四姐川菜

Open Now

Now Closed

今日同媽咪去咗灣仔一間四川菜館食晚飯-四姐川菜。其實我就唔係好食得辣，不過見媽咪想食就去陪佢試下。去到鋪頭，佢格局係私房菜餐廳格局，都幾舒服，同埋我地到果時餐廳都坐滿人，但大家傾計都唔覺好似茶樓咁嘈。孝順嘅我梗係俾媽咪發版，叫咗個2人餐，有2個涼菜:蒜泥白肉,蒜茸肚絲。加3個熱菜:泡椒田雞，干焗鱔魚片，川式鹽酥蝦。因為我嘅原因，媽咪就叫昨小辣俾我。初初以為會好辣，點知第一味蒜泥白肉黎到，又出奇地完全食到，個蒜味都好濃。第二味蒜茸肚絲呢個就唔辣嘅，d肚絲好黏韌口感好好。到第3.4味嘅泡椒田雞同川式鹽酥蝦，田雞都好嫩仲有小小瓜伴，味道辣辣地幾好食。而我最鐘意就係個蝦，真係好似即叫即炒咁，好熱辣辣，好好脆，我呢d懶人蝦殻都食埋，唔洗剝蝦，真係太好喇！最後嘅鱔，我冇食過黃膳，原來係咁嘅味，同d辣椒炒埋一齊好野味好香。最估唔到原來有個菜餸。食唔到辣都食到同都覺得好食，真係值得下次再去！

呢間四川私房菜係喺灣仔既一個大廈既樓上鋪，如果唔係朋友介紹都搵唔到呢間咁正宗既四川菜。佢晚市既收費係按人頭計算，每位$340，如果兩位既話就可以揀兩款涼菜同埋三款熱菜，如果多人啲可以揀既菜就越多。涼菜方面，我同朋友揀左招牌四川涼麵同埋夫妻肺片。四川涼麵都幾大份，上菜後，可以自己將啲醬料同麵撈埋，由於我朋友唔太食辣，所以我地冇撈哂全部醬，個辣度對於我地黎講岩岩好。夫妻肺片亦都好正宗，同喺四川食過既味道一模一樣。熱菜方面，我地點左招牌重慶水煮魚、香辣魷魚蝦同埋糖醋里脊。重慶水煮魚真係好正，落左好多配料，水煮魚好嫩滑，入面左有好煙韌既薯粉。香辣魷魚蝦係將蝦同魷魚炸左再煮，脆到連蝦殼都可以就咁食架。糖醋里脊呢個家常菜亦都整得好好。餐廳亦都會附送一碟鮮嫩既炒油麥菜。

香港最近多左好多四川、重慶既辣菜，不過正唔正宗就唔知，最近留意到呢間四姐私房川菜，就決定去試下，雖然我唔算好食得辣，不過我都好中意麻麻辣辣既感覺！我就先叫左個紅油豬耳，呢個係涼盤，雪過既豬耳爽爽脆脆，紅油既辣味好入味，凍凍辣辣配合住，有冰火兩重天既感覺 哈哈！招牌重慶水煮魚，用上龍利柳，魚肉好鮮嫩，辣汁滲哂落魚肉，入口好刺激，好好味！仲有薯粉，薯粉qq彈彈 入哂味，雖然好辣但停唔到口愈食愈過隱！仲叫左個田雞，田雞肥美嫩滑，辣得黎好香！呢間私房菜菜式正宗，辣得黎有層次，十分正啊。

鐘意食辣既我， 又係食川菜既時候！ 朋友介紹通常名字越直接，食物就越正宗到位。「川菜四姐」可能是史上最直接既名啦卦加上間唔中都北上搵辣野食既我， 有辣伴介紹呢間，所以四姐個鋪面咁難認都識來，哈哈（覺得自己好專家、咁都搵到）店外既鋪面真心講， 唔食過私房菜都真係以為去錯既。 商廈大門加鋪面無招牌....好在隱約見到餐牌先知，可想而知我真係好專誠黎。 希望食到好野田四姐親自幫我們撈面呢個招牌魚真心大叫好好好味。 麻香，辣道比例非常好。 啲魚我估係用鯰魚， 因為個嫩滑感好好～ 一啖咬落舊魚到 先有一個「川味正宗」四個字出左黎。 魚入到味，加上滑。 再加個辣道有少少刺激。成件事是好享受。 唔好話我本身愛食魚。 就連我老公 唔好係食得辣都話， 食完個舊又想食第二舊咁話人情味所在。見我們無叫菜。四姐送碟清炒油麥菜配比我地。 好溫馨

