山城小麵 (懷仁街) (Closed)

住大埔的同事知我鐘意食辣，就介紹我黎食呢間麵店。趁星期日，我就同阿媽一齊黎試下。一見到餐牌就已經胃口大增好多選擇。我地叫左個二人餐，揀既全部都係辣野渝港擔擔麵(小辣)媽媽食左呢款麵，我都試左少少。個賣相已經非常吸引，撈匀左啲幼麵、肉碎和醬料後更加入味。餐廳讓客人選擇唔同辣度，我地揀左小辣，不過我認為可以再揀辣啲！燃情刀削麵(小辣)我食左刀削麵。由於未食過，原本都唔太大期望，但見到碗麵真係好驚喜，個賣相超吸引。個味道也超正，值得encore麻辣手撕雞蒜泥白肉手撕雞同蒜泥白肉都好味！啲辣油和汁唔算好辣，但好香甜品方面我地揀左紅糖冰粉。見到openrice都有唔少人推介，果然非常特別。冰粉好滑，再配上紅糖，唔會太甜，恰到好處。絕對係食完辣野之後的好選擇。我仲叫左杯凍豆漿。個二人餐有咁多野食，都係得$125咋！扺到爛！

卒之在這個晚上，走到三角公園，可以來到大埔這邊吃這一間山城小麵。這間山城小麵，位於大埔區比較偏僻的地方，近着鐵路博物館以及火車站一帶，這裏入夜後就會比較少人，這個時分才進店，既少人又比較清閑，感覺還不錯。這家山城小麵，內裏的空間好像比深水埗更加廣闊，而且內裏光猛亮堂，空間感十足，亦都是只有旁邊三張卡位。亦點了一個二人餐，一個是肥腸麵，據友人說，上次試了幼的麵條，這次吃粗的，我都忘記了，因為基本上，粗麵幼麵定抑或抄手，我都已經吃過。由於本人都不算極之肚餓，因此這次沒有刻意叫麵條，因為麵條恐怕太多，刀削麵也恐怕太硬，於是就只吃紅油抄手。肥腸麵，少辣就是用那些辣粉放上湯上邊。肥腸，都是大大件，非常厚身，然之後再加一點辣椒粉，味道不算極之嗆辣，但是又夠香，將辣椒粉撈進湯裏便之後，又會增添麻辣的麻味。而紅油抄手，雖然這個名字看來，應該不會太大的，但是這兒的抄手，卻非常大件，細細碟，但是抄手的份量比較大，每一件的面積都不少，所吃到的紅油及內裏的肉夠鮮，味道相當不錯。本來友人心想因為已點了肥腸麵，又有抄手，倒不如點個清一點的拍青瓜，但是原來這兒的青瓜，亦都是浸在同樣的調味汁當中，真惹笑😬。但是青瓜的

今晚出咗大埔買野順便喺附近食飯經過一間川菜餐廳望入去乾淨企理價錢實惠所以決定入去試試渝港擔擔麵 $35餐廳有好多唔同嘅麵食，而且可以選擇辣度，今次我哋就叫咗個小辣 我哋叫嘅幼麵麵質軟硬度啱啱好，有口感得來又唔會太硬，個湯底亦都唔會好「傑」， 而且大大碗非常抵食鮮香清湯炒手 $26 紅油抄手就食得多，清湯炒手就第一次食，湯底鮮甜濃郁，炒手嘅餃皮唔會好厚，包住入面嘅豬肉餡，整體味道唔錯蒜泥白肉 $24呢度嘅蒜泥白肉味道唔會好辣，連埋蒜泥夾住一齊食 好惹味紅糖冰粉 $10冰粉嫩滑爽口，清凉降火，食完辣野整番碗冰粉，真係冇得頂蜂蜜柚子茶 & 黑糖薑母茶餐廳連飲品都落足料，依間餐廳真係抵食又好味

