千鍋居 (Closed)

與一月生日好友一起慶生辰，上網找了一間合多人又是中式的菜館。位置不特別好找，服務初時也一般，事闗早了近一星期訂枱，上到去給了一張坐近廚房，地板又油又濕，而且周圍好嘈吵（廚房傳來的做菜聲）的枱子給我們。要求調位卻被提議要返落樓下重新如walk in 顧客般等位，印象認真麻麻。之後等了約15分鐘後安排一張頗舒適的闊落大枱，而且侍應招呼也得殷勤。才挽回分數。餸菜方面，味道不錯，每味皆有驚喜，九製豬手很腍又香，餸飯一流！蕃茄魚湯是有味精的，不過味道校得很好，用料充足，不禁連喝幾碗！雞煲及芥蘭很有鑊氣，喜歡葱頭人士不可錯過！幾碟小菜中我最欣賞是花甲蒸蛋，蛋蒸得很滑，像吃豆腐花，花甲味鮮沒有沙，如果份量多些更好，人多可以叫兩碟：D這頓生日飯大家也吃得很高興，食物質素很好，也坐得舒服，份量也ok, 價錢亦相宜，有機會也會encore!

天氣寒冷, 食飯也會選擇打邊爐. 一直都想試下千鍋居, 較早之前終於有機會去食一次.除了打邊爐外, 也有小菜食.這裡都有唔少湯底選擇, 最後我地揀咗健康珍菌豆腐鍋. 食物未來之前, 當然要試下個湯底. 個湯好甜, 忍唔住, 要飲番碗先得.對於我來講, 打邊爐的醬料是好重要, 因為我自己好鍾意混醬. 這裡有各式各樣的醬料, 有成差唔多二十款選擇, 必能混出啱自己口味的醬料.這就是我的醬料.醬料和湯底預備好, 食物也陸續上枱.打邊爐牛時必點食物, 今次點了特級手切肥牛. 色澤都幾靚, 配合這個湯底, 牛肉味唔錯, 幾鮮味.另外, 也點了桶蠔和蚌, 蠔都幾大隻.我地也點了手打四寶丸和手打墨魚滑. 因為是手打, 所以較為彈牙.友人鍾意食田雞, 所以點了, 但我自己就唔食. 也點了響鈴卷, 這個的豆味尚算濃郁.自家制的鮮蝦雲吞和豬膶, 味道也不錯.總括來講, 這裡的食物質數不錯, 只是分量細碟了一點. 聽說這裡的小菜味道也不錯, 下次有機會要試一次.

與朋友暢聚歡送2013, 到千鍋居試試其知名的招牌鍋煲, 其實它都有火鍋供應, 但大部分客人都為招牌鍋而來。地方&座位寬敞, 見各枱都坐得頗舒適, 枱夠大可同時放幾個鍋亦無問題, 服務員招呼也算周到; 食物方面, 雖不是有好大驚喜, 大致上都沒有失望。(1) 九制豬手 - 酸酸甜甜, 好開胃, 豬手做得軟綿, 幾乎入口即化 (2)招牌醬油碌鵝 - 也是輕微酸甜的, 整鍋滿滿的,初時大家都以為應該墊了些蘿蔔或芋頭之類的, 怎知全鍋都是鵝, 絕不欺場, 反而發現鍋底有些酸薑, 解膩一流, 鵝肉幾有咬口,可惜肥膏多了些(3)胡椒豬肚雞煲 - 胡椒辣味恰到好處, 湯有胡椒香味之餘,卻不會太辣, 豬肚&雞輕輕滲了胡椒香味, 非常Good, 接受到少辣的,也可試(4) 煎魚咀 及 啫啫芥蘭煲 - 魚咀大大個但太少肉, 啱送啤酒, 芥蘭煲太正常太普通(5)炒糯米飯 - 每粒飯都炒得上色, 飯質不同一般糯米飯的質地, 不是黏黏的,可多吃幾碗也不太膩, 幾香味, 不過油落得重手了點喇。價錢輕微貴了一些, 幸好味道搭夠, 也不失望。

