三代目 (愉景新城)

Open Now

Now Closed

係荃灣放工就行去附近嘅愉景新城食晚餐。地下層有一間大大間嘅日本料理餐廳【三代目】🇯🇵 黑紅色裝潢嘅三代目都幾型格，餐廳分咗兩邊，其中一邊有吧枱，另一邊有廂房。餐廳有多款日式料理。拉麵、丼飯、壽司、串燒、炸物等等都有。✪ 薯仔沙律 ⌫ 💲42沙律有薯仔，青瓜片、甘筍片、洋蔥，再加入沙律醬拌勻。因為有青瓜片，味道好清新。✪ 汁燒五花豚丼 ⌫💲95好香噴噴！丼飯有五花豚同溏心蛋，再加蔥絲點綴。豚肉切得都算厚身，汁燒過嘅豚肉好入味。肉質軟腍，口感好好。香甜嘅醬汁滲入白飯中，好滋味。✪ 芝士牛丼(細) ⌫💲52用小碗擺放嘅細牛丼。上面蓋滿火炙過嘅芝士，起咗一層焦，相當吸引。夾起芝士時仲有少少拉絲。✪ 火焰牛一口壽司 ⌫💲48上面有醬漬山葵莖，味道帶點點辣，好開胃。火焰牛肉片有好香濃牛味。一口未必食得曬😂✪ 粉嫩吞拿魚一口壽司 ⌫💲58吞拿魚蓉顏色粉嫩，配上蔥同芝麻，好香口惹味。吞拿魚蓉軟滑，係口中融化。✪ 鮮海膽一口壽司 ⌫💲68上面有好大片海膽，味道鮮甜甘香。加上青瓜，味道清新。✪ 軍艦蠔一口壽司 ⌫💲48用上日本廣島蠔，吉列蠔炸得外酥內軟。夾埋清新的青瓜片同酸甜他他醬，整體唔會太油膩。✪ 士

早幾晚放工喺荃灣愉景新城同朋友食完晚飯行咗一陣，經過呢間三代目，見到有手搖飲品counter幾特別，口渴都想買嘢飲，過去睇吓有咩飲品揀喇。我揀咗🧋牛乳大紅袍 M $32。牛乳味好濃好滑，茶底都濃嘅。整體感覺似平時珍珠奶茶咁，好飲嘅不過就沒太大驚喜。😂

去南豐紗廠前先黎食lunch呢間三代目係連鎖店，之前喺北角有見過，主要食丼飯同拉麵▶️ 炙牛拉麵 ($92)平時多數食叉燒或雞肉拉麵，今次試牛嘅拉麵🍜有四片薄燒牛肉，半隻雞蛋 (可選半熟或全熟)，賣相一般🐂牛肉用黑椒調味，食落冇黑椒味，不過牛味就幾重嘅牛肉偏瘦冇咩肥肉，可惜有筋所以食落偏韌🙁半熟蛋就做得幾好🥚蛋黃晶瑩剔透，夠入味豚骨湯底濃郁，味道唔似自己淆似味精，好彩都唔會鹹到口渴，只係偏油，加咗啲青蔥令佢香啲🍜麵質偏幼身，唔易斷亦唔會太淋，可惜唔夠煙韌同埋比較普通-味道好一般，拉麵質素感覺自己返屋企煮都整到🙂屋企人叫咗牛舌飯同鰻魚飯，份量比較細 (同相有出入)而且賣相亦比唔上Suk_ya嗰啲，但係價錢上就賣貴人哋成倍……環境OK嘅，加上帶狗可以唔使入袋服務正正常常啦唔太推介大家嚟食🙅🏻‍♀️性價比低

