世記上海麵店

Open Now

Now Closed

今日東記冇開，試下兄弟店世記，閒日冇乜人，店員親切有禮，好快就奉上已點嘅豬扒炸醬米線。豬扒米線賣相唔錯，米線同炸醬很美味，到主角豬扒了，咬落非常香脆，但！超級厚粉加好多肥豬膏！實在令人失望！太肥了，肥到唔想食😭同兄弟店東記嘅冇粉漿炸豬扒相比，實在係天同地比呢！希望日後會有改善，畢竟店員質素，食物味道係一流！

間唔使都黎食一次....多數星期日兩三點食.....呢個鐘數都要等位....不過好快有位....可以接受.....叫個豬扒麵.....等個麵先至重點.....隨時等半個鐘.....不過值得的.....因為大件抵食兼好食.....所以我成日都幫襯佢食佢豬扒麵我習慣唔食雙拼.....因為單拼豬扒麵有成兩大塊豬扒.....超滿足.....如果同女朋友一齊食....就會叫埋雞亦麵.....雞亦都不錯....但不及豬扒的好

一個比較低溫中午相約加友人A & C到大埔街市熟食中心午餐,但由於友人C遲到,坐低都已經係兩點半了, 其中亦因為這裡係中午飯市客人好多, 旺的檔位多客人要四個人一次過坐低有難度, 所以等位也等了10分鐘左右, 坐低二話不說四碗豬扒麵, 而被伙計安排坐落的是另一家蘇記奶茶的檔口, 禮貌上也是要叫杯飲品嘅, 你亦可以話:唔叫唔得咩? 可以嘅但始終呢D潛規則, 作為香港人識做嘅! 下面再講某些特別例子!炸豬扒麵就梗係講返件炸豬扒啦! 由於客人多, 製作須時係理解嘅, 大概等咗二十分鐘左右四碗一次過上來, 炸豬扒是另外一個碗裝上, 有些一碗係一件有些則兩件沒有標準, 炸色係好金黃完全沒有過火炸衣面亦顯示出沒有用老油炸東西, 一定程度上是合格了, 新鮮起鑊的油炸物外層脆口, 不過中間件豬扒其實是不足1cm.厚, 但炸漿內的泡打成分令外皮澎漲至差不多2cm.以上, 厚豬扒只係視覺上的錯體效果而己,而豬扒的肥羔沒怎樣除去, 食落比較油膩因為外皮炸衣的油加埋內裡的油脂一併吃下的緣故, 瘦肉部份則普通豬柳肉那樣沒爽口感, 有客人只食件豬扒，面同菜通通唔食, 唔通等太耐食慾消失咗? 湯麵的湯是白開水似的湯

今天要到大埔參加活動，跟著大埔地膽朋友覓食相信都沒有中伏的可能😂🤤，她經常說大埔美食多，難得今天一場來到一定要試。她帶我到大埔街市內的熟食中心，星期六下午一時人流相當多，環境其實不太好，人們吃完都會立即走，所以很快找到位。這裡出名的就是豬扒及雞翼麵，其實亦只得這兩款😂，所以不用想了，我們點了各一碗，可能由於豬扒及雞翼都是即炸，上菜真的太慢了，兩碗麵大約都等了十幾二十分鐘😨。這裡沒有飲品供應，我們唯有過隔離買飲品，竟然有大支裝可樂，還很便宜呢言歸正傳，主角豬扒大大件，雞翼隻隻金黃色脹卜卜，上海麵大碗，顏值頗高。至於味道，豬扒脆香啖啖肉，肉汁豐富，不會太乾。5隻大大隻雞翼皮鬆脆，雞肉滑、有肉汁。$34一碗超級抵食呢！我們都吃得超飽！要比較的話，個人認為豬扒略勝一籌，可能因為啖啖肉，最適合我這種懶人😂。