千鍋居以火鍋和嶺南菜招徠, 說到嶺南風味, 我們一家人是廣東南海人, 他們這一夜接受了我家的考驗。我從小就常常回鄉, 對那種味道是記憶深刻。我指的是嶺南的農村風味。小時候看到鄉親們弄了一盤又一盤, 用黃缸(像面盤一樣大小的瓦缸)盛著的鄉村菜式, 每一味都弄得糊糊黑黑的, 而且每一盤都可以放著一再翻熱, 吃足幾天, 那時候有點不大欣賞。其實, 這正是鄉親們最愛的菜式, 當然囉, 一盤菜那麼煨養了三天, 又怎能不入味?先說這一味碌鵝, 沒說錯吧, 黑黑的, 根本看不到是甚麼, 賣相一點都不好看, 這正是農家菜的缺點, 不過一吃之下, 鵝肉完全煨到綿軟, 羶味盡去卻不失鵝味, 醬汁酸甜開胃, 完全吸到鵝肉裏面。別忘了底下有好吃的酸薑, 我一家人一直吃到底, 才發現酸薑的存在, 大大驚喜了。這是大良蟹雞鍋, 喜歡吃的, 聽到雞加蟹已經可以想像到肉與海產搭配而產生的鮮味。雞是走地雞, 預先煎過,再下鍋跟蟹一起炒, 汁是薑蔥炒蟹的汁, 濃香惹味。雞味鮮, 肉質結實, 蟹, 約十兩重, 感覺只是配角, 用來調味, 蟹雖也新鮮, 不過沒有甚麼特別。遺憾的是雞與蟹沒造成甚麼化學作用, 反而精彩之處, 是

男朋友之前食過一次後就成日掛o係嘴邊話好好味. 是夜決定同佢與及佢個朋友仔一齊黎睇下係咪咁有料.入到去. 環境幾寬敞. 一行3人. 因為之前已經book左. 佢畀左卡位我地. 男朋友o係book既時候已經order定佢既招牌粉葛鯪魚豬肉湯.招牌粉葛鯪魚豬肉湯男友極力推介. 確係好飲. 無味精. 用料十足! 推!九制豬手本身我唔係好食豬手. 試完一舊都忍唔住食多2舊. 皮肉鬆軟. 又甜甜地. 送飯一流啫啫芥蘭鍋上菜時阿姐會o係旁邊兜幾野. 感覺好似再惹味D忘記了是什麼名堂的bowl仔飯.初時我地諗住嗌. 阿姐remind我地尼個係4-6人份量. 好似怕我地食唔晒. 我地話唔緊要. 反正有2位男士在場. 應該食得到. 點知中伏. 原來岩岩好3碗飯. 無多無少=.= 下次一定唔會再叫. 一來口感唔特別. 二來唔值尼個價錢 ($128 or $138)總括而言: 係男人既高級飯堂. 唔岩我尼D甜品當正餐既人

衝刺了一個半月, 人的精神崩緊, 加上其他的工作來雜, 身心有點不平衡。經個多星期的外出工幹, 始終相較悠閒的工作, 令人得了充電的機會。今天, 又回到了我的工作枱, 打開檔案一頁一頁的開始。早前跟些朋友來個飯聚, 選址上輪新熱店千鍋居。朋友早已安排好圍席 (對我是剛好, 不用煩), 訂好了座, 只需準時出席。此店位於一眾佐敦寶靈街一帶的小店之中, 直街是佐敦道跟寶靈街中間, 橫街則是廟街, 在六福珠寶寫字樓前面。地鋪位置小, 只一個鋪面闊; 招牌也分半, 一邊是千鍋居, 一邊卻是另有其名。移步到樓上, 店舖面積就大數倍, 每枱都擺有一個爐, 果真是如臨千鍋。這次朋友早就訂好菜式, 未來之前, 還以為是吃辣鍋的, 好等我備來兩瓶微甜氣泡, 但原來菜式味道多樣。齊人入食, 餐廳先來的是一個湯吧! 粉葛煲鯪魚湯, 餐廳餐牌強調老火湯, 而湯身顏色呈棕色, 口感圓潤。可是湯入口的燙口感覺不足, 湯温有點涼。可是甜味卻足, 當中帶有少少鮮香。引起大家的熱烈討論的就是那些湯渣, 他們在討論那些用上長時間煲煮的老火湯, 為什麼酒渣的外形可以好像絲毫無損的呢?? 究竟他是用什麼方法做到, 而又能令湯

