豐鍋雞煲 (荔枝角道) (Closed)

本身無打算食雞煲既呢一日，點不知經過呢間豐鍋雞煲見到門口有個好靚既打卡位，就停一停影左張相，八掛望左望張Menu，就咁樣同朋友即興雞煲左。入到店內，裝修同門面成正比，有D靚靚既燈光形成圖案或文字，睇得出店鋪系裝潢上既用心。🔷豐鍋招牌麻辣雞煲 (半隻) 💰188 💙75/100兩個人去食所以半隻雞都已經好足夠，叫左小辣既程度，雞煲上檯後都仲要再抄一抄先食到，會有店員黎到幫手抄，所以自己坐定定等食就得。成份雞煲都幾惹味，煲內仲有莞茜、洋蔥、蒜頭等，卡比本人望住個煲系眼前抄緊果時已經垂涎三尺。🔷手工即炸魚皮 💰53另外叫左呢款小食，等吾切個雞煲嗌下小食都吾錯。魚皮睇得出系原條炸，即使炸完後都仲係咁大塊，面頭放左胡椒鹽，十分夠味又脆卜卜。🔻食到咁上下就係時候加湯打邊爐🔹頂級黑豚豬梅肉 💰115 🔹牛柏葉 💰60🔹油麥菜 💰38黑豚豬肉片岩哂中意食豬但又吾想要五花腩果種程度既肥脂分怖人士食，肥瘦非常分明。牛柏葉個份量都算幾多，而且大少適中所以滾一滾就食到。🔻飲品🔹藍蝶雪梨 💰42 🔹水蜜桃梳打 💰42今次無飲汽水而揀左餐廳調既特飲，兩杯都系影相靚靚子，飲落清清甜甜。

呢日放工約咗個舊同事食飯，佢返開嚟office拎嘢，所以直頭喺附近覓食啦。之前行去荔枝角食飯，經過見到個Love You 3000有對天使翼嘅燈箱勁eye catching，學生妹同阿伯都有去影相😂，我就有留意到餐廳其實係食雞煲的。呢排天氣凍凍哋，食雞煲打邊爐滾下滾下啱哂。我哋6點半去到，就唔係好多人，但都已經有人食緊，不過坐下坐下到7點半開始就坐滿哂👍。環境闊落，光猛，而且感覺非常乾淨，火鍋店嚟講好難得！既然餐廳名有用🍲雞煲2字，即係應該係招牌掛，就叫下啦，加上自己又整唔到，火鍋就相反。首先我哋叫咗豐鍋招牌麻辣雞煲(半隻)($188)，問過店員小辣辣唔辣，佢話辣🌶，OK，所以我哋異口同聲叫咗BB辣哈哈。好快店員就上咗個鍋啦，已經聞到麻辣香，但可能唔係太辣，所以浸味唔算好勁。店員會喺我哋側邊撈吓個雞鍋，再等幾分鐘後就可以起筷，我用筷子頭點下先，有啲嚇親😳，咁辣嘅，心諗奶嘢。到食第一嚿變得好緊張，但竟然成嚿食又唔辣喎！食到微辣同小小麻，完全係我食到嘅範圍內✌🏻。雞煲份量2個人啱啱好，雞件都唔少，我最欣賞係啲雞肉夠滑🐔，而且有味，唔係冰鮮嗰種。加上最重要個辣度真係BB都啱食😛。不過食到尾就

過咗南昌附近搵新嘢食見到有間新開嘅雞煲裝修好似幾光猛入面人頭湧湧😙我哋都入咗去食咁當然有個最出名既雞煲啦😘雞隻都幾肥美又大件個醬都mix 得幾好 香噴噴☺️入面仲有好多香料去炒起個雞煲第2,就要左個炸魚皮佢好特別 係佢地鋪頭特有既炸魚皮😘脆卜卜 勁正🙋而且勁大塊 滿足既滋味黎大人細路都必食之後要左個萵苣其實之前我從來都未食過 ☺️原來佢地係勁爽口又juicy 加埋雞煲d 汁就好正因為我想食餃子 所以叫左個韭菜餃一見到好surprise 因為佢地係人手鮮包放左落去碌既時候覺得好鮮味阿!!吸晒d 精華連男朋友本身唔好食餃子都話100 分最後要左個豬頸肉😘因為唔係太肚餓我地就要左個爽口既試下佢地份量都幾多🙋正而且因為油脂都多既關係食落去入口即溶真係好正!!兩杯野飲都係特飲黎蝶豆花真係好靚成杯野都好colorful 仲有特別既藍色💕

