尚夢・茳煳 (Closed)

早前去書展前在灣仔食午飯，經過了這家「尚夢·茳煳」看到下午茶餐牌「慢活時光」$68有一款主食及花茶，價錢和菜式都非常吸引，不過我已經跟朋友約在另一家餐廳，所以當時沒有機會一試。今日在灣仔出差後就正好有機會試一試這家餐廳的晚餐了～餐廳的裝潢非常乾淨又舒服，點好菜就送上熱茶，值得一讚的是熱茶以蠟燭座保持溫度，既貼心又美觀。·石榴果乾糖醋咕嚕肉擺盤好加分，味道亦非常驚喜，醬汁調配適宜，將酸和甜的味道融合得好好，而且薄薄的炸粉包裹著嫩滑的豬肉，口感香脆，好欣賞餐廳用了瘦肉亦做能做出外脆內軟的口感，這款看似簡單的菜式但可以感受到廚師的精緻。·咸蛋黃金蝦球香味撲鼻～不用客人自己剝殼已經好加分，另外蝦身好肥大，炸得香脆的蝦球被金黃色的鹹蛋醬包著，好惹味，香濃的鹹蛋香配一碗白飯就正好！·花膠海參蝦米濃湯雜菜煲非常足料！雜菜中的粉絲好入味，加入花膠和海參不但營養十足，亦增添了不少鮮甜的味道，湯底帶有濃濃的蝦米鮮味和蔬菜的甜味，令人飲個不停。難得找到一家精緻又美味的中菜餐廳，下次要帶家人來品嘗一下。

平時經開灣仔莊士敦道，都見到有個凹位有間餐廳，今晚就試試其晚餐。餐廳以新派中菜為主打，裝潢就有一半古色古香，有一半保留上一手的大型吧枱。我們坐在卡位，座位都舒服。店員很殷勤地服務，很親切。無骨辣子雞會是食得辣人仕喜愛之物，雞塊炸完，外脆內軟，熱辣辣，香噴噴，有點似麥樂雞，但雞肉是有一絲絲纖維的。滿滿的辣椒，有點麻辣的感覺，辣得來令人忍不住一塊又一塊，配白飯一流。冬瓜盅聽得多，南瓜盅比較少食，原來配什菌都幾夾，各種不同的菇類，味道清而不濃，南瓜肉亦甜甜地，可以解辣。下次有機會可以試試其下午茶慢活時光。

今日下午帶了媽媽去灣仔吃飯，那麼一定是要中菜，選擇了一個位置較偏僻，但性價比高的午市套餐，每人約一百二十元，在灣仔區就吃到高質中菜，👍🏻抵呀！位置：在灣仔A3出口，往修道球場方向一直向前行，見到譚臣道就轉入小巷，就會看到私家車泊車位後面就是。環境：黑色的門面，金色字招牌，室內養了一缸金魚，有窗邊吧台、中庭吧台和四人卡座，當時已經過了午時，甚少顧客，可以很清靜享受午餐。服務：人手下單，上菜很快！免收加一！午市：提供十二款式套餐，包老火湯、餐飲、前菜、甜品🍮，😙很豐富套餐！XO醬陳村粉蒸斑片 $148媽媽喜歡吃魚，特意為她點，她非常滿意🥰，前菜是翠玉瓜、甜品是芒果布甸、主菜的魚片肉新鮮滑溜，厚肉又大片，灑上點點XO醬已很惹味😋，加上大片滑溜的陳村粉，完全不用點醬油，媽媽都吃得很滿足😚，稱讚👍🏻真材實料！尤其是碗老火湯😍，是蟲草花燉雞，😋很清甜不油膩，呈上時用蠟燭保持溫度👍🏻，所以我們連渣都吃乾淨🤣頭抽安格斯乾炒牛河 $128前菜是泡菜，湯一樣，甜品是芝麻布甸，主菜炒牛河最重要是有鑊氣😙，份量多，牛肉又很細嫩😙，用頭抽炒得上色又入味😋，很滿意今餐水準！🥰

