深井陳記燒鵝酒家

Open Now

Now Closed

國慶前夕，相約了幾個朋友一齊去深井去食燒鵝。深井交通其實不算十分方便，但是我們一行幾人駕車前往亦不算費時。餐廳有戶外座位，環境挺有風味，充滿香港特色。我們這天的主角是燒鵝。遠到而來就是為了一嚐這個美味！深井燒鵝皮脆肉嫩是基本要求吧！我尤其喜歡這個梅子醬，酸度、甜度適中。燒鵝沾著這個醬汁味道尤其出色，醬汁中和了燒鵝的油膩感，所以沾著梅子醬，吃再多燒鵝都不會膩！光是品嚐這一道燒鵝，我便覺得遠道來訪是值得的！

今日天氣非常好，秋風送爽，臨近黃昏，和Honey沿著荃灣海傍一直行去深井，不到一小時便到達，沿途吹吹海風，看看日落，非常寫意。之後，便去了老字號陳記總店吃飯。此處食容超多，我們原想吃燒鵝的，可惜燒鵝已售罄，下次一定要早點來。沒有燒鵝不打緊，我們還可以吃其他的燒味，例如叉燒，又可以叫些小菜，餸下啤酒。除了叉燒，我們點了豉汁炒蜆、椒絲腐乳通菜和西蘭花炒帶子，是非常豐富的一頓晚餐。叉燒是蜜汁，半肥瘦，斬成大大件，又腍又滑，很好味。豉汁炒蜆大碟，豉汁很惹味，所以不得不叫了一碗白飯來件吃。椒絲腐乳通菜炒很青綠，吃起來感到爽脆感，腐乳汁很濃味。西蘭花炒帶子賣相很不錯。帶子非常大隻，切了一半依然很厚肉，味道鮮甜。西蘭花炒得青綠，充滿蒜香味。

老公話未黎過深井食飯，今日就帶佢黎深井陳記食燒鵝，陳記燒鵝有兩間分店，今日我地去總店食，餐廳係老派的舊式酒樓，7點到達已經9成滿座。餐牌除了燒鵝，仲有好多款式既撚手小菜、新鮮海鮮，價錢亦合理，大大碟馳名燒鵝（下庄$198）外皮香脆，鵝肉質地軟腍，醃得夠入味，仲食到肉汁，個鵝脾超正呢清蒸青斑($228）食魚當然要清蒸先食到原汁原味，蔥一定唔小得，條魚夠大條，蒸得剛剛好，魚肉好滑好滑，好新鮮。蒜茸粉絲蒸蟶子皇（$38）好大隻，超級多蒜茸，粉絲吸收晒蟶子既鮮味，蟶子爽口，唔韌

爸爸鐘意食燒鵝，食燒鵝當然帶爸爸去深井食啦，深井燒鵝好出名，今日帶爸爸去開我地食開個間陳記燒鵝～～餐廳裝潢都比較舊式，牆上掛滿了歷史悠久既事蹟～～馳明深井燒鵝-肥瘦適中，燒鵝皮香脆，皮和肉的中間還帶有一層肥美的油脂，啖啖油香，點埋酸梅醬一齊食，真係一流～～蒜茸炒白菜仔-份量都好多，而且夠穫氣，蒜茸味好濃～蒜茸粉絲蒸元貝皇-好大隻，元貝非常新鮮，元貝好大粒，元貝上加了超多蒜茸，味道好濃郁，好惹味～～

呢次真係細細個就聽過呢個名突登黎到深井試佢個燒鵝 不過原來深井有好多間做燒鵝...我今次係突登黎陳記 講真 隻鵝係偏肥 想健康人士要食小d 但係d肉好林 好juice 個叉燒都好推介 真係好入味

👫我倆週末今日去左南豐紗廠行 突然好想食燒鵝🦆 二話不說去深井食燒鵝•先前食過裕記今次試下陳記!!!陳記係深井有兩間舖 我地食總店🔺太受歡迎既關係Book jor位去到都要等一陣 先可以入座•即刻叫左燒鵝下庄 保證一定食到燒鵝髀📣陳記燒鵝比起其他燒臘舖既燒鵝唔同濃郁鵝肉味 肉同脂肪比例啱啱好👅咬落去個啖油香真係好正 鵝皮又燒得脆口啫啫通菜煲絕對係必點推介👍🏻見到好多人都叫黎食 一上枱已經聞到好香既咸魚🐟咸魚茸配上通菜 味道香濃而不肥膩椒鹽鮮魷就正正常常🦑招牌炒飯就比較濕身📌如果乾身翻d就比較符合我嘅口味秋天天氣乾 好想飲下啲湯水 就叫咗是日例湯 木瓜雪耳豬展湯 🈵

