豐鍋雞煲 (荔枝角道) (Closed)

晚晚行過見到呢間新開雞煲都想試下，今晚放夜終於有機會一試。一坐低伙計招呼好好，好有禮貌。俾個菜牌我地介紹食招牌雞煲，好啦，2個人就點半隻雞啦（下次可以點一隻).我個人不受得太勁花椒8角味，所以只叫了bb辣。一來到伙計好好幫我地撈左幾分鐘，就食得喇！雞夠嫩，又香又入味！果然是招牌菜！2個人食半隻雞係唔夠食，於是加湯打邊爐。叫了頂級牛肉，芝士紫菜響鈴同蟹柳。落完單有個攪笑位，有個伙計走來解說頂級其實唔係好頂級，只是普通🤣來到一食，果然是普通牛，佢地應該改左菜單，唔使次次同人解釋！新開張做緊promote, 人均消費$200就送一枝大啤。最後我地2個人埋單$500。不算平，味道服務幾好，有下次！

真係好好味！食埋花膠煲，味道非常清潤（唔記得影相😕），而花膠有咬口，材料又新鮮，而辣雞煲嘅雞好鮮嫩潤滑🤤😋而且服務好好，真係要再嚟食多幾次或者一定要食椰子雞鍋，仲要再試小食，炸豆腐真係好味到不得了！

天氣開始涼，係時候比自己一個借口去食火鍋了，上網搵食時候發現豐鍋係深水埗都開了，唔洗入到去沙田石門食，自然要去試下。叫左個豐鍋招牌麻辣雞煲，我本來唔係好食得辣，但店員講一定要試下，所以叫左個試下，一上來已經好香好惹味，店員會代勞即場再炒炒，炒幾分鐘之後，更加香。醬汁好濃同惹味，雞件切得啱啱好，唔會太大或太細件，多又有肉食，肉質嫩滑，吸收左個雞煲的精華，好入味。之後打邊爐叫做牛柳粒，個量唔少，食肉獸好適合，牛肉肉質都係到，唔會有雪味，吸左雞煲d味，味道唔會比平時d肥牛差。如果下次去深水埗，大家可以有多個雞煲選擇。

今晚同老婆去咗深水埗打邊爐食雞煲.雖然係傳統火鍋店但係門口都有打卡位，有個好靚嘅love you 3000 嘅牌喺門口，另外新開張優惠只要人均消費超過$200就可以每人送一支青島大啤酒，可惜我要揸車。所以我哋叫咗兩杯特飲；水蜜桃梳打、藍蝶雪梨。兩杯都唔錯非常解渴自助調味料有辣椒蒜頭聰沙嗲醬芫荽etc...應有盡有，啱晒鍾意辣椒同埋蔥嘅我豐鍋招牌麻辣雞煲味道非常濃郁材料十足，計件吸收晒乾蔥同埋芫荽嘅味道非常好食。食完雞煲就梗係加湯打邊爐，叫咗幾款小食：自家製鮮蝦木耳雲吞，什菜籃，頂級雪花肥牛。全部食材都非常新鮮好食。

入秋想搵間又麻、又辣、又夠雞味既雞煲專門店？ 《#豐鍋》由石門終於開到黎深水埗啦!!😍😍🥘 今年嘅秋天雖然好似都未夠凍, 不過唔緊要, 又係心思思想食麻辣雞煲既時候啦。今次嘅係由石門店開到黎深水埗主打雞煲既《豐鍋》。雖然今次唔係食左好多野, 但係雞煲絕對有驚喜！難得雞肉鮮嫩入味, 彈牙無雪味, 而且夠哂咬口, 食落麻辣味同雞味夾得岩岩好。 如果淨係講雞煲絕對有85分, 講得出雞煲專門店並唔係浪不虛名, 識食雞煲既朋友係會食得出個分別。其次想講既就係好難得食到「原條即炸鱈魚魚皮」，魚皮長過一隻手掌之餘，仲大過平時牛腩鋪食到嘅魚皮好幾倍! 老闆娘仲專登入埋黎同我哋講要即刻食。食落真係好脆，魚皮嘅表面仲有好香嘅白胡椒味！下次要食埋佢地都好出名既即炸爆芝紫菜響鈴！●驚喜菜式: 招牌麻辣雞煲 原條即炸鱈魚魚皮仲有靚靚打卡位 📸

