祥仔辣辣 (海運大廈) (Closed)

首次光顧，以為會秉承 Ricky 識煮識食的風格，供應美味的混合菜，可惜未能如願，普普通通，水準一般。 成都水煮牛肉米線配特式三小碟  $138雲南白切肉、脆炸祥仔午餐豚肉、香辣山木耳 中辣的水煮牛肉米線整體沒有大問題，牛肉入口嫩滑，米線正常，重點在唔算很有辣香、又唔算層次豐富，沒有值得描述之處！ 白切肉及山木耳辣辣地，熟悉的四川菜式；最特別是脆炸祥仔午餐豚肉，相比一般午餐肉有咬口，並非粉粉的，所以口感上，外脆內軟有點驚喜。 祥仔午餐豚肉櫻花蝦香蔥炒飯 $98這一道並非川菜，只有碎粒午餐肉，配合蛋花、蔥花及櫻花蝦，錯不了。 也許一次午餐不全面未可定案，只不過沒有留下特別印象，找不到再訪誘因，試一次已足夠！不過，對附近工作的白領來說，作為午餐價相宜，運作流暢，環境及員工態度良好，若然更有海港城美食優惠卷可用，該沒有投訴。 

海港城嘅餐廳，都食過十幾間。但呢間都算係我最失望嘅一間😥平時睇電視見Ricky san煮野好似幾好味咁，行街經過門口見佢有個set都好似幾抵又多野食，就想試下一次，點知中伏⋯🍽前菜三小碟脆鱔：完全唔脆，係硬嘅，食左一啖已經唔想食雞絲粉皮：最好食係呢個，可惜份量好少海蜇：比較辣，但都算ok🍽主菜酸菜魚：味道普普通通，冇咩特別，有啲魚係仲帶骨，冇寬粉底。侍應話如要加寬粉應落單時加埋，上左菜就加唔到。但Menu冇寫明，落單時亦冇人提過，有啲失望。大虎蝦：雪藏蝦肉質梅梅地，一食就知整起左一段時間，熱度係暖暖地，又失望。辣子雞：呢個比蝦更唔ok，雞丁係完全冇雞味，肉質好似食緊假肉，扮辣子雞咁。真係難食到幾乎成碟冇食過，超級失望。土豆絲：味道普通，不過不失啦。🍽甜品仙草凍：比起其他野，呢個算好食另外，杯凍奶茶睇色水都知唔好飲啦⋯成晚除咗雞絲粉皮同仙草凍比較好食d之外，其他野都瀨晒嘢，味道好唔正宗亦唔好味。Ricky san真係要睇緊啲個廚房🫣我都好少踩咁盡⋯唯一可讚嘅係餐廳內大部分都係成熟嘅侍應叔叔姨姨，個個都好有禮貌同態度誠懇。

第一次光顧中午幫襯祥仔辣辣，用openrice book位，員工會當日booking 前1小時溫興提示， confirm Booking人數，10分好。去到時候餐廳員工有禮貌歡迎客人入座，睇Menu嘅時候，員工會介紹優惠套餐及值得一試嘅嘢食。亦會推薦如果成為member可以使用會員優惠享有折扣。我同兩位同事叫咗一個二人套餐有三個小菜四個煮食當中包括係酸菜魚，蝦，辣子雞同酸辣薯仔仲有一個好好食嘅甜品勁抵食。員工話如果唔覺得唔夠食仲推介我哋喺酸菜魚可加薯粉。味道方面： 辣子雞好食，juicy…如果鍾意食酸菜魚偏辣嘅朋友仔,我可以推薦叫中辣，因為今次我哋叫咗小辣，對於我黎講係微辣。而酸辣薯仔陳醋味偏重。最令人值得驚喜嘅係嘅甜品，有椰奶配仙草果係非常之好食。

