秋嵐日本料理

Open Now

Now Closed

天氣涼涼的最好去行山郊遊，是日從陽明山莊起步走到大風坳，晚餐就在最近的商場「東匯坊」覓食。【秋嵐日本料理】裝潢亮麗精緻，餐廳以木系為主調，中央柱子砌成大樹，甚有心思，就被吸引進去了。小店提供壽司剌身、燒物炸物、鍋物爐煓燒，並有多款定食可供選擇。想吃豪華一點，有日本直送原條鮮魚刺身。連最近日本熱店【牛舌の檸檬】超人氣的激厚烤牛舌也在餐牌上找得到。極味厚切牛舌&牛小排定食 附牛舌咖喱 ($178) 隨餐附上牛舌咖喱、茶碗蒸、沙律、麵豉湯、白飯和蕨餅甜點。還可加錢追加三文魚刺身、龍田炸雞、芝士年糕等小食及飲品，性價比很高。餐點賣相高檔精緻，牛舌及牛小排厚切放在圓木砧板上，非常吸晴。牛舌有四大塊，外皮烤得微微焦脆，內裡柔嫩多汁，擠些檸檬汁中和油膩感更添清爽。牛小排肉味濃郁，配合咖喱汁，不嗅米氣的我也乖乖吃完整碗飯。赤海老三文魚親子丼御膳 ($118) 大蝦鮮甜，三文魚厚切，新鮮肥美。米飯粒粒飽滿彈牙醋味溫和，混合晶瑩剔透的三文魚子，脆卜卜口感中爆發魚油甘香，叫人吃得滿足。芝士年糕 1粒 追加 (+$12) "茶碗蒸"非常滑溜，蛋香中帶鮮味。"芝士年糕"即叫即製熱辣辣奉上，吃下外皮薄脆，內裡年

👍🏻 極味厚切牛舌&牛小排定食🐮極味厚切牛舌&牛小排超好味 牛小排燒到啱啱好 食落口充滿油香 係高級牛肉味道❤️而牛舌非常厚切 餐廳用上日本大熱嘅牛舌檸檬 口感非常紮實但又不失柔嫩 係店內必點之一 值得大家一試！👍🏻 蔥碎吞拿魚腩丼御膳蔥碎吞拿魚腩非常新鮮 魚蓉鮮甜有油香 加上蔥碎調味 增加香氣及口感 令到成碗丼飯嘅味道更上一層樓😉 而且份量極多 堆到一座山咁高💕大滿足👍🏻 追加小食芝士年糕外脆內軟 食得出濃濃嘅芝士味 上面撒上砂糖 甜甜鹹鹹 好配合🧀 三文魚籽漬新鮮 脆卜卜嘅口感 搭配醋飯一流🥰注意事項⚠️- 定食包括了蒸蛋、麵豉湯、沙律、甜品 同時可以追加小食- 餐廳提供各種豐富嘅日本料理選擇 比大家係香港也能享受到道地的日本美食

很有人情味的日本餐廳💕先點了兩個午餐：極味厚切牛舌$148銀鱈魚西京燒御膳$168開飯前，來點新鮮的魚生😋藝術品一樣的擺盤👍🏻超級新鮮，尤其是帶子加上海膽真係一絕極味厚切牛舌$148特別醃製過的牛舌，味道濃郁甘香相當精緻的擺盤，配合三種醬料，加上咖喱汁，一共四個食法，完全滿足喜歡吃牛舌的朋友其中特別鍾意佢哋嘅秘製蒜汁，蒜汁可以將牛脷嘅油膩解咗，胃口大開之餘，而且提升牛脷嘅濃郁口感！非常有驚喜滿口都是油香最後將咖喱汁倒在白飯上，真係食到汁都撈埋最好可以加多一碗白飯銀鱈魚西京燒御膳$168銀鱈魚的魚油甘香，燒得剛剛好。擺盤好靚💓櫻花盒中的是蕨餅餐廳佈置得很有心思，座位也舒適寬敞👍🏻很喜歡他們貼的海報，可以睇得出餐廳用了很多心機在佈置，而廚師亦都好認真製作食物年頭亦都同男朋友幫襯過一次，佢哋嘅刺身擺盤好似藝術品一樣，而且相當新鮮，廚師嘅刀工亦都一流

東匯坊商場經歷世紀黑雨後逐漸恢復正常，損失最大嘅應該都係食肆，睇見所有傢俬都要重新換過哂，身為秋嵐嘅常客見到社交媒體網站話重新開業一定要嚟支持下今次試左佢哋嘅新產品（極味牛舌拼牛小排）當然無令到我失望，牛舌燒到表面十分香口，但係依然可以保持肉內鮮嫩粉紅色，佢仲有3款五同口味嘅調味料提供因應自己喜好享用，另外牛小排牛味極濃，好好味，我另外追加左三文魚籽飯，成個餐出到嚟第一時間就係影相打卡，因為實在太吸睛，下次一定會再嚟食