愉景新城一向都無咩好食見呢間拉麵嘅食評唔錯，決定試試店舖喺地下嗰層，座位都算舒服但可能因為半開放式，一直有隻烏蠅喺附近飛🤦🏻‍♀️講返食物先，因為當日比較想食烏冬所以叫咗兩碗都係烏冬⬇️宮崎辛稻庭呢一款滿足咗我又想食辣又想食烏冬嘅慾望但係嗌之前都有啲擔心會係一碗芡汁撈烏冬咁果然不出所料，個「湯底」有啲啲肉碎、啲啲椰菜、蛋花就係咁上下🥹🥹🥹好彩啲烏冬都夠彈牙，湯底都夠辣所以勉強都會比佢合格嘅⬇️紫蘇燒䐁梅肉拉麵（轉稻庭烏冬）我哋轉咗稻庭烏冬底呢碗嘅presentation要扣一扣分一嚟到塊紫菜已經浸到濕晒豚梅肉同糖心蛋都沉咗落去，因為湯底太多雖然其貌不揚，味道都算唔錯嘅糖心蛋入味，豚梅肉肉質夠淋唔韌湯底都鮮，唔會搞到食完好口渴💭總結💭食之前有少少期望，可能真係期望過高愉景新城要繼續做美食沙漠啦🫢

Lunch time 同同事去愉城食飯，揀左呢間日本野。但打開menu發現平日冇set lunch已經覺得怪怪地想轉場，但見坐低左就費事。現場有部送餐機械人都幾得意。🐾一口燒牛丼 $95賣相同張相好唔同😅碗飯比想像中細，上面d肉數量雖然多但好多都碎濕濕好細舊。蔬菜好少，肉食落係腍，但似俾鬆肉粉乸左好耐，d肉唔靚。個擺盤好隨意，好似我喺屋企自己整擺得仲靚。🐾 汁燒五花豚丼 $95賣相都係好唔同，上面離奇出現d一粒粒花椒/黑椒，味道唔算難食，但唔似食梗日本野。$95仲要加一，冇配菜，細碗，麵豉湯都冇碗，最重要係味道同用料都非常一般，呢個價錢喺愉景新城裡面已經有更好嘅選擇。

呢一個章魚筒係我食過咁多個以來最鹹嘅一個章魚筒。我諗佢應該係一啲冰凍海鮮，燒汁極度到咸🤮，下次嚟到呢間嘢唔建議食個。炭燒牛舌飯，呢個係全間嘢來講，最好食嘅一個，好食指數，我比90分，食落去嘅時候仲聞到陣陣檀香味，仲有牛舌好軟熟，一啲都唔硬，只係感覺份量有啲少同張圖有啲唔同。但係都值得推薦芝士牛肉飯，份量好少芝士好韌，芝士同牛肉汁嘅比例，完全唔均勻，我可以講大快活嘅嘢味程度，仲高過呢一碗飯。性價比十分之低。天婦羅🍤，作為頭盤嚟講嘅天婦羅，都算係幾好食😋，海鮮係新鮮同好食，而家係一個新鮮嘅海蝦，同埋新鮮嘅帶子，食落去嘅時候，仲有汁流出嚟，推薦指數90%最後我哋仲叫多咗兩吋串燒分別就係一口牛同分開斬雞翼，一口牛嘅性價比十分之高，完全唔啱多汁好軟熟，但係相比上雞翼就好細隻同埋極度之乾，同埋好唔抵食，建議下次嚟嘅人可以食一口牛。

