4種餃子，包括：魚皮餃、鮮蝦雲吞、韭菜餃及麻辣雲吞鮮蝦雲吞每隻都有粒蝦，很足料而麻辣雲吞口味最特別.飲品：玫瑰柚子（$38）& 烏梅汁（$38）飲品是會漸變的一開始沈在杯底之後慢慢蔓延開一整杯.手工即炸魚皮（$48）非常香脆，相信真的是即炸的共有3塊，每一塊都是長長的很滿足！.西班牙頂級黑豚豬腩片（$115）肥瘦分別，還有豬軟骨，很有咬感顏色及味道都似是新鮮的.回到家了，雞煲的香還是令我齒頰留香。

聽友人介紹呢間係沙田出名既雞煲, 一直都想試左好耐了, 但實在太遠了最近係深水埗開左新分店, 近近地當然要試下門面好多燈好sharp, 對面落車就見到, 好方便入邊裝修得好寬敞, 位與位之間唔會好逼, 而且冷氣好足, 唔會食到出哂汗黎到當然叫佢個豐鍋招牌辣雞煲， $168/半隻, $268/全隻，有BB辣至大辣選擇，不食得辣既朋友都可選走辣今次2個人想食埋打邊爐，所以只叫了半隻雞，但係雞嘅份量好足料一上枱職員姐姐幫我地炒，入邊有好多洋蔥、大蒜、薑、麻子，所以炒緊個陣個香料同麻辣味撲鼻而來，真係令人食指大動 叫左個小辣但嫌唔夠辣食落麻味較重，個汁好惹味，加水去打邊爐都仲好有香料味雞件肉質仲嫩滑，食得濃味既小編就嫌唔太夠入味，要一邊點埋個醬汁一邊食先夠濃郁打邊爐點少得肥牛，呢到一份都有1X塊，好抵食碌一分鐘就可以食了，食落牛肉味好香濃同爽口，而且唔會太肥太膩呢個炸響鈴真係不得了，有芝士同紫菜係入邊，出邊真係未見過而且好多層，咬落去口感香脆，芝士仲爆哂出黎，索埋湯汁後更惹味手工四寶丸有蝦丸、墨魚丸、黑墨丸、鯪魚丸，每粒都大大粒，口感彈牙，用料新鮮，仲有d蟹籽係面好有口感台灣貢丸大大粒，好香肉

有一套自家做法的雞煲而且享有獨有的味道平實得來暖意入心的滋味，加上新開試業的小店秘製配方愛辣或不辣既狂熱迷亦可選擇!口味突出先辣後麻既改良份外誘惑，配料雖不是任食但價格划算，小人食半隻雞份量足嚐品完仲有一系列肉類/小食/蔬菜/飲品及海鮮類單點或選自湯底作基底為亮點「西班牙頂級黑豚豬梅肉 $105」完整肉片一分價錢一分貨，油花紋理肥瘦分佈組合漂亮，切得剛好長度肥美厚度盤起一碟，口感細嫩多汁美味不乾柴，一片一片涮火鍋既享爱讓我吃的心魔力更強不僅大眾街坊能吃得大路食材，再者眼花繚亂豐富不管令舌頭不斷升温「手工即炸魚皮 $48」「即炸爆芝紫菜響鈴 $42」滿實自家比坊間罕見原條長長乾淨企理，入口鬆脆一咬即化既脆香齋食或放湯亦得，邊食邊嘆當小食尤如暢快的確夠貼地