之前有朋友介紹四姐川菜唔錯，於是就打去book試下灣仔呢間。去到樓下水牌係無1/F，唯有直接搭lift按1/F。出lift門口狀態係咁以為自己去錯左人地後欄，點知右邊木門真係大門口，果然夠隠由於book左入到去就有枱，地方唔係好大七八張枱，另一邊有包間。睇到鄰坐食客都似係附係返工嘅內地人，樓面就係得四姐一個（點解我會知，因為坐左陣咁啱有兩個內地人黎，一入就同四姐打招呼，明顯熟客）講返menu,主要按人頭$340一個，2-3人就2個涼菜，2人就3個熱食，3人就4個熱食。按下圖左下角如此類推。咁我就叫左招牌拌麵同口水雞，熱食當然點都加個水煮魚，再加個糖醋里脊同泡椒肥腸。口水雞一黎狀態就係咁招牌拌麵有四姐親自幫手水煮魚肉超嫩滑，又無骨，一煲絕對多魚肉，對得起價錢。里脊肉會比較結實肥腸腸味好濃送清菜一碟整體都好好食，由於招牌拌麵同水煮魚，必點。口水雞有d失望，不過都唔錯。而且環境舒服唔噥，遲下會再去食試下其他涼菜

M先生以前在附近上學，都知道有間挺有名的川式私房菜，在附近逛完街就特地來吃，果然沒有失望！每人HKD 340，二人的話就有2款涼菜+3款熱菜，我們是點小辣的。酸菜魚湯酸菜湯好濃味，酸菜份量十足，第一口可能不辣，但慢慢滲出辣味，加上無骨魚肉好滑，還有少許粉絲在裡面，根本是一口接一口，又酸又辣，辣得過癮，但又很好吃！蒜泥白肉可能會問，為什麼跟一般的蒜泥白肉不太一樣，但我想說他比其他的還要好吃！白肉薄切而且不肥，肉質爽口，辣油香又附上白肉，令白肉更香口，而且餐廳把蒜切得超細，吃完其實口裡一陣陣蒜頭味，真的超香！蒜茸肚絲肚絲其實是豬肚，口感彈牙，加上蔥花、麻油，是其中一款不辣的涼菜，味道不會太濃，同樣是吃不停呵呵。川式宮保雞丁裡面有花生、肉粒、辣椒、菜圃、蒜和蔥，口感很豐富，但一不小心吃到了花椒八角哈哈。糖醋里脊酸酸甜甜很開胃，里脊沒有肥肉，一條一條形狀也不會太大條，非常容易吃。蒜蓉油麥菜所有套餐都會送上油麥菜，油麥菜煮得很林，而且很香蒜蓉味，連不喜歡油麥菜的M先生都讚煮得好吃，一下子就吃清光。下次來的話很想試一下他們的口水肚和水煮肉片那些。

鍋巴酥脆，口味味醇鮮香，咸鮮微辣。有魷魚、豬肉、雲耳, 蘿蔔, 鍋巴口感獨特，鮮香酥脆，味道清淡，回味綿長，水煮魚, 由魚柳、豆芽、辣椒等食材製作而成。油而不膩、肉質口感滑嫩，油而不膩；滿目的辣椒紅亮養眼，辣而不燥，麻而不苦油麥菜, 色澤淡綠、質地脆嫩，口感極為鮮嫩、清香川式椒鹽蝦, 蝦子用炸的真的太好吃了，切開一半, 方便進食, 連我這個最討厭剝蝦殼的人都被征服。看起來仍是晶瑩剔透，咬下去是清脆的口感，非常彈牙蒜泥白肉 那層層肥瘦相間的口感，切著薄片的白肉看起來晶瑩剃透、鮮嫩不材帶著Q彈。