叫左個2人餐HKD498前菜有個辣既脆膳，辣木耳，海蜇辣就唔係好辣啦 不過都幾好都好開胃主菜撰左巴蜀辣子雞同酸菜魚味道⭐️⭐️⭐️口感⭐️⭐️辣度⭐️辣子雞普普通通，外觀係唔錢既，辣既話一啲都唔辣味道⭐️⭐️⭐️鮮味⭐️⭐️⭐️⭐️⭐️辣度⭐️酸菜魚係一條原條炸過既魚，叫左個大辣，都係唔辣既，不過魚湯係好鮮味味道⭐️⭐️⭐️⭐️

逛完書展，筋疲力盡，到海港城已經快八點，由於預約早早已滿只能walk in，還好排了十分鐘左右就陸續入坐。二人的都照安排四人桌，挺舒適。二人餐 $498 （Foodie會員$398）*因為用了海港城coupon, 所以每人才$180左右⚜️ 辣辣脆鱔帶點硬的脆鱔，像較濃味的原味炸魚皮，沒有想像中的鱔魚油香，也沒吃到辣，咬著咬著還是香口的，還好。⚜️ 香烏筍蔥油拌紅海蜇花跟酒樓圍餐的海蜇沒兩樣，不過不失。❤️ 雞絲粉皮有點漿口很濃的麻醬👍好味的醬汁基本上已經等於好吃🤣❤️ 招牌祥仔酸菜魚先喝湯，香氣濃郁，調味豐富🎉魚肉雖多，但有些帶小骨也帶鱗，也不夠滑，有點失望。還好有超入味的蓮藕萵筍等配料，偶爾吃到迷迭香，竟覺得份外和諧。⚜️ 乾燒大虎蝦賣相很好，很大方的份量👍一口咬掉蝦頭，甜味搶先，鮮味隨蝦膏後來，肉質彈牙，但開邊的蝦肉有點乾。。⚜️ 巴蜀辣子雞和傳統不一樣是去骨的雞肉，裹了粉走油，剛上桌的時還算不乾，但放久了還是乾柴🤔⚜️ 酸辣燴炒土豆絲入口軟軟，是燴炒所以不爽口吧。。味道有點"水"(詞彙貧乏未想到更合適的詞)淡淡的，期待的酸爽開胃都不足。。⚜️ 果香仙草凍挺甜的仙草凍，配著的竟然是甜的椰汁，加上

Lunch time 去咗海港城呢邊食，好耐冇食過酸菜魚，見祥仔辣辣呢度Lunch set 有酸菜魚拉麵，就入去試吓啦！拉麵幾好，有咬口。但酸菜魚湯只酸唔夠辣，魚嘅份量唔算少，但可惜唔夠滑。整體來講，就唔夠正宗嘅酸菜魚。服務方面，阿叔就真係好似茶餐廳阿叔咁囉，唔係差，但又冇特別好。呢個lunch set 原價$138，foodie story 會員先係$108，仲有3款小食。價錢來講，唔算好貴，但味道唔夠正宗，再加上茶餐廳嘅服務，就感覺唔太值呢個價錢。

🍮唔係好食得辣.但係又好中意食辣🤣呢間祥仔辣辣行過幾次都見排哂隊.終於BOOK左位去試下入面好大.意外地仲安排左窗口位俾我地.無敵海景丫😍食酸菜魚睇到海景真係好難得.可惜當日天灰灰XDLUNCH去食叫2個SET~價錢都合宜每個SET可以揀4款前菜.都多選擇2個人去可以試到多D.同伴唔食辣都仲有得揀🌶️D前菜有D都幾好食. 川味口水雞 紅塵脆香芋絲開胃又惹味👅重點係佢個招牌酸菜魚.真係冇令人失望 😍小辣.湯唔算好辣..但好香.完全唔油膩.有魚既鮮味.仲有麻香魚亦好滑.份量都多.仲要冇骨.好正👍🏻個人好中意.覺得可以ENCORE🤤🤤同伴唔食辣.叫左個龍蝦湯配蝦球湯麵🍜相對比較遜色.但係D蝦都幾爽口彈牙🍤都唔錯既💥招牌祥仔酸菜魚米線💥龍蝦湯配蝦球湯麵💥川味口水雞💥涼拌拍青瓜💥麻辣粉皮💥麻辣藕片💥紅塵脆香芋絲