秋風起，當然係食雞煲嘅節奏，但深水埗馳名嘅雞煲唔多，抱住一個試吓嘅心態去做呢間豐鍋，先講門面裝修可能係新開嘅關係，裝修格局尚算企理 而且仲有自助調味區唔使另外收費叫左個半隻奇味雞煲，同好多餐廳唔一樣嘅地方係先將雞炒到半熟然後拎出來，嚟到之後再係顧客面前炒熟，咁樣就唔會令到雞太過韌，而且配料都好足，所以雞煲好入味而且肉好彈牙再來叫咗個新鮮水魷，味道普普通通，都同好多廳一樣，唯一不同就係冇乜雪藏味再叫咗個新鮮雲吞，蝦唔係急凍因為食落好彈牙而且冇冰鮮味，而且肉嘅餡料都好多雲吞皮都好薄，所所以咬落淡淡汁再來叫咗個雜菜拼盤，因為一份單一嘅菜同拼盤差唔多價錢所以就寧願叫拼盤選擇比較多而且比起普通一份仲要大啲食得雞煲當然唔少得解渴嘅飲品，叫咗杯鹹檸七梳打同埋水蜜桃梳打， 不過可能我地飲得太快，所以雞煲食到中段已經飲晒兩杯野飲😂😂😂不過總結價錢係深水埗佢來講都算平民而且上菜速度都比較快

秋天真係令人食慾大增😂😂😂😮總係想食啲熱辣辣、暖笠笠嘅嘢食。 我就最鍾意食辣，又鍾意食火鍋。朋友特登book咗去食雞煲， 佢試過總店嗰間好正， 不過遠少少係沙田。難得佢哋開咗分店喺深水埗， 即刻帶我嚟試下😍😍來到豐鍋，當然要叫佢哋招牌雞煲😎， 同埋嗌咗一啲配料打邊爐。豐鍋招牌麻辣雞煲🍲🐥 半隻 小辣🌶雖然只係叫咗半隻雞， 但係份量都幾多😋😋 秘製醬汁同埋芫茜， 非常惹味， 加埋雞肉彈牙冇雪味， 我真係忍唔住嗌咗碗白飯😂😂😂😁爆芝紫菜響鈴🧀整到咁上下加個湯之後， 第一時間食，即叫即製嘅 爆芝紫菜響鈴🧀🧀🧀， 非常鬆脆， 芝士同埋紫菜嘅配搭簡直係完美。頂級黑豚豬梅肉🐷黑豚肉肥瘦均勻， 肉質爽口肉味香濃， 而且份量非常之多， 只係百幾蚊就有咁多片， 大件夾抵食😚😚😚皇帝菜另外仲有我要鍾意嘅皇帝菜， 美中不足皇帝菜就老少少有渣😂😂藍蝶雪梨特飲🍹極力推薦的一杯嘢飲， 紫色嘅藍蝶花汁非常吸睛， 加埋香濃嘅雪梨甜味 🍐， 絕對係食雞煲嘅perfect match烏梅汁🍸朋友點咗烏梅汁， 我覺得偏甜少少， 朋友話好飲。

收工累累的，不樓煮飯😛就到深水埗一帶覓食！深水埗一帶出名多嘢食！好耐冇食個雞煲於是上網搵到依間餐廳😆餐廳位置闊而且門口有一個小小嘅打卡位幾特別，所以同朋友仔決定試吓依一間雞煲❤️因為我哋大家都唔食得辣所以就叫左走辣同埋小麻。一上枱，店員為我地炒香雞塊。見到有大量嘅洋蔥、香料同埋芫荽。炒嘅期間已經聞到好香好野味😛食晒雞之後我哋轉成火鍋，佢哋手工嘅炸魚皮非常特別，係一整塊㗎！平時喺其他餐廳都未見過😆入口好香脆！非常之新鮮！菜類亦都好新鮮，我地點左一份油麥菜！食完雞煲再食菜可以平衡油膩嘅感覺❤️😛下次有機會會再去試其他嘅火鍋配料！❤️

