尚夢・茳煳 (Closed)

一直都好想食一餐好味嘅中菜，銅鑼灣有一間好精緻嘅中式菜館，除咗一般嘅普洱、香片中式茶葉，特別之處仲提供花茶例如蝶豆花、玫瑰等，茶仲用蠟燭燒着保持溫度，所以一邊食中菜都唔怕茶涼～｜燉湯瑤柱冬瓜｜呢個燉湯非常之鮮甜，材料有冬瓜、瑤柱、豬肉，飲落鮮甜，按下面然後蠟燭保持溫度～又唔會過分油膩～水準之作｜香脆牛臉肉｜牛臉肉比一般嘅牛肉更加腍或香濃，外皮薄薄鬆脆，一咬就食到軟腍嘅牛臉肉，煮得又唔會太過乾身，保持肉質嘅肉質汁同口感～｜香煎龍躉球｜香煎嘅煮法令到龍躉球更加好味，外面脆脆地但魚肉好滑身，一絲絲嘅魚肉十分之吸引～｜茳煳炒飯｜材料有菜莆、蘆筍、杞子、蛋，飯粒炒到乾身而且粒粒分明，每一粒飯都炒到金黃色～食完一啖咗一啖～🤩飯後甜品仲送自家制芝麻糯米糍，軟軟腍腍又唔會太甜，我呢一餐上一個完美嘅句號

尚夢·茳煳剛全身翻新，環境更舒適雅緻，充滿新派氣息而不失傳統味道。瑤柱冬瓜燉湯清而不膩，仲有原粒瑤柱，清熱滋陰。以蠟燭座底保持溫度，湯可以keep住趁熱飲，唔怕會凍左，呢度嘅燉湯不錯不錯😌脆皮牛面肉（$98）用上A5和牛烹調，咬落一d都唔痴牙，加上自家製醬汁，外脆內軟的口感，可謂震撼味蕾，係冬日限定皇牌推介，必點之選香煎龍躉球（$298）老闆話d魚係每日朝早新鮮交貨，保證每日新鮮。的確咬落就知龍與鳳，肉質非常嫩滑，外皮香脆，極致鮮味桂花鹹魚蓉炒米粉（$108）米粉爽口彈牙，我阿媽對佢讚口不絕，話嗰陣鹹魚香齒頰留香，調味同烹調方法都恰到好處薑黃焦糖燉蛋 ($68)哩到既食物除咗食物質素有保證，用料及煮法都比較健康。呢個焦糖燉蛋就加入咗薑黃，薑抗氧化力超強，仲可以增強抵抗力，飯後食吸收得更好，呢個甜品絕對不能錯過啊！

位於譚臣道的「尚夢.茳煳」，主打懷舊Fusion中菜，餐廳裝修格局卻很時尚高雅。而且係Pet Friendly餐廳，户外地方帶同寵物一齊共同用餐下午茶時段有「慢活時光套餐」，每位$68包一份自選小食及茗茶，仲免收加一，相當抵食！椒鹽魷魚鬚魷魚鬚非常彈牙，一啲都唔靱。沾上薄薄的脆漿炸得鬆脆，加埋椒鹽令味道升華到另一層次。午市套餐則附送前菜、例湯、餐飲及甜品，極之豐富！是日例湯用一個蠟燭台加熱，無論幾時都能品嘗整個湯的神髓香濃馥郁，燉湯相當足料，味道濃郁，飲落完全唔覺油膩。籠仔金銀蒜蒸龍躉斑片陳村粉大大塊厚切的龍躉斑片，咬落啖啖肉，魚皮有一層骨膠原魚油。底下墊了陳村粉及荷葉蒸，吸收到魚肉鮮味，真係甚少餐廳有陳村粉食，所以值得一試！最後以馬荳糕作結

今次同幾個朋友想食吓中菜，搵到灣仔呢間走新派路線嘅餐廳試吓～首先入到去已經覺得個環境好modern，唔似一般嘅中菜餐廳，而我哋個位私隱度都好高，坐得幾舒服😆我哋叫咗個暖心濃湯菜膽雞 (半隻$178)🍲我自己非常鍾意呢個雞，啲湯汁偏杰，帶有雞嘅骨膠原，但佢一啲都唔膩，亦唔會過鹹😋雞本身都算滑，好味～下一個都係我誠意推介～香酥粟米墨魚餅 ($98)😋十分彈牙，加上墨魚味好香，有埋粟米口感更加豐富😋另一個叫咗都係好出名嘅黃金豆腐層層疊 ($92)😆我本身唔食豆腐，朋友話外脆內軟，豆味都香嘅，份量仲要好多添😆食食吓覺得唔係好夠飽🤣叫咗鹹魚炒米粉 ($92)～好重料，所以食落真係有啲偏鹹🤣但米粉質地都幾有咬口，都唔錯～最後都叫咗個花膠海參蝦米濃湯雜菜煲 ($158)～好多種類嘅菜，我覺得味道就正正常常😆整體嚟講，雖然佢比一般中菜廳價錢可能會貴少少，但食物質素都算幾好，環境又唔錯，服務態度亦好誠懇，我都食得好開心😆

