四季菊日本餐廳

Open Now

Now Closed

四季菊日本餐廳今次食廚師發板套餐😋😋刺身好新鮮🥰🥰，好好味👍熟銀雪魚、貝殼類都整得好精緻，賣相好靚，目不暇給，見到都想食😍😍除咗刺身、熟食類、仲有炒菇，好惹味👅最後仲有海鮮炒飯，入邊仲有櫻花蝦，炒到粒粒金黃色😃我們仲食埋雪糕🍦美味的晚餐💕💕

四季菊有2間分店一間喺four season ，一間喺帝苑之前喺Four Season 店食過幾次，因為個view真係靚。但一直聽聞尖沙咀分店比中環店更好食，所以今年生日，特登㨂咗帝苑總店dinner 。總體而言，帝苑相對地方較細，啲員工間溝通較大聲，我哋坐喺度都聽到佢哋員工間關係唔融洽！最得意嘅係，有位waitress 收碟時，而當時我同男友在傾緊計，而佢竟然以為我哋在講佢哋嘅服務唔好，直接同我講「其實你覺得我哋服務有問題嘅話，可以直接同我哋講嘅！」我當時呆咗，我哋2個明明傾緊第二啲嘢，點解你會覺得我哋話你哋有問題呢？之後佢再同我講「唔係，我誤會咗，諗住你哋難得出嚟食餐飯，有咩要求，可以隨時同我哋講！」咁我唯有講，之前我食過幾次四季菊，但都喺中環，尖沙咀呢邊係第一次嚟食。啲人都話尖沙咀好食啲，咪諗住試下囉！但天婦羅都係中環嗰邊好食啲，牛肉薄燒quality 就差唔多!唯一估唔到，一間貴價日式餐廳，尤其喺酒店內嘅餐廳，啲員工質素居然會係咁？！Btw 天婦羅 張紙上有大油漬，中環店係真係冇嘅。牛肉薄燒 㨂嘅係美國牛，依然都係入口即溶set嘅刺身 好食唔會再去帝苑四季菊

呢排心情blueblue地，好想食返餐好食嘅鐵板燒，搵嚟搵去，啱啱見到Royal Garden 有75折買餐飲券，好迅速買左，仲book個lunch，會一會佢😚我哋12:00嚟到，啱啱開門所以無乜人，侍應帶我哋行到入去鐵板燒房坐低，好彩係坐喺遠離鐵板燒嘅邊邊，如果唔係成餐飯食完之後件衫都係油煙味🤞🏼兩個人，一個揀咗🇺🇸🥩美國牛肉定食，有得俾你揀厚燒定薄燒，厚燒就會係牛柳粒，薄燒係包住黃金蒜片。今次我就揀咗薄燒 。另一個揀咗🐟🦐海鮮定食。🥗veggie salad 首先嚟咗個前菜沙律，開開個胃👅。🐠刺身兩件吞拿魚，同埋兩件魚生(忘記了)，因為都唔係靚位，所以口感一般般啦🥲。🍽帶子係我哋食緊前菜嘅時候，廚師哥哥已經煮緊我哋第一碟嘅帶子，熱辣辣上枱，帶子味道鮮甜，煮得啱啱好，唔會太熟。🦞大蝦+三文魚扒跟住就隨即上埋大蝦+三文魚扒，大蝦煎到個蝦頭好脆，蝦肉熟度啱啱好，唔會太老，蝦肉鮮甜，三文魚扒既魚皮煎到好香脆，三文魚油分無流失，手師傅功駕厲害👍🏻。🥩美國牛肉薄燒牛肉方面我哋揀咗5成熟，每塊牛長過我手掌，牛份量都唔少，煎完之後包住炸蒜片，一啖咬落去，牛汁充滿晒成個口，蒜片香脆，好有驚喜‼️。🍚

疫情嘅關係已經好耐冇同朋友一齊食飯，睇嚟大家都餓咗好耐，所以朋友預訂嘅套餐份量真係超多，四季菊最出名就係食天婦羅🍤，天婦羅真係做得唔錯，唔係出面嗰啲好多油好多炸粉咁，不過隻蝦有啲乾，呢幾款天婦羅入邊我覺得最好食係南瓜🎃同埋九州沙追魚而我個人就覺得呢兩件 火炙金槍魚腩、宮崎縣和牛壽司係全晚最好食嘅，嗰個油香我到而家都仲回味緊🤤以上呢兩個係頭盤，鴨胸同埋魚生不過不失呢個宮崎縣和牛都好好味唔會太油九州鯛魚白湯烏冬其實食到最後已經好飽，但係呢個九州鯛魚白湯烏冬真係好好好好味，結果又係連湯清晒🤤由於只可以上載12張照片，所以我只好揀我最鍾意食嗰12樣嘢，呢個厚切番薯🍠真係估唔到咁好食，外皮炸到脆卜卜，入面軟林林，而且佢提供白蘭地點嚟食，原來係好夾嘅🤤