今日同老婆撐枱腳high tea，去了一間正宗的重慶麵食餐廳叫做山城小麵。住了大埔這麼多年，也是今天才發現大埔佢竟然有這一間餐廳，而且還是正宗的四川風味，正適合無辣不歡的我們。餐廳的格局以小店的準則來說算是非常寬敞及舒適。主要是以卡位的形式由於我們來的時間是下午茶的時段，原本打算二人叫下午茶套餐，但最後卻被他們的二人餐吸引。套餐包括兩個面色和兩個小食，最後還附送糖水及飲品，包羅萬有我們首先點了一份山城牛肉刀削麵，賣相非常精美，聞到好香嘅麻辣風味， 配Q彈嘅刀削麵，刀削麵吸收晒湯底嘅麻辣，非常美味， 牛肉都非常濃味要吃四川菜必定一試嘅重慶酸辣粉， 賣相同樣精美， 加入了炸黃豆代替了花生， 並且加入了秘制嘅肉碎調味， 麻辣嘅口感配上酸酸嘅刺激簡直一大享受，麻辣手撕雞份量超級多， 調味調得剛剛好，雞肉爽嫩流心黃金皮蛋係一大驚喜，竟然皮蛋都可以做到咁嘅效果，勁正飲品店了傳統的豆漿，甜度剛剛好最後便是這裏的招牌之一，黑糖冰粉，吃完火辣的東西最適合吃冰涼的冰粉，透心涼的感覺這間餐廳確實很有風味，下次有機會會再來

今日同仔仔去鐵路博物館，順便嚟大埔覓食，醒起之前睇過嘅一間米線小店，佢地嘅重慶麵食同川式小食都相當之出色，嚟到門口見小店門面光鮮企理，唔講仲以為係食日本拉麵嘅添，需知道米線小店通常都會邋遢啲，眼見呢度咁四正，一於就入嚟試吓。杯裝豆漿，豆漿香濃嘅豆味同冰涼嘅溫度正好緩和稍後食物嘅辣度，由於有部份項目揀選咗大辣，要威，必先要戴好頭盔。麻辣手撕雞，手撕雞略有咬口，正好俾個機會辣油同口腔有更持久嘅衝擊，辣度選擇咗大辣，香辣程度令人好驚艷！ 老麻紅油抄手，抄手餡料有份量，比起其他餐廳嘅抄手更加大粒，抄手嘅外皮滑溜，雪一聲將成粒抄手滑入口裏面，爽皮；喺香辣之餘亦帶有麻油嘅香味，令整個食感更見層次。蒜泥白肉，白肉特登揀左小辣，好讓蒜蓉嘅香味更加能夠與舌頭纏綿，白肉選料唔會話好肥，係我至鍾意嘅三分肥，七分瘦，既能保持口感嘅豐膄，亦都喺肉味上面取得平衡，味道鹹香且帶濃重爽辣蒜香味，美妙。渝港擔擔麵，辣椒油係重慶小麵嘅靈魂，亦係重慶麵食嘅精華所在；擔擔麵湯面紅油同乾辣椒辣得刺激，麵條幼身令掛湯能力更高，麵質亦相當特別，煙韌得嚟又有少少彈牙，口感係介乎喺日式拉麵同埋上海麵之間，個人十分喜歡呢個麵質嘅口感，整

友人知道我喜歡吃辣和川菜，極度推介我一間在大埔的小店，因為貪饞，所以土瓜灣坐了30分鐘巴士入去，吃完之後，覺得非常之值，皆因價錢很平，兩人餐都是$125，再加了油菜$15和兩枝青島啤酒$50，飲飽食醉，兩人都不用$200，好像回到30年前。紅燒肥腸麵另加排骨，肥腸帶點嚼勁，排骨比較乾身，幼麵質地相當好，吸湯能力超高，加上辣油很滋味，所以個麵非常好食。老麻紅油抄手六粒。皮薄餡靚，肉汁豐富，推介這個必吃。。流心黃金皮蛋，辣油和醋，令到皮蛋不至於太肥膩。蒜泥白肉。配上自家製的辣椒🌶️油價，加上蒜泥，又香又辣。油菜。這個油菜的味道很特別，除了蠔油之外還有一點醋味。吃完這麼多肉都不覺得肥膩。青島啤酒。吃川菜，喝冰凍啤酒🍻，果然一流。四川冰粉，這個自家製的冰粉，內有山楂、提子乾，酸酸甜甜，是吃完辣味食物必吃的。