多年前住過寶輝閣，當時樓下還是廟佳桑拿。個鋪位空咗幾年，終於有人租咗做火鍋。當天下午訂即晚6:30pm 有枱。去到得一兩枱，但到我們走時已有九成滿.我們點了猪肚雞鍋: 胡椒味不夠, 但雞肉尚算彈牙.手切肥牛: 原先點了平宜一點的特級肥牛, 但來到時實在太差, 馬上改要最貴的手切肥牛. 正!!!新鮮田雞: 一般, 沒什麼驚喜四寶丸: OKAY可以使可下次再去嘅動力係佢嘅醬料BAR, 好似$15/位, 但所有配料十分新鮮.

剛剛兒子考試過關和找到工作 即興打電話Book位 話要八點半後才有其實七點半已到 周圍走走 然後八點開始在樓下等到大概八點半左右 聽到知客說擺位給五位WalkIn 我們馬上抗議 結果先拿台坐下來看餐牌 都很多選擇 結果點了：× 田雞 - 我不是吃很多 太太說有些生粉麻麻地× 粉葛鯪魚湯 - 這個不錯 108元× 豆腐 - 一般般× 祿鵝 - 我本來要求汁另上 但Waitress詢問廚師後說不行 結果正如我所料 越吃越咸 初初味道是不錯的 奉勸大家可以上桌後 馬上把汁倒出來× 鯽魚煲仔飯 - 說是招牌菜 都好味 只不過鯽魚是很便宜的東西 飯其實很少 只有三碗 收一百多 覺得名大於實總結：店是用心做菜 不過 味道偏重 用料很便宜 價錢跟素質有點距離 試過就算 如果每人2-300元 有其他選擇 

其實上一次已經同舊同事黎個千鍋居聚會，而今次的主角壽星女，正正是上一次聚會的座上客，她上一次試過千鍋居的菜色，已經讚不絕口，更改變了原先去深水埗食雞煲慶生的主意，鐵定她的生日飯局要在千鍋居舉行，本人唯有早在一個月前已替她訂了枱在千鍋居。是日一行十人來到，朋友們已為壽星女準備了生日禮物和生日蛋糕，本人也為這次生日會充當攝影師，為壽星女拍下難忘時刻。點菜方面，是由本人發板，當然最後也要壽星女同意才可，其實都是點了上次食過的招牌菜，再加上經理介紹了幾道菜。招牌粉葛鯪魚豬肉湯: 因為上一次黎的時候，這味老火湯已經售完，所以已預先打電話來預訂了一個，先來一大碟湯渣，店方也很心思，把湯渣放得很整齊，用料十足，有粉葛、鯪魚、豬肉，湯是相當清甜而濃郁，沒有味精，火候十足。風沙骨: 排骨炸得鬆脆，相當香口，再用蒜碎鋪面，排骨肉質均勻，味道還算唔錯。大良蟹雞鍋: 呢個係招牌貨色，是必點的菜色，今次人多了，便點了一只肉蟹的份量，蟹是有少許羔的肉蟹，蟹是相當新鮮的，蟹肉也相當鮮甜，食得特別滋味，雞肉用的是鮮貨，入口嫩滑，連汁一齊吃更加好味，整煲要邊滾邊吃，最後當然是把烏冬放入鍋裏，烏冬吸了所有精華，吃起來更加

上次到訪試了幾樣特色菜，雞蟹鍋沒有預期的惹味。今次再來試試其他菜式，始終是中國特色菜，而非一般的廣東菜，感覺較新鮮。椒香桂花魚（$235）桂花魚的賣相精緻。其中一邊的桂花魚肉被一片片起肉了，活像一片片的魚麟。魚肉嫩而非常幼滑並帶點辣。中間一層的紹菜吸收了辣汁的精華，比魚肉更辣。鮮味。辣味共冶一爐，值得推介。值得一讚的是餐廳桌與桌之間的空間充足，縱使坐滿了也不會覺得很嘈，還可以與同檯朋友放聲暢談。