星期日嚟Royal garden 本身想飲茶！可惜冇位。對面食京菜又冇位。基本上，只有越南同日本菜有位。揀咗試日本菜！ 整體，一般！未至於差，不過性價比唔高！叫咗天婦羅、刺身set ，$400上菜速度比較快，沙律未食完就上剌身，但又唔係同步喎，有啲亂。沙律勁多醬，正常。剌身。未算好好，不過一定好過樓下buffet! 個set就係咁，飯真係有啲啲少，半碗都冇，仲有唔熱！天婦羅雖然係出名，但係一樣唔特別！係粉槳少D，不過又唔係好脆。全個餐冇咩特別，service同環境好過西村，不過就冇西村咁好食！So far, 我都係prefer 和三味，環境，service，food quality 都係有多少少質素！

2/5Came here for tempura, but kind of disappointed. Batter was thin and light yet very oily. Prawns are not a hotel rewarded restaurant standards on my point of view. Fish are good but again greasy. Starter duck breast and the steamed egg custard with salmon roe are good tho!

平日午餐，早一日訂位，仲諗緊緊book唔book倒，又比我book倒喎。入面唔太大，都坐滿人。位同位之間都唔太遠，未至於好好坐咁囉，但又未到好唔好坐嘅。網上見倒有個deluxe餐，諗住去試下嘅，點知去到話冇左喎，得返餐牌個啲。其實係唔係要有人定期更新下網上嘅菜單呢。最後叫左個牛同海鮮餐，不過不失啦。個鮑魚唔會韌，但味唔太濃。個蠔有驚喜，本身唔太中意蠔，但味道可以嘅。薄燒牛就正正常常，蒜味好出。仲有炒飯加個炒菜，好飽。整野食個師傅係小鮮肉，味道唔知啦，但上碟啲野食個樣係佢隔離個（有少少肉）嘅姨姨靚好多囉。500蚊一個人，ok啦。PS 我枱面張濕紙巾係個吉嘅袋，我自我安慰： 都好過連埋張用過嘅濕紙巾嘅

限聚二人，所以放低個女兩公婆撐枱腳食個靚lunch。實在太耐冇食過鐵板燒，呢度除咗天婦羅出名之外，鐵板燒其實都好好食，同埋喺呢度食lunch其實抵過食dinner好多架。我哋揀咗個鮑魚，廣島蠔，美國牛肉薄燒鐵板燒餐，我哋將其中一個set 由牛肉薄燒upgrade去牛扒。食材方面冇受影響，海鮮一樣咁新鮮。肥仔師傅功架十足，又好健談，同佢傾吓傾吓，又同老婆傾吓傾吓，唔經唔覺食咗兩個幾鐘，連甜品相都唔記得影。一個非常愉快，又美味，又滿足嘅一餐。

最近，帝苑酒店推出staycation計劃吸引港人到酒店住宿，期間更會提供早，午及宵夜套餐，價錢相當優惠。而此計劃最吸引之處就是午餐時段，可以選擇酒店內指定的餐廳。而我發現四季菊也有包括在此計劃內，所以決定一試。因為四季菊是曾經入選福布斯旅遊指南的其中一間高檔日本料理餐廳。餐廳設計配合日式江戶時代感覺，區域劃分明顯，有bar枱，有vip房，有鐵板燒房。而因為今次我們是STAYCATION PACKAGE, 已指定了午餐的選擇，所以未有特別點其他的菜式。午餐一共有五道菜！沙律和前菜都是一般日本餐的蕃茄沙律和茶碗蒸，味道並未有特別驚喜！我們二人分別點了兩份不同主菜！右邊的薄燒牛肉，燒時加入葱花，減少肥膩感及香口！還配有炸蒜片，口感薯片一樣脆口，跟牛肉一同享用令牛肉更有層次！另外一款主菜是黑豚平燒！把豚肉舖上薄薄一層炸粉來燒，可惜不能令豚肉水份提升！反而令整體更乾身，幸好配有醬汁及洋蔥，中和豚肉的缺點。但味道較為清淡！甜品較為驚喜！因為menu寫上水果啫喱，以為是一般的啫喱甜品！但這個配上牛奶布甸層，令甜味提升。

疫情終於有稍為緩和的跡象，是日來到帝苑酒店的四季菊日本餐廳品嚐鐵板燒午餐料理。餐廳設有配備鐵板燒的私人雅間，讓客人可以一邊享用美食，一邊欣賞廚師們的精湛廚藝。首先送上檯的是沙律菜、伴漬物，味道中規中矩。🦪【Abalone, Hiroshima oyster and U.S. prime sirloin sliced set 鮑, 広島牡蠣と米国牛薄燒定食 $498】肥美飽滿的牡蠣入口鮮甜，十分推薦。鮑片煮得剛剛好，保留了咬勁的口感。裹上蔥花的薄燒牛入口肉質細嫩，咬落鬆化，但牛味較淡，配上旁邊炸得香脆的蒜片一併享用也不俗。🍤【Goose liver, king prawn and U.S. prime sirloin set フォアグラ、大海老と米国牛薄燒定食 $498】煎至金黃色的鵝肝，入口外脆內軟，十分豐腴油潤，滿口甘香。蝦肉燒的火喉適中，用上高溫封鎖肉汁，肉質咬落特別厚實爽彈，不用配上調味已經非常鮮味。🐟【Salmon steak set 鮭ステーキ定食 $280】用上實淨厚韌的鮭魚扒，就算經過鐵板燒方式的烹調後，魚肉油分也不會輕易流失，保留了鮭魚的油脂甘香。四季菊日本餐廳著名製作

