四姐川菜

Open Now

Now Closed

今晚約左朋友去灣仔食四姐川菜，川菜味道建基於辣！見到相好吸引 流哂口水想食好耐 今晚一圓夢想340每位 我同朋友一共2人餐牌建議2-3人 可選3款熱菜 2款涼菜我地細細商量 最終定案係唔食辣唔得辣分為小，中，大辣。我地全選小辣，我地雖中意辣，但太辣又無辦法食招牌重慶水煮魚，好大盤，魚嘅份量好多，鮮嫩水煮魚浸係紅當當嘅辣椒汁，額外醒目，吸引目光，魚肉好滑，啖啖肉，無骨特別爽，專心嚐辣，魚下面有豆芽同涼皮， 煙煙韌韌，口感一流，索滿辣汁，又麻又香，食過番層味！另一碟辣菜式係重慶辣子雞，雞粒係炸過嘅，所以超脆，比干辣椒包圍住，比水煮魚更加辣，真心好好味！有辣有唔辣，川式椒鹽蝦巨好味 唔知點形容 我至愛連蝦殼都係脆嘅 可以連殼食 可以食到粒粒椒鹽 咸味岩好 就咁食 唔配飯食都食到至於冷菜！青椒皮蛋，個汁好正，同皮蛋好夾蒜泥白肉 同樣無得彈小辣多滋味 呢味唔夠2個熱菜咁辣，另一種辣 超香 勁好味小菜送嘅！都好好味白飯一碗每一個菜色咁好唔錯 樣樣讚 樣樣推介一定會去再食 菜式質量真係物超所值！

係灣仔附近好想食川菜，係openrice search到四姐川菜，見咁多好評決定試下🙈地址雖然距離地鐵站有啲遠，但係都好易搵😚上到去都已經差唔多滿座，呢到個食法幾特別，佢係計人頭收費，$340/位，我地total 2個人，所以可以叫2個涼菜，3個熱菜☺️涼菜我地叫左招牌四川涼麵同蒜泥白肉。涼麵帶小小酸，所以辣得黎好開胃😍份量好足！另外仲叫左蒜泥白肉，食親川菜我都一定要叫😂白肉厚度同肥瘦都啱啱好，如果再多小小蒜的話更perfect!!熱菜方面，當然唔小得酸菜魚啦🙈魚肉份量好夠，啖啖肉好滿足！另外，仲叫左辣子雞軟骨！辣子雞就試得多，辣子雞軟骨就真係第一次😂不過好夾好好味，下次一定會再叫！最後就係全晚我最喜歡的川式椒鹽蝦，非常惹味，食唔停口！蝦肉都好爽口好新鮮！😋另外餐廳仲好好，送左個蒜蓉炒菜比我地2個人可以食到咁多菜式，好豐富，肚皮超滿足🙈

多得身邊朋友介紹，令我一次又一次嚐試到一些隱世私房美食。 私房菜特色就是沒有作出宣傳，但仍然是客似雲來。 很多食客只要來食過，就會被它用心機烹調方法及深層次味道吸引著，就不其然把它分享給身邊好友。自選套餐，跟用餐人數來選擇小食及主菜數量，菜式選擇配搭種類也多。 重慶口水雞用上花辣丶豆鼓丶乾椒丶辣油，加上芹菜丶香蔥材料。 要味道調得準及辣油泡得香，雞浸熟後再浸冰水冷縮，令雞皮下產生薄薄透明膠原層。 在多重工序下，才就烹煮出這帶層次感美味口水雞。四川香腸每片也包含瘦肉丶白色肥肉及透明肥脂。 一小片放入口中嘴嚼，煙燻香味配上油脂香，佐酒一流。酸菜魚最愛這道酸菜魚，真的好考廚功一道菜，因為魚肉從鑊中泡煮，到放入砵中，魚肉仍然浸在滾熱酸菜湯汁中。 如果時間控制不好，魚肉過熟就會收緊，達不到這樣入口嫩滑質感。辣子肥腸已把多餘肥膏去掉，只剩下皮下一層薄油脂。 經過泡油乾炒，令每塊豬大腸表皮形成薄脆。 先嘗到外層辣子辛辣味，跟著表皮層薄脆，繼而嚐到已爆香薄油脂。鍋粑回鍋肉炒至豬腩肉片肥脂層脆，瘦肉層仍嫩。 其他配料也炒得十分乾爽，鍋粑才可保持香脆。蒜茸油麥菜削走菜莖硬表層，令到油麥菜