冬天嚟到，凍凍地最好梗係食打邊爐啦！今日我哋就嚟咗食一個火鍋雞煲。我哋首先揀咗招牌麻辣雞煲，佢係有得揀大中細辣嘅，我哋揀咗小辣，但係覺得有啲唔係好夠辣，雖然係見到辣椒，但食落又唔夠辣。但個雞煲呢係好香嘅，味道好濃郁！食雞煲有咁濃味嘅嘢一定要飲野飲嘅！我哋就嗌咗兩杯特飲，一杯呢係個玫瑰柚子，就清啲~另一杯呢就係藍蝶雪梨就甜啲，佢份量啱啱好跟住就開始食完啲雞加湯打邊爐，其中我哋嗌咗一個細嘅頂級雪花肥牛，雖然佢係平過安格斯肥牛，但係非常好食佢話肥牛，但你睇到呢都唔係好肥嗰種嚟嘅，而且係好有肉味嗰種，非常正，大推另外睇食評見到好多人都有嗌呢一個紫菜芝士響鈴，所以我哋都嗌咗，我哋發現放落去湯度食好似好食啲喎！因為呢湯夠熱，令d芝士溶溶地咁，都幾好食。我哋仲叫咗一個鴨血，所以最後太多嘢食呢就食唔曬。中途我細聲講應該要辣啲先至食鴨血，會match啲，嗰個waiter旁聽到我講仲即刻話可以幫我加辣，所以服務都唔錯！

嚟到豐鍋雞煲，個個都會被佢門口嘅彩虹翼吸引住打完個靚卡先慢慢入去叫返個雞煲食之前可以先嚟調配自己鍾意嘅醬料豐鍋招牌麻辣雞煲(半隻) $188朋友唔食得辣，今次就叫咗個小辣辣度係相當之微，不過香味就更加出D雞都好入味牛柏葉 $60口感爽脆，彈牙豬頸肉片 $83肉質新鮮，脆脆地同樣彈牙帶嚼勁自創即炸爆芝響鈴(3件) $42呢款係佢地自創嘅響鈴，即叫即炸就咁食已經非常香脆，再浸一浸湯，D芝士味出晒嚟，芝士餡非常多！

天氣凍左，自然想食返啲熱野調劑下，咁就計劃去食雞煲or打邊爐，今次去開深水埗做野，就揀左呢間餐廳。我原本睇定左呢間食佢嘅海龍皇套餐，係打邊爐黎嘅，主要有海鮮，肥牛豚肉，丸子餃類，蔬菜麵類等，好豐富。可惜黎到時朋友話近排可能食得太多，滯滯地，今次唔想叫咁多野食，怕浪費。。。咁轉食個雞煲啦，食完再睇下點。我地叫左半隻雞咋，都好大盤。個雞煲煮無耐就好香好惹味，侍應姐姐都好服待周到，響我地面煮埋。我地同時發覺，差不多食完時，雞煲先係最入味。。食得太快添！跟住見仲有quota，就叫左份牛柳粒，水魷同自家制響鈴。選擇牛柳粒係因為牛味較重，不過煮嘅時間就要耐啲。水魷就係因為我鍾意食，易咬斷岩哂我箍妹口味。估唔到嘅係，兩樣野份量都好大碟，若果可以選擇半份就更好。另外一個係佢地自創嘅即炸芝士紫菜響鈴，幾特別，應該係夾左成塊四方芝士響入面，因為加左料，令響鈴相對厚身好多。我地仲叫左兩杯特飲，水蜜桃梳打同烏梅汁，食完雞煲飲一流，感覺下火不少。

天氣開始越來越凍，食火鍋是常識了吧～今晚來到有兩家分店的「豐鍋」，食雞煲及打邊爐。先吃豐鍋招牌麻辣雞煲，辣度是BB辣，2人食半隻份量剛好，半隻$188，雞肉嫩滑新鮮，味道惹味，不會太辣。食完雞煲就到火鍋，職員會加上湯底在雞煲上，點好火鍋配料就可以開始打邊爐囉~頂級雪花肥牛，有牛肉味，質素好彈牙，輕輕一灼就可即食，份量多水準亦很好。手工即炸魚皮，全條上，炸到脆卜卜，仲大大碟，夠脆沒有油益味，正!自製韭菜餃，夠大隻餡料豐富好飽滿，味道不錯。皇帝菜翠綠，沒有菜渣，而且好新鮮。火鍋點夠細心，竟然有自製健康飲品，推介玫瑰特飲及藍蝶雪梨， 天然及不太甜，顏色又靚，打卡一流。