我生日朋友請我食高檔的日本料理， 尖沙咀麼地道69號帝苑酒店1樓的四季菊日本餐廳 ，餐廳是間提供日本傳統風格懷石料理，特色天婦羅、鐵板燒、壽司及刺身。時令新鮮昂貴食材、擺盤講究細緻、服務優質。餐廳裝潢設計江戶時代風，啡色和金色為背景。防疫期間絕不可鬆懈，人㳘減少了非常之安靜，餐廳又分外顯得空間特別的大，我們被安排坐在C字型深啡色吧枱，可以一邊食一邊看廚師炮製料理。我們食了多款天婦羅：鮮甜活蝦、肉質鮮嫩滑沙追魚、肥美生蠔、苦瓜、獨特芬香肉質脆嫩爽口舞茸菇、辣辣爽身青椒仔全是即叫即做，食材真的好新鮮，金黃香脆，完全不油膩。還有清爽沙律和香噴噴又香又脆的天婦羅雜菜蝦餅飯。

之前帝苑gift card有75折，諗住買定黎復活節用，點知復活節出左個一位$440 set lunch，同平時既假日鐵板燒$588一位，即已經有75折，gift card可以慳返。食物真係幾普通，正常水準。係甜品有小驚喜，配合復活節有朱古力兔兔同復活蛋，造型都相當可愛。但唔知點解個Teppura雪糕等左非常耐，見到有幾枱客唔等就走添。最後要講下Service ，雖然算係大酒店又係知名餐廳，但啲Service 無酒店級水準，啲侍應講野好硬，同普通高級餐廳差不多啦。

Unexpected such a bad service from hotel catering. 安排左坐出面大廳，全程d staff 好似失蹤咁完全吾識攞餐具。黎個飯又吾識攞匙羹食到11點幾，就即刻攞張單黎話電腦清機要埋數。大佬，你喺都講聲先，我仲要影緊相。又吾講咩咭有優惠，比完錢先話做咗88折。走個時d員工完全吾見哂。這是甚麼Greeting 呢？Hotel? Royal Garden? 酒店service? 衰過d茶記, 以後吾洗去

從前是一個喜歡周末到處去，到處尋找美食的人，可是近月來不明朗的政治因素下，已很少到處逛了，只好常常留在家裡。就在上個星期環境氣氛稍為緩和下，出外透一透氣，來到帝苑酒店的四季菊日本餐廳吃一頓鐵板燒加加油。 以往一聽到鐵板燒時，第一時間總想到是一個價錢高不可攀的境界，可是最近餐廳卻以一個較親民的價錢推廣著「假日鐵板燒午市盛宴」，只需$588就已包括前菜、兩款自選的鐵板燒主菜、無限量供應的鐵板燒時令蔬菜、食事及甜品，陣容非常豐富，真是物有所值。 首先，來一個京都溫室蕃茄沙律洗刷一下心靈，清新一下味蕾，好好迎接一頓美味的鐵板燒。 餐牌中的主菜選擇多達七款，占苗就選擇了龍蝦及神戶豚肉，其餘的朋友各自挑選的組合都不盡相同，大家又可互相分享了。 向來食鐵板燒都是欣賞師傅技藝的好時候，從他們運用純熟的技巧來烹調，視覺享受之餘，還可聽到「滋滋」聲及聞到香噴噴的香氣，瞬間令大家都垂涎三尺，絕對是一種高級享受。 鐵板將龍蝦燒得香噴噴的，肉質彈牙之餘，鮮味不絕，師傅更清脆俐落地將龍蝦鉗拆下來，再放回龍蝦頭內，淋上由龍蝦腦煮成的醬汁，鮮上加鮮，惹味得令人停不了口。 相比起龍蝦，廣島縣蠔有四隻之多，隻

生日怎能不找間高級餐廳吃一吃？所以生日正日就來到 Royal Garden 的四季菊日本餐廳。由於是平日，不是太多人看了看餐牌就點了海鮮套餐Veggie salad Appetizers：東京腐皮，日本磚菜，鴨胸，日本蕃茄 - 豆腐滑，磚菜口感很特別，滑潺潺的，蕃茄脹卜卜刺身：牡丹蝦爽彈，油金魚又厚又新鮮燒帶子用上燒酒來燒，好惹味很 Juicy 的三文魚，很高 omega 3，皮還是脆的南非鮑魚配龍蝦，全部啖啖肉，但這道菜就有點鹹龍蝦湯：這個湯也是比較鹹 炒野菜：因為已經食得飽飽關係，所以頓時覺得炒野菜跟平時自己在家吃的沒兩樣吃到尾聲，這個海鮮炒飯已經吃不下了飽也要吃甜品，這個像綠茶麻薯，黏韌，配上少量雜果，好吃！這個生日飯十分滿足，雖則有點貴，但謝謝 my dearest 請我食生日大餐！