今晚約舊同學喺灣仔食飯，傾起想食辣嘢，於是search openrice search 倒四姐川菜。 內部裝修環境都幾市正干淨。睇菜單已經有寫好2 人揀2個涼菜2個熱菜。選擇都唔少，唔食得辣人都有好多選擇。蒜泥白肉，唔錯，不過蒜蓉可以落多啲。涼伴木耳，落咁啲醋好開胃，份量都夠。川式椒鹽蝦，炸得好金黃色，好香口，鐘意食海鮮既我唔洗諗就揀咗呢個餸。酸辣土豆絲，聽個名就知佢係開胃餸。成餐飯一邊傾計一邊不知覺咁狂夾呢碟餸，好食👍🏻👍🏻👍🏻講到黎食川菜，當然要點招牌重慶水煮魚！我地初次試呢間既水煮嘢就點咗最入門既小辣。我個人覺得小辣係唔太辣，下次可以直接點中辣。魚既份量相當足夠，入面有寬粉，吸哂水煮魚啲湯底，好食！每檯都會跟碟青菜比你，去一去油膩感。好貼心啊！總括而言，環境、服務不錯，地點都唔難搵既。食物既份量好足夠，口味係啱既，期待下次同多啲朋友黎，可以揀其他餸菜，因為太多選擇☺☺☺

川菜，小妹間唔中都會食一次，因為真係太鍾意食辣啦！但同樣香港有嘅川菜店真係唔多！今次呢間係食家朋友用心推介，所以未出發先興奮，已經好期待今餐！呢度係 fixed price，再按幾多人一齊進餐去點唔同數量嘅菜，不過佢預啲份量都算多，淨係女仔食有機會會食唔哂，有多個男仔就好啲！先來前菜 - 是木耳，酸味不會太酸，但足夠打開個胃，迎接川菜的來臨，哈哈另一款係蒜泥白肉你睇辣油泡的白肉，係有啲辣嘅！主菜是親愛的水煮魚，真係好愛呢味！！賣相超吸引啊！！！魚肉無骨兼厚身，放落口係啖啖肉啊！！！入面最深層仲有薯粉，好好食 yeah ✌🏻另一味是炸蝦蝦蝦，廚師一早切開背隻個殻，食落好方便，只要用口一咬就行了 嘻嘻 🤭兩個人份量每人3-4隻都好夠啦！酸辣土豆絲都讚！呢個很多 carbs 耶～ 兩個女仔是會食唔哂 😂😂😂無論係幾多人食，都會送一碟菜，很貼心！每個人吃了 $340，記得食店只收現金喔！

唔講唔覺原來身邊都好多朋友鍾意食四川野，今日同朋友講到香港正宗嘅四川菜餐廳，我就即刻諗起四姐，我係由老店食到而家已經有兩間分店嘅捧場客，但原來朋友話未試過。朋友在灣仔區工作，自從開咗分店之後，灣仔分店我也是第一次來，因為始終銅鑼灣店係超級方便的。上到去地方很寬闊，仲有大玻璃窗睇到出面街景。店員立即遞上熟悉嘅餐牌，$340一位冇加一真心覺得抵食，2人可揀2款頭菜＋3款主菜（例牌送嘅蒜蓉炒油麥菜）口水雞的雞肉很嫩，個口水雞醬特別惹味很好吃。四川涼麵上面有不少辣椒跟蔥花，拌好就可以吃。四川涼麵酸酸辣辣的，吃起來只會令人越食越想食必叫的一定係水煮魚，這𥚃的水煮魚大概是我吃過最好吃的了，用的是龍脷魚柳，魚肉軟嫩沒有骨，還有滑溜溜嘅紅薯粉，很有韌勁，跟麻辣湯底配合得很好，又麻又辣的令人嘴唇馬上腫起來，但是還是會忍不住的一直吃，好爽喔。泡椒鴨血是第一叫，估唔到幾好味，鴨血鮮嫩爽滑，加上泡椒的又酸又辣，食落好開胃香辣魷魚蝦，又有魷魚又有蝦，炸過嘅椒鹽蝦可以連殼原隻吃進去，叫返杯啤酒送下真係一流四姊嘅菜上得幾快的，眨眼間全部菜已經上到一枱都係，這裡的二人餐簡直係超級豐富，朋友見到有咁多野食，眼都凸埋，哈