食過好多雞煲火鍋都辣到飛起，但呢度嘅辣度就相當適合我嘅口味，招牌麻辣雞煲中辣夠嘢味又唔會過分辣，雞肉又香又柔嫩，好正斗。半隻雞$188，二人份量很足夠。頂級雪花肥牛$188賣相一流，滿滿的雪花，牛肉味非常香濃。自家菜韭菜餃$65很新鮮的韭菜配合豬肉，皮薄餡靚，本人很喜歡。手工即炸魚皮$53很特別的炸法，一條有手臂這麼長的魚皮，脆得驚人，輕輕放落湯底一下，熱力令您口感爆棚，一流。唐山菜$42片片新鮮脆口，平衡整個火鍋的油膩感，必食。藍蝶雪梨$42，蝴蝶特飲$42連男士都愛的飲品，睇得又好飲，真的有新意，夠創意，我鐘意！整潔的自助調味區，男友人大贊蒜蓉超香超好味，我就連還加了辣醬。汽水櫃是不少得的，還有酒吧區，各適其適，最啱三五知己暢飲暢談。這個前菜酸酸甜甜非常醒胃。👍🏻豐鍋吃貨推介👍🏻地方乾淨整潔坐得非常舒服總結這裏的環境食物服務也很滿意，見到有一個非常優惠的海鮮套餐，下次約朋友再來。

等左無耐就送左我哋嘅雞煲上嚟啦。店員係我地面前即炒，過左幾分鐘就食得一食，發現雞件好嫩滑，仲好入味添仲無雪味，勁👍🏻手工即炸魚皮塊魚皮有成個鍋咁長，一啲魚皮碎都無。魚皮薄身好大塊炸到好鬆脆，就咁食好似食薯片，魚皮潵上椒鹽，食起上來好惹味，浸落湯十秒食，食到有層軟皮包住。咗食到魚皮之外，彷彿好似仲食緊啲炸魚肉咁，好得意味道亦好惹味即炸響鈴響鈴好大條食落無咁油，浸湯好快淋，所以點一點即上水，食落有多層口感，的確美味有驚喜。玫瑰柚子柚子味濃仲有好清香的玫瑰味。成杯顏色好靚、好夢幻。味道比較sweet，好啱女仔飲水蜜桃梳打水果甜味加有汽梳打水，中和哂雞煲嘅辣，一啖火鍋一啖梳打非常滿足！

今日在深水埗與同事辦完公事收工，經已是萬家燈火的時間，見到這一對霓虹燈翼love you 3000 非常搶眼，見到原來是一間食火鍋的餐廳豐鍋，見裡面都有很多人食，與同事決定試嚇。餐廳可能是較舊式的樓宇，大大條的柱佔了較多的空間，但餐廳設計及安裝的座位腳卻是非常寬敞闊落。做了一整天，感覺非常都很疲勞，先各人要個飲品，再慢慢看今晚食的。烏梅汁$42同事要了個烏梅汁，大大杯，佢話酸酸甜甜，真是很好飲。水蜜桃梳打$42我則要了水蜜桃梳打，冰凍的口感，甜中帶水蜜桃及梳打味，水蜜桃味濃郁。餐廳上菜非常，快轉眼間已上齊所點的菜式。豐鍋招牌麻辣雞煲小辣半隻$188餐廳的雞隻有六成熟，所以上到枱再煮，見到半隻雞份量都很多，及有份量很多的芫茜，侍應炒的時候飄出來的香已非常令人垂涎。雞肉剛好熟，肉汁多，且又嫩又滑，要了少辣，煲內的芫茜、洋蔥蒜葉及蒜頭，令調味更顯得非常惹味。食完雞煲跟著加湯直接食火鍋，令鍋底更為美味。頂級雪花肥牛$108頂級雪花肥牛，不會很肥，非常適合我這些怕胖及現化要健康的人食，切得比平時見到的牛肉較為厚身，令牛肉更有牛味。即炸紫菜響鈴(三件)$46即炸響鈴入入口又脆又香，再在鍋內滾上一秒

深水埗一向多好野食，天氣涼涼地，心血來潮想打個邊爐，原來豐鍋喺深水埗開咗分店，入座聞到隔離枱雞煲味好香，我地都點咗個少辣嘅雞煲，店員喺我地枱上即席煮熟，已經流哂口水，強烈推介即炸響鈴，因為裡面包著厚厚芝士同紫菜，真係在豐鍋先可以食到。頂級肥牛入口軟滑，唔會韌。另外仲有啖啖肉汁嘅韮菜餃．萵苣更是打邊爐必點之選...喜歡呢度有特飲，唔係一般只得罐裝汽水咁普通，最驚喜係有魚缸養著海鮮，Menu上原來仲有海鮮火鍋餐，仲有好多款式，下次就算人少少都可以再嚟呢度食喇。

