水記

Open Now

Now Closed

第一次光顧，坐低，諗住叫碟淨牛雜，伙記話無淨餸，ok。咁就叫咗碗牛雜河，見到隔離枱叫咗支啤酒，咁自己又想飲，咪諗住叫返支啤酒嘆吓啦，點知個伙記話啤酒係個客自己帶嚟，佢地無酒賣。明明見佢係個雪櫃攞支啤酒出嚟比個客，佢話係個客自己帶嚟，又ok，可能佢地無酒牌，啤酒只賣比熟客，唔怪佢。 牛雜河嚟到，見個賣相已經唔係好掂，食落..河粉死實實…牛雜就真係好一般。三扒二撥食完…走人…..係食唔晒，無下次，祝君好運！

去staycation無意中見到呢間電視介紹過嘅老字號於是就試吓，由於過咗食晏時間，所以佢話牛腩、爽腩、牛沙瓜同牛脆骨都無，於是我哋就叫咗碗牛什麵、雲吞麵同油菜，不過過咗十零分鐘之後，又突然話有牛腩，同枱另一pair客人點咗，但就話d牛腩好硬，我眼見都覺麻麻地，幾想叫佢比我影相呀😆, 食肆環境其實唔駛點多講，街邊大排檔我諗除咗上咗年紀嘅人會覺得有d回憶之外，都無咩值得讚揚，講返碗麵……我個人食麵好著重湯底同麵質，碗麵一到一定先飲啖湯，但講真除咗鹹真係食唔到咩味，麵質就真係幾爽口彈牙又無鹼水味，但牛什同雲吞就真係一般囉，牛什唔知係個湯底太鹹關係定點，就係食落無咩味囉，雲吞唔差但又無咩特別咁囉，可能佢話賣晒嗰d真係好好食呱，但睇食評見其他人話嗰d每日都只係得兩碗，所以如果想專登嚟食嘅都要諗諗先喇。

✨牛沙瓜河牛沙瓜 係牛既第四個胃每日大約只供應兩碗 非常珍貴口感似豬肚 但比豬肚有韌性更有咬口河粉 正常 湯 略有少少鹹總結：食物唔錯 有特別部位供應但供應量好少 所以想食一定要一早去另外唯一唔好既係 食完會有少少口渴環境 大排檔風味 講得係大排檔就唔好咁多要求其實都唔算好污糟 起碼枱枱櫈櫈都係乾淨 唔會黐笠笠服務唔錯 去過幾次都覺得店員好有善 好有人情味價錢合理 以中環計算抵食 但份量偏少其實而家用新鮮牛雜少之又少 淨係呢點都值得支持

牛雜，也算是一種不太健康的食物，但實在忍不住口，可能一兩個月都要食一次。中環食牛雜粉麵的地方實不多，知道這店好出名，所以突別去試。到達時是下年三時許，人不多，只有四，五個客。這店是中環的大排檔，在條窄行，小斜。路邊便放了 五，六張枱。我坐下便點了我最喜歡的牛雜湯麵，也是店其中最出名的名物。點後很快便上。牛雜當然好食，麵也非常爽口彈牙，煮得剛好。我想也是全港食湯麵其中最好食的一間。講牛雜面的質數可算是頂級非常好。因是在一小街的大排檔便實有大排檔的風味。食完便走，最好不要四處望，環境2/5, 因不是太清潔的地方，我也考盧是否應坐下去試！不過因這店是有名氣的店，所以便決定坐下快食。一碗牛雜麵也不平，要$41一碗。食麵好多時都會放醋，但這店是沒有供應的，有些可惜。

牛脆骨即系牛氣管，水記每日都系得兩三碗，牛脆骨有少少軟骨，帶有少少肉，口感脆軟冧冧地，以前老豆成日食煙，老媽子經想叫佢食，話補番吓條氣管，得吾得真系無人知。好多人都鐘意食爽腩，但我覺得瘦腩好食啲，吾會好多油，一咬落去肉質就分開，好有新鮮牛肉嘅鮮味，湯底依然清甜，相比日本拉面，40幾蚊碗面，份量十足，低食過好多茶記。今日都未算熱，都食到成身濕晒，相比上次冬天，真系有D難頂，大家襯未盛夏，快啲食多碗。