星期天下午2時後這兒仍人頭湧湧，有大埔街坊，也有專情來的嗜吃之徒— 如小筆😆 熟食市場沒有人帶位，所以常有等位的人站在你身旁「觀賞」你的食相🙈姐姐下單時的第一句就是：「所有食物需等候35分鐘！」一下子呆了，一碗麵的等待時間比來一碟布包腸粉還要耐😱😱一場來到又不想放棄，唯有乖乖的坐下來。旁邊的茶水檔嬸嬸找緊此時，前來問我們要不要點些飲品（麵檔沒飲品賣），$15一杯凍檸水，味道不什了了。時間過得很快，跟友人說笑間食物已煮好，麵條和炸物是分碟上，份量大大，$34超便宜。🐷炸豬排：不愧為名物，肉厚多汁，不油膩，每份有2大塊👍🏼👍🏼👍🏼🐔炸雞翼：5大隻中翼，脆皮下是嫩滑雞肉，好味到停唔到口👍🏼👍🏼👍🏼🍜上海麵：湯底完全沒味道，麵條過淋易斷👎🏻注：枱上的辣油很香，嗜辣者別錯過！

每㳄到大埔墟街市的美食中心，不論日夜，都人頭湧湧，想找美食，便要自己四出找位，企在人家背後，等人吃完一起身，便即刻坐下，經歷一論混亂，終可鬆一口氣。今次去到世記吃他們馳名的豬扒麵，他們只供應麵食，飲品則要向鄰舖購買，當你坐下，鄰舖姐姐便會問你要不要飲品，order 後，阿姐送上飲品附錢即可。豬扒菜肉雲吞麵（$34）菜肉雲吞有四隻，皮薄，菜肉饀料比例均勻，炸豬扒很大塊，炸漿很脆，豬扒的肉質鮮美，調味恰到好處。豬扒雪菜肉絲麵（$34）雪菜味道不錯，不過鹹，但肉絲較少，只得幾條，湯底味道美味，上海麵條淋滑，配合雪菜，是一個地道的上海麵食。竹筍肉絲麵（$26）若是不配豬扒或雞亦，只是$26，竹荀份量很多，鋪満整碗麵，竹荀絲幼嫩，不會有渣，調味有一點點辣，肉絲則較少。

大埔首選麵檔 每次嚟都人頭湧湧 經歷每次等候太耐 而家會下午茶先嚟食 濃濃炸醬味 還有小許芹菜一齊煮 太香喇 套餐包括一份炸豬扒或雞翼 但不包飲品 如要係需要隔離舖頭叫  

第一次食炸豬扒上海面喺隔離既東記，覺得好好食，再去食，可惜無開，見呢間既炸豬扒上海面賣相差唔多，所以試下呢間。但覺得爭太遠了首先，塊豬扒既size細啲，而且炸得比較老，食落口，相對比較油。感覺麻麻~上海面粗幼度一樣，但又煮得太耐，筷子輕輕夾起，未放到落口，已經斷開左，好失望雲吞，兩間都差唔多。價錢都係三十幾蚊，都係唔包飲品既，如果要飲嘢，就要喺隔離啲鋪頭買 如果想食炸豬扒上海面，我比較建議食東記。不過留意番佢既營業時間。

呢間係大埔幾出名，專食豬扒麵。每次去大埔都會幫襯。豬扒即叫即炸，好香口，份量都唔少架豬扒炸粉唔厚，仲熱既，炸醬好香口不過始終係街市。環境就一般食物質素就幾好。會再去食上海粗麵比較少有。都幾好食夠大碗

一去到有個伙記正正常常問幾位，叫左我地坐低，問佢有咩食只係口頭講有咩唔肯拎餐牌咁chur我地叫野食，一番討論之後終於拎張餐牌過黎，之後落單，等十數分鐘後又有職員問我地飲咩，我地本身冇打算叫野飲，所以就話唔洗喇，佢就覆：呢個位蘇記既，你地最少要叫杯飲先可以坐，呢個理由我覺得合理，但點解世記職員叫我地坐過去chur我地落單，但禁巧合世記就係呢個時間送餐黎，蘇記職員就同世記職員講我地唔肯叫野飲，咁我地讓返張台啦，世記員工“下”左一聲，但世記又冇位喎，咁世記員工見有張台個台面有位就成盤放低先，唔理本身張台有其他人食緊野，又係我地未有位既情況下話$102比左錢先。咁堅決我就等到佢有位先比錢。咁再等多幾分鐘終於有得食。咁我叫左個上海粗麵，個麵林到好似發脹公仔麵，炸雞翼油得緊要，而且凍又林哂，得炸豬排炸皮脆，但肉就一般，菜肉雲吞似青蔥水餃咁。份量豬扒都幾大塊，麵就比較細碗，雲吞都4粒，如果只係為左填肚都可以去食既。強烈唔建議食上海粗麵同雞翼。 要食呢間餐廳請點返炸豬扒，最好就叫返杯野飲，唔係就可能要調下位又食多幾個面色喇。