中伏體驗  唔知點解咁多好評本來黎愉景新城都冇話要食佢嘅 行行吓經過 都算多人幫襯 同埋聽過好似都出名 咁就俾次機會試吓好啦 入去嘅時候係中午2點半左右 食lunch set我地分別叫咗L4 紫蘇豚肉拉麵 $108 同L5 牛肉鰹魚讚岐烏冬 $78L4個餐有拉麵之餘 仲有3件 加州卷 / 吞拿魚茸卷 同埋飲品我就點咗加州卷同罐裝可樂L5個餐就只包多個飲品 冇壽司我地就點咗熱黑糖鮮薑兩個餐都要另收加一的 埋單要$205烏冬黎到後 牛肉新鮮 但數量小得可憐同埋好油 明明鰹魚湯烏冬 點解會咁鬼油係因為抄啲牛肉果陣 落咗好多油？ 再之後就咁夾落個烏冬到上菜？隔一隔油先放落碗烏冬到都懶得做嗎？食完見到碗野成層油係面 同埋啲烏冬我會預係有咬口啦 話哂個餐真係好普通 得一隻蛋 個黃熟嘅 冇流心 同小小海苔 冇特別其他料 點知烏冬都係偏淋嘅味道就真係好普通 冇特別話好出色 預期到嘅味道 但真係好油好啦到個拉麵啦 成舊水 諗住會好好食啦點知 見到得兩片 真係兩片豚肉 小小荀 一隻蛋 一塊仔紫菜 同埋小量紫蘇碎拉麵唔得 唔掛汁 普通貨諗住個靈魂係個湯 點知同味精拉麵個湯一樣 唔濃 好淡好浠 流於表面 感

鰹魚牛肉湯烏冬（$78 未加一）今日黎愉景新城食野，睇落d野唔錯，食落就好失望。鰹魚湯好清淡，不過成層肥牛油係面，全個碗都係油加湯，食落好油膩好滯，冇諗過鰹魚湯烏冬係咁油。糖心蛋一D都唔糖心，D蛋老到就黎熟曬，D個蛋係唔流心既。烏冬都唔彈牙，似平價烏冬，都未試過比幾十蚊既烏冬個質地重衰過茶記既平烏冬。餐飲：黑糖薑母茶：普普通通，甜左D警告⚠️： 唔好以為比個接近一百蚊會有相對服務，食材又唔好，湯底又冇特色。Very bad experience.

前菜•松露紋甲墨魚🐙 墨魚，蕃茄，青瓜也非常新鮮，酸酸甜甜的醬汁非常開胃，同時保留到食物原有的味道🌞絕對適合炎熱的夏天作一道開胃小菜✨•佃煮小女子核桃 意想不到核桃配上小魚乾的味道會十分驚喜～核桃仍然保留到酥脆的口感，甜甜的味道十分適合作佐酒小吃，即使不喝酒也可以當作飯後甜品 ！小食•味僧甲羅燒🦀賣相99分🦀蟹膏控必食！看得出廚師十分認真擺設！實不相瞞，小編一向對蟹膏沒有太大好感。經過今次後，小編開始慢慢愛上了🫶🏻造型可愛的蟹殼內裹包含着蟹膏，蛋黃，蟹子簡直是絕配！白飯軟硬適中配上蟹膏保證你必定會愛上！•串燒拼盤🍢串燒拼盤包括：雞肉京蔥，牛肉，番薯🍠居酒屋必叫的佐酒小吃！可惜的是串燒overcook了略為比較乾身。值得一讚的是整體調味不錯👍🏻雞肉和京蔥更是解膩的好拍檔！

今日晏晝同同事去三代目食同事話以前無set好貴最近見到開始有lunch set，所以試下叫左一個炸豬扒、炸蠔set份量極大😂有7件炸豬扒、2件炸蠔、日本米飯、沙律、麵豉湯、茶碗蒸$118，另加一唔可以話好好好食，但對比價錢性價比合理👍同事都有叫叉燒烏冬，烏冬連火鍋爐上，冬天食好暖身好正，份量都係好大，包加州壽司插曲：茶碗蒸上菜時偏水狀，懷疑未完全蒸好，侍應都願意換新環境都舒適，不過我地人多做得有點逼和檯不夠大

見佢新開無耐 但長期夜晚好多人排隊所以都試下先~ 餐廳環境簡約 黑色為主調食物味道好味 拉麵湯底濃而不鹹超推薦食甲羅燒 超香濃蟹膏 完全係送飯首選多啲朋友仔一齊食就可以試多幾樣食物