放假去了最聞名食燒鵝的深井陳記，雖然該處未有地鐵直達，但其實都有巴士可以由旺角或荃灣那邊過來，沿途還可以欣賞海邊景色。燒鵝半隻燒鵝皮脆肉嫩，外皮燒至有光澤，鵝肉肉質鬆化，醃得入味。豉油皇鵝腸鵝腸份量十足，下面用了芽菜墊底，吸收了鵝腸的味道，鵝腸爽脆。秘製咕嚕肉用半肥瘦的豬肉做成的咕嚕肉，外脆內軟，加上青椒及菠蘿等配料，酸甜開胃。檸檬蒸烏頭烏頭有我前臂般長，加上醃鹹檸檬開邊蒸，檸檬味道正好提鮮又可去腥，烏頭肉雪白嫩滑，味道鮮甜。

深井比人既第一印象一定係燒鵝，今日襯住週末就梗係要走一轉深井啦。唔知係咪臨近中秋，陳記都比較多客，即使我地卜左位都需要稍等一會先可以入座。入座後我地就叫餸，今次就叫左燒鵝下庄、椒鹽鮮魷、啫啫通菜煲、招牌炒飯同埋例湯。燒鵝下庄雖然比例牌稍貴，不過就保證一定食到髀，陳記燒鵝比起出面燒味檔買到既燒鵝唔同，聞起上黎鵝肉味十足，肉與脂肪比例適中，咬落重有一陣油香，而鵝皮燒得紅紅地咬落重有啲脆口添。另一個必叫既就係啫啫通菜煲，基本上每枱都會柯打，啫啫通菜上枱已經聞到陣陣既咸魚香，咸魚茸加通菜味道香濃而不肥膩，絕對係必點推介。其餘柯打包括椒鹽鮮魷、招牌炒飯同例湯，同樣出色，不枉今次遠赴深井一趟。

*深井陳記燒鵝酒家 (總店)帶子西蘭花🥦，西蘭花配帶子本來就很配好好吃😋帶子夠滑大大粒，份量亦多油鹽水浸大花甲油鹽水是漁家菜常見的煮法，調味很鮮味，這油鹽水煮蜆材料很簡單卻很鮮味，味道讓人讚口不絕燒鵝（例牌）下庄皮脆肉嫩，充滿鵝香沖味外皮烤得十分好味看，看著出爐燒鵝真靚，味道亦好，燒鵝個肉亦好有口感。深井陳記水準最穩定嘅燒鵝。👍😋😋抵食又好味，小菜質素都好好。。椒鹽鮮魷，賣相好靚金黃色食落唔會成口油，粉漿唔會過厚，香口惹味的一道菜，最喜愛的菜色之一

搭52X返屯門途經深井時，肥🐽突然提議食燒鵝於是我地就係碧堤半島落左車相信大家都知，深井最出名就係燒鵝而且大大話話都有好多間我地最後就揀左「陳記」老店話哂由五十年代開始做起到今時今日無論係質量定味道，樣樣皆有保證.食得大排擋風味嘅餐廳價錢平，味道好，係最為重要吾需要咩情調，音樂，裝修等等淨係熱熱鬧鬧，人情味濃厚就係最寶貴七點幾入場，餐廳已經坐滿哂人真係人頭湧湧，坐無虛席呢而餐牌除左招牌燒鵝仲有燒味，煲仔飯，小菜，老火湯等等款式真係包羅萬有.呢碟燒鵝真係不得了只係例牌竟然有十幾件先看鵝皮，色澤赤紅帶光澤食落酥香，口感極之香脆油脂豐盈而不膩鵝肉非常飽滿入口啖啖都係濃郁嘅鵝香而不臊肉質嫩滑，吾韌吾乾，一D雪藏味都冇實肉又富肉汁，真係勁好食肥🐽話佢咁大個人食咁多次燒鵝呢隻燒鵝係最好味，冇之一.堅係平到笑平時係旺角食個LUNCH都咁上下價錢呢到嘅炒蜆竟然只係$65仲要係大大份隻隻都開哂蓋，啖啖肉，冇空殼又冇沙蜆肉炒得好有鑊氣每隻蜆都沾滿哂惹味帶鹹香嘅豉汁送飯一流.即叫即整，熱辣辣出哂煙咁上枱🔥糯米飯加入左大量嘅切粒臘腸同膶腸去炒再注入調味上色而底層有一片荷葉，既可令糯米飯保持濕潤又可令飯粒吸收荷

今日難得星期日一家大細，入到黎深井，梗係要試吓深井最出名嘅燒鵝，因為嗰日好大雨嘅關係，見到第一間燒鵝就直接衝左入去，入到去先發現原來燒鵝叫陳記，當日比較早就已經入到去深井所以可以馬上入坐，入到去多啲事不宜遲馬上叫嘢食，首先就叫咗半隻燒鵝，燒鵝皮脆肉嫩，完全食得出係炭火燒，香脆美味，真係可以一碟餸食三餐都冇問題，然後再叫咗個椒鹽魷魚，一樣都係野味爽口，炸粉唔會太多，又食到香脆嘅魷魚味！加上佢個特製醬，真係要比100分，既然一家大細嚟到兩個餸當然唔足夠啦，跟住仲要咗個蒜蓉龍躉粉絲，龍躉彈牙肉甜，再加上嘢味既蒜蓉蒸粉絲，又係一道絕味小菜，食咗咁多肉梗係要叫返一個，蝦醬通菜啦，襯飯一流 ！最後我對佢嘅蒜蓉粉絲實在回味無窮，再叫多咗一個開邊蝦蒜蓉粉絲，唔使多講，又係絕世美食！鍾意食中餐嘅一定要嚟呢度！眼見屋企一家大細都食得好開心，決定禮拜日都要嚟呢度

