RuRu Tapas Restaurant (Closed)

放工同細佬一齊食野，今次揀咗間新開食西班牙菜既餐廳。一入到餐廳就覺得環境好靚好舒服~我地點咗3樣野，包括生紅蝦刺身、紅酒辣肉腸配全麥麵包粒同埋西班牙黃油雞。紅蝦刺身係將西班牙紅蝦拆殼之後再壓扁，所以薄薄一片入面有好多隻蝦，食落好香海水味，上面加埋一粒粒既柚子汁分子料理同埋caviar。我地放喺薄脆既麵包上食，毫無違和感！至於紅酒辣肉腸配全麥麵包粒，我地先食咗辣肉腸，食落帶有鹹香，味道微辣。將麵包粒浸落紅酒汁到之後再食，味道令人驚喜！最後係西班牙黃油雞，佢好似八寶鴨咁，入面有滿滿既餡料。d餡料主要係豬肉腸粒同埋麵包粒碎，咬落脆脆地，同嫩滑既雞肉一齊食，口感好豐富。

Ruru係大角咀新開嘅西班牙酒吧餐廳，是日同同事喺附近做完野，見時間仲早，就一齊喺度食少少野吹下水先各自歸家。因為係西班牙菜，所以menu都係以Tapas為主，不過都有甜品同比較飽肚嘅飯麵同主菜。西班牙辣椒仔($88)哩度嘅辣椒仔比平時食倒嘅大隻，一隻都等於平時嘅兩隻。雖然叫辣椒仔，不過係完全唔辣嘅，西砌牙做法一般都係煎香左最後灑少少鹽吊下味，辣椒仔爽口得黎唔會有草青味，味道都唔錯嘅。西班牙蛋餅($88) - Ruru嘅蛋餅上面多左兩塊西班牙火腿，蛋餅唔會過老過熟，中間加左啲洋蔥，所以除左食倒火腿囓鹹香味，仲有洋蔥嘅香甜味，食肚得黎都幾好食。香辣大蝦意大利粉($188) - 意粉唔算大份，只係剛好一人份量。意粉用左橄欖油炒，所以食落比較輕盈冇平時忌廉汁底咁滯，意粉都好彈，上面有三隻大蝦，蝦肉幾結實，辣度大約係BB辣，點到即止，係三樣食物裡面我最鍾意。總結，食物唔錯嘅，每個座位都有咕臣，坐得好舒服，好適位同朋友慢慢坐慢慢吹水。

🥢西班牙雜菜湯 $88雜菜湯除咗蕃茄嘅味道，亦有好明顯嘅醋酸味。酸味比預期重。蕃茄、蘿蔔、洋蔥、西芹切得幼細亦煮得軟腍。仲食到少少牛肉粒。🥢燒牛肉 $198燒牛肉份量唔少，有八件片厚切。牛肉大概燒到八、九成熟，但都算易咬。牛肉表面有大量蘑菇，底下有好多紫洋蔥🧅同埋火箭菜。紫洋蔥煮到軟腍冇青味。火箭菜仲有少少黑醋味道。🥢白酒辣蜆肉意大利麵 $168意粉煮到al dente，亦有橄欖油嘅香味。但辣味冇想像中咁明顯，好彩有辣肉腸點綴。蜆肉大隻厚肉又鮮味。

餐廳係大角咀, 雖然地方唔算超方便。 不過好處係夜晚都比較靜, 唔會人來人往。岩晒食西班牙菜小聚會既氣氛~~西班牙炸薯仔 ($88)❤️❤️❤️❤️就係炸薯仔, 不過配左自家制既醬, MENU寫SPICY SAUCE, 不過一D都唔SPICY, 甜甜地咁, 好開胃西班牙蛋餅 ($88)❤️❤️❤️❤️蛋餅造型好可愛, 份量唔大, 不過好結結實實, 配岩HAM上, 味道好夾~ SHARE岩晒!!慢煮和牛臉肉配薯蓉 ($298)❤️❤️❤️❤️❤️好出色既主菜, 有3大舊牛肉面!  炆得非常淋, 又入味, 唔會太濃味太膩。底下薯蓉加埋醬汁都一樣咁好食!!