今日同家人去灣仔，順便試下呢間餐廳，之前聽朋友介紹話呢度嘅中菜唔錯，啱晒喜歡中菜既屋企人食。我哋係中午時分去，啱啱好可以食午市套餐一人一個套餐，可以share 試多啲陳皮蒸安格斯牛肉餅$128上菜時，主菜用蒸籠蓋上，然後侍應在我面前把蒸籠蓋打開，蒸氣即刻湧出，熱辣辣，有陣荷葉香氣撲鼻因為安格斯牛肉餅下面鋪了荷葉，所以令到牛肉餅也有荷葉的清香。這個牛肉餅特別之處在於用了安格斯牛肉，所以肉餅牛肉味十分濃，而且較一般的牛肉滑，因為安格斯的牛肉比較滑，所以廚師沒有把牛肉剁得過火，反而保留了些少口感！這個牛肉餅十分適合用來送飯，大大碗飯都食得晒XO醬陳村粉蒸斑片$148另一個午市套餐叫了家人喜愛的蒸魚一見到餐牌，家人已經即刻揀咗這個陳村粉蒸斑片，確實好少餐廳有這道菜同樣地，上菜時也有蒸籠蓋覆蓋住一打開就見到大大塊的斑片，上面有XO醬，斑片十分厚切，不會一夾就散，咬落啖啖肉，因為是斑片的關係，所以魚皮是厚厚的，有一層骨膠原魚油，魚皮咬落有膠質，可以補補骨膠原！下面的陳村粉，真係唔係好多餐廳有，今次又可以試下，陳村粉都幾薄，望落透透地，連埋XO醬同附送的豉油，好香好夾兩個套餐都有附送例湯，例湯用蠟燭

今日放假，約咗個好耐冇見嘅朋友，咁啱朋友今日喺灣仔有啲嘢做，所以我哋就去咗呢一間餐廳。我哋叫咗三個下午茶餐😆脆皮豆腐：豆腐炸得外皮好鬆脆，但絕對唔會一夾就爛，裏面豆腐好滑，再加上少少淮鹽，所以好夠味龍門炒米：米粉炒得好香口，加入紅蘿蔔絲、銀牙同洋蔥，好爽口；肉絲同蛋絲都能夠令哩個炒米粉生色不少檸檬雞小腿：雞鎚微微炸過，加上檸檬汁，酸酸甜甜好開胃，仲有沙律做配菜玫瑰花茶：玫瑰花好香，有蠟燭暖住壺茶，Keep住個溫度而且好出味燉雞湯：燉湯用蠟燭保持住溫度，足料而且唔會好油我見隔籬枱有人帶咗兩隻小狗嚟，原來呢間餐廳係可以比狗仔坐㗎，真係好開心毛孩都可以一齊食下午茶，下次我都可以帶我個寶貝嚟😊

同朋友去一間名字好武俠幻境小說風味嘅餐廳～ 餐廳叫做尚夢．茳煳～ 真係好友武俠小說嘅意境我哋lunch去食叫左2個套餐～ 一個係醉雞套餐另一個係安格斯牛肉炒河粉套餐～套餐會配埋燉湯，仲有泡菜，椰汁糕，同埋花茶～ 醉雞套餐真係好好味！酸蘿蔔配埋醉雞一齊食真係好開胃好好味！燉湯真係超級足料超級好味！一入口就係好有火喉嘅燉湯～ 暖胃之餘仲材料充足！花茶我哋叫咗玫瑰花茶同埋蝶豆花茶～兩款花茶都好好味！我哋飲唔晒仲可以用個杯裝住拎走！甜品椰汁糕超級好食！入口就有香濃既椰汁味～ 餐廳職員非常友善，好nice好健談～