今晚約左辣妹食嘢，佢帶左我去一間非常神秘嘅川菜私房菜開餐。如果唔係有佢帶路，真係唔會搵到呢間餐廳！呢度係食套餐咁的，$340一位，兩位可以揀兩款涼菜，三款熱菜，另外送了一碟蒜蓉炒油麥菜。我地揀咗涼拌木耳，蒜泥白肉，泡椒嫩牛肉，辣子肥腸，糖醋里脊涼拌木耳好爽，好大塊，少少辣，幾開胃的！蒜泥白肉份量比較少，肥瘦分佈平均，唔會超多肥膏個辣油真係幾辣辣子肥腸賣相一流，有花椒、辣椒，唔算好辣！肥腸其實都唔肥，可以接受的肥腸唔會啖啖都係肥膏，味道又香口惹味，必食推介泡椒嫩牛肉用辣椒、芹菜炒，牛肉確係嫩滑，味道又係好惹味，送飯一流！糖醋里脊酸酸甜甜，可以解下辣；又炸到好脆口咁，幾好味一路好想嗌個菜解下辣，原來有碟蒜蓉油麥菜送，清清地炒得幾好味！呢間餐廳多啲人嚟食仲正，可以叫多幾款，試多啲菜式，下次要約一班人黎先得

今日又約左老公黎過TGIF 晚餐，今次食下風味菜今次選了灣仔四川菜其實一心想要辣d,不過老公話要少辣喎😵呢度係好似套餐咁，我地兩個人可選兩涼菜，三熱菜老公點了涼菜，我就點主菜涼菜要左蒜泥白肉黎到，見到咁橙色就好開心，覺得會好惹味，不過我同老公講，好味不過唔熱既白痴，當然唔熱啦，涼菜黎架嘛，白痴，哈哈下一味，青椒皮蛋，皮蛋黃真係好好味，個痴牙口感好正，食晤停口呀😵D菜都上得幾快，話口未完，熱菜又黎啦，乾扁四季豆，我出左名個斤好廢，但呢碟真心香另外，送左碟蒜蓉油麥菜比我地，🤭唔客氣啦話口未完，紅燒牛肉又到了，唔知點形容紅燒牛肉味，但佢偏偏就有呢種味🤭一碟接一碟，無機會放低筷子呀，宮保雞丁又到了，平時食無花生，幾特別，雞切得細細粒，好嫩滑環境好熱鬧，老板娘好親切，會同食客傾計飲酒咁地方都闊落仲有好多烈酒，幾適合一大班人飲下酒，傾下計，晤錯晤錯今次相排位亂晒🤦🏼‍♀️唔識攪😂😂😂

又到朋友飯局時間，同朋友都好喜歡食川菜，但是要搵一間正宗好難，呢間四姐川菜是我不二之選，因為佢是私房菜，非常正宗，而且很有家的味道，食了很多次，次次介紹朋友都讚不絕口。今日同朋友兩人又來報到，每位收費$340，不加一，菜式按人數而加。兩人會有2個涼菜，3個熱菜，食到你食唔落為止。第一個涼菜四川涼伴麵，自從上次食過後，一直對佢念念不忙，辣醬香味四溢，小辣剛剛好，涼麵爽口彈牙，口感一流，涼菜都好大份。第二涼菜口水雞非常惹味，雞肉都有10件左右，嫩滑。辣椒油好香。第一道熱菜辣子蝦大蝦有8隻，新鮮，開邊炸起，連蝦頭都可以食，重慶椒爆炒，好入味。第二道熱菜酸菜魚次次黎都食水煮魚，今次試下酸菜魚，一樣水準高，龍利魚很滑，份量多，怕辣的人可食酸菜魚，酸菜鹹香。第三道熱菜清炒萵筍出面比較小食到，每次見到都會點。很清甜，爽脆，又夠鑊氣，真係最愛佢。最後套餐附送的炒青菜。依間是很值得推薦的私房菜，喜歡食川菜的朋友不要錯過。