RuRu Tapas Restaurant (旺角)📍旺角杉樹街11號德安樓地下1號舖大角咀酒吧街附近有間西班牙餐廳收左工唔知去邊好 ？有間bar細細地坐底飲杯happy hour 再叫d野食做晚飯👉🏻紅酒辣肉腸配全麥麵包粒$98肉腸辣辣地，細細舊，有咬感，紅酒汁點麵包粒，浸到岩岩好👉🏻牛油果蕃茄凍湯$88凍湯酸酸的，配有蒜蓉蛋黃醬，配料有青瓜、蕃茄、牛油果，開胃一流，用左個類似shooter杯黎整，細細杯幾精緻👉🏻西班牙墨汁飯$298墨汁飯非常juicy ，粒粒飯都有咬感，感覺似食珍珠米，配有五隻大蝦，幾隻墨魚，有自家製醬汁酸酸甜甜，感覺幾新鮮！📢餐廳環境，好多慢歌聽，成間餐廳既人都好慢活，預俾落黎好耐既人慢慢傾計 ，格離台真係坐左3-4個鐘😂，開枝紅酒白酒 ，我地坐2個鐘，黎之前已經係度到我地走但距地都未走🤣#全力食｜#密密食｜#情侶檔搵食｜#小店推介｜#餐廳

大角咀新開業嘅RuRu Tapas Restaurant，係主打西班牙菜嘅酒吧餐廳！裝修簡約時尚，地方極為新淨，而且樓底特高，好有空間感！西班牙辣椒仔 $88西班牙嘅開胃菜，青色嘅辣椒仔烤香表皮，以橄欖油和海鹽嚟調味，係送酒嘅良品！36月伊比利亞火腿 $198油份充足嘅36個月嘅風乾伊比利亞火腿，色澤亮麗，油潤帶光澤！火腿肉質柔軟，入口甘香，咸香味濃，仲散發著果仁嘅香氣，完全無渣，一食就知係西班牙嘅上等貨，推介！白酒辣蜆肉意大利麵 $168蜆肉大大隻，鮮甜乾淨無沙！扁意粉都幾掛汁，每一啖都食到蜆嘅甜味，同埋白酒嘅香！帶少少辣，都幾惹味！

餐廳：RuRu Tapas Restaurant (旺角)地址：旺角杉樹街11號德安樓地下1號舖難得放假，有啲心力交瘁嘅感覺，去咗旺角杉樹街呢間開咗接近一個月嘅RuRu Tapas Restaurant西班牙酒吧餐廳食飯🇪🇸，餐廳位置有啲隱蔽，啱晒我呢啲想一個人靜吓嘅人，佢哋前身喺一間清吧，依家就提供埋西班牙菜同小食，比人嚟到可以坐低慢慢飲返杯🍷，一邊chill一邊食吓嘢一個人去食飯嘅好處喺可以享受埋當刻嘅環境同氣氛，聽住pop song music🎵 ，一邊enjoy以黑白灰色為主調嘅環境，可惜啱啱打完針無耐唔飲得酒住，如果唔喺我都想飲返杯🤩，皆因見到佢哋嘅Happy hour set，最平$168就有兩杯紅/白酒加一個本身要$88嘅小食，相當抵食👍✝️西班牙炸薯仔 $88用咗紅椒醬同mayonnaise加咗喺炸薯仔上面🥔，本身以為紅椒醬會好辣，但原來紅椒醬用紅椒同茄子整成，食落甜香、顏色鮮紅，撈勻嚟食又幾好味，炸薯仔仲無油膱味，食完一舊忍唔住食第二舊🤤✝️牛油果蕃茄沙律 $98呢個沙律有牛油果🥑、蕃茄🍅、水牛芝士、火箭菜、生菜等，加咗啲黑醋酸酸甜甜幾開胃😋✝️白酒辣蜆肉肉意大利麵 $16