今日灣仔會展個show last day, 收工約同事去食飯慶祝, 試左間新嘅川菜館.上網search嘅時候覺得佢個餐牌有啲貴㗎, 要HKD340/人, 不過辛苦咗咁多日,慰勞下自己都要嘅.我哋兩個都好辣, 所以全部點曬辣嘢~涼菜可以揀兩個, 我揀重慶口水雞, 同事就揀五香滷牛肉熱菜三樣, 我哋揀咗鍋巴回鍋肉, 紅燒牛肉, 同埋香辣魷魚蝦重慶口水雞好好味~已經點咗大辣, 但係都唔係好辣.我最欣賞佢個辣椒油加豆豉, 好惹味, D雞又夠滑五香滷牛肉我哋都係點大辣, 佢原來係牛肉薄片上, 跟五香辣椒粉, 自己點牛肉本身吾辣, 薄片, 唔乾, 唔韌, 就咁食都OK鍋巴回鍋肉同平時食開嘅都幾唔同喎, 唔知係咪因為係川菜, 煮法同上海菜吾同.比較少汁, 回鍋肉亦都比較乾身, 但煙煙韌韌幾好咬同夠惹味.可能都係因為汁少, 所以D啲鍋巴好脆, 整體嚟講都係好好味.紅燒牛肉都同平日食開嗰啲好唔同, 加咗蒿筍落去炒.萵筍好爽甜, 牛肉夠林, 芡汁有啲麻辣, 好夾全晚重頭戲我覺得真係呢個香辣魷魚蝦啦。見到啲辣椒乾真係好興奮, 急不及待夾左幾粒入口, 啲辣椒乾好乾脆, 勁好味!蝦殼炸到好脆, 脆到我連蝦頭都食

小妹雖然唔係幾食得辣，但就好鍾意川菜嗰種又麻又辣嘅刺激感。今日搵咗一間是私房嘅川菜食，希望過下口癮。餐廳位於灣仔一棟商業大廈入面，位置頗偏。menu方面有分涼菜同熱菜，選擇都幾多下。今日就得我同朋友兩個人嚟，$340可以食到兩個涼菜三個熱菜。好彩有得揀辣度，由於自己唔係好食得辣，所以全部餸都叫咗小辣。👉🏻紅油豬耳紅油唔算好多所以感覺唔係好肥膩，豬耳幾爽👉🏻招牌四川涼麵冇諗過咁大碟，最後食唔哂要打包。麵條幼細彈牙爽口，有大量麻辣醬，辣得好過癮。👉🏻辣子雞軟骨用咗幾款辣椒、花椒、八角、葱炒成。雞軟骨炸到好香脆，麻香好重，好食到停不了口。👉🏻招牌重慶水煮魚果然係招牌，同喺大陸食嘅差唔多水準。雖然睇落好紅，但其實唔係好辣。魚肉軟熟細滑冇骨，食落好方便。下面原來仲有闊薯粉同大豆芽。👉🏻青椒土豆絲叫咗個唔辣嘅菜中和下。雖然土豆絲算係普通野，但整得幾爽脆，切得幾幼細。👉🏻加送嘅小菜雖然有點油，但炒得好有鑊氣。今餐非常豐盛，食到好滿足，係香港少有食過好食嘅川菜。

聖誕節前夕，同嗜辣姐妹放工去左灣仔四姐川菜。上到見到覺得有點似私房菜格局，我地6點半上到去，當時客人唔多，食到8點幾，都未滿座，所以環境都算靜，唔似一般中菜廳嘈到不得了，可以邊食邊傾計。呢度原來係按人頭計，來決定你可以點幾多菜，都計得幾準，我地2個人，每位340，可以點2個涼菜3個熱菜，飲品另計，飯等主食另計。食川菜少不了口水雞，同埋蒜泥白肉(麻辣既)， 我好鍾意個蒜泥白肉，惹味稔熟，味道開胃，令人忍唔住夾完一塊又一塊!至於口水雞呢，有點普通，可能係雞件骨大，而懶惰既我喜歡食肉!熱盤就揀左川式椒鹽蝦，香口唔油，脆卜卜，可以連殼食，營養豐富! 重點係泡椒鴨血，香港好難食到真鴨血，辣度(小辣)適中，鴨血真係甘香又滑口，唔同一般豬紅雞血咁「鞋」口。仲有就係干煸牛肉，牛肉切絲，干身有咬口，微辣，送飯好選擇!原來仲有蒜蓉唐生菜送，炒得香，唔老!