這家小菜館可說是近來的人氣食店，有朋友說訂位不容易，就在某天和食友吃下午茶時聽說有意來吃晚餐，還打算訂位，我就當機立斷叫他們也替我訂張檯，因為這次是友人替我慶祝的生日飯，但地點也要自己想，既然風評不俗，就來試試看吧。我們訂了八點的檯，到達的時候幾乎滿座，由於這裡樓底比較矮，所以挺嘈吵，就算我們坐在同一桌，對面的友人講什麼都不太聽得清楚，要邊吃邊談天就不太容易。餐牌裡的食物大多是煲仔或鍋類，大概佔整個餐牌七成，如果一心想吃小炒的話就不太合適。蒜子魚湯浸芥蘭、菜心苗。由於太多鍋類菜式，所以我們特意點了兩款魚湯浸菜，感覺比較健康。芥蘭和菜心苗兩者之間，我覺得菜芯苗好吃一點，因為很嫰很甜，相反芥蘭太大棵，而且有丁點澀味。大良雞蟹煲。叫了半隻雞的，雖然裡面有蟹，半隻都賣$278其實都唔平。雞肉都算煮得幾入味，肉質也夠嫰，但友人說蟹肉不太新鮮，有少許霉。連同雞煲會附送一碟鳥冬，烏冬吸收了惹味醬汁，非常好吃，好吃得大家都有意想追加一份，不過最終太飽放棄了。砂鍋生啫田雞煲。其實我不吃田雞的，不過我嚐了裡面的一些乾蔥，味道不錯，挺惹味，至於吃了田雞的友人說肉質很嫰，是繼雞蟹鍋之後第二道最受歡迎的菜。九製

多得相熟食友搞局，得以在最近的某一晚來到這間近期爆紅的中菜館子一試它的菜式 。館子開於廟街某大廈的二樓，地方頗為闊落，大廳坐滿客人，氣氛好不熱鬧，不過也有點嘈吵。幸好這夜搞手早已訂了偌大的廂房，我和多位在座的賓客，可以在寧靜的環境中享受這夜準備的各款菜式。座中多位都是對酒有認識的人，所以帶來了多瓶餐酒、白酒、紅酒在席上享用，我雖不是酒客，也喝了少許，美酒佳餚，好不快哉 ！這夜品嚐的菜式不少，雖然偶有失手之處，但當中不少皆有不俗的水準。最先上桌的是「粉葛鯪魚老火湯」（8分）。以原條鯪魚、大量粉葛、豬肉、豬舌等真材實料煲成的老火湯火候十足，湯味清甜 ，自不待言。但這湯最令我們眾人讚嘆的，卻是那擺放得十分整齊的「湯渣」 ，經煲過湯的鯪魚竟然可以擺得齊齊整整的原條上桌，其他的材料亦整齊地排在魚的兩旁，廚房的巧手可真令人佩服 。接著上場的幾道菜都是濃味菜式。「九制豬手」（8分）以話梅製作調味，入口可以感受到話梅那微酸的味道，豬手炆得軟腍，皮和肉都鬆軟可口，確是做得不錯 ，也夠特別。雖然我只是淺嚐了少許，也覺好味 。「黃金蝦」（5分）可就失色多了。黃金蛋香和蛋味都有所不