近排海港城泊車優惠太吸引，所以揸車出開尖沙咀都會泊喺海港城，行下街食下野就可以免費泊車。今次係第二次食祥仔辣辣，見到大部分人都係食佢個辣辣二人餐 ($498, 正價可用海港城coupon，會員價就減$100)。可能太多人叫同一個餐既關係，除左甜品所以野食都好快上齊😅😅唔係好適合你慢慢歎，熱葷亦唔算好新鮮熱辣。前菜三小碟同土豆絲味道都係一貫食開既味道，個蝦 (冇影到) 就普通，而且唔係好新鮮，似係用左啲雪左一段時間既蝦。反而個辣子雞唔錯，餣得幾入味又好惹味，如果有碗白飯就正😋😋主角酸菜魚都交到功課，魚肉軟滑而且吸收左個湯底，幾好味，建議平時食到少少辣既朋友可以試中辣。甜品係椰汁做底既涼粉，賣相一般，個椰汁花奶睇落有少少癡埋一粒粒，有少少影響食慾。最大既敗筆係隻匙羹，個面太細但涼粉太滑，幾乎要扒入口先食到……總括黎講係不過不失既一餐啦。

二人餐 $498🌶️絕味辣子雞全餐最好味既野，雞粒好多，雞肉香口但唔會好乾🦐乾燒大虎蝦蝦肉有D霉，有隻仲有D腥味🥹個汁就幾好，甜甜辣辣咁🐟招牌祥仔酸菜魚Um…一言難盡，佢魚好滑無咩骨，但係個味道完全唔係酸菜魚😅又無酸菜味，又唔辣，上面仲有D rosemary😐🥔酸辣燴炒土豆絲酸味夠，幾開胃🥢辣辣脆鱔｜酸辣萵筍海蜇｜香辣木耳前菜表現正常，脆鱔炸得好脆，包裹埋甜甜地既汁，唔錯☺️🍮仙草凍略嫌甜左D，主要食既係花奶既味整體黎講，個二人餐好抵食，申請埋個會員，套餐只需要$398💁🏼‍♀️佢每個菜既份量都超級大，兩個人根本食唔曬😂但係味道就麻麻，我見網上好多好評，或者下次單點質素可能好D😞

前排用海港城coupon食咗呢間餐廳～ 佢有個二人餐用coupon收正價$49x勁多嘢食，由於加一前唔夠$500又用唔到五張$100😂 我地又唔想夾硬叫好多嘢食，所以就散叫🤣我地叫咗酸菜魚，炒四季豆，飲品同飯，最後用完coupon $200頭都幾抵～～酸菜魚如果兩個人食都幾多，好大個盆😂 魚肉都幾滑，味道都幾好，不過未算令人一試難忘🤣 反而炒四季豆幾香，都幾好送飯🤣 係合格嘅餐廳🥰題外話，食完呢餐之後，有一日朋友喺康城買咗個冬瓜湯飯外賣俾我做午餐，勁咸，仲要真係得兩粒瓜，好似俾人食完咁咩都冇，淨係得湯，好得人驚🥲🥲🥲 可能叫返辣野好啲😂😂😂

Foodstory 呢個集團有好多唔錯嘅餐廳，其中祥仔辣辣都好值得推介！主打辣嘅菜式，不過如果唔食得辣嘅朋友唔使擔心呀，有啲菜式係唔辣既😆😆超級推介佢嘅「招牌祥仔酸菜魚」，佢個湯底好特別，酸酸辣辣咁，同埋有少少麻辣咁🫢好開胃！👍 另外推介佢嘅「螞蟻上樹」，個名好特別，其實佢係免治豬肉炒粉絲，好食！「鳳梨咕嚕肉」都係一個廚師推介嘅菜式👍「成都擔擔麵」份量好大碗！食咁辣嘅嘢當然要叫杯凍嘢飲啦！推介佢嘅「情迷百香」同埋「荔枝物語」，兩款都好清甜👍