依排天氣咁熱，FIF想食啲酸辣野，去到灣仔/銅鑼灣上openrice一睇，即刻比四姐川菜張菜單吸引住。仲有睇番其他食評，見到啲相盤盤都好大碟又賣相好靚咁，就即刻上左樓上鋪。上到去，唔洗擔心，個門面有可能唔太似餐館，有可能係食私房菜，所以比較有家既感覺。推門入去就可以架啦!見到張餐單， 2人用餐可選2個涼菜，三個熱菜 ，心大心細揀症好耐，我同朋友都唔食到太辣，所以只係叫左一個辣既菜式 - 招牌四川涼麵 。呢碟麵好大碟，上到台已經閒到陣陣嘅辣椒香味， 食得出係正宗川菜既味道 ， 極之開胃。跟住到第2碟涼菜 - 蒜泥白肉，係比想像中更加油滑，陣陣既油香配上蒜香，上台幾分鐘後已經迫不及待咁清唒，真係回味無窮!酸菜嫩牛肉 - 係驚喜! 牛肉極之嫩滑， 酸菜亦都配合得好好，唔會死酸，湯頭十分之甜。肉末土豆絲 - 土豆絲既質感十分有趣，配上肉碎粒，好野味。黃燜雞 - 雞件食得出係新鮮雞，好滑，個汁亦都好有水準，帶出到雞同配菜既鮮味。整體感覺平靚正，如果唔加其他野，價錢 HKD340 無需加一但只收現金，大家要注意啦!

和朋友想吃辣 特意找了這間四姐川菜吃個晚飯😁 2人餐可以選兩款涼菜 和三款熱菜 非常多選擇首先來的是重慶口水雞 雞的肥瘦適中 沒有多餘的脂肪 肉質很有彈性 而雞肉經過醃製 雞味咸咸香香 而且帶有麻辣的味道另外 涼菜還點了五香鹵牛肉 牛肉帶了一點牛脂的香味 配搭五香粉 味道很有層次 熱菜方面 點了川式椒鹽蝦 2人份量都有8隻大蝦 蝦身方面 餐廳很貼心 已經剪了蝦頭的觸鬚和蝦身的殼都已煎開 蝦肉方面 肉質非常新鮮彈牙 而蝦肉吸收了椒鹽的味道 非常惹味 辣子肥腸 我最愛吃肥腸的 點好餸後非常期待這個菜 當然也沒有令我失望！肥腸炸得非常香脆 而肥腸被切為條狀 這個口感很好 由於肥腸口感煙韌 切成小條咬的時候比較方便 辣子的麻辣味一流 而且沒有多餘的油在碟底 炒得很乾身 最後一道菜 招牌重慶水煮魚 魚肉非常嫩滑👍🏻 而且魚肉份量非常多 配有蔥花和芝麻 而湯內亦有乾辣椒 吃魚的時候配合這些配料 真的辣得非常刺激 而除了魚 還有薯粉 薯粉吸收了麻辣湯 非常滋味

說到要吃香喝辣非屬川菜了，而在灣仔就有一家人聲鼎沸知名川菜館，也就是今日與弟弟聚餐場所---四姐川菜。餐館座位多，幸好我們早早預訂了位置。侍應帶完位坐定後我們迫不及待盯著餐牌看，但一時沒有頭緒，只好環顧其他饕客所點的菜色做為參考，加上侍應的推薦，總算完成最困難的任務。首先挑的菜式是招牌四川涼麵，看似簡單的涼麵伴佐著辣油青蔥，卻香氣直逼。麵條Q彈有嚼勁，微辣微麻的滋味真是美味。番茄炒肉片亦是一道喜愛的料理，帶酸甜的滋味將肉片口感提升。再來是青椒皮蛋這也是一道不錯的下酒菜，青椒的甜帶出皮蛋的辛香，而萬萬想不到青椒與Q軟綿口的皮蛋是如此搭。接著是店家推薦的酸菜魚，上桌時有點驚訝，大碗份量十足，湯頭濃厚酸氣夠又順口，魚肉更是鮮甜軟嫩，讓我喝上好幾碗。最後是川式回鍋肉，肉炒的夠鮮嫩，吃上一口香辣的滋味爆滿口中。大魚大肉後還是要吃點青菜平衡一下，雖然是店家贈送但卻不馬虎，炒的脆口，調味也恰到好處。一餐下來跟弟弟都十足飽腹，讚不絕口啊!飽感十足餘味由存。心想下次必定再來嘗試，其他口味的菜式。