灣仔其實有好多川菜館，四姐川菜係樓上舖，所以比較無乜人知。今次係聽朋友極力推薦，所以去試。當晚有三檯都係國語人似係熟客仔，睇得出味道應該相當正宗。點菜方式唔係逐個餸嗌，而係入場費統一計算，按人頭數嗌幾多道菜，兩個人可以嗌兩款涼菜、三道熱葷。前菜嗌佐招牌涼拌麵同口水雞。涼拌麵以葱、蒜、麻辣等作為主味，醬汁出奇地濃郁，老闆娘會親自幫你撈埋，夠哂細心，必食推介。口水雞味道惹味，不會過度麻辣，推介。熱葷嗌佐川式椒鹽蝦、糖醋里脊同酸菜魚。椒鹽蝦上檯金黃色，煮得非常脆口，食落好似有少少鹹蛋味，蝦肉彈牙新鮮，連殼食都無問題。糖醋里脊咬落脆身，醬汁酸酸甜甜濃度適中，食落好開胃。酸菜魚係無骨魚，肉質好嫩滑，食落有少少辣，極多酸菜，好好味值得推介！雖然價錢可能比坊間川菜貴少少，但味道絕對正宗，而且份量多，係我食過最好食的川菜！

近排天氣開始寒冷，好想整天窩在被窩中。不過難得工作狂男朋友可以唔駛OT, 我還是願意鑽出被窩，同佢食飯撐台腳的。我倆好想吃一些麻辣野！昨晚看電視介紹水煮肉片、絕對是心水選擇！又熱又辣又香又惹味，寒氣一掃而空。-我地叫左兩款涼菜、三款熱菜每款都好色香味俱全呢♥️蒜泥白肉以前在外婆家，一星期有兩三天總會吃到這款拿手小菜。從前總是以為蒜泥白肉就是把豬肉煮熟而已，沒想到看似簡單平凡的一道料理其實也藏著不少的學問。這份涼菜，豬肉片肥瘦適中，片片白皙又沒有騷味，配合小辣的醬汁很惹味！-♥️青椒皮蛋青椒碎粒的清脆爽口配上皮蛋的獨特的香氣，吃上一口鮮咸可口。而且還加了蒜粒，味道濃郁。-♥️水煮肉片水煮肉片係四川一道有代表性既川菜之一，此道菜湯紅油亮、麻辣鮮香，而且肉片滑嫩。而且還有爽口芽菜當配菜。-♥️酸菜魚四川的酸菜魚重口味得來不太辣，味帶鹹酸香鮮，辣椒和花椒隱隱帶出香氣。餐廳用來煮酸菜魚的酸菜亦講究，色澤較深即醃得較透徹，煮酸菜魚湯時味道會又濃又香；魚片白滑啖啖肉，一道挺開胃的菜餚。還配上彈牙粉絲呢👍🏻-♥️重慶泉水雞用料獨特、麻辣味足、雞肉剁成小塊，肉質鮮嫩。-餐廳還奉上一碟蒜蓉炒油麥菜-食完個人暖笠笠好