朋友專誠邀請我品嚐新派精品中菜，據說性價比頗高，更有不少新派精品中菜菜品，亦有一系列經典懷舊菜式。下午時段更有提供「慢活時光」可跟三五知己享受一番。石榴果乾糖醋咕嚕肉($128)伴碟帶有種詩情畫意的味道，咕嚕肉肉質選了半肥瘦，有口感得來又不肥膩，用上了石榴果乾更是新穎的做法。香酥粟米墨魚餅($98)一份仲有六大件的墨魚餅，外皮金黃色炸起，剛放入口的第一下還被它燙了一口，爆汁的，可見剛剛新鮮出鍋。墨魚餅很有咬口，用料十足，作為小食實在不錯。花膠海參蝦米濃湯雜菜($158)大大煲，放了不同嘅蔬菜，有西蘭花，白菜仔及菜心，更有花膠，海參，菇及蝦米，豐富！粉絲吸晒了蔬菜的鮮甜味，叫人吃過不停！

[ 尚萝．茳煳 | 灣仔 ]The lunch sets are only available on weekdays so I finally found time to come and try it after looking through their photos. Restaurant quite small. Got seated at the bar table that’s adjacent the corridor which is quite annoying. The air conditioning is very strong too, especially on the bar tables. The service is not bad but the staff is all quite old so they had to keep repeating orders and they chatted like old friends which reminded me of a cha chaan teng 😅 —— —— XO醬陳村粉蒸班片 $14

本身下午放假，諗住食一個悠長嘅午餐，所以揀咗呢度，諗住嘆吓茶。點知原來係我誤會咗，入到嚟我哋二人被安排坐喺VIP房一張10人長枱嘅一個角落，透明隔板對面仲有兩個唔識嘅人。嗰一刻嘅心情真係唔係太好，因為本身係諗住飲茶咁嘅格局嘅。真係有一刻諗咗走去食其他餐廳，但係唔緊要，試試佢。個Menu嘅午餐其實都好吸引，最後叫咗斑片陳村粉，同埋咕嚕肉小菜，再加椒鹽豆腐。淨係午市套餐有得送湯同飲品，小菜就要另收費用茄飯或者湯。上菜嘅一刻，我對於座位嘅不滿已經完全消除，菜式都非常精緻，陳村粉又滑又彈牙，斑片都肉質唔錯。咕嚕肉買相好靚呀，平時嘴尖嘅朋友都覺得個咕嚕肉好食，外脆內軟，個面仲有少少糖絲咁椒鹽豆腐都做得非常好，如果可以飲酒就好啦。叔叔話，如果要坐樓下嘅卡座，或者二人枱， book位嘅時候就要講埋，而且係先到先得。另外開瓶費佢就話可以買一支free 一支，佢個酒單上邊最平嘅都係$2xx ，有得諗。叔叔有耐性又有禮貌，超讚！平時中菜或者飲茶都至少起碼食個半鐘，但係呢餐只係用咗45分鐘咋，如果午餐時間有限制嘅朋友，真係可以考慮呢度。

第一次嚟到呢間fusion中餐廳食下午茶叫咗三個慢活時光下午茶餐 分別有脆皮豆腐 椒鹽魷魚同埋花雕炸雞 另外每個餐會跟一個茶品或者額外加$30可以揀燉湯 我哋就叫咗一個洛神花茶同埋兩盅是日燉湯脆皮豆腐 好欣賞佢個脆漿夠曬挺同脆身 而且佢有其中一面脆漿面似係已經處理好加咗鹽同埋特別厚同脆 所以好夠味 豆腐內裡好滑 外皮酥脆 即使我哋有幾舊放咗半個鐘先食外皮都keep到脆椒鹽魷魚 魷魚已經切細咗 如果可以粗身啲長條啲相信口感會更加好花雕炸雞 韓國炸雞就食得多 呢度嘅花雕炸雞一咬落口已經食到花雕酒味 唔會有怪味或苦味 而係酒嘅香味 喺出面好少食到呢個配搭既炸雞 可以一試洛神花茶 酸酸甜甜 而且店員仲會幫手不停Refill 真係可以慢活時光咁慢慢飲 嘆個下午茶是日燉湯 係蟲草花雞湯 我同男朋友包都好鍾意飲燉湯 呢度嘅燉湯好滋潤 另外聽過呢度會有露天茶座 可以帶狗狗黎一齊食野 當日就見到有一隻超級大隻 外形十分型仔嘅狗狗 haha