去灣仔搵嘢食，見到有一間幾得意嘅餐廳喺橫街，可以帶狗，外面又有草皮，就決定去呢度食。我哋叫咗兩個午餐，主菜分別係茳煳醉雞同日本南瓜炒豬頸肉。套餐包咗前菜、甜品、飲品、白飯同埋一碗老火湯，上菜嘅時候老火湯有火烘住，食完食餐飯都可以保到溫，非常貼心。前菜泡菜少少辣，酸酸地好開胃。茳煳醉雞好香酒味，仲有啲杞子點綴，咬落雞肉結實，亦唔會太肥。老火湯係椰子煲瘦肉，清清甜甜，配合醉雞唔會搶味。甜品馬蹄糕口感清涼。日本南瓜炒豬頸肉有南瓜、黃椒、紅椒，豬頸肉肥瘦適中，炒到好爽口，南瓜煮過之後則變得腍身小小，仲帶小小甜味。老火湯係蟲草花煲雞，非常足料而且雞味好濃。甜品楊枝甘露糕，甜中帶酸，中和豬頸肉嘅油膩感。天氣咁熱，我哋都叫咗杯凍檸茶，餐廳仲有露天位，不過嗰日太熱冇出到去～

下午同同事係灣仔見客後, 順便係附近食埋Dinner先返去。記得上年疫症高峰期禁咗晚市堂食期間, 去過灣仔呢間尚夢外賣過”牛頰肉”食, 好食得令我記起呢間餐廳, 趁住宜家有晚市堂食, 可嘗試一下其他家常小菜!餐廳面積不大, 沿著吧檯經過, 入面有三張卡位。卡位坐得舒服。熱茶有小火興住, 叫咗兩個家常小菜食。花膠海參蝦米濃湯雜菜煲: 熱辣辣上檯, 湯底清清地, 墊底有大量索盡湯汁好林嘅西蘭花、菜心莖、生菜片、小棠菜, 全部菜樣樣都有d, 而且都係好林, 老人家冇牙都食到。海味佈哂係面, 有兩件手指般size開邊海參仔、蝦米, 同埋有如豬皮口感彈牙嘅花膠。石榴果干糖醋咕嚕肉:每件咕嚕肉都冇骨, 啖啖肉, 肉質有彈性, 每件表面平均沾上甜甜嘅汁醬。叫咗個飯, 飯質好挺身而且偏乾, 自行加咗雜菜煲湯汁撈埋食, 較好一點。

今日和同事去灣仔食午餐想吃中菜但不想吃點心，同事推介到這間新派中菜試吓。餐廳佈置得非常亮麗，有卡位又有bar 枱位，黑色設計，型格十足！餐廳提供午市套餐，午餐的飯可轉燕麥飯，十分貼❤️。又健康。午餐款式都多，連傳統煎藕餅、八寶荷葉飯、陳皮蒸安格斯蒸牛肉餅都有！下午茶慢活時光下午二時半開始，見佢都有各種小食，最吸引的是有不同種類的花茶。平時去中菜館來來去去都是香片普洱，特色花茶十分吸引！我叫了XO醬陳村粉蒸斑片，個presentation 已令人眼前一亮👏👏用蒸籠上能保持溫度，一打開見熱辣辣，班片份量多，XO 醬調味令斑片的味道變成另外一個層次，陳村粉加了XO 醬，完全入哂味🎉💯午餐的湯不是普通例湯，又多料又滋潤😇同事也很欣賞他的頭抽安格斯乾炒牛河，牛肉嫩滑，大量蛋絲、芽菜和芝麻，河粉爽，炒得有鑊氣！有一段小插曲，食食吓見有客人帶着狗狗🐶來，原來此間餐廳有露天座位，可以帶狗狗，真是市區中少有！

想在灣仔找一個地方坐得舒舒服服、不太嘈吵，食一個好味的中式午餐，朋友介紹來到這間嚟灣仔地鐵站不太遠的新派中菜！午餐也可以叫餸食飯，菜式都不少，有煎藕餅麻婆豆腐南瓜豬頸肉又有薑黃炒飯八寶荷葉飯醉雞等等選擇多多令人目不暇給！🎉我叫了頭抽安格斯乾炒牛河，上枱時已甚有驚喜，不像一般酒樓那樣上菜，而是非常精緻的那種🥰牛河炒得非常夠鑊氣，而且加了大量蛋絲、芽菜和芝麻，賣相非常吸引。食落牛肉嫩滑又大片，醃得不會過鹹，絕對是水準之作另外，朋友叫了XO醬陳村粉蒸斑片，班片無骨啖啖魚肉，有鮮咪，XO 醬調味，更加特別、陳村粉滲了XO 醬，超正臨走時見到隔鄰原來帶隻狗狗🐶進來，才知這間菜館戶外座位, 讓你帶愛犬進來，還有下午茶，可配花茶，等我下次試試！