雖然我唔係麻辣愛好者 但係我都鍾意食四川菜 不過只係食到小辣哈哈 今日嚟到位於大埔嘅呢間山城小麵 就正合我心意午餐時間都算多人 要等位先入得 坐位都幾迫 但係裝修新淨 感覺衛生企理麻辣雞翼 雞翼已經切開咗兩條骨 好細心 食落好方便 上面冧上小辣嘅辣汁 係多麻小辣好惹味蒜泥白肉 同樣有麻辣汁 不過多咗蒜頭 更加添加一份風味 下面係晶瑩剔透嘅五花肉 但食落一啲油利感都冇 反而夠曬爽口紅油抄手 下面係雲吞 外皮夠曬軟滑 好似滑入喉嚨咁 入面係肉碎 面頭再加上醬汁勁惹味 同時口感豐富担担湯麵 同上海式嘅擔擔麵折然不同 上海式嘅係比較濃味加咗麻醬 呢個係較清淡嘅口味 但係有花生肉碎等嘅調味品 略嚴麵底煮得過冧排骨麵 排骨夠淋夠入味 同樣地麵底過冧紅糖冰粉 好似水晶涼粉咁 不過加入黑糖漿同埋提子乾山楂餅等嘅topping 食落好透心涼夠曬特別

秋高氣爽的天氣，最適合就是踩單車郊遊，今天便襯著放假去大埔踩單車。未岀發前，當然要先醫肚，看到這間山城小麵，價錢實惠，一人套餐由五十多元起，已包括一碗麵、一客小食、糖水或飲品。湯麵單人餐（$59）湯麵單人餐包山城湯麵一客、滋味小食一客、糖水或飲品。▪️渝港擔擔麵👍👍👍👍這個擔擔麵的湯㡳除了有花生麻香味外，還帶點甜味，名為渝港擔擔麵，從字面看應該是一款改良版的重慶港版湯底，味道比較適合香港人口味。麵條有多款選擇，我選擇了粗麵，口感爽彈，就算吃到最後一口，麵條還保持彈牙的口感。麻辣程度可以從微辣至大辣之間選擇，亦有走辣的清湯。▪️麻辣手撕雞（+$4）👍👍👍👍手撕雞撕得很幼，幼如麵條般，跟青瓜和麻辣醬拌吃，口感像是吃著雞絲麵條。▪️紅糖冰粉👍👍👍👍吃完麻辣的手撕雞和擔擔麵後，吃一碗冰涼的紅糖冰粉，為口腔降溫。▪️樽裝茶（+$4）▪️▪️▪️▪️▪️▪️▪️湯麵單人餐（$59）湯麵單人餐包山城湯麵一客、滋味小食一客、糖水或飲品。▪️紅燒肥腸麵 （+$3 配刀削麵）👍👍👍👍朋友叫了肥腸刀削麵，他說肥腸沒有太大異味，洗得很乾淨，另外加$3改了刀削麵，麵質比較煙靭有嚼勁。麻辣程度可以從微辣至大辣之間選擇，亦有走辣的清湯可供

有日工程後，番到大埔很想食符合國情嘅食品之前係太子附近食過呢間，又係大埔開分店，咁就不如食食照舊叫咗二人餐，不過今次友人唔食涼面食抄手青瓜我最愛，但如果可以多蒜d就好唔緊要，我哋另一小食叫咗蒜泥白肉，咁就係呢道借d蒜過去😍我照舊都係食肥腸面但今次唔食幼面，食粗面，質感無限升level掛湯能力比幼面更佳，為上次嘅ok評語加咗唔少分，下次試下食刀削麵，雖然要加幾蚊，都可以試下友人抄手也可口，大隻未能一口一啖，内裡肉多多甜品當然食冰粉😚上次同友人北上，内地較甜，有花生紅棗等但對於我這些連葡萄乾都唔食嘅人呢碗淡淡的冰粉就夠我清曬佢

