上海姥姥 (馬鞍山廣場)

Open Now

Now Closed

從來未試過咁頹嘅菜 價錢唔合埋第一 小籠包點解皮咁厚第二 醋一點都唔香 應該用鎮江香醋 起碼味道啱第三 落單時反復同職員確認 蔥油係炸蔥油 亦唔係燒味蔥油 職員確定 但最終發現依然係普通蔥油 唔係成條䓤落去炸 味道極度難吃 加埋豬扒好硬 牙齿差點搞唔掂 第四 標榜自己係上海菜 餐牌出現一堆香港特色菜 幾乎好少上海菜 如果做唔到就 唔好用上海呢個名 關鋪大吉總之 咁貴價錢食到咁屎嘢 極度唔抵 上左自己黑名單 絕世唔會幫襯

今次特登過嚟食嘢，佢之前裝修冇得食，餐牌有我想食嘅干貝鮮魚魚肚豆腐羹，豆腐羹入面都好足料👍另外我叫左香煎素鵝，脆卜卜，我鐘意，最後叫姥姥家鄉粗炒，炒麵唔油喎！所以成碟食晒啦⋯⋯🥳

如果想食抵食嘅午市套餐，我揀咗姥姥厚切排骨拉麵，排骨鬆脆肉嫩，一黎到就已經好香好香，超正。再配一碟小食，本來想叫香煎素鵝，點知冇晒，唯有叫雞絲粉皮，都好好食，好夠花生醬👍套餐重有飲品，我就叫左杯凍酸梅湯，好飽飽，下次再食另一樣。

突然其來之香港史上最遠8號風球， 沒有預備早餐食物下， 便選擇到馬鞍山廣場上海姥姥吃早／午餐， 營業時間早上10:30， 於是11點前到， 原來都唔係好多人, 唔駛排隊。 只有3枱客。點了1）上海炒飯 8分飯炒得乾身有鑊氣， 米細細粒且分明， 醬油炒不太咸， 仲有少甜， 肉碎+炸菜+肉鬆。2） 麻醬雞絲粉皮 7分普通size, 份量都唔係多 （如果輕盈版一定唔夠食。）麻醬比例太多， 雞絲量少， 粉皮量適中。唔係唔好食， 只是麻醬太多， 有d膩， 雞絲又少。3）小籠包 7分（小籠包ok的， 只是鎮江醋唔掂）皮薄多汁， 只是鎮江醋太稀， 唔出味。如果調較個汁香味d, 會更出色。香港仲有上海地道食物， 而且質量唔差， 應該幫襯下。總評環境: 8分服務：7分食物： 7.5~8分

叫咗個鮮茄雜菌麵我個人覺得呢碗嘢幾特別碗嘢有種番茄炒蛋味但又唔見有蛋好過癮湯底都幾濃厚啲餸就真係冇乜特別只可以話應該幾新鮮推介食齋嘅朋友試吓下次再病或者熱氣嘅話會再嚟食

叫咗一碗嫩雞煨麵唔貴 但都幾大碗 食完幾飽食落去會feel到啲麵有幾濃嘅蛋味個湯都出色唔會話太淡但感覺又好清反而啲雞就好似冇乜味呢個位有少少失望如果大家有時都鍾意食清啲嘅話可以去試吓

上海姥姥😍去左上海姥姥食下午茶👍我們叫左2個餐😋老上海炒飯🍽$46醬油炒飯，味道濃，有鑊氣，上面加左肉鬆😍四川擔擔面🍽顏色賣相好靚，濃味，麵條煮到剛剛好，好食😋加招牌小籠包$16（2件）小籠包，不過不失，如果被再薄啲就再好食👍地址：馬鞍山廣場2 樓269-271B號

復活假期去下商場行下街食下野，依度有間上海菜館，從來都未食過，見到餐廳坐無虛席，又有人龍係出面排隊，所以膽粗粗試下依間野咩料子。。。小籠包皮薄餡靚，包裡面又有湯汁，無得彈。 上海粗炒，非常好食，尤其是麵質及粗幼度，唔知係咪手打麵，粗幼不一，我超中意。麻醬雞絲粉皮，麻醬香雞絲粉皮好滑，渾埋一齊食，非常好味。酸辣湯雲吞，酸辣度適中, 加埋雲吞，口感同味道一流。麻香海蜇, 海蜇口感爽滑,麻油味好香。 依間餐廳整體食物質素及環境，合格以上，一定會再黎幫襯☺️

難得放假陪阿媽食晚飯，佢話想去上海姥姥食，次次經過見到都排長龍，應該唔會太差掛。我哋兩個都唔算大食，所以只叫咗四樣嘢。雪菜肉絲炒年糕不過不失，年糕煙煙銀銀，味道清清地都唔錯。招牌小籠包一上枱個賣相真係嚇親我，放到咁肉酸，好似叮叮食物咁，但食落口味道竟然唔錯，皮薄多汁，餡料鮮甜美味。干貝鮮魚魚肚豆腐羹味道唔錯，幾多魚肉，但係冇乜干貝味道。香煎素鵝唔點汁真係冇乜味道，媽咪話ok，但我個人來講就覺得唔多好食，我寧願食真嘅燒鵝。當日酸梅湯買一送一，埋單$241。價錢算OK，不過除咗小籠包之外，冇乜特別吸引。