RuRu Tapas是型格酒吧餐廳，主打西班牙菜，高闊的樓底，大玻璃窗採光度高，格局清爽舒適。坐在近吧檯的沙發椅，看到調酒師在調配雞尾酒，加上常綠植物點綴，充滿慢活感覺。慢煮和牛面肉配薯蓉 $298和牛面頰以慢煮方式烹調，長時間以低溫熟成，輕輕一切，肉質細緻柔滑，入口軟腍、黏牙，咬下去油香四溢，以稠滑薯蓉作點綴，質感更嫰滑，牛味香濃。西班牙炸薯仔 $88炸薯仔炸至金黃色，入口熱燙、肥厚綿密，非常邪惡，令人愛上酥香的感覺。西班牙辣椒仔 $88辣椒仔充滿咬口，咀嚼間釋出誘人的蒜油香，入口甜中泛辣，別有一番滋味。

附近行過見到呢個新開餐廳，裝修好型格，主打西班牙菜式，好似幾吸引，就入左去試下~❤️‍🔥紅酒辣肉腸配全麥麵包粒辣肉腸微辣，好有風味。腸仔一定混入好多香料，所以味道好豐富～麵包粒卜卜脆，蘸完紅酒醬汁，鮮美提升不少！❤️‍🔥西班牙薯仔好喜歡個紅椒醬，少少辣辣地，加上蛋黃醬，少少酸甜，令到普通簡單的炸薯仔更添滋味～薯仔不會好硬，個size切得適中，可以一口食到又不會太細粒冇口感！❤️‍🔥慢煮和牛臉肉配薯蓉薯蓉香滑又綿密👍🏻和牛臉肉超軟稔，瘦肉和脂肪結合得好完美！切得好夠厚身，每面肉亦完全吸收曬啲汁，不會好乾身！Toppings加入心思之作，有onion，garlic ，bay leaves等🤪👍🏻很好的用餐體驗🍴

經過見到新開的餐廳酒吧，喜歡嘗新野的我當然唔會錯過啦。餐廳環境幽靜，坐得很舒服, 真是一間傾計嘅好地方。 🥔西班牙炸薯仔，進店都先上openrice度望下推介，見都多人點呢個小食。薯仔切得好均勻，一口一粒，外脆內軟仲熱辣辣，拌上微辣醬汁，好開胃。 🍝大虾炒意粉, 大蝦大隻夠新鮮，以蒜片辣椒炒得好香口，意粉軟硬適中。#辣肉腸配辣肉醃製得入味，肉質有嚼勁，而且烤得好香，友人很喜歡，略嫌配搭的麵包粒不夠脆。

「望鏡頭…….1，2，3！」「咔嚓！」今日返左學校影畢業相，等左4年終於等到呢一刻。「仲記得做fyp果陣，連續兩晚冇訓呀…….」「叫左你早啲開始做架啦，成日都做deadline fighter!」我望住佢，諗返起以前既大學回憶。「記唔記得以前我地成日食杯面做宵夜？」「點會唔記得呀！上左大學就冇再問屋企攞零用錢，有時冇錢唯有食杯面囉！」雖然以前有幫人補習，賺到少少錢，但都係勉強維持到生活。「果陣時趕deadline做到凌晨三、四點，我地成班hallmate圍埋一齊食杯面，真係好懷念呀！」「今晚一定要食餐好既，慶祝我地畢業！」佢好興奮咁講。「梗係啦！唔通仲食杯面咩？」我笑住咁答佢。除低件畢業袍，我地就出發去左旺角一間西班牙餐廳。一入到去店舖好簡潔，黑白色為主，見到開放式廚房。「相機食先！呢個西班牙小辣椒好香喎。煮得好入味，而且份量算多，夠2-3個人share。」一咬落去發現調味料好香，本身以為好辣，但完全唔辣架！ 「個蛋餅都唔錯喎！食到裏面有薯仔。你試下？」見佢講到咁吸引，我到忍唔住想試下。「唔錯喎，配埋上面啲火腿一齊食好夾。」西班牙蛋餅上面鋪左幾塊火腿，火腿唔會太鹹，而且食落好香。「聽講