上次到訪為星期六,原來5開門所以揾日平日黎同行朋友睇咗篇報導話「水記」係香港現時烹煮新鮮牛雜為十多間其中一間佢曾試過灣仔鵝頸橋熟食市場間「九記牛什」,佢話冇乜特別今次要再試吓「水記」呢個大排檔feel 牛什可5可以勾起佢嘅童年回憶及味道呢？去到係11：15,已經開門兼有客人吃緊朋友吃牛什河$41我吃牛脆骨拼爽腩麵$47牛脆骨之前上網search 過係氣管部份碗爽腩, 8成只係普通牛腩😅第一次吃脆骨,感覺特別,係脆脆地,幼麵同樣出色,彈牙冇鹼水湯底略嫌鹹咗D, 感覺味精較重朋友碗牛什話麻麻地,佢話一試舊牛膀就知得5得份量略嫌少左D, 本身想叫多碗share ,但因為5覺得太好味,所以冇叫到...大排檔風味特別,同埋可以食到牛脆骨及牛沙瓜可以一試

很快眨眼間，幾個月冇去過中環水記了，趁著天氣還未很熱。今日下午三點幾便去到水記，這時已差不多賣晒嘢，原本想叫一個炸雲吞，可惜已賣晒了。唯有只叫了一碗牛雜麵，只需五分鐘便到了枱面。牛雜仍然很新鮮，但今次只了牛膀，而改用了兩片牛沙瓜取替。湯底仍然有芽菜伴著，十分清甜，麵底本身不太焾，分量不會很少。牛雜很夠焾，味道保持到水準今次食完後，相信要過了夏天才會再來啦！整體來說，十分滿足這的味道，唯獨欠缺一嚐這裡的炸雲吞。

之前已經見過人執牛雜, 牛雜在未處理前奇臭無比, 但處理過後卻是濃香軟滑, 真的很厲害. 原來全香港只有大約十多位處理牛雜的”執雜佬”, 水記老闆也是其中之一, 難怪它的牛雜處理得相當不錯, 鹵水汁完全滲入去之餘, 沒有令人討厭的內臟臭味, 口感比平時粉麵檔吃的滑, 濃香味突出.一碗牛雜河四十元, 以中環消費來說相宜, 看似細份但內裡有八至九件牛雜, 比一般的多, 河粉沒有糊化, 比一般的厚實, 掛上鹵水汁相當滋味. 小食的炸雲吞也很有趣, 用上鯪魚肉作內餡, 炸出來外內也相當酥脆, 我喜歡將它浸入湯汁, 如炸魚皮般另有一番滋味呢!

上午去到中環，專程去到吉士笠街嘅"水記"。上午時候不會太繁忙，今次想食脆骨和爽腩，可惜脆骨又賣晒了。唯一選擇只有爽腩麵啦！這是第一次才可食到的爽腩麵。"水記"的調味料是只得兩種，一係豉油，另一種係辣椒油。講番起爽腩麵的爽腩，的確很爽，怪不得次次食唔到。麵質依然係爽口彈牙，湯底很甜。跟著再點多一款例牌實叫的牛雜麵。牛雜仍然保持一定的水準，牛大腸及小腸肥膏不會太多，而且干淨和很焾。牛肚是草肚很入味。最喜歡食就係牛肺和牛膀，一碗內各只得一片，口感並不是一般的雪藏的口味，質感很軟滑。配合店裏的辣椒油，美味無窮。今次食完，相信要明年2021再去了。