作為一個近貼OPENRICE嘅新晉食家，難得今晚一班中同聚首一堂為一個朋友「慶生」，仲唔拉佢地去位列OPENRICE「餐廳排行榜」三甲嘅千鍋居試吓菜？話說我早前BOOK咗10位，一去到就有位，唔須要等。由於新開張不久，地方好新淨而且寛敞，可算係一個同一大班朋友們用餐嘅好地方。******************************好，入正題。重慶麻辣雞煲（半﹣＄138），雞煲配料有莞茜､大蔥､辣椒碎､花椒粒，而花椒味特別突出，所以整個雞煲都麻麻辣辣，令人流哂口水，相當惹味；不過雞件比較細少，唔夠啖啖肉，如果可以改善呢一點，呢個雞煲值一百分！酸菜桂魚鍋（＄238），我首先食桂魚就被俘虜咗，真係好美味！酸菜、芽菜同桂魚片可算係絕配，桂魚片非常軟滑，由於魚片冇骨，我食得安心又放心！魚片的酸菜味令人胃口大增，朋友們對魚片都讚口不絕；不過湯水味道過份地濃烈，酸到有點苦味，我接受唔到。花蛤蒸水蛋（＄88），呢個花蛤水蛋真係欺騙我嘅感情，首先花蛤同水蛋兩種味道根本沒有融會貫通，好似硬生生地放埋一齊，水蛋蓋過花蛤嘅鮮味，花蛤得幾隻，有幾隻入邊更係空殼！唯一安慰係水蛋煮得滑，我食咗成碗白飯都係因為個

同朋友講話約食雞煲，約左好耐都未成事，今晚終於”美夢”實現！話說食雞煲，一大班人最好，嘢食都可以叫多幾款。首先出場當然係雞煲，一行7人當然係叫個大SIZE，由於唔係個個吃得辣，只係叫左少辣。上菜時雞煲面舖上大量芫茜，再放上檯面電磁爐reheat 返，等個煲滾返起就可以按個人喜好混合埋d 芫茜一齊食，食得最夠味當然係混埋芫茜，川椒味加芫茜香味溢出！個汁非常之好味，個汁用左好多香料去煮，非常惹味，雞油加香料煮成的雞汁最啱係撈飯食，白飯都食多兩碗！至於雞肉方面，係一般貨色啦，現在係香港食到的雞肉，想講返句”雞有雞味！” 之類的”廢話” 其實都頗難，大部份冰鮮，乜鬼鮮味都無晒啦。今晚個雞煲可以話係雞汁比雞肉優勝！我地仲叫左田雞煲(要打去預訂)，田雞肉比汁料包裹著，肉質頗嫩，稍嫌田雞肉不夠肥美，此外其實相當好味。其他的”蒸釀豆腐”、”麵醬蒸魚”、” 南乳煮齋” 都係不過不失，勝在售價合理抵食！另外一個推介的是”花蛤蒸蛋” ，非常滑，花蛤的鮮味流入左蛋汁液內，又一伴飯佳品。因為店舖未有酒牌，今晚自攜紅、白酒各一支，配濃味的食物就係一流。總括今晚係又平又抵食，非常滿足的一餐。

作為一個近貼OPENRICE嘅新晉食家，難得今晚一班中同聚首一堂為一個朋友「慶生」，仲唔拉佢地去位列OPENRICE「餐廳排行榜」三甲嘅千鍋居試吓菜？話說我早前BOOK咗10位，一去到就有位，唔須要等。由於新開張不久，地方好新淨而且寛敞，可算係一個同一大班朋友們用餐嘅好地方。******************************好，入正題。重慶麻辣雞煲（半﹣＄138），雞煲配料有莞茜､大蔥､辣椒碎､花椒粒，而花椒味特別突出，所以整個雞煲都麻麻辣辣，令人流哂口水，相當惹味；不過雞件比較細少，唔夠啖啖肉，如果可以改善呢一點，呢個雞煲值一百分！酸菜桂魚鍋（＄238），我首先食桂魚就被俘虜咗，真係好美味！酸菜、芽菜同桂魚片可算係絕配，桂魚片非常軟滑，由於魚片冇骨，我食得安心又放心！魚片的酸菜味令人胃口大增，朋友們對魚片都讚口不絕；不過湯水味道過份地濃烈，酸到有點苦味，我接受唔到。花蛤蒸水蛋（＄88），呢個花蛤水蛋真係欺騙我嘅感情，首先花蛤同水蛋兩種味道根本沒有融會貫通，好似硬生生地放埋一齊，水蛋蓋過花蛤嘅鮮味，花蛤得幾隻，有幾隻入邊更係空殼！唯一安慰係水蛋煮得滑，我食咗成碗白飯都係因為個