係鰂漁涌的隱蔽地方度，所以好清靜。入面都唔算好多客，可能唔近地鐵站，都係坐街坊生意。同埋有少少難找到店的位置。不過去一兩次就OK。人少的關係坐得好舒服。叫左個廚師發版刺身飯同蟹蓋飯。2百到蚊啦。上菜都等左好耐，可能小店關係。不過算啦，環境舒服，傾住計都好好。 服務也好好，成日過黎添茶。但也不會打擾客人嘅傾計。刺身飯都ok，算新鮮。都有點份量。係海膽霉左少少，可能無咁新鮮。可以同佢講你唔鐘意什麼魚，佢就換其他野比你。有湯有蒸蛋之後都有小甜品。

今日同同事黎食lunch，雖然無一早book，但預早打電話黎，店員話1點可以俾位，所以就黎食。黎到等左15分鐘都未有，加上我哋同行有孕婦，其實真係接受唔到😅我哋再問店員嘅時候，佢話就快，但係見到佢同事仍然繼續斟茶俾個台客人，所以其實我哋都有少少唔滿意🥲食物黎講，速度真係上菜上得好慢。佢個位置雖然係普通商場，但係佢想將個服務做到好似omakase 咁🤔食物質素係OK嘅、好食嘅，價錢亦都唔係話好貴👌🏻👍🏻主要店員方面，服務態度一般。如果佢哋可以再幫忙多啲，成個感覺就會更好🙈

Lunch嚟試咗個豚肉生薑燒完全食得返當年外地嘅味道！一上枱已經好香！份量好足！我鍾意佢洋蔥有粗有幼粗嘅夠甜，幼嘅索晒汁好味！連旁邊嘅沙律菜都好比貨有配湯同茶碗蒸$88呢個質素💯食完先知有甜品少少一口滿足嘅完結☺️待應都好貼心添茶👍🏻

裝潢典雅，營造出寧靜的氛圍。舒適的座位和柔和的燈光使整個用餐體驗更加愜意。服務員有禮且專業，提供了令人滿意的服務。菜式評價：秋嵐的菜單上提供了多款精緻的日本料理。其中一道令人驚豔的菜式是松葉蟹肉蟹膏竹炭多士。這道菜以新鮮的松葉蟹肉和蟹膏為主要食材，搭配竹炭多士，味道香脆，令人回味無窮。另一道推薦的菜式是秋嵐八品刺身拼盤。這道拼盤包含了各種鮮美的生魚片，如鮪魚、三文魚和鰻魚等。每一片魚都鮮嫩多汁，展現出日本料理的精髓。最後，我點了松葉蟹盛丼御膳。這道料理以大塊的松葉蟹肉為主，搭配上白飯和其他配料，味道鮮美。每一口都能感受到蟹肉的鮮甜和米飯的口感。

係附近返工去食lunch Lunch 係多人我都知一黎帶我去坐勁逼嘅bar 檯檯面有人地用完嘅湯碗推左過黎都唔收叫我直接坐落去-叫左個定食主食等左半個鐘先黎個茶碗蒸更加係唔見左影-到我要走果陣追問侍應幾時有茶碗蒸？個侍應答我: 蒸緊，有排-🤯？真心燥左或者呢間餐廳係唔care 客人心情？😐成個鐘都出唔到個茶碗蒸最後無等茶碗蒸就走左-結論：貴又唔好食服務態度差坐得唔舒服上菜慢-(另外一件小事，bar 檯迫到侍應拉櫈都撞到我隻手，不過知佢係唔小心就算了)

平時很少去鰂魚涌, 一次約了朋友到附近，機緣巧合下發現了這間日本居酒屋🤩環境坐得舒服，也沒有限時，是朋友聚的好地方，沒有想到的是食物也很高質🤤❤️強烈推薦鹽燒牛舌👍🏻向來喜愛薄切，因為怕厚切容易靭，所以上菜時看到厚切都有點保留….但一入口，牛舌很滑，入口Juicy，看得出師傅在醃料上下了功夫，不會死鹹，燒得香口令人想encore🤭❤️魚生也很新鮮👏🏻本來不太好魚生，怕有腥味，或不新鮮，但朋友堅持想食，只好陪君子😬好彩朋友有堅持，北海道海膽極鮮甜，鯛魚片爽滑，切得厚薄均勻，最後我變相由幫忙吃到keep着夾🤣之後我們才發現同場的好幾枱也點了刺身拼盤，一枱更點了一座金目鯛，聽到老闆好詳細向客人介紹有幾種食法，又薄片又厚切，甚麼夾明太子和汁煮…..我和朋友都情不自禁望了望。下次再黎要試下😌❤️最愛火炙壽司🍣燒得金黃，有焦香也有鹽香味，魚香肉滑，一口吃掉一整件。本身都愛火炙，所以一開始都點了幾件給自己🤗不過因為師傅即做即燒，聽說繁忙時間都要耐d，幸好我們一早已下單，可以邊食其他野邊等😌想不到少來鰂魚涌的我們今次會找到個好地方😚下次會再黎，對牛舌仍是念念不忘🤣