中學已經開始幫襯原來已經食左好多年我最中意食世記的炸醬，佢炒得好乾身，微辣再配埋炸雞翼，炸得剛剛好雞翼仲熱又滑我個人覺得炸醬唔夠辣每次都要加佢的辣椒油佢既辣椒油好夠辣，加幾滴，成碗麵已經夠哂辣我每次只會食上海粗麵，因為唔係度度有得食如果週末，落單的哥哥會話你知。要等幾耐我就等左半個中，值得等

星期日放假無野做，訓到中午，諗下去邊食飯。突然諗起大埔街市有好多野食，仲有諗起呢間想試好耐又未得閒去試的世記豬扒，所以就開車去食下，順便係街巿買埋今晚晚餐。可能星期日去到無位要等，等左一陣就安排到。叫左招牌豬扒河試下，果然不錯，香脆散味。美中不足是要等超過半小時，如果返工放食飯都唔知點攪，另外鋪頭不設飲品，要由格離鋪買，價格都幾貴。差不多半碗河粉的價錢。可能是營商互惠手法吧。你賣食物，我賣飲品。總結之後有機會都會再黎食。

這天的我，住在元朗，嘴饞的我心卻繫在大埔! 搭上64K 雙層巴士，在大埔廣福道繼續以雙腳探索美食終點站。我在大埔墟熟食中心的世記上海麵店找到美食的拼圖。午飯時間簡直座無虛席，終於找到空位，坐下急不及待研究餐牌。客官，這裏可是以炸豬扒麵名盛大埔的。我說小二，那就來兩份炸豬扒麵吧！吃一口内嫩外脆，肉質口感豐富以及調味恰到好處的炸豬扒，喫一口彈牙的油麵，我説這種以平價換來高等級港式天堂般的享受，就是與滿足劃上等號。

放假其中一個同屋企人食嘅餐廳鍾意佢炸豬扒同雞翼夠足料大大塊、脆卜卜今次叫左一個配豬扒、一個配雞翼咬落去好脆好好味炸菜粗麵、炸菜幼麵粗麵好有咬口，好多好多炸菜幼麵好彈牙兩碗麵落少少辣椒醬更加惹味一個女仔真係食唔晒一碗同人share 岩岩好不過假日都比較多人，可能會坐得比較逼

星期天進入大埔街市熟食中心吃馳名的豬扒麵大埔街市內有名的豬扒麵有兩間，分別為東記和世記是兄弟幫開的個人覺得東記的豬扒的炸皮比較滑，少點皺紋世記的則比較酥脆喜歡酥脆的感覺所以選擇了世記因為是假期所以比較多人等位用了點時間而且食客比較多食物要等35分鐘以上搭枱是不能避免的侍應在我們等位時已貼心地幫我們落單減少我們等待的時間有粗面幼面河粉等等配料可配炸豬扒、炸雞翼、雲吞等等因為是為了炸豬扒而來所以就直接叫了炸豬扒點了炸豬扒粗麵面配了幾條青菜，感覺健康回一點豬扒炸得金黃酥脆，有點肥肉，啖啖肉，食肉獸最愛想冇咁熱氣的話，吃前將豬扒浸在湯裏別有一番風味世記本身沒有提供飲品因為世記面前的枱凳有限如果坐隔離店的枱凳的話便要幫隔離店點飲品一路飲開隔離蘇記的飲品但今天蘇記沒有開只好點斜對面的飲品（$15）奶茶比較水一點， 很淡