平日12點鬆啲去到水記，已經要等位。可能天氣轉涼又再多咗人去👯‍♀️雖然唔係第一次食，但係每次睇個餐牌都要搞好耐，究竟邊個可以雙拼邊個唔可以，同埋有冇得嗌淨餸。好彩老闆娘都好耐心咁解釋俾我哋聽，冇嫌我地麻煩。最特別嘅牛沙瓜同牛脆骨已經賣晒，又試唔到..所以都係嗌左牛爽腩河，蔥花係另外用隻羹裝住，唔要嘅話可以叫佢哋拎走。第一步當然飲啖湯，充滿牛香味，正呀！牛爽腩分量足夠，肉質軟身，充滿牛香味，每塊嘅大小都差唔多，肥瘦啱啱好，唔會un。新鮮牛係唔同啲嘅。好想可以試到牛沙瓜同牛脆骨，不過可能要早啲嚟佢開舖先試到。

今日晏晝去咗中環水記 食晏晝， 水記係傳統嘅大排檔。 坐街上面嘅摺枱食，现在天氣刚刚 轉涼最啱就係食 (室外風情). 去到周邊已經聞到陣陣牛肉清香。去水記當然係食碗牛腩河。牛腩爽甜又可口又牛肉味，八分瘦兩分肥， 簡直係牛腩嘅極品。湯底清香， 感覺好似有少少味料但係食完唔口乾，主要原因我固佢用咗(芽菜)配合起個湯底有啲芽菜清香，因此唔會鹹。服務態度一流^事頭婆^好傾又有禮貌，謙虛有禮， 絕對唔會有其他傳統牛腩店嘅大支嘅感覺。如果要我講佢嘅唔好處只能夠講佢 係大排檔。 落雨嘅時間比較唔好坐。 如果佢能夠搬入舖頭一定會更加好

朋友說這裡牛雜好食，但係開檔時間非常短，一直冇機會來食，今日終於專程過嚟食。老實講，環境非常之差，比起其他大排檔都差，一邊食都唔敢周圍望，免得睇到唔想睇到嘅嘢，又一邊諗佢哋準備都係响呢度做，衞生環境真係不敢想像。講完環境，講食物，叫咗個沙瓜河，味道算不錯，但亦唔係我食過最好食嘅，但味精超勁，未行到皇后大道中已經口乾，好口渴，行到電車路，覺得心跳，我平時都食得下味精都未試過咁大反應。價錢方面，近六十蚊一碗大排檔河粉，有人覺得平，有人覺得貴，我覺得性價比唔高。服務態度，成家大细十幾人企晒係度，但係都冇乜人睬你，可能個個都係老闆，唔洗招呼啲客。總結：無下次。

水記，買少見少的本地產物，排檔。斜路，牛腩是買点。中環打卡点。其實他的牛雜也不錯。牛腸，我勁推介，点形容呢？淋？軟綿綿？油香？正？正到邊個点？疫情，2人一檯，仍是滿座。

由於已經半個月都沒有吃過牛腩麵，在網上見到這間大排檔的好評如潮，價錢又不貴，在中上環區來說，真是好抵食，起碼平過九記牛腩，份量又足。環境：在夏日炎炎，要坐在大排檔下，真是難以認受，而且四周不太乾淨，附近又有工程，再加上疫情嚴重，衛生環境不好，不建議坐在大排檔吃，外賣就好。服務：態度友善，速度快，很適合只有一小時午餐時間的上班一族。爽牛腩麵$41首先是我自己走了蔥花，因為本身不太喜歡，但牛腩不需要蔥花，已經充滿牛香味。不過我沒有喝到湯底，因為吃麵時已經覺得有點鹹，吃完整個麵之後就覺得好口渴，所以不清楚究竟是否有味精或只是湯底過鹹。除了湯底有點過火，牛腩是非常出色，第一份量足，肉質爽滑軟身而不貼牙，充分牛香味，每塊大小一致，切得很均勻，七分瘦三分肥，感到油脂平均，很美味。

叫了碗牛杂河走肠，有牛膀，牛胃，牛肺 - 全部都是食过最新鲜和最爽的，很难得牛膀是爽的。汤底真正如老板在YT所讲 - 无加味精，全天然。河粉都很爽，难得 - 通常其他店铺食到都是面粉河表现失色。真正高手，未食过的真的可以试试。下次会试试牛腩。