今次要推薦嘅呢間日本餐廳位於鰂魚涌東匯坊地牢最盡頭位置，未去過嘅朋友未必會知道原來下面有野食，而且都真係比較難搵，不過係附近做嘢嘅我當然行到熟曬啦，記得幾年前秋嵐開嘅時候都經常會幫襯，一個星期最少會同同事嚟一次，雖然有時會等得耐小小，不過食物質素同性價比絕對係同區數一數二，不過之後疫情嚴重我都多左叫外賣同小左外出食飯，直到最近隨住疫情慢慢散去，我哋都多返出去食嘢，朋友講開先醒起秋嵐，今次再幫襯，多左新菜式，呢度嘅魚生飯係必點，仲有而家嘅質素係勝過之前，同事都係咁講極上北海道魚生丼⭐️⭐️⭐️⭐️⭐️三文魚算大塊，海膽鮮甜，其他都新鮮好食，最緊要個飯底味道調得幾好安格斯牛小排松葉蟹丼（個名太長五係好記得😆）⭐️⭐️⭐️⭐️⭐️牛小排燒得啱啱好，幾淋五會硬，配撘松葉蟹肉蟹糕估五到原來係咁夾，推薦下次會再嚟試下其他新野

秋嵐係間我幾鍾意，都經常去食嘅日式餐廳，餐廳裝修佈置同喺日本嘅餐廳好似，光猛乾淨闊落，座位舒適豚肉生薑燒飯-豚肉份量好足，豚肉煮得滑好好咬，洋蔥炒得好甜，調味剛剛好，熱辣辣食好滋味秋嵐便當-好足料同抵食，食材高質，魚生好新鮮，魚皮煎得好脆，肉實淨，茶碗蒸好滑，白飯粒粒分明推介大家嚟試，應該唔會令大家失望

由餐廳初初開業就開始幫襯，一開始質素真係好唔錯，可惜品質同服務都每況愈下🥲越嚟越退步。。同款嘅湯冇咩味，蒸蛋又老咗啲朋友點左豚肉御膳，啲豚肉又乾又鞋😓最失望嘅係想食壽司但話人手不足，冇得叫🤷🏻‍♀️三色魚生丼嘅魚生都唔算特別好新鮮，但好彩唔腥，帆立貝未完全解凍𝐋𝐮𝐧𝐜𝐡 𝐬𝐞𝐭 ▪️三色魚生丼御膳(三文魚，油甘魚，帆立貝) $108♡好味指數 🌕🌕🌘🌑🌑✔︎性價比🌕🌕🌘🌑🌑✔︎環境服務🌕🌕🌗🌑🌑✔︎打卡指數🌕🌕🌕🌑🌑✔︎推介指數🌕🌕🌘🌑🌑✔︎回頭指數 🌕🌕🌘🌑🌑

今日夜晚喺太古睇missing 所以搵左呢間喺鰂魚涌嘅餐廳 近近地✨北海道魚生丼御膳 $138蝦 三文魚 三文魚籽都算新鮮幾好味 海膽有少少甜味 但係帆立貝勁奇怪 口感唔同平時嗰啲 好似有少少煮熟左嘅咁🙈🙈 ✨牛肉壽喜燒御膳鍋 $138牛肉唔算好嫩 牛味ok 唔算十分香濃 都有好似四五塊 份量合理 菜好甜👍 豆腐都好滑👍👍總括黎講咁嘅價錢有咁嘅質素都算ok 嘅 🤔 環境舒適 好闊落 有提供茶味道❤️❤️❤️💔抵食❤️❤️❤️💔服務❤️❤️❤️💔環境❤️❤️❤️💔💰晚餐人均～$150(收+1)

位於鰂魚涌的東匯坊是一個小型商場，翻新過後好像開了不少餐廳!?環境清幽的居酒屋 - 秋嵐日本料理便是其中一間這裡會有晚市定食、壽司刺身，串燒、鍋物等，看餐牌的照片都幾吸引的喔！坐得很舒適外，亦很適合和朋友在這裡聊天。大概是沒有限時？吃完後沒有被趕。我們點了兩個定食，定食會包括 蒸蛋 和 麵豉湯。蒸蛋的調味不錯，質感也算滑，不過份量有點少；湯就正正常常吧特選壽司8貫御膳 ($168) 配一碗麵質爽口彈牙的烏冬。8件的壽司都是魚類的，但有些不太看得出是哪款魚，如果會介紹一下更好!?入口軟綿的吞拿魚蓉軍艦和亂入在"魚"壽司的帆立貝也很不錯。整體都很鮮美，而且這裡的壽司飯有做調味，能吃得出不是Hea做的貨色。本來是想吃牛肉涮涮鍋，但原來那是季節限定。所以就轉成點 牛肉壽喜鍋御膳 ($138) 會配一碗白飯。味道濃厚的壽喜燒甜甜的還有一隻蛋，拌勻好撈飯吃，惹味十足。牛肉肥美得來是帶點筋那種，牛味濃就頗有嚼勁囉我們還點了些串燒，牛的話好像只有 鹽燒牛舌 ($98/2串)外層有點焦香，內裡則軟嫩有彈性且都幾大塊啊，肉汁入口四溢。喜歡可以加點檸檬汁來配搭食用，讓口感變得清爽喔汁燒廣島蠔 ($48/2串