星期六 1pm 唔洗等位，其實都知自己中咗伏叫咗海南雞餐+水煮牛肉 連3小碟 涼拌小食+ 2杯梳打水煮牛肉 連飲品都未嚟就上枱，快過快餐，但仲難食過快餐😥 d 牛肉 淋到唔似肉，又羶🤢 仲衰過茶記既沙爹牛，個水煮 好油，得個辣字，冇麻辣，冇香味。跟住到3小碟 涼拌小食：麻辣豬耳，雞腎+拍青瓜豬耳青瓜都正常，雞腎 超級難食，係不能吞落肚嗰隻🤢 羶到一個點，再加埋d 雪味，要飲番半杯嘢先沖得走陣味😵‍💫最後嚟既係海南雞飯，因為漏咗單，雞其實間間都係用雪雞，但呢度既係特別重雪味&羶味，我地都未試過一間餐廳，可以所有既肉同內臟都係羶既😞我會好好記住呢間餐廳，千祈千祈唔好再嚟😥

( ・∇・)┈┈┈┈┈┈┈┈┈┈┈┈┈┈之前同朋友一齊去左祥仔辣辣到食川菜，咁岩有個2人套餐幾抵😎又有酸菜魚食 正呀！┈┈┈┈┈┈┈┈┈┈┈┈┈┈𐂐 ⠜祥仔招牌酸菜魚 (3.5/5)黎到幾大份，但我地都認為唔夠辣因為已經嗌左中辣了🫠但魚份量都幾多 口感算滑 除咗與之外仲有其他配菜，最中意食粉皮同酸菜🥰但份量真係好多😂我地都食唔曬┈┈┈┈┈┈┈┈┈┈┈┈┈┈𐂐 ⠜絕味辣子雞 (4/5)呢個超香口，又夠辣🥰好正的說✨咁岩又有炒飯，配飯食一流┈┈┈┈┈┈┈┈┈┈┈┈┈┈𐂐 ⠜酒釀桂花丸子 (5/5）個人覺得呢碗有驚喜✨酒味算突出而且係米酒既香味😛又唔會搶左桂花味，兩者都平衡到！一碗會有2粒湯圓 都頗大粒～芝麻湯圓更是我最愛😎┈┈┈┈┈┈┈┈┈┈┈┈┈┈總括而言，呢到野食都不錯，重點環境幾好 夠闊落👍🏻坐都坐得舒服啲而且不會好貴～尖沙咀分店仲有海景睇😻┈┈┈┈┈┈┈┈┈┈┈┈┈┈

朋友係要見嘅，恢復左晚市堂食都有一段時間，咁啱朋友大出血，有好多張海港城飲食現金券，所以大家就揀間餐廳用咗佢，依間祥仔就成為幸運兒，餐廳職員很友善，我哋一行三人，職員熱心推介二人餐，估唔到三個人都食到好飽，勁抵食，講返主要嘅酸菜魚，同想像中有少少出入，不過佢依度嘅酸菜魚應該係主打魚肉新鮮，湯底以魚湯為主，有別於一般四川酸菜魚.

本身排隊已經要等30分鐘，都冇嘢啦海港城咁樣好正常。入到嚟坐低見到佢個招牌午市套餐幾吸引，就叫咗個招牌祥仔酸菜魚。見餐牌隔離有細字可以配拉麵或者米線，我已經覺得奇怪，但係見到幅圖，心諗可能啲米線會收喺魚肉下面。點知碟酸菜魚米線一嚟到，我只有震驚兩個只可以形容！首先係酸菜多過魚好多，少少紅色辣椒都冇😥食落啲魚肉仲要鞋口又多骨，好似喺便利店買嗰啲$38即食酸菜魚包咁😭😭忍唔住問佢拎返個餐牌嚟睇，雖然係圖片只供參考，但差咁遠其實係咪違反咗商品說明條例呢？🥲真係好差嘅體驗，冇下次！！！