📍#尚夢・茳煳 (灣仔)灣仔譚臣道1-3號長康大廈地舖♡推薦程度: 🌕🌕🌕🌕🌗🔺🔺🔺🔺🔺🔺🔺🔺🔺🔺🔺🔺🔺位於灣仔呢間餐廳，其實之前已經嚟過一次，今次經開灣仔，再encore一次☺️ 感覺呢度環境好闊落好舒服，門口行入去係吧枱，再行入少少就有三張卡位枱，餐廳氛圍亦比較安靜，俾人一種好舒服嘅感覺。午市精選套餐有一個是日燉湯，廚餐亦有一個開胃前菜、飲品同甜品，成個set lunch都幾豐富。❣️# 茳煳醉雞💰 $118我同朋友都特登嚟食醉雞，一於一人叫一個醉雞Lunch Set，好彩今次都冇失望！醉雞嘅份量足夠，有濃郁嘅酒香，雞肉啖啖肉且頗滑。而佢嘅湯用燉盅裝住，下面有微微嘅火可以保持住溫度，Keep住有熱湯飲😋😋🔺🔺🔺🔺🔺🔺🔺🔺🔺🔺🔺🔺🔺

由於最近去了灣仔報了一個興趣班，下課後經驗冇時間去準備晚上的食材，附近有一間新派的中菜於是今日去嘗試一下.餐廳環境舒適冷氣充足，店員也熱情地招待.這個無骨辣子雞十分之香脆，配上凍冰冰的啤酒，簡直是大熱天時之選.京蔥爆羊肉鑊氣十足，配上白飯簡直是絕配.最後這個南瓜盅十分之精緻、配上新鮮的什菌也平衡了日常的飲食.最後看見這個澳洲龍蝦配上伊麵十分之吸引，下次一於約埋朋友訂定位再來品嚐一下,或者品嚐一下下午茶慢活時光.

灣仔出名美食多，出名的中菜館更是多不勝數，有懷舊上海菜館，樓上私房菜，50年老店。這次就是試這間新派古典餐館，餐廳裝修光新，菜式好味，榮登我的推介餐廳。他中午的慢活時光套餐，更是$68一位，包含了三款茶選擇，可以享受時光，又可品嚐美食，非常吸引。欖菜欖角上肉排這道菜式非常特別，欖菜欖角鋪在肉排上，份量不太多，吃落不會喧賓奪主，肉排吃落juicy,加上肉排厚，吃落有咬口，加上淡淡的欖菜瞬間將味道提升，很有心思的一道菜。無骨辣子雞辣子雞辣得過癮，花椒味很香，而且雞肉份量夠，配上一碗白飯和青菜，真是滿足的一餐。