朋友自從有咗BB後，飲食習慣完全改變。 之前是大飯桶，現在見到飯不想食只想食麵。 約吃晚餐知道她喜歡吃麵，就一早在OpenRice 找定資料。 看見＂山城小麵＂有很多正面評價，而且價錢大眾化，距離大埔墟站不太遠，位置也方便。遠遠已看見這光猛招牌廚房掛上橫布，有精緻麵屋感覺。價錢十分大眾化，好抵食。老麻紅油抄手 （6粒)，雲吞皮薄餡鮮加上秘製乾撈辣辣油，好好味。麻辣手撕雞，份量多味道辣中帶雞肉鮮甜味，不過雞肉較瘦及撕得細粒。手拍青瓜，青瓜好新鮮好爽脆及juicy 口水雞翼，雞翼皮爽肉嫩，切成單邊雞翼，令內裏雞肉可以沾上辣油，而且更方便進食。蒜泥白肉夠爽口尖椒黃金流心皮蛋，晶瑩黃金皮蛋好吸引渝港擔擔麵似清湯加肉碎，再配上秘製麻辣醬，也幾特別。山城牛肉麵牛肉粒夠稔又好味，不過牛肉粒份量略少紅糖冰粉，味道好清新，加上紅糖及山渣粒，令味道帶少少甜酸味，吃完口腔辣味全消，好掂。養生銀耳羹雪耳煮至湯底稠，好養顏雖然每碟小食看似差不多，但是完全不同風味。 可以嚐到肉質鮮味之餘，配上五重辣椒秘製辣油更可增添層次感。

今日和太太往大埔山城小面食重慶菜, 我們點了秘製排骨米線配煎蛋, 麻醬雞絲涼面、灼生菜、麻辣手撕雞、蒜泥白肉、鮮香清湯炒手、凍豆漿和紅糖冰粉。秘製排骨米線配煎蛋。秘製排骨米線配煎蛋, 我選了微辣, 湯底辣度適中,排骨食落軟腍, 咬落啖啖肉, 入口即熔, 煎蛋連湯底一起食, 食落惹味, 很有蛋香, 米線食落爽口美味, 整碗秘製排骨米線配煎蛋食落足料, 口感美味；麻醬雞絲涼面花生醬醬食落開胃, 雞絲食落爽口, 青瓜絲和蔥花帶出雞絲涼面的美味, 涼面食落爽口美味；灼生菜食落新鮮爽口；麻辣手撕雞麻辣味道十足, 手撕機食落爽口；蒜泥白肉蒜蓉味道香濃, 炸蒜食落惹味, 白肉食落肉質鮮度, 辣度十足；鮮香清湯炒手湯底清甜, 抄手皮薄餡靚, 肉質鮮甜；凍豆漿豆味香濃,甜度適中；最後紅糖冰粉紅糖甜度適中, 陳皮味道甘香, 冰粉食落爽滑, 口感一流；餐店食物美味有特色, 而且辣度適中, 很有重慶風味, 尤其是秘製排骨米線配煎蛋, 鮮香清湯炒手紅糖冰粉, 口感十足, 食物美味, 而且價錢合理, 我和太太食了一頓高質美味重慶菜

大埔墟一個角落裏，有一間小店叫做「山城小麵」，專做街坊生意。 門牌寫住「重慶」兩個字，其實可以揀食辣或者唔辣都得嘅。睇睇餐牌，價錢真係好街坊價，一杯熱飲單點都只係$7咋，好平囉。 秘製排骨麵揀咗刀削麵，大大碗，麵質偏硬，又帶啲煙韌口感。 叫左少辣，麻辣香味突出。排骨三件，肉質腍滑。山城牛肉麵加肥腸，清湯底冇辣味咁惹味，如果食到少少辣，我會建議揀少辣，更有風味。牛肉係粒狀，味道似牛腩。肥腸洗得乾淨，夠腍夠肥美。口水雞翼有三隻，已經切開兩邊，麻辣而唔會辛辣，惹味。郊外油菜$15一大碟，加左啲醋落去，但個人唔太喜歡酸味嘅菜。紅糖冰粉$10，係四川特色甜品，解辣名物。 冰粉本身無乜味，似係透明啫喱，冰冰涼涼的。 加左少量紅糖水，唔會太甜，面頭再加少少山楂餅粒，味道清新開胃。