是日同HONEY去深水埗買打機用品，在近太子方向，新開左一間豐鍋雞煲，豐鍋雞煲的店面真的好多可以給人打卡的景，真的未入去，先可以在打卡位玩下自拍下~真的唔會悶，我同HONEY因為唔食得太多，所以點左個半隻份量的雞煲，雪花肥牛，生菜，自創爆芝紫菜響鈴，牛柏葉，同埋兩杯特別的飲品，藍碟雪梨，玫瑰柚子特飲餐前小食藍碟雪梨，玫瑰柚子特飲藍碟雪梨好特別，紫色的藍碟花飲料，加上下面系雪梨蜜，真的好好飲，玫瑰柚子特飲，玫瑰花加上柚子蜜，都好好飲~豐鍋招牌麻辣雞煲半隻(小辣)豐鍋招牌麻辣雞煲真的上到來個下，麻辣的香氣真的好正，加上好多雞件，食得辣可以點中辣)，另外食完雞煲，職員會幫你加湯，再打邊爐雪花肥牛雪花肥牛雪花肥牛真的好重牛肉味，打完雞煲食真的一流~自創爆芝紫菜響鈴自創爆芝紫菜響鈴哩個真的好好食，入邊有芝士同埋紫菜，滾3下食真的美味無比~~最後加上生菜同埋牛柏業，真的完美地享受我地的晚餐，食物真的好新鮮，環境方面夠大，加上職員服務真的好好，朋友聚會一流~~

其實呢間雞煲店，好耐之前我試過佢地喺石門嘅店，個雞煲好食，仲有隻德國啤酒好好飲(出面很少見的牌子)。早兩個星期經過呢間喺深水埗嘅分店，見到佢推出咗兩個海鮮套餐，似乎幾抵食，所以一直都想試一試，今次我叫咗貴嗰個餐，$300一位，海鮮有龍蝦、蟹、蟶子、扇貝同埋龍躉，再加埋其他配料，海鮮都新鮮，唔會將貨就價，唔錯，雖然係貴餐，不過都真係幾抵食，值回票價。另外順帶一提，就係佢嘅烏冬都唔錯，好滑，不過佢個一大塊嘅炸魚皮有d咸，就咁食就差d。唯一美中不足嘅就係無得飲石門嗰間嘅德國啤酒，似乎要入轉石門了。

好耐冇同哥哥食飯，今日放早去深水埗接佢收工，順便撐下枱腳，食個雞煲麻甩一番。食材選擇眾多，特別係牛嘅選擇，除咗一般嘅雪花肥牛、安格斯牛同牛柳粒，仲有手切牛頸脊、牛花𦟌同牛胸爽呢啲比較少見嘅部位，牛魔王千祈唔好錯過！另外有好多自家製食材，例如手工丸、韭菜餃、麻辣雲吞同即炸響鈴，睇得出好有心機👍🏻前菜有酸蘿蔔，相當開胃。麻辣雞煲同椰子雞煲同樣吸引，最後我哋叫咗麻辣雞煲半隻(小辣)，一上枱已經香噴噴，面頭仲有大量芫茜。侍應會即場翻炒雞煲，香氣四溢，大概炒三次之後就可以開餐。醬汁香濃，帶有淡淡嘅麵豉醬味，既香又麻，相當惹味👍🏻雞肉有彈性，肥瘦適中，醬汁亦入味👌🏼牛柳粒份量雖然唔算多，但勝在肉味濃郁，油脂豐富😉響鈴係即叫即炸，上枱嘅時候仲「吱吱」聲，新鮮滾熱辣，好有效果😃用筷子一夾已經感覺到有幾鬆脆，放落湯底浸三至四秒就食得，外皮微軟而且索哂湯底嘅味道，內裡仍然香脆，點睛之筆係第一二層中間包住嘅芝士，浸落熱湯後剛好溶化，香濃嘅芝士味加上麻辣湯底竟然毫無違和感😃油麥菜鮮嫩翠綠，落湯後冇咁容易老，個人認為比生菜更適合用嚟打邊爐。打邊爐又點少得凍飲，水蜜桃梳打清爽解辣，而烏梅汁就酸酸甜甜，非常開胃消滯

秋風起，又係打邊爐時候。呢間比其他打邊爐嘅餐廳闊落，枱同枱之間都有一段距離，一班人打邊爐都適合。自助醬料區豐鍋招牌麻辣雞煲（半隻）必點主打十二種香料秘製的麻辣雞煲，有BB辣至大辣選擇，不能食辣的朋友亦可選走辣。服務員會主動幫你炒一陣先食，雞非常惹味，半隻份量也不少。牛柳粒牛味濃郁，口感十足。自創爆芝紫菜響鈴響鈴是即叫即炸，內有芝士紫菜，沾小小湯一齊食好正，一試難忘。鴨血好滑嫩，原來係營養價值非常高的食物。玫瑰特飲和烏梅汁門口有Love You 3000霓虹燈，供客人打卡之用。