上海夜Dinner Takeaway🍱·醉雞·涼拌海蜇·芥末小雲耳·招牌小籠包·揚州炒飯·菜肉雲吞拉麵喜歡佢地唔油 炒飯都粒粒分明好爽身 醉雞食到我地Lamlam脷

山長水遠入到去馬鞍山，肚餓就搵間餐廳，因為不嬲都鍾意食上海菜，所以就試吓上海姥姥。一個人食飯叫唔到太多野，我叫咗兩樣野，侍應都好詫異咁望住我，上菜之後我就明，因為個水煮牛肉份量好大。可惜大而無當，牛肉唔靚，水煮唔辣又唔香，配料就冇乜特別。另外仲叫左個黃金蝦仁炒飯，一上到黎我已經反晒白眼，話明黃金蝦仁炒飯，係唔係真黃金呢，搵雲成個飯都係得嗰幾粒，自然成個飯係一啲鹹蛋味都冇，蝦仁係雪藏貨呢個就預咗。飯亦都炒得唔靚，除咗鹹蛋之外，唔知係咪連雞蛋都缺貨，睇相都睇到吵得唔均勻。呢間野請我都唔再去。

那日我同媽媽去食下午茶， 叫左佢呢個開洋蔥油拌麵配菜肉雲吞湯。佢d 麵有70% 唔係未煮散一抽抽， 就係好似上面既圖咁黐埋一舊。我忍唔住同樓面職員講，話你地個麵未煮好咁，大部分都黐埋一堆。佢就話呢個麵的食法係將菜肉雲吞的湯倒埋入去撈黎食，叫我試下咁食。我倒左d 湯落去，見到d 麵都係揚唔開，都無胃口再食。我想講你地呢個叫"開洋蔥油拌麵配菜肉雲吞湯"。理應係用蔥油黎撈個麵，雲吞係分開食。如果加埋個湯入去個蔥油拌麵咁樣食，點解唔一早叫菜肉雲吞湯麵不是更好?  就當你地個麵食法係咁獨特，d 麵條根本加左湯都揚唔開(如圖示)就證明係個麵煮的時候就無揚好先出菜。我自問係好有禮貌咁同個樓面職員反映呢個問題，但佢就係咁叫我用d 湯去撈個麵去解決呢件事 (仲要我問左三次佢都係咁答我)。再見到呢間餐廳外表整潔但個碗爛到咁都照用，係呢d 時期真係令人心寒。雖然佢下午茶的價錢的確係平，但咁既處理態度同埋d 碗具咁樣，下次都係不了。

次次嚟都係食佢既午餐，晚餐就第一次食，餐牌款式同下午茶一樣，不過只係價錢貴咗少少。招牌小籠包($40) : 每次嚟都會叫既，因為都幾抵食同質素都唔差。😋醉雞 ($70) : 賣相成個波咁幾得意，酒味夠濃郁之剩，雞皮爽口，肉質嫩滑。👍🏻賽螃蟹($88) : 賽螃蟹呢味餸睇落簡單，但係需要好高技巧既菜式，廚師手勢火喉控制得幾好，蛋白炒得夠嫩滑之剩吸收咗瑤柱的鮮味，食落無得頂。😍銀絲卷 ($25) : 外皮炸至呈現金黃色，而且內裏軟熟，不過只有三大件，如果銀絲卷既 Size 細返小小同切多幾件相信會更好。黃金魚塊 ($88) : 黃金蝦就食得多，黃金魚塊就第一次，不過呢個經典菜式無論係黃金咩都要試下 😝 鹹香既蛋黃汁真係超級正，就算只係撈白飯都已經夠 😍 不過此終都係黃金蝦會正斗啲。

今日本身想食壽司做下午茶，但係呢排天氣開始轉涼，所以想食啲熱嘢暖下胃，經過上海姥姥就比佢個 $29 蚊起下午茶吸引到，呢個價錢又真係幾抵食。叫咗四川擔擔麵，另加 $15 蚊配招牌小籠包同酸梅湯，再叫咗一份輕盈四川松花皮蛋。四川擔擔麵 ($29) : 每次食都咁正斗 🥰 勁鍾意佢濃濃既花生醬湯底。招牌小籠包 : 熱辣辣大大粒，不過其中一隻痴底 😭 所以漏晒啲超正既汁出黎。四川松花皮蛋($32/輕盈) : 雖然係輕盈，但係份量都唔少，味道幾惹味之剩價錢亦合理。👍🏻

今日參加學校的步行籌款，學校好好，車我地去馬鞍山公園玩。到達時已經12點。由於帶住兩個小朋友，所以都係食飽先再去放電。 公園傍的商場一出門口就係上海姥姥。兩個女可能因為太肚餓，份手制排骨拉麵一出黎，就如風一般消失了。佢地分曬，相都影唔到 佢地嘅食評話，好味道。所以，家長門，可以點依個餐。跟住就係依份黑醋骨，聽個名係好好味，食一兩件都係好好味，但第三件開始就好溜，唔想食。由於份量大，人唔多建議唔好叫。唐心蛋，一碟四個。細女唔食，大女食。叫依份有風險，味道唔係個個小朋友接受到，三思。肴肉，唔多介紹。例叫。佢有輕盈份量，4個人食岩岩好。素鴨，小朋友係唔食既，如果自己想食就坦白啲。我岩口味，有醋跟上， 加埋冬菇口感，唔錯。仲黃金魚塊，太咸。無影到相，有小朋友唔建議叫，對健康唔好。價錢方面，為我來說，係有啲貴。但我建議一餐半餐食下係可以既。