是晚收工同朋友去到大埔舊墟揾食，俾間門口光猛既重慶小麵店吸引左，反正又未食過，就入左去揾野食！估唔到小小麵店在晚飯時間都坐得滿滿，相信都係食開既街坊，坐位大約有三十個，獨食位到十幾人檯都有！坐位唔算太迫，環境都幾乾淨！小店主打各種重慶麵食，小食，同冰粉等，價錢實惠，選擇貴精不貴多，例如蒜泥白肉，尖椒流心皮蛋等，樣樣都好吸引！先嚟到既係酸辣粉，花生同辣椒香令到成碗麵未食都好吸引，薯粉幾煙韌！唔錯！跟住嚟到既係蒜泥白肉，呢間小店既白肉肥瘦適中，最精彩係切得薄薄，令到白肉入口即溶，不會韌，辣味好惹味，做食到辣椒既香同辣，而唔係辣椒油既死辣！尖椒流心皮蛋，辣味同蒜泥白肉差唔多，不過多左d辣味更重既尖椒，配上香甜既流心皮蛋，一甜一辣，口感回味無窮！流心皮蛋晶瑩剔透！最後出場既小食係紅油抄手，皮薄餡都ok靚，一啖一隻，辣味適中，唔錯！等左一陣，我碗紅燒肥腸麵終於出場，辣椒味香，肥腸軟稔有咬口！份量都唔錯，另外要特別讚下佢哋既刀削麵，台灣入口，同人手削出嚟無咩分別，又煙韌又彈牙，用嚟索埋d辣既湯汁真係無得彈！食到呢度其實都已經好飽，不過知道佢哋有重慶冰粉食，呢d咁有特色既食品，就算再飽，都一定要叫

估唔到大埔都有咁正宗嘅四川菜。呢間鋪頭門面細細，入邊裝修好靚坐得好舒服。性價比超高。面嘅款式大約有十種。有受歡迎嘅紅燒牛肉麵，排骨麵，肥腸麵等等。怕辣嘅人士亦可以選擇清湯。湯底亦好夠甜。只係用豬骨熬出來嘅湯底。面嘅選擇，有粗麵幼麵。刀削麵，薯粉米線。辣到分別有大中小微辣清湯。而小食方面亦有，尖椒皮蛋。手撕雞。我哋就點咗排骨面同埋紅燒肥腸麵。叫左粗麵小辣，粗麵身好煙韌，軟硬適中好有咬口。而黃金皮蛋，亦好好食。排骨好淋好入味。青瓜亦好爽口夠曬新鮮。推介蒜泥白肉。蒜泥夠曬多，配上白肉食，夠曬惹味。甜品點咗，養生銀耳羹同埋紅糖冰粉。冰粉好特別配上黑糖同埋山楂，又唔會太甜。銀耳羹又好爽口。滿足到我想食甜品但又唔會肥嘅慾望。總體嚟講呢間餐廳性價比好高，絕對會返嚟再食。

味道正宗大埔一向都唔多辣野選擇, 無意中發現有間正宗嘅四川菜, 仲要幾抵食喎! 同老闆傾開計, 佢地嘅辣椒油係餐廳親手整, 加入多種辣椒：指彈頭、二荊條、指天椒! 中辣以上仲會加上魔鬼椒🔥🔥🔥 我呢d無辣不歡嘅人聽到, 即刻心心眼😍 忍唔住點左好多款野食! 特別喜歡紅油抄手, 山城牛肉麵, 同埋麻辣手撕雞, 夠香夠辣, 夠風味! 最驚喜係呢度有正宗四川菜館先有嘅紅糖冰粉, 食落Q彈有口感, 清甜冰涼, 即時解辣!! 👍🏻總括來講, 覺得今餐好有特色, 非常滿意!!