當日和同事到灣仔工幹，會議後客戶推薦我們到譚臣道覓食，因此午飯時段便來到這間尚夢・茳煳，品嘗她們的午市精選套餐✏️位置: 8/10✏️環境: 9/10✏️衛生: 9/10✏️服務: 8/10✏️食物: 8/10餐廳位於譚臣道出口處，不算難找。可能因為主打新派中菜，裝修同時帶有古典及現代元素，環境算舒適，食物水準亦不錯🌟頭抽安格斯乾炒牛河 - $128第一份套餐選了乾炒牛河，牛肉鮮嫩，加入香蔥、蛋絲及芝麻，炒得色香味俱全。套餐同時包含鹹而開胃的醃榨菜、香濃潤肺的海底椰豬肉燉湯及甜品糕點（馬豆糕或馬蹄糕）一件，整體份量足夠🌟XO醬陳村粉蒸斑片 - $148用蒸籠蒸及上枱的陳村粉，蒸得晶瑩剔透，香軟味美，而海班片厚身嫩滑，配合香蔥及XO醬，味道香而不濃，豉油分開讓客人自己添加，相當貼心。套餐同樣有醃榨菜、燉湯及糕點，相當滿足🍽尚夢・茳煳 (灣仔)📬地址：灣仔譚臣道1-3號長康大廈地舖

今晚約了朋友食精緻中菜，去了尚夢。茳煳，有多款特色小菜，而且份量又大，見食評中，見到午餐都好多選擇，加上座位新潮，坐得舒適，可以同朋友共渡下午時段的慢活時光。入到餐廳以灰色裝潢為主，走型格，時尚路線，我同朋友坐在吧枱，坐位都好寬敞。先開茶，叫了玫瑰花茶，花香味濃。見有住家菜風味客家梅菜扣肉包（荷葉包）$138，扣肉炆得非常淋身，又唔會太肥，好香，梅菜又甜，輕微咸香，完全唔咸，再配上軟熟荷葉包，好夾呀。另一款叫了花膠海參蝦米濃湯雜菜煲$158，超大煲，湯底非常清甜，真材實料，花膠同海參彈牙，有多款雜菜，西蘭花、生菜，小棠菜和菜心、都好幼嫩，仲有粉絲，好飽肚。而且店員服務態度好好，非常有禮貌。

尚夢。茳煳係～～～俾個名吸引左入黎。新派中菜，經典菜色，配合現代環境佈置，坐得舒服，值得來！今晚只叫兩餸，一個非常濃味，一個清脆鮮甜😂🐖客家梅菜扣肉包豬肉每片都半肥半瘦，軟淋又夠入味，每片都有滿滿骨膠原，配合甜的梅菜，夾在包中，每囗都有著多層囗感👍👍食完非常滿足❤️真係想要多個靚仔白飯撈埋d汁😂🐟🥦花膠海參蝦米濃湯雜菜煲為平衡一下，來一個菜煲，米以為清淡就唔好食，查賓最後湯底都飲埋！入面有多款不同的嫩菜，粉絲底，加上花蝦海參蝦米，湯底超鮮甜❤️好好味🍵玫瑰花茶，香氣滿滿，茶底清，花味更香更出👍👍

同阿媽去灣仔睇醫生，午飯時間梗係去食啲嘢啦，唔想又係去飲茶，上來OpenRice睇吓有咩新嘢食睇睇下見到有間新派精品中菜，好似幾吸引咁喎，近近地一於試吓先個名有啲特別，尚夢.茳煳，午飯時間都幾多人，好彩唔使排隊又有卡位坐環境都幾舒適，午市套餐好多選擇，媽媽牙齒唔係幾好所以佢揀南瓜炒豬頸肉套餐係有湯架，魚翅瓜煲排骨真係好清甜，而且好細心有燭火熱住，媽媽一路飲一路讚南瓜好甜，豬頸肉又滑又脆真係好特別的口感配菜有青瓜雲耳而我就揀咗欖角排骨蒸陳村粉籠仔上枱已經好靚，欖角蒸排骨好入味一啲都唔鹹，陳村粉淋上特製豉油好好味呀凍檸茶兩母女一齊享受一下下午的慢活時光嘆番杯靚靚玫瑰花茶，聽吓媽媽細說往事，一樂也原來有露天位可以帶狗狗㗎