同fd行行下見到呢間新開張，好耐無食雞煲就試下新野。love you 3000 吾少打卡位。次次打邊爐呢d，位一定都會好逼夾，出出入入都要人讓一讓，相比之下呢到幾闊落。【豐鍋招牌麻辣雞煲】$168/半隻有辣度可以揀，叫左小辣都幾辣，醬爆得勁惹味，香辣可口。平時吾食香菜，煮完獨特既香味無甘強烈，都幾好食。【即炸紫菜響鈴】$38煮完半軟半脆既口感好正，愈嚼愈有紫菜香味。【蜂巢豆腐】$48呢個要要煮耐少少，豆腐密密麻麻既乳索哂汁好正，而且好飽肚。【西巴牙頂級黑豚豬腩片】$115肥瘦均勻，食落吾會油膩，喜歡放係雞煲一邊到炒，入哂味左鹹左少少，都係好正。【萵筍片】$38萵筍片打邊爐都係好好既配料，好多水份又吾會索油，但係不宜煮太耐。【水蜜桃梳打】$38 &【玫瑰特飲】$38

屋企附近開左間新既雞煲，見今日涼涼地就去試下呢度既招牌雞煲有唔同既辣度可以揀，即使唔係好食得辣都唔緊要，點雞煲時可自選bb辣、小、中、大辣，甚至唔辣都得！豐鍋招牌雞煲（$168)(半隻）雞煲上檯後店員會幫手炒雞，直至炒香薑片、蒜頭同乾蔥等配料，等幾分鐘就食得！朋友唔太食得辣，所以我地點左BB辣呢度既雞煲麻味唔算太勁，但夠香😋食完雞煲之後就可以加湯打邊爐頂級雪花肥牛（$98)點左款最平既牛肉，點知質素都唔錯喎，肉味都算濃，肥瘦均勻手工即炸魚皮（$48)呢個手工炸魚皮成隻手臂咁長，見到都嚇一嚇，面頭落左好多淮鹽，好惹味，而且超香脆餃餃陣（$85)分別有鮮蝦雲吞、麻辣雲吞、韭菜餃同魚皮餃，每款有兩粒。最特別嘅係麻辣雲吞，食落去突然之間有一陣辣味湧上嚟。

之前食過石門總店...今日去深水埗見到分店新開張梗係入去試下啦，好掛住佢哋個麻辣雞煲🤤🤤個雞煲一上枱咋咋聲已經聞到陣味，的確好鬼惹味！仲叫咗雪花肥牛，新鮮肥鵝腸，萵筍 ，鴨血，點少得招牌生炸魚皮😍龍船咁長大大條嘅魚皮你食過未😅😅打邊爐配大大杯特飲：烏梅汁，玫瑰柚子梳打...好滿足！差啲食唔曬呀😄下次同同事收工再黎過🍺🍺佢，收得夜啱晒🤭佢地做緊新張酬賓：每位贈送大支裝青島啤酒🍻🍻仲係18歲以上人人有份永不落空😍😍

今晚同友人行過深水埗，突然間見到love you 3000 即時狂打📸 原來這間係以雞煲為主嘅食店，我倆因唔係大餓， 唔想做大嘥鬼 ，所以冇叫到🐔煲😢唔叫🐔煲也有五款唔同火鍋選擇，有多款手工製配料，小食、海鮮同肉類…… 叫咗個蕃茄薯仔濃湯鍋😆 跟住好輕手叫咗幾樣嘢食同兩杯嘢飲😚(作為下次食探🐔煲之路用) -芝心丸( 🧀❤) -水魷 ( 好耐冇食) -黑豚豬梅肉🐷 ~肉質嫩滑唔肥膩😚- 手工炸魚皮~ 嘩！！好大塊😍整整三條魚去頭去尾擺上枱，香脆惹味，好睇又好食😋👍 -水蜜桃梳打 -玫瑰特飲 👩‍⚖ 雖然今次食唔到雞煲， 但畀四周圍氣味圍攻🤤，都當食咗😆 下次要帶多幾個fb再嚟,著靚啲，攞多幾post 去打📸，🐔煲再來食食食😚 ps~ 今次探路好成功😌