今晚同一位朋友二人晚餐，太長時間沒有見面了，知道朋友想試一間位於灣仔銅鑼灣附近的私房菜，所以一早便預約了這個晚上試試這家四姐私房菜。二人的份量原來也不少，這裡是收人頭費的，二人量兩份前菜加三份熱盤，另外最後會送一份油麥菜。重慶口水雞第一份上枱的是重慶口水雞，肉質還可以，鮮嫩肥美，呢個辣度我個人覺得還可以，辣油同醬汁完美混和在肉質之中，作為一個前菜，非常開胃。紅油豬耳另外一份涼菜前菜是紅油豬耳，這裡的紅油豬耳跟外面的非常不一樣，平常吃到的豬耳都是整塊爽脆，而四姐的紅油豬耳則軟骨位置脆脆的，皮的部分還好。味道絕對不錯，香香辣辣，個人覺得喜歡吃辣的人一定非常喜歡。川式椒鹽蝦熱菜第一份上的是川式椒鹽蝦，之前有看過食評，很多人都推介這款川式椒鹽蝦，個人覺得整個晚上最好味是這個熱菜，我和朋友都連同蝦殼(極脆)一起吃，裡面有蝦膏，非常好吃。泡椒牛毛肚另一款熱菜朋友想試，泡椒牛毛肚我個人覺得普通，可能因為我個人對牛並沒有太大的喜愛，但朋友則對這個熱菜讚不絕口，不斷話好味好味！酸菜魚點酸菜魚之前，我剛好看到旁邊的客人在吃水煮魚，水煮魚味道好香，可是我覺得太多紅油類了，所以決定點酸菜魚。我個人覺得酸菜魚好

之前食過銅鑼灣嗰間四姐川菜兩次，覺得又抵食又好食，知佢嚮灣仔開左分店，前兩日收工夜就去食個晚飯。灣仔分店位置有點特別，樓下完全無廣告牌或者水牌，都有d驚去錯，要睇清楚個地址，佢嚮安邦商業大廈一樓全層。灣仔分店同銅鑼灣店都一樣，以人頭計，一個價錢包曬，$340一位包曬茶水白飯餸菜同加一，我地兩個人去食，以兩人計就有兩碟涼菜同三個熱菜選擇。招牌四川涼麵每次都食既涼麵，佢夠大碟，麵質彈牙有咬口，而佢既辣椒醬唔算辣，只係野味，唔食辣既人都啱食。重慶口水雞尼個口水雞比之前過感覺細碟左，同埋可能我晏去，所以雞既部位有d散，但味道仍然好味。酸菜魚我地唔食得太辣，所以點左酸菜魚代替水煮魚，魚肉非常嫩滑又無骨，而酸菜味唔太酸但會輕微過咸，d湯汁就唔可以飲太多。糖醋里脊尼個甜酸里脊肉十分推介，將肉切成條狀，易入口又可以沾曬d糖醋汁，絕對増加食欲。川式宮保雞丁尼個宮保雞丁絕對有四川風味，比起一般酒樓食為辣，但非常野味，攞離送飯食一灣，套餐已包白飯，所以食多兩碗白飯都得。另外仲會送一碟蒜蓉炒菜，清清地中和一下辣味，抵食又好味。整體離講灣仔分店都有同樣水準，以敢既價錢有敢足料既份量同質素，確實唔錯。

川菜黎講，今日係食左好好食既川菜。吸引之處：1. 餐廳闊，空間大，坐得舒服。2. 氣氛給人隨意寫意既感覺，食飯食得輕鬆自在。3. 味道可以按返個人喜好選擇小中大辣。4. 四川涼麵。味道有輕微既麻味。食到好開胃。涼麵清爽彈牙既口感同輕微麻辣味混合一齊，個味道係令人想越食越多。5. 重慶口水雞。同平時食既味道唔同。呢個口水雞既香料味道重啲，香啲。係食過最正宗既口水雞。味道好食過出邊普通既口水雞。6. 酸菜魚。酸菜既味道好吸引。又係一道越食越想食既菜。魚肉煮得超級滑。味道唔辣，所以可以食好多好多，整得真係高質。7. 糖醋里脊。豬肉炸左好香。口感脆同爽。加埋酸甜汁。口感有層次。8. 三鮮鍋巴。第一次食呢個川菜。炸左既米通點汁，加埋菜一齊食。米通香脆，當個汁整到米通有少少霖時，口感好好。吸左汁既米通特別甜。入邊有魷魚，餐肉，菜。口感好豐富。9. 清炒時菜可以解一解辣，黎得及時。普通清炒菜都咁好味。呢間既小菜真係整得唔錯，高質數。10. 飲杯茶慢慢食咁多既小菜，滿足又溫馨。整體黎講係我食過最好味既川菜。