兩個大人同小朋友去晚餐，本身覺得裝修同menu 都幾靚，一入去有個男侍應俾咗2杯熱茶俾大人+一杯暖水俾小朋友，都幾貼心，諗住呢間都唔會太差，點知結果令人失望叫咗一個豚肉醬油魚介拌麵，紫蘇燒豚肉拉麵，炸雞軟骨、餃子、牛之拼盤（即係三款串燒：燒牛舌、牛肉籚筍、一口牛），麵同小食都正正常常，但牛之拼盤真係超唔掂，燒物竟然唔熱，只係微温，調味又唔夠，一d 都唔香口，令人失望除此之外，晚餐其間有隻蚊滋不停圍繞張桌飛黎飛去，衛生情況亦有待改善最離譜係兩位女侍應，上菜果個竟然將碗有熱湯嘅拉麵放喺小朋友面前，而唔係放大人果邊......呢個商場主打家庭/小朋友生意，佢咁嘅招待真係倒米門口帶位果個侍應未問准我地，就伸手拉個拌麵去桌邊預備收，上面仲有少少拌麵，我地即刻截住佢，問小朋友仲要唔要，個侍應聽到我地其實係未食完，一句唔好意思都冇就咁走咗去，兩位女侍應都十分無禮貌，基本服務禮儀都做唔到，所以無下次，唔會再去

在愉景新城發掘了一間日式餐廳，本著好奇心一定要試試。大蜆味噌煮味噌不鹹好味配大蜆，大蜆生熟程度剛好又無沙。推薦！紫蘇燒豚梅肉拉麵紫蘇味不突出，麵身比較腍，豚肉是硬身的，湯底味道突出好味。豚肉醬油魚介拌麵 豚肉比較少而且薄身，魚介味重所以評為中上。汁燒五花豚丼汁好味但汁量小，豚份量小了點，豚肉是硬身，不是軟腍腍的。燒油甘魚鮫如果魚皮再消除一點比較好，肉身不會乾身有魚味。鷄之拼盤(雞肉京葱，雞胸軟骨，雞腎)雞肉京葱~雞肉有d雪味，京蔥燒到剛好雞胸軟骨~雞軟骨脆口又有肉味好食雞腎~一般

📍#三代目#MFJ荃灣 #MFJ日本菜人均消費: HKD108第一次食三代目係北角，當時食佢個醬油魚介拌麵超級好味！ 依個愉景新城開左，仲唔拿拿聲去食！本著要一直接受新嘗試，今次就揀食拉麵！⭐️辛燒豚梅肉拉麵🍜$98每日新鮮自家熬製豬肉湯底！見到個湯都怕佢辣！先嚐啖湯，少許辛辣味，但飲到個湯底都好濃肉香！拉麵偏幼身，食落無粗身麵咁滿足，口感還可以，不過唔太掛湯豚梅肉好好味，肉夠厚身好有口感，而且味道夠香濃，肥瘦剛剛好！蛋都好味，特別推介佢但筍，真心好味！拉麵由湯底至配料都幾唔錯，略嫌麵唔係我喜歡果種口感同份量偏細！佢係無Set lunch，所以要散叫，係愉景新城唔算超貴，不過都希望會出Set lunch menu會比較吸引#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #japanesecuisine #japanesefood #ramen #japanesenoodle #相機食先

幾個月前黎已經食過呢間，感覺唔錯，因工作關係所以又黎多次😛🏮紫蘇燒豚梅肉拉麵$98豚肉偏肥左少少，個人鍾意瘦番啲嘅豚肉，不過幾大件，湯底濃郁，麵底掛湯🏮辛燒豚梅肉拉麵 $98試左朋友呢個湯底，同普通豚肉拉麵差唔多，辣味少重，感覺反而蓋過左拉麵湯底嘅精髓，勝在有溏心蛋搭夠🏮三盛燒肉丼 $108一個丼有齊三款燒肉，材料豐富。有齊燒雞、燒豚同燒牛舌。份量充足，食到三款都有炭火香氣，燒得唔錯，飯底比對上一次黎多左，感覺更飽肚整體味道唔差，仲有茶飲可以買走，不過價錢唔算太抵，如果有lunch set會更加吸引