同好耐無見嘅朋友仔見面，梗係要揀啲好嘢食。有人提議食燒鵝，因為佢哋住深井附近，所以就專登去嗰頭食原來陳記燒鵝都可以有四款size選擇，我哋人少少驚食唔晒，叫咗下庄燒鵝果然冇令我失望呢，肉汁鮮嫩！美味可口！唔使沾甜醬都已經好好食！不過有時會覺得好肥好邪惡一次半次都唔理囉，又唔係成日食見到呢個冬瓜盅，我提議叫一個試吓大大盅！好足料！店員仲好好咁幫我地分埋，我見唔止一碗特別多料，分完每一碗都好多，而且仲可以刮好多冬瓜肉落嚟朋友點左個炸魷魚，好熱氣但好香，另一邪惡系列⋯除咗燒鵝，我比較鍾意呢一個扇貝成隻手掌咁大我哋冇叫白飯，叫咗個芝士麵，好多蝦仲有蠔呢間餐廳全部嘢食都好好味不枉我呢個唔係住深井嘅朋友專登入去一試呢

星期日約左朋友去食燒鵝😏😏 食陳記～ 係惠康個商場入面，入到商場就會見到指示👉🏻 晚飯時間滿座～嚟陳記除左食燒鵝，原來仲有好多小菜選擇架喎👀 眼花撩亂，揀左陣終於決定好，叫左5餸一湯加每人汽水一罐😋😝🥢 燒鵝下庄 $165先黎必食燒鵝，要左份下庄😋 識食一定食下庄😏 個皮夠晒脆🤩 肉、脂肪比例均稱！肉質夠嫩～ 燒鵝真係有陣獨特既甘香味😊 深井燒鵝名不虛傳😋🥢 椒鹽鮮魷 $88煎炸野，賣飛佛😏 份量唔少，唔會話好油～🥢 冬瓜盅 $138我好多年無食過冬瓜盅，陳記呢個冬瓜盅既湯幾清，都算足料，入面冬菇菇味幾香～ 4個人分份量充足！🥢蒜蓉粉絲蒸元貝皇 $45/隻個元貝都算大隻，粉絲吸晒汁、入味～🥢 薑蔥美國桶蠔 $168蠔算大隻，不過比較之下呢個就唔算太特別🥢 芝士生蝦伊麵 $108好多隻蝦！ 比想像中多好多😝 不過伊麵略為淋左，如果硬身返d會更好～整體黎講，燒鵝真係無得輸！而小菜都唔錯，深井唔只得燒鵝架～ 上菜亦夠快，無趨我地點菜同食野👍🏻

這次慕名來到深井，就是要一嚐陳記燒鵝的滋味。燒鵝(例牌)燒鵝皮脆玉嫩，非常多汁juicy，即使是例牌都有十多件，吃得滋味又滿足。金銀蛋莧菜莧菜嫩口兼且菜味足，伴以肉碎及皮蛋，味道很夾。蒜蓉粉絲蒸扇貝扇貝大大隻，新鮮又有咬口，粉絲吸收了的蒜蓉味道，變得很入味。蒜蓉粉絲蒸蟶子蟶子嫩滑得來又很煙韌，蒸得恰到好處。豉汁炒蜆蜆肉很大粒，清爽又無沙，炒得香口，火喉又十足，完美無暇的一道菜。可樂食燒鵝當然要喝一罐可樂，才可加倍滿足

去荃灣The Mills之後，順手入埋深井食陳記燒鵝。周末超旺場，7點已經9成滿，唔訂枱真係要等等。茶位 $5。環境不錯，香港味道濃厚，有不少大枱，很多家庭來吃飯，也有卡位，少人都坐得舒服。店員下單的字體很美，值得紀念一下。燒鵝 ($165/下庄 )食燒鵝都可以食得好有要求，識食一定揀下庄，鵝皮脆，鵝肉鮮，啖啖肉，配的酸甜梅子醬也有水準。椒鹽鮮魷 ($88)椒鹽味很香，炸衣薄，炸得很酥脆，魷魚夠彈牙，蘸醋吃，能提味。蒜茸粉絲蒸蟶子皇($38/隻，兩隻起)蟶子很大隻，蒜蓉的香味很重，粉絲入晒味。白灼海蝦 ($104/半斤)新鮮蝦子，白灼最好吃，還有蝦膏，吃到蝦子的精粹。可樂$10