呢日朋友生日，就請左佢去食大角咀呢間新開既西班牙餐廳，餐廳既樓底好高，裝修幾靚，喺度食飯幾chill。打開餐牌，見到有好多唔同既西班牙菜可以選擇，包括小食、pasta同埋主菜等，感覺好吸引。我地唔係太肚餓，所以淨係點左3樣野，小食方面，點左西班班炸薯仔，薯仔炸到脆脆地，加埋秘製既醬，好好味。另外仲點左金槍魚凍盤，金槍魚配上沙律菜，感覺清新又健康。主菜方面，點左慢煮和牛臉肉配薯蓉，牛肉炆得好腍好入味，配埋creamy既薯蓉，正！

🍴西班牙辣椒仔 HK$88香港有煎釀三寶，而西班牙就有源自西北部嘅炸辣椒仔，我都係第一次食，外型細長，用橄欖油炸到起泡同收縮，再灑上海鹽簡單調味，食落一啲都唔辣，品嚐到濃濃嘅青椒獨有味道，帶少許回甘。🍴紅酒辣肉腸配全麥麵包粒 HK$98西班牙辣肉腸帶紅椒粉同油脂嘅香氣，亦有淡淡煙燻風味，香辣惹味，浸喺紅酒、番茜、月桂葉製成嘅醬汁，就咁食有啲鹹，配香脆麵包粒就剛好。🍴白酒辣蜆肉意大利麵 HK$168本身餐牌寫係Spaghetti，但原來係更常用於配搭海鮮嘅Linguine，錯有錯著，更合我口味，亦煮到令我滿意嘅al dente口感。醬汁帶白酒清香，加上鮮蜆海水味同辣肉腸碎點綴，充滿滋味。蜆肉極之鮮甜嫩滑，富有酒香，忍唔住盛讚一番，半開式廚房嘅廚師聽到之後，就話蜆肉即日送到，保證新鮮。而家有新張88折優惠，不妨一試。📍RuRu Tapas Restaurant旺角杉樹街11號德安樓地下1號舖

大角咀杉樹街西班牙小食小店，主打當然是飲酒，紅白酒雞尾酒無酒精雞尾酒， 暫時款式不太多， 相信遲些會增加款式環境就一個酒吧的樣子，裝潢下了點功夫服務有着新餐廳應有的殷勤西班牙麵包配蕃茄醬$88很脆口的多士配上番茄沙沙， 配上濃烈的橄欖油以及香蒜的味道，無負開胃前菜之名紅蝦意大利麵$188意大利麵配上蕃茄，蒜頭，橄欖油，三隻彈牙的西班牙紅蝦，味道偏濃，配上美酒一定很匹配吧！ 不過我本身不喝酒，有點可惜呢！

happy firday 同閨蜜大角咀搵食.🥳🥳見到這間新開嘅西班牙餐廳，感覺很不錯還有happy hour🤩地方雅緻，装修清新. 還有閣樓感覺好private Tapas 小食西班牙蛋餅 ~ 薯仔和雞蛋煎香，面頭再加火腿！火腿唔太鹹好香， 一齊食口感很好👍西班牙墨汁飯很有驚喜，墨汁非常香濃每一粒都沾上墨汁🥰飯底軟硬適中加上海鮮非常之match紅酒辣肉腸配全麥麵包粒用嚟·佐酒很不錯· 臘腸比較鹹，伴著麵包粒一齊吃可以中和咸度八點半前仲有happy hour Tapas selection $1782杯Draught Beer Edelweiss 配 西班牙炸薯仔個人最喜歡喝這款啤酒， 淡淡的花香和麥香，酒味不太濃😝🤓好chill 嘅-一個晚上.店員服務仲好週到添😉