以前喺灣仔返工都知呢頭好多好野食，今日舊同事推介呢度有間食中菜嘅餐廳好高質素，所以決定黎試下。上網見到呢間餐廳有個叫慢活時光下午茶嘅套餐（@＄68），所以我地就決定等兩點半去食下午茶。入到餐廳冇幾耐，出邊就落大雨，我地就順便避下雨啦。龍門炒米：炒米一送上枱，已經聞到好香，食落去都勁好食，米粉炒得夠乾身彈牙，配上芝麻又香口，而且好夠鑊氣！蝦大大隻，爽口彈牙，配料亦都非常豐富，炒米雖然看似簡單，但煮得好食一啲都唔簡單，呢度嘅炒米非常高質，推介！椒鹽魷魚鬚：有孜然粉嘅味道，魷魚鬚炸得香口，而且份量都好多。花雕炸雞：呢款覺得好特別，所以點黎試下，食落真係有花雕味，經過炸完之後保留左花雕嘅清香，但又唔會有酒嗰種嗆喉感覺，呢款炸雞一口一件，真係啱哂下午茶食。玫瑰花茶：花茶會配上蠟燭，可以保溫，唔怕攤凍，而且玫瑰花茶非常清香，令人有慢活時光嘅感覺。洛神花茶：花茶帶有酸酸嘅味道，非常開胃。喺呢度渡過咗個慢活嘅時光，食飽之後坐係度飲多陣茶，等出邊停雨後就離開餐廳了。順帶一提，呢度職員都好有善，服務態度亦都好好，雖然本身擺低左壺熱水俾我地加茶，但其實職員都會主動幫我哋加熱水，非常細心。餐廳有露天位，而且可

如果唔喺灣仔區返工或者住 我相信都好難揾到呢間 位置喺譚臣道角落盡頭嘅中菜餐館 裝修型格 食材同賣相都唔錯 午市套餐免加一-🌱八寶荷葉飯 $128套餐附送前菜/湯/餐飲/有飲品 非常豐富 好多人叫八寶荷葉飯 我唔執輸 叫埋一份 個飯成隻巨型裹蒸糭咁 好大件頭 揭開荷葉 隱約聞到啲清香味 飯粒飽滿夠味 中間有鹹蛋黃-🍤川汁蝦仁麻婆豆腐 $108套餐如果改飲例湯 即減$30 建議要燉湯 今日係海底椰燉瘦肉 確係水準之作 最正嘅 係個湯會熱住上😍 川汁豆腐小麻小辣 餸飯🍚好正 食得有口感啲嘅 可以改燕麥飯 最後食件少甜綠茶糕 再呷兩啖港式奶茶 為午餐畫上完美句號-📍尚夢・茳煳灣仔譚臣道1-3號長康大廈地舖

前排媽咪生日🎂，慶祝一下生日，而她只喜歡中菜，我知道灣仔有間新派的精品中菜，所以帶她一起午餐時間幫襯。媽咪都很難忘，無論餐廳裝潢、員工的周全服務、食物質素都有水準！性價比很高！餐廳主打新派精品中菜以及經典懷舊菜式，連午市套餐都精緻美味的！XO醬陳村粉蒸斑片是我最喜歡的菜式，塊塊大大塊龍躉，沒有骨，新鮮熱騰騰蒸得啱好，口感鮮味！配上陳村粉再有點XO醬同豉油，味道惹味！📍尚夢・茳煳 灣仔譚臣道1-3號長康大廈地舖

近排係灣仔 ,我找地方食嘢見到一間 尚夢,好似食中菜嘅地方,入去食個午餐,野食唔平,但都入到去發現冇冷氣,天花滴曬水,見到都唔開心。就點會食得落呀,起身走人,都唔知會唔會食食下加料。終於都冇食到。

朋友介紹了這間餐廳，雖然位於灣仔，但近地鐵站，位置非常方便。餐廳環境舒服，具有中國風味，座位又舒服，很適合朋友或家人前來聚會，他最吸引人的，原來是他中午的慢活時光，午飯都是$68，能嘆美食，又有舒服環境，真是不錯。無骨辣子雞辣子雞炒得非常香，又香又辣，外層香，內層肉質Juicy, 配上淡淡的花椒香味,讓人停不了口,配上白飯真是一流。鮑汁生筋琵琶豆腐這道菜看似清淡，但吃落非常好味。豆腐配上香濃鮑魚汁，瞬間令豆腐味道昇華，加上有咬口的生筋，配搭非常夾，非常適合老人家的一道菜。