數月前在石門試了『豐鍋』的招牌雞煲，一直都念念不忘這味道，並關注了這家店舖，最近在Facebook上看到深水埗新店開張，當然要第一時間去試試。豐鍋招牌麻辣雞煲(半隻)BB辣$168，雞煲以十二種香料秘製而成，非常惹味，雞肉很嫩滑，必食之選！食完雞煲， 服務員就加湯變成打邊爐，繼續食其他配料、肉類和蔬菜。配料類：自創爆芝響鈴(3件)$38，咬開就食到濃郁芝士味，芝士控必點！野生竹苼$78，爽滑，味道很好。水魷$55，味道不明顯，但佷爽口。肉類：西班牙頂級黑豚豬梅肉$105，色澤鮮紅，感覺很新鮮，肉片切得很薄，肉質鮮嫰！蔬菜類：粟米$34 、萵筍片$34小食類：椒鹽豆腐$46，外脆內軟，加上椒鹽，十分惹味！飲品類：水蜜桃梳打$38、藍蠂雪梨$38，兩杯飲品除賣相靚外，解辣也一流！人均消費三百多元已經非常豐富，價錢不算貴，食物質素高，服務員有禮貌，地方又新又乾淨，整體都很滿意，值得推薦！

同事說起今晚去深水埗買電腦零件，附近新開左一間豐鍋雞煲，知道我喜歡試新店，就叫埋我一齊去試下。新店地方整潔，燈光明亮，座位寬敞。豐鍋招牌麻辣雞煲，小辣(辣度有得揀)，半隻雞份量都不少，雞件已經用醬料炒熟，上枱時，侍應加些芫茜再爆炒一下，加熱後就食得，雞肉鮮嫩入味，醬汁帶少辣，調得非常惹味。食完雞煲就加湯食火鍋，因為還有料頭和醬汁在煲內，加湯再滾返，味道依然惹味。西班牙頂級黑豚豬梅肉很新鮮，肥瘦適中，肉質濃郁，口感細嫩。手打四寶丸：蝦丸、墨魚丸、黑墨丸、鲮魚丸，用新鮮材料打成，鮮味又彈牙。餃餃陣：有鮮蝦雲吞、魚皮餃、韭菜餃、麻辣雲吞。隻隻皮薄餡鮮，足料好味！即炸爆芝紫菜響鈴：紫菜響鈴食得多，加埋芝士炸就比較少，呢樣係即叫即炸，一定要趁熱食，響鈴酥脆，一口咬下去，流心芝士十分惹味，食不停口。手工即炸魚皮：好特別的炸魚皮，用原條魚皮炸成，十分薄脆可口，雜菜籃：大份量，幾種蔬菜都好新鮮，清洗得乾乾淨淨。玫瑰柚子：有玫瑰花香味，加埋抽子的甜味，好特別的配搭。藍蝶雪梨：雪梨味清甜，冰凍好飲。

香港的夏天雖然很熱，但火鍋店依然經常高朋滿座，可想而知香港人愛食火鍋的瘋狂程度，而我也不例外。今天經過深水埗荔枝角道的「豐鍋」，見到這間雞煲店新開張不久，店鋪光猛開揚，最緊要是店內的通風系統很好，冷氣充足，不會邊食邊流汗。「豐鍋」的招牌菜是雞煲，有4款選擇，都是百多元，當然要試下啦！《豐鍋招牌麻辣雞煲》半隻$168 上枱時，雞肉還未熟透，服務員在我們面前把雞肉炒熟，大概炒了幾分鐘，香味四溢，令人垂涎欲滴。雞煲很惹味，雞肉嫩滑，還有蒜香和芫茜香，朋友忍不住叫了一瓶啤酒，單吃這個煲已經半飽了。《西班牙頂級黑豚豬梅肉》$105食完雞煲，可以加湯再打邊爐，這碟黑豚豬梅肉肥瘦分明，只是滾一陣就食得。《即炸紫菜響鈴》3件 $38 腐皮包住紫菜，口感層次更豐富，響鈴很新鮮，浸湯或不浸湯食都一樣好味。《玫瑰特飲》$38 柚子蜜就經常飲，但柚子蜜加玫瑰就第一次飲，兩者的味道出奇地夾，解油膩最適合不過。