我同友人一直心思思想試私下私房菜，終於係星期六book左四姐川菜試灣仔分店好彩亦唔算難搵2-3人餐就340一位，包兩個冷盤，三個熱食，對於兩個女仔黎講會多左少少，不過選項好吸引～最後叫左口水雞，蒜泥白肉，水煮魚，辣子雞同四季豆口水雞比想像中無咁辣，食落亦唔會太韌太老，佢既口水雞無好似坊間既口水雞隔離有花生蒜泥白肉比口水雞辣，五花肉半肥半瘦，有少少入口即溶既感覺之後叫左支青島，食辣野飲啤酒，正！我地原以為四季豆會好辣，菜好吸辣（感覺上），但食落反而解辣，唔似平時果啲咁硬，同埋真係入味，推薦！之後就到萬眾期待既水煮魚啦！！要讚既係份量好足，成兜都係。其次係啲魚好滑，又唔會辣到食唔到，湯底又麻又辣。配菜有紅薯粉芽菜，食到咁上下都開始飽辣子雞係成檯最辣，中意食炸物既人應該會好愛，但就咁食會有啲dry，呢道菜偏咸最後老闆仲炒左碟青菜比我地解辣QAQ是次用餐好愉快，好耐都無試過遇到咁nice既staff～～

同朋友係藝術中心睇完戲，七點零就完咗場，就係openrice搵嘢食，講起想食川菜，我地就搵到呢間四川私房菜。餐廳地點都唔容易搵，我地沿住告士打道向銅鑼灣方向行咗陣終於搵到!上到去都半間餐廳已經有人，睇嚟都幾受歡迎，坐多陣之後更右係爆場添。佢係用跟人頭收費，每位$340無加一，可以揀兩個冷盤三個熱食。因為我比較怕辣，所以都叫定要小辣。涼菜 - 蒜泥白肉，味道比想像中辣咗小小，白肉既肥肉分佈啱啱好，好有油香味涼菜 - 重慶口水雞，雖然落似好辣，但食落去無想像中咁辣，幾鍾音呢個辣度，而雞方面俾我地既都大部份係脾嚟，所以可以肉量好足夠，而雞都滑身，又一啲都唔肥，好鍾意呢道菜。熱食- 重慶水煮魚，水煮魚咁經典既菜式又點可以唔叫? 兩個人既份量嚟講好大鍋，入面既魚肉都好多，魚非常之滑身，食落去好爽口，而入面除咗有芽菜，仲有薯粉，朋友見到有薯粉都好開心。熱食 - 干煸四季豆，有咁多肉類，梗係要食返啲菜平衡下，本身就好鍾意食四季豆，所以見到有都好開心，炒得好好，食落去好香辣，又唔會太林身。熱食 - 重慶辣子雞，呢個係朋友揀既，因為佢唔食牛，所以就想揀多樣雞食，呢個辣子雞真係幾辣下，不過好在細細粒，慢慢

四姐在灣仔的一幢商業大廈內，沒有任何的招牌或指示，全靠Google和OpenRice的指引。由灣仔/銅鑼灣地鐵站出發，約需步行10分鐘。上到1樓，似乎招牌被紅紙覆蓋，但下方有四姐的卡片，確認我們沒有去錯地方。每位一口價$340，沒有加一收費。2人可選兩道涼菜+三道熱菜。蒜泥白肉下單後很快就來了第一道涼菜，紅油的色澤令人很開胃。豬腩片切得夠薄，肉質爽嫩。雖不見有很多蒜泥，但入口卻充滿蒜香。重慶口水雞又一道微辣開胃的前菜。啖啖肉之餘，連雞胸位置都唔會鞋。糖醋脊里脊里肉最少有廿幾舊，份量一啲都唔講得笑。醬汁偏酸，老婆就好鐘意，我就覺得酸咗少少。而肉質就偏結實。辣子田雞令人停唔到手的一碟！田雞炸至香脆，肉內保留之少量肉汁，而且超級入味！無論辣度定麻度都勁量十足，愈食愈麻，辣到出汁，正！青島啤酒 $35爽辣過後，要啲啤酒舒緩一下。鍋粑魷魚鍋巴香脆，湯底內裡有萵筍、蕃茄、木耳、葱白、餐肉和魷魚等材料，